ПереводчикАрхіў навін
Гарантаваць харчовую бяспеку - галоўная задача для аграрыяў. На гэта не раз зважаў Прэзідэнт Беларусі. Кантроль за ўсімі працэсамі. Нават за надвор'ем - наколькі гэта магчыма! Нябесная канцылярыя сёлета правярае на трываласць. У Магілёўскай вобласці ідуць дажджы, стрымліваючы тэмпы ўборачнай. І гэта якраз той самы выпадак, калі аграрыі літаральна ловяць кожную пагодлівую гадзіну.
Праз тыдзень маладыя спецыялісты адправяцца на першыя працоўныя месцы, а хлопцы, размеркаванне якіх падышло да канца, атрымаюць права развітацца з наймальнікам. Зрэшты, сярод іх нямала тых, хто падпісаў ужо новы кантракт, каб працаваць далей. Сярод іх - інжынер-тэхнолаг «Бабруйскаграмаша» Мікіта Капорскі. Падчас вучобы ў Беларуска-Расійскім універсітэце ён праходзіў на прадпрыемстве ўсе практыкі і паспеў прыгледзецца.
Больш за 2,5 тыс. га лясных насаджэнняў пашкодзіла стыхія ў Магілёўскай вобласці, паведамілі ў прэс-службе Мінлясгаса.
Ход распрацоўкі бураломаў і буралому ў Магілёўскай вобласці абмеркавалі ў Міністэрстве лясной гаспадаркі з удзелам міністра Аляксандра Куліка. Першае даручэнне кіраўнік Мінлясгаса ўжо даў: забяспечыць вываз драўніны раўналежна з распрацоўкай. Гэта датычыцца не толькі лясгасаў, але і іншых нарыхтоўшчыкаў.
Сустрэча кіраўніцтва Магілёўскага раёна з маладымі спецыялістамі прайшла ў Музеі Славы Магілёўшчыны. Абмяркоўваліся пытанні працаўладкавання на першых працоўных месцах, адаптацыя маладых спецыялістаў і іх інтэграцыя ў працоўныя калектывы.
Пры будаўніцтве аб'ектаў трэба перагледзець даўно састарэлыя нарматывы - такім меркаваннем падзяліўся Аляксандр Гарошкін. Член Савета Рэспублікі, старшыня Магілёўскага аблсавета дэпутатаў з'яўляецца куратарам падрыхтоўкі горада Крычава да абласнога фестывалю-кірмашу «Дажынкі».
У Магілёве стартаваў форум-практыкум «Шлях у Індыю: магчымасць беларускага экспарцёра». Аб гэтым паведамілі ў прэс-службе Беларускай гандлёва-прамысловай палаты.
Мехатрады ў дапамогу
Прэзідэнт Аляксандр Лукашэнка ў час селектарнай нарады па пытаннях уборачнай кампаніі, 18 ліпеня 2025 года:
- Нельга дапусціць, каб уборачная кампанія праходзіла ў нядбайным рэжыме. Гэта пагражае непазбежнымі стратамі ўраджаю.
На «Вялікай бард-рыбалцы» моладзь Магілёўшчыны 25-26 ліпеня прадставіць сваю інтэрактыўную пляцоўку са спаборніцкімі і інтэлектуальнымі гульнямі, а гасцей чакае мора музыкі, творчасці і смачнай мясцовай ежы. Пра гэта паведамілі ў абкаме БРСМ.
Гэты штогадовы лётны мультыкультурны фестываль ужо стаў візітнай карткай рэгіёну, аб'ядноўваючы аматараў аўтарскай песні, шансона, рока, кантры ў адным вялікім свяце пад адкрытым небам.
Гарачыя кідкі і неверагодныя сэйвы з першых хвілін - Магілёўскія «Львы» разаграваюць лёд. Каманда працягвае навучальна-трэніровачныя зборы перад пачаткам новага сезона betera-экстралігі. «Магілёў» папоўнілі зорныя хакеісты. Сярод іх ігракі з вопытам выступленняў на чэмпіянаце Беларусі, МХЛ, КХЛ і замежных лігах.
Магілёў - горад унікальны. Адна з яго адметных асаблівасцяў - незвычайныя прыпынкі, якія здзіўляюць гасцей і радуюць жыхароў. Так-так! Вы не недачулі. Нават месцы, дзе гараджане чакаюць транспарт, ператвараюцца ў маленькія славутасці. Мы адпраўляемся ў падарожжа па абноўленым Магілёве. Маршрут пабудаваны.
31 ліпеня з 10:00 член Пастаяннай камісіі Савета Рэспублікі па заканадаўстве і дзяржаўным будаўніцтве, дырэктар інфармацыйнага агенцтва «Магілёўскія ведамасці» Ірына Іванаўна Петрусевіч правядзе асабісты прыём грамадзян, у тым ліку індывідуальных прадпрымальнікаў, іх прадстаўнікоў і прадстаўнікоў юрыдычных асоб па адрасе: г. Магілёў, вул. Першамайская, 89, каб. 64.
Асабісты прыём ажыццяўляецца па папярэднім запісе па тэлефонах: 8 (029) 745-95-07, 8 (029) 264-84-08.
mogilevnews.by
Аграрыі Магілёўшчыны працягваюць уборку азімага ячменю. У сельгасарганізацыях вобласці, на раніцу 22 ліпеня, намалочана 96 тысяч тон збожжа. Збор азімых поўнасцю завяршылі Кіраўскі і Краснапольскі раёны. На фінішнай прамой Чэрыкаўскі раён - там прыбралі 96% плошчаў, за ім Клічаў і Слаўгарад. Усяго на Магілёўшчыне застаецца ўбраць менш за 20% ад пасеваў азімага ячменю.
Трэці працоўны семестр у самым разгары. А гэта значыць што ў школьнікаў і студэнтаў ёсць магчымасць зарабіць свае першыя грошы, папрацаваўшы на карысць Радзімы.
Больш за 150 прадстаўнікоў беларускай бізнес-супольнасці збяруцца ў Магілёве 24 ліпеня. У Палацы культуры вобласці пройдзе форум «Шлях у індыю: магчымасць беларускага экспарцёра». Арганізатарам выступіць Беларуская гандлёва-прамысловая палата.
Пастановай Савета Міністраў ад 22 ліпеня 2025 года нумар 397 зацверджаны перанос рабочых дзён у 2026 годзе. У адпаведнасці з дакументам працоўны дзень 20 красавіка (панядзелак) пераносіцца на суботу, 25 красавіка. Днямі адпачынку будуць 18 (субота), 19 (нядзеля), 20 (панядзелак) і 21 (аўторак) красавіка - 4 дні. Пры гэтым арганізацыям з улікам спецыфікі вытворчасці (работы) даецца права ажыццявіць перанос рабочага дня (20 красавіка) на іншы выхадны дзень, які прыпадае на суботу.
У прэс-службе Мінпрацы адзначылі:
Абпал-шоу «Вогненная скульптура» пройдзе 25 ліпеня ў Бабруйскім раёне. Пра гэта расказаў мастак-кераміст і мастацкі кіраўнік міжнароднага пленэру па кераміцы «Арт-Жыжаль» Валерый Калтыгін.
Вогненнае відовішча стане адным з этапаў пленэру, які 19-ы раз стартаваў на беразе Бярэзіны. У гледачоў будзе магчымасць паназіраць за творчасцю мастакоў-керамістаў і ўжывую ўбачыць абпал іх сумеснай працы.
Месцам правядзення стане база адпачынку «Вербкі» гасцінічнага комплексу ААТ «ФанДАК» у Бабруйскім раёне. Убачыць унікальны працэс абпалу зможа кожны ахвочы.
З 19 ліпеня па 12 кастрычніка ў філіяле Нацыянальнага мастацкага музея Рэспублікі Беларусь «Музей В.К. Бялыніцкага-Бірулі» пройдзе юбілейная выстава Сяргея Масіхі, прымеркаваная да 70-годдзя мастака.
Нарадзіўся Сяргей Мікалаевіч Масіха 20 лютага 1955 года ў горадзе Крычаў Магілёўскай вобласці. Вучыўся ў мастацкай студыі пад кіраўніцтвам А.Р.Герашчанкі, у 1997-2002 – у Беларускім дзяржаўным педагагічным універсітэце імя М.Танка. З 1977 па 2018 год быў выкладчыкам выяўленчага мастацтва ў Дзіцячай мастацкай школе г. Крычава.
У Магілёўскай вобласці паводле даных на 21 ліпеня ўбрана 70,1% плошчаў азімага ячменю. Усяго ў Беларусі ўбрана 187,5 тыс. га азімага ячменю - 76,7% уборачнай плошчы. Пра гэта паведамілі ў Міністэрстве сельскай гаспадаркі і харчавання.
У Брэсцкай вобласці ўбрана 94,8% плошчаў азімага ячменю, Гомельскай - 95,3%, Гродзенскай - 87,9%, Мінскай - 65,4%, Віцебскай - 50,5%. Намалочана 727,8 тыс. т гэтай культуры. Па ўраджайнасці ў лідэрах Гродзенская (50,7 ц/га), Мінская (46,3 ц/га) і Брэсцкая (45,5 ц/га) вобласці.
У выніку праходжання навальнічнага фронту і шквалістага ветру ў ноч з 9 на 10 ліпеня ў Магілёўскай вобласці пацярпелі не толькі лініі электраперадачы, дахі і дрэвы. Пакінуў ураган свой след і на палях. Папярэдняя лічба па палегліцы збожжавых і зернебабовых культур — каля 4 тысяч гектараў, а таксама звыш 300 гектараў азімага рапсу. Сярод пацярпелых - Бялыніцкі, Шклоўскі, Быхаўскі, Краснапольскі, Чавускі раёны. Уборачную ўскладняюць яшчэ і дажджы, якія таксама могуць прывесці да палегліцы і значна запаволіць ход працы.
З восені наведваць школьныя заняткі ў адзенні дзелавога стылю стане афіцыйнай нормай, замацаванай у заканадаўстве. Новаўвядзенне ўстаноўлена ў новай рэдакцыі Кодэкса аб адукацыі, які ўступае ў сілу з 1 верасня гэтага года. У ведамаснай пастанове ад 15 красавіка 2025 года № 72 таксама ўказалі рэкамендуемы набор элементаў для хлопчыкаў і дзяўчынак. Адзенне дзелавога стылю - строгі, вытрыманы вобраз, які можа ўключаць аднолькавыя элементы школьнага адзення з размяшчэннем на адным з іх эмблемы ўстановы агульнай сярэдняй адукацыі, растлумачылі ў профільным міністэрстве.
Камітэт па працы, занятасці і сацыяльнай абароне Магілёўскага аблвыканкама паведамляе, што 28 ліпеня будзе праведзена прамая лінія па пытанні: «Аб парадку вызначэння заробку пры вылічэнні пенсіі з улікам норм Указа Прэзідэнта Рэспублікі Беларусь
ад 29 кастрычніка 2024 г. № 402 «Аб сацыяльнай падтрымцы».
На пытанні адкажа Шабайлава Наталля Леанідаўна, начальнік упраўлення пенсій і дапамог, з 12.00 да 13.00 па тэлефоне 8 (0222) 73-50-22.
Рэд.
У гарадскіх, раённых выканаўчых камітэтах Магілёўскай вобласці, адміністрацыях раёнаў гарадоў Магілёва і Бабруйска для вырашэння пытанняў на месцах па суботах з 09.00 да 12.00 працягваюць працаваць прамыя тэлефонныя лініі, адпаведныя нумары тэлефонаў размешчаны на іх інфармацыйных рэсурсах і ў СМІ.
Так, 26 ліпеня можна будзе звярнуцца па тэлефонах:
Магілёўскі гарвыканкам – 8 (0222) 42-21-02 (Сушко Рыгор Іванавіч - кіраўнік спраў гарвыканкама);
Работнікі лясгасаў Брэсцкай вобласці прыехалі ў Магілёў для дапамогі ў ліквідацыі наступстваў урагану, які адбыўся з 9 на 10 ліпеня. Пра гэта паведаміў галоўны ляснічы Брэсцкага дзяржаўнага вытворчага лесагаспадарчага аб'яднання (ДВЛГА) Аляксандр Мацюшэўскі.
На дапамогу магіляўчанам з Брэсцкай вобласці прыехалі больш за 30 работнікаў лясной гаспадаркі. Дэлегавалі 13 лясгасаў паўднёва-заходняга рэгіёну 25 вальшчыкаў. Таксама камандзіраваны кіраўнік работ, інжынеры, вадзіцель. Яны акажуць садзейнічанне «Магілёўзелянбуду» і ЖРЭУ Ленінскага раёна Магілёва.
Гэтымі днямі многія раёны Магілёўскай вобласці адзначаюць 101 год з дня ўтварэння. У Магілёўскім раёне ў аграгарадку Акунёўка да гэтай даты ўстанавілі памятны знак сваім землякам — двум героям, якія працавалі ў саўгасе «Юбілейны» і аднаўлялі яго ў пасляваенныя гады.
20 ліпеня 1994 года прынёс прысягу і заняў пасаду першы Прэзідэнт Рэспублікі Беларусь — Аляксандр Рыгоравіч Лукашэнка. Ён стаў адным з самых маладых лідараў дзяржаў постсавецкай прасторы. З першых дзён прэзідэнцтва Аляксандр Лукашэнка пачаў выконваць сваё абяцанне «адвесці народ ад прорвы». Пра тое, які шлях прайшла краіна за 31 год, - інтэрв'ю для інфармацыйна-аналітычнай праграмы «Днямі» - са старшынёй Магілёўскай абласной ветэранскай арганізацыі, дэпутатам Магілёўскага абласнога Савета дэпутатаў Анатолем Глазам.
Гендырэктар Магілёўскага мясакамбіната: для перапрацоўшчыкаў важна, каб збожжа было ўбрана без страт
Для перапрацоўшчыкаў вельмі важна ўбіраць збожжа без страт, бо гэта напрамую ўплывае на эканамічную эфектыўнасць вытворчасці. Аб гэтым пасля селектарнай нарады ў Прэзідэнта па пытаннях уборачнай кампаніі 2025 года заявіў дырэктар Магілёўскага мясакамбіната Аляксандр Мілюцін.
Аднаразовую матэрыяльную дапамогу атрымаюць каля 240 тыс. школьнікаў з больш як 115 тыс. шматдзетных сем'яў, паведамляецца са спасылкай на Міністэрства працы і сацыяльнай абароны.
Аднаразовая матэрыяльная дапамога прадастаўляецца незалежна ад даходу сям'і. Памер дапамогі складае 30 працэнтаў БПМ, які дзейнічае на 1 жніўня 2025 года, на кожнага школьніка ў сям'і.
Важны кожны пагодлівы дзень, тэхніка павінна быць увесь час у палях. Аб гэтым па выніках селектарнай нарады ў Прэзідэнта па пытаннях уборачнай кампаніі 2025 года расказаў журналістам старшыня Магілёўскага аблвыканкама Анатоль Ісачанка.
Ён сказаў:
Сёлета аграрыям Магілёўскай вобласці надвор'е дабавіла работы: стыхія ўчапіла ўраджайныя палі - месцамі на іх утварылася палегліца.
Больш за тысячу камбайнаў будуць задзейнічаны падчас уборкі ўраджаю ў Магілёўскай вобласці. Аб гэтым журналістам расказаў старшыня камітэта па сельскай гаспадарцы і харчаванні Магілёўскага аблвыканкама Анатоль Ланкуць па выніках селектарнай нарады з Прэзідэнтам па пытаннях уборачнай кампаніі 2025 года.