Магілёўская жаночая каманда заваявала «золата» на адкрытым чэмпіянаце Беларусі па сучасным пяцібор’і
Жаночая зборная Магілёўскай вобласці заваявала залатую ўзнагароду на адкрытым чэмпіянаце Беларусі па сучасным пяцібор’і, які прайшоў у Мінску. За каманду выступілі выхаванцы Магілёўскага цэнтра алімпійскага рэзерву па конным спорце і сучасным пяцібор’і Анастасія Малашанака, Таццяна Рагачова, Ірына Мікалаева. Магілёўскія пяціборкі на 12 ачкоў апярэдзілі зборную Мінскай вобласці, якая заняла другое месца. mogilevnews.by
Прадстаўнікі Магілёўскай вобласці заваявалі ўзнагароды на рэспубліканскім турніры па лёгкай атлетыцы
У Мінску адбыўся адкрыты рэспубліканскі турнір па лёгкай атлетыцы на прызы Міхаіла Жалабоўскага, шматразовага чэмпіёна і рэкардсмена СССР на дыстанцыях 1500 м і 5000 м. У спаборніцтвах прынялі ўдзел вядучыя спартсмены з усіх абласцей Беларусі, а таксама Ірана.
Алімпійская надзея Магілёўшчыны: бягуня Ніна Савіна (відэа)
Дванаццаць спартсменаў Магілёўскай вобласці ўжо заваявалі ліцэнзіі на ўдзел у Алімпійскіх гульнях, якія адкрыюцца ў Японіі 23 ліпеня. Сярод іх бабруйская бягуня Ніна Савіна. ТРК «Магілёў»
Каманда Магілёўскай вобласці стала трэцяй на адкрытым Кубку і першынстве Беларусі па лёгкаатлетычных мнагабор’ях
У Брэсце адбыліся адкрыты Кубак і першынство краіны па лёгкаатлетычных мнагабор’ях. У турніры прынялі ўдзел спартсмены з усіх рэгіёнаў краіны. Прадстаўнікі Магілёўскай вобласці заваявалі 1 залаты, 1 бронзавы медалі і занялі трэцяе месца ў агульнакамандным заліку. Абедзве ўзнагароды на рахунку юніёрак у жаночым сямібор’і. Пераможцай першынства краіны стала Аляксандра Сяліцкая, бронзавым прызёрам – Дзіяна Пруднікава. Першае месца ў агульнакамандным заліку ў шматборцаў Гомельскай вобласці, на другім – лёгкаатлеты Гродзеншчыны.
Прадстаўнікі Магілёўскай вобласці выйгралі золата і серабро на Вялікай Маскоўскай рэгаце
У сталіцы Расіі правялі юбілейную 60-ю «Вялікую Маскоўскую рэгату» па акадэмічным веславанні. Удзел у міжнародным турніры прынялі весляры з 7 краін. На рахунку беларускай каманды 4 залатыя, 1 сярэбраная і 2 бронзавыя ўзнагароды. Сярод пераможцаў і прызёраў спаборніцтваў прадстаўнікі Магілёўскай вобласці. У складзе экіпажа мужчынскай чацвёркі парнай залатыя медалі на дыстанцыях 2000 м і 500 м выйгралі Яўген Залаты і Арцём Лапуцін. А ў складзе экіпажа жаночай чацвёркі парнай залатую ўзнагароду на дыстанцыі 500 м і сярэбраную ў гонцы на 2000 м заваявала Дар’я Новікава.
Прадстаўнікі Магілёўскай вобласці заваявалі 9 залатых узнагарод на Кубку Беларусі па лёгкай атлетыцы
У Брэсце правялі адкрыты Кубак Беларусі па лёгкай атлетыцы. За ўзнагароды змагаліся наймацнейшыя спартсмены з усіх рэгіёнаў краіны, а таксама з Бахрэйна і Ізраіля.
Наймацнейшыя велагоншчыкі Беларусі з’едуцца на мемарыял Арлоўскага ў Кіраўскім раёне
Наймацнейшыя велагоншчыкі Беларусі з’едуцца на 52-і традыцыйны мемарыял Героя Савецкага Саюза, Героя Сацыялістычнай Працы К. П. Арлоўскага па веласіпедным спорце на шашы. Спаборніцтвы пройдуць 4–6 чэрвеня ў аграгарадку Мышкавічы Кіраўскага раёна. Штогадовыя спаборніцтвы збяруць спартсменаў з усіх абласцей і горада Мінска.
У рэспубліканскай спартакіядзе работнікаў аховы здароўя перамагла Магілёўская вобласць
Учора, 30 мая, у Пінску падвялі вынікі 13-й Рэспубліканскай спартакіяды работнікаў аховы здароўя. Першае месца заняла Магілёўская вобласць. Другое – у Віцебскай, трэцяе – у Гомельскай абласцей. Пераможцы ўзнагароджаны грашовымі прэміямі.
Каманда Магілёўскай СДЮШАР БФСТ «Дынама» атрымала перамогу ў рэспубліканскай спартакіядзе па цяжкай атлетыцы
У Магілёве прайшло адкрытае першынство БФСТ «Дынама» па цяжкай атлетыцы на прызы старшыні Дзяржаўнага мытнага камітэта Рэспублікі Беларусь. У спаборніцтвах прынялі ўдзел каманды з Магілёўскай, Гомельскай, Гродзенскай і Віцебскай абласцей(а гэта больш за 100 юнакоў і дзяўчат 2003 года нараджэння і маладзейшыя). Маладыя спартсмены спаборнічалі па двух практыкаваннях у праграме дваябор’я (рывок і штуршок класічны дзвюма рукамі). Асабістыя месцы вызначыліся ў кожнай вагавой катэгорыі.
Жаночая зборная Магілёўскай вобласці заняла першае каманднае месца на чэмпіянаце Беларусі па цяжкай атлетыцы
У Гродне прайшоў чэмпіянат Беларусі па цяжкай атлетыцы сярод мужчын і жанчын. У турніры прыняло ўдзел больш за 200 спартсменаў з усіх рэгіёнаў краіны. У жаночым турніры прадстаўнікі Магілёўскай вобласці заваявалі 3 залатыя, 3 сярэбраныя, 1 бронзавую ўзнагароды і занялі першае месца ў камандным заліку. Чэмпіёнкамі Беларусі сталі Аліна Шчапанава (64 кг), Дар’я Хейдэр (71 кг), Дар’я Навумава (76 кг). У мужчынскай частцы спаборніцтваў у актыве цяжкаатлетаў Магілёўшчыны 2 сярэбраныя і 1 бронзавая ўзнагароды.
У Чавусах аматары здаровага ладу спаборнічалі на лыжаролерах
У Чавусах аматары здаровага ладу спаборнічалі на лыжаролерах. Удзельнікам ад 18 да 70 гадоў! 16 прадстаўнікоў розных катэгорый спаборнічалі на дзвюх дыстанцыях –5 і 3 кіламетры. Падобныя спаборніцтвы сярод аматараў праводзіліся ўпершыню з мэтай стварыць людзям свята, разнастаіць іх вольны час, далучыць да здаровага ладу жыцця. І заняць лыжаролерную трасу ў летні перыяд. – Такія спаборніцтвы стануць традыцыйнымі. Прычым не толькі ў летні перыяд, але і зімой, – удакладняе адзін з арганізатараў спрынту, дырэктар спецыялізаванай СДЮШАР Чавускага раёна Аляксандр Дарафееў.
У Магілёве праходзіць турнір па міні-футболе памяці М. І. Падшываленкі
У Магілёве стартаваў турнір па міні-футболе, прысвечаны памяці ветэрана Вялікай Айчыннай вайны, органаў унутраных спраў і спорту Мікалая Іванавіча Падшываленкі. Ён пайшоў з жыцця амаль 6 гадоў таму, але бравага афіцэра, заслужанага трэнера БССР, ганаровага дынамаўца на Магілёўшчыне памятаюць і паважаюць.
Каманда Магілёўскай вобласці пятым разам стала пераможцай каманднага заліку фіналу Усебеларускага кросу на прызы газеты «СБ. Беларусь сегодня»
Фінал Усебеларускага лёгкаатлетычнага кросу на прызы газеты «СБ. Беларусь сегодня» завяршыўся ў Магілёве. Пасля фінішу асабістых забегаў ва ўсіх узроставых катэгорыях вызначыўся і пераможца каманднага заліку –ім пяты раз запар стала каманда Магілёўскай вобласці. Спаборніцтвы на маляўнічай трасе каля ракі Дубравенка стартавалі забегамі на самай доўгай –пяцікіламетровай–дыстанцыі. Нагадаем, у іх перамогу атрымалі ВольгаНемагай і Вячаслаў Скудны. Прабегі спартсменаў малодшых узростаў аказаліся не менш цікавымі.
Кубак Беларусі па лёгкаатлетычным кросе прыме 7 мая Магілёў
Кубак Беларусі і рэспубліканскія спаборніцтвы па лёгкаатлетычным кросе на прызы газеты «СБ. Беларусь сегодня», а таксама рэспубліканскія спаборніцтвы па эстафетным бегу памяці заслужанага трэнера Беларусі Аляксандра Кіцэнкі адбудуцца ў Магілёве 7 мая.У праграму кросавых спаборніцтваў увойдуць наступныя дыстанцыі: 1 км–юнакі і дзяўчаты 2006–2007 гг. н., 2 км–юнакі і дзяўчаты 2004–2005 гг. н., 3 км–юніёры і юніёркі 2002–2003 гг. н, 5 км–мужчыны і жанчыны 2001 г.н. і старэйшыя.
«Барысфен» абыграў баскетбалістаў «Гродна-93» ў першым паўфінале чэмпіянату Беларусі
На баскетбольным чэмпіянаце Беларусі сярод мужчынскіх каманд стартавала паўфінальная стадыя. Баскетбалісты Магілёўскага «Барысфена» на пляцоўцы спарткомплексу «Алімпіец» перайгралі гасцей з «Гродна-93» з перавагай у дзесяць ачкоў – 87:77 (24:7, 25:18, 19:31, 19:21). Самым выніковым у складзе пераможцаў стаў Дзюпры Макбраер, які набраў 19 ачкоў, столькі ж балаў у актыве абаронцы гродзенскай каманды Максіма Мірашнічэнкі. Заўтра сапернікі зноў сустрэнуцца ў Магілёве, а 6 мая згуляюць у Гродне.
Ірына Курачкіна паспрачаецца сёння за золата чэмпіянату Еўропы
Ірына Курачкіна забяспечыла сабе медаль чэмпіянату Еўропы па барацьбе. Сёння на кантынентальным форуме ў Варшаве наша атлетка паспрачаецца за золата з прадстаўніцай Польшчы Ангелінай Лысак у вагавой катэгорыі да 57 кілаграмаў. Менавіта Ірына ў гэтай вазе раней прынесла нашай зборнай неіменную алімпійскую ліцэнзію ў Токіа. Курачкіна, дарэчы, ужо станавілася чэмпіёнкай Еўропы тры гады таму. Відэа ў крыніцы
Прадстаўнікі Магілёўскай вобласці занялі другое агульнакаманднае месца на Кубку Беларусі па спартыўнай хадзе
У Брэсце правялі Кубак Беларусі і рэспубліканскія спаборніцтвы «Нашы надзеі» па спартыўнай хадзе. У спаборніцтвах удзельнічалі наймацнейшыя спартсмены краіны ў розных узроставых катэгорыях.
Магілёўскі спартсмен заваяваў «бронзу» на этапе Кубка свету па сучасным пяціборъі
У Сафіі (Балгарыя) завяршыўся трэці этап Кубка свету па сучасным пяціборъі. Спартсмены змагаліся ў плаванні, фехтаванні, верхавой яздзе і лазер-ране (бег + стральба). У мужчынскім турніры адзіным з беларусаў з тых, хто трапіўу лік 36 фіналістаў, стаў магілёвец Ілья Палазкоў. Перад заключным відам спаборніцтваў–лазер-ранам – ён быў лідарам, але ў выніку заваяваў бронзавую ўзнагароду. На рахунку беларускай зборнай таксама «серабро» ў змешанай эстафеце. mogilevnews.by
Намеснік старшыні аблвыканкама Валерый Малашка ўручыў Дзінары Алімбекавай дыплом аб прысваенні звання «Чалавек года Магілёўшчыны»
Сёння ў Магілёўскім аблвыканкаме адбылася сустрэча намесніка старшыні Магілёўскага аблвыканкама Валерыя Малашкі і алімпійскай чэмпіёнкі Дзінары Алімбекавай.
Кіраўская каманда заваявала бронзавыя ўзнагароды Міжнароднага Кубка Расійскай Нацыянальнай лігі пляжнага футбола
Кіраўская каманда па пляжным футболе «ЦОР-Мasita», якая прадстаўляе Магілёўскую вобласць, прыняла ўдзел у першых у 2021 годзе афіцыйных спаборніцтвах – I-м Міжнародным Кубку Расійскай Нацыянальнай лігі пляжнага футбола (НЛПФ), які праходзіў у падмаскоўных Хімках. У прэстыжных спаборніцтвах высокага ў пляжным футболе рангу нашы землякі заваявалі бронзавыя ўзнагароды.
Ванэса Каладзінская заваявала алімпійскую ліцэнзію на міжнародным турніры па жаночай барацьбе
У венгерскай сталіцы Будапешце прайшоў адборачны еўрапейскі кваліфікацыйны турнір да Алімпійскіх гульняў па ўсіх відах барацьбы. Фіналісты атрымалі пуцёўку для сваёй краіны на алімпіяду. У турніры па жаночай барацьбе ўладальніцай сярэбранага медаля і алімпійскай ліцэнзіі стала прадстаўніца Магілёўскай вобласці Ванэса Каладзінская (53 кг). На шляху да фіналу яна выйграла ў азербайджанскай і малдаўскай спартсменак, і ў фінальным паядынку саступіла шведцы Сафіі Матсан. Усяго беларускія спартсмены заваявалі ў Будапешце 5 алімпійскіх ліцэнзій па вольнай і жаночай барацьбе.
Бабруйчанка Вера Хвашчынская заваявала золата на чэмпіянаце Беларусі па шашках-646.03.
У Мінску прайшлі чэмпіянаты Беларусі па шашках-64 сярод мужчын і жанчын. Спаборніцтвы праводзіліся па швейцарскай сістэме ў 9 тураў. Чэмпіёнкай краіны па выніках жаночага турніру стала бабруйчанка Вера Хвашчынская, якая набрала 13 ачкоў. У 9 турах яна атрымала 4 перамогі і 5 партый згуляла ўнічыю. Другое і трэцяе месцы занялі мінчанкі Паліна Петрусёва (13 ачкоў) і Дар’я Федаровіч (12). mogilevnews.by
Каманда Магілёўскай вобласці стала найлепшай па хуткаснай радыётэлеграфіі
Каманда Магілёўскай абласной арганізацыйнай структуры ДТСААФ заняла 1 месца ў агульнакамандным заліку на спаборніцтвах па хуткаснай радыётэлеграфіі «Кубак Рэспублікі Беларусь сярод юніёраў», які праходзіў 11–14 сакавіка ў Магілёве. Другую прыступку п’едэстала заняла каманда Гомельскай вобласці. Замкнулі тройку прызёраў прадстаўнікі Брэсцкай вобласці.
Каманда Магілёўскай вобласці заняла трэцяе месца ў фінале праекта «300 талентаў для каралевы»
Каманда Магілёўскай вобласці заняла трэцяе месца ў фінале праекта «300 талентаў для каралевы», які завяршыўся сёння ў лёгкаатлетычным манежы БДУФК. Хлопцы і дзяўчаты набралі ў суме 3396 ачкоў. Нашым школьнікам не было роўных у эстафеце 8х50 м. Яўгенія Мазурына, Марк Крук, Алівія Цверкун, Кірыл Капцёраў, Маргарыта Азімава, Іван Максімаў, Ганна Іванова і Макар Цямрук паказалі выніковы час 1 хв 04,30 сек.
Каманда Магілёўскага абласнога ўпраўлення аховы – пераможца чэмпіянату Дэпартамента аховы па рукапашным баі
У Мінску адбыўся чэмпіянат Дэпартамента аховы па рукапашным баі. Спаборніцтва сабрала ў зале адзінаборстваў ахоўнікаў з усёй рэспублікі. Удзел тоесна раўняўся перамозе, а вось задача № 1 для выступоўцаў аказалася значна больш адказнай. Годна адстаяць гонар свайго кіравання, прама скажам, справа няпростая. Ваяўнічыя мужчыны вылучаліся адзінствам і хварэлі адзін за аднаго, перажывалі, раіліся, дзяліліся тактыкай і самымі эфектыўнымі прыёмамі, радаваліся за таварышаў, нават калі самі саступалі ў баі.
Горацкая каманда «Міраж» пазмагаецца за перамогу ў фінале рэспубліканскіх спаборніцтваў сярод дзяцей і падлеткаў па хакеі «Залатая шайба»
У Мінску з 3 па 6 сакавіка пройдзе фінал рэспубліканскіх спаборніцтваў сярод дзяцей і падлеткаў па хакеі "Залатая шайба" на прызы Прэзідэнта Рэспублікі Беларусь у старэйшай узроставай групе (2006-2007 года нараджэння) дывізіёна "А". Матчы прыме малая арэна сталічнага спартыўнага комплексу "Чыжоўка-Арэна". У Мінску пройдуць тры з чатырох фіналы турніру, паведамілі ў прэс-службе Прэзідэнцкага спартыўнага клуба.
Школьнікі Магілёўскай вобласці заваявалі «золата»на рэспубліканскіх спаборніцтвах па зімовым шматбор’і «Здароўе»
У Віцебску прайшлі рэспубліканскія спаборніцтвы па зімовым шматбор’і «Здароўе» сярод школьнікаў, якія навучаюцца ў сельскай мясцовасці. У зборную каманду Магілёўскай вобласці ўваходзіла 14 юнакоў і дзяўчат 5–11 класаў з Кіраўскага, Бабруйскага, Клімавіцкага, Мсціслаўскага, Бялыніцкага, Хоцімскага, Чэрыкаўскага раёнаў. У праграму спаборніцтваў уваходзілі стральба з пнеўматычнай вінтоўкі, сілавая гімнастыка, лыжныя гонкі.
Турнір па спартыўнай акрабатыцы «Кіндар-сюрпрыз» збярэ ў Магілёве спартсменаў з Беларусі і Расіі
Адкрыты традыцыйны рэспубліканскі турнір па спартыўнай акрабатыцы «Кіндар-сюрпрыз» пройдзе 1–5 сакавіка ў Палацы гімнастыкі Магілёва. Пра гэта паведамілі ў гарадской СДЮШАР «Багіма» імя А. Р. Мішчанкі.
Каманда Магілёўскай вобласці перамагла ў рэспубліканскай спартакіядзе «Абаронца Айчыны»
Каманда Магілёўскай вобласці стала пераможцай рэспубліканскіх спаборніцтваў зімовага мнагабор’я «Абаронца Айчыны» сярод юнакоў дапрызыўнага і прызыўнога ўзросту ў межах дзяржаўнага фізкультурна-аздараўленчага комплексу Рэспублікі Беларусь. Спаборніцтва праходзіла ў горадзе на Дняпры. Удзельнікамі спаборніцтваў з’яўляліся юнакі, якія навучаюцца ва ўстановах агульнай сярэдняй, прафесійна-тэхнічнай і сярэдняй спецыяльнай адукацыі.
Дзінара Алімбекава заняла 9-е месца ў заліку індывідуальных гонак Кубка свету па біятлоне
Беларуская біятланістка Дзінара Алімбекава заняла дзявятае месца ў заліку індывідуальных гонак Кубка свету па біятлоне.