ПереводчикАрхіў навін
Паляпшэнне жыллёвых умоў, навядзенне парадку ў дачыненні да стыхійнага гандлю, добраўпарадкаванне дваровых тэрыторый, падтрымка фермерскіх гаспадарак – асноўныя пытанні, з якімі звярнуліся жыхары Магілёўшчыны на асабісты прыём да старшыні аблвыканкама Анатоля Ісачанкі.
Уборачная пара – насычаны перыяд у жыцці аграрыяў. Іх працоўны дзень пачынаецца з першымі прамянямі сонца і заканчваецца з першымі кроплямі вячэрняй расы. Хлебаробы Магілёўскай вобласці кажуць, што ўраджай на палях у гэтым годзе атрымаўся на славу. Зараз галоўнае – граматна і своечасова ўсё ўбраць, не дапускаючы страт. А таму працаваць даводзіцца не толькі днём, але і ноччу.
У структуры пасеваў на наступны год у гаспадарках Магілёўскага раёна плануюць амаль у 10 разоў павялічыць плошчы азімага ячменю. Пра гэта падчас вячэрняй уборкі азімай пшаніцы на палях ААТ «Цішоўка» паведаміў першы намеснік начальніка ўпраўлення па сельскай гаспадарцы і харчаванні Магілёўскага райвыканкама Генадзь Давыдаў.
Ва ўборцы ўраджаю патрэбен рацыянальны падыход, пры якім важна выкарыстоўваць кожную прыдатную хвіліну. Такім меркаваннем з журналістамі падзяліўся старшыня Магілёўскага аблвыканкама Анатоль Ісачанка падчас вячэрняй уборкі азімай пшаніцы на палях ААТ «Цішоўка» ў Магілёўскім раёне.
Прэзідэнт Беларусі Аляксандр Лукашэнка падпісаў указ № 267 аб узнагароджанні ордэнам Маці. Пра гэта паведамілі ў прэс-службе кіраўніка дзяржавы.
За нараджэнне і выхаванне пяці і больш дзяцей узнагароды ўдастоены прадстаўніцы розных сфер дзейнасці. У іх ліку работніцы прамысловых і аграпрамысловых прадпрыемстваў, будаўнічай і жыллёва-камунальнай сфер, аб’ектаў гандлю і сувязі, банкаў і падатковай інспекцыі, устаноў адукацыі, аховы здароўя, культуры і сацыяльнага абслугоўвання насельніцтва, хатнія гаспадыні.
Ратавальнікі Магілёўскай вобласці выйшлі ў дапамогу аграрыям рэгіёна ва ўборцы новага ўраджаю. Як расказалі ў Магілёўскім абласным упраўленні МНС, ратавальнікі адказваюць не толькі за пажарную бяспеку на палях і ў збожжасховішчах, але і прымаюць удзел у непасрэднай уборцы і захаванні новага ўраджаю.
«Нашы супрацоўнікі складаюць або дапаўняюць экіпажы збожжаўборачнай тэхнікі, працуюць кіроўцамі, аператарамі зернеачысткі, слесарамі па рамонце аўтамабіляў. У гэтым годзе амаль 30 ратавальнікаў рэгіёна падключылася да жніва», – адзначылі ў абласным упраўленні.
У Брэсце завяршыўся чэмпіянат Беларусі па стральбе з класічнага лука. У турніры прыняло ўдзел 70 спартсменаў з усіх абласцей краіны і Мінска.
На верхняй назіральнай пляцоўцы лесвіцы ў Магілёўскі гарадскі парк Падміколле вядзецца апошняя падрыхтоўка да ўсталявання помніка Георгію Каніскаму. Урачыстае адкрыццё адбудзецца 6 жніўня (субота) а 12 гадзін – у дзень памяці свяціцеля Георгія Каніскага. Плануецца, што на мерапрыемстве будуць прысутнічаць мітрапаліт Мінскі і Заслаўскі, Патрыяршы Экзарх усяе Беларусі Веніямін і архіепіскап Магілёўскі і Мсціслаўскі Сафроній, прадстаўнікі абласной і гарадской вертыкалі ўлады, дэпутацкага корпуса.
На раніцу панядзелка ў Магілёўскай вобласці ўбралі дзесяць працэнтаў збожжавых – тэмпы жніва стрымліваюць дажджы. Але для механізатараў гэта не падстава расслабляцца: ва ўмовах кароткага часу трэба якасна не толькі сабраць гэты ўраджай, але і падрыхтаваць аснову для наступнага.
Выдаткі на ахову працы ў арганізацыях аховы здароўя Магілёўскай вобласці ўзраслі амаль на 20%. Пра гэта карэспандэнту паведамілі ў абласной арганізацыі прафсаюза работнікаў аховы здароўя.
Найноўшае абсталяванне, сучасныя тэхналогіі, высокі ўзровень спецыялістаў – задача для міжраённых медыцынскіх цэнтраў Магілёўшчыны. Прыклад – кардыяцэнтр абласной клінічнай бальніцы.
Сёння перад аховай здароўя стаіць задача – аптымізавацца, гэта значыць стварыць рэгіянальныя і міжраённыя цэнтры для аказання вузкай спецыялізаванай меддапамогі. Кардыяцэнтр у Магілёўскай абласной бальніцы – добры прыклад таго, як працуе гэты план. У яго аснове – найноўшае абсталяванне, сучасныя тэхналогіі, высокі ўзровень спецыялістаў і якасці аказання дапамогі.
Больш за 100 хлопцаў і дзяўчат сабраў у Магілёве абласны фестываль творчасці студэнцкіх атрадаў «Маладосць у байцоўцы». На некалькі гадзін Пячэрскі лесапарк ператварыўся ў свята музыкі, творчасці і спорту.
У Кіраўску завешыўся суперфінал чэмпіянату Рэспублікі Беларусь па пляжным футболе сярод мужчынскіх каманд.
Прамую тэлефонную лінію правядзе 6 жніўня кіраўнік спраў аблвыканкама Мікалай Леанідавіч Дзядкоў. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Курыруюцца пытанні: справаводства і кантроль за выкананнем дакументаў, рэалізацыя заканадаўства аб зваротах грамадзян і юрыдычных асоб і па ажыццяўленні адміністрацыйных працэдур.
Рыцарскія турніры і свята сярэднявечнай культуры «Рыцарскі фэст. Мсціслаў – 2022» пройдуць 6 жніўня. Пра гэта паведамілі ў аддзеле ідэалагічнай работы, культуры і па справах моладзі Мсціслаўскага райвыканкама.
Традыцыйны фестываль сярэднявечнай культуры «Рыцарскі фэст. Мсціслаў» сёлета прапануе гасцям свята насычаную творчую праграму. Тэматычныя інтэрактывы, разнастайныя актыўнасці, выставы-кірмашы вырабаў ручной працы, экскурсіі, тэматычныя квэсты і сапраўдныя рыцарскія бітвы – на працягу дня ўвесь горад ператворыцца ў вялікую фестывальную пляцоўку.
Учора адбылося закрыццё спартакіяды дэпутацкага корпуса Магілёўскай вобласці, якая праходзіла ў Кіраўскім раёне 30–31 ліпеня, і ўрачыстае ўшанаванне пераможцаў спаборніцтваў.
У Магілёве з 1 верасня (да ўвядзення ў эксплуатацыю дублёра Мінскай шашы) уводзіцца аўтобусны маршрут № 46к. Пра гэта паведамілі ў гарвыканкаме.
Аўтобус будзе ажыццяўляць перавозку пасажыраў па наступнай схеме руху:
Абласная бальніца – вул. Бялыніцкага-Бірулі – вул. А. Куляшова – вул. А. Пысіна – вул. Якубоўскага – вул. Касманаўтаў – дублёр Мінскай шашы – вул. Заслонава – вул. Будаўнікоў – вул. Лазарэнка – вул. Касманаўтаў – вул. Якубоўскага – вул. А. Пысіна – вул. А. Куляшова – вул. Бялыніцкага-Бірулі – Абласная бальніца.
Рэспубліканскі маштабны аўтапрабег «Сімвал адзінства» з перадачай эстафеты ад адной вобласці да іншай пройдзе з 3 па 14 верасня ва ўсіх рэгіёнах Беларусі. Сімвалам эстафеты стане збожжа ўраджаю 2021 года.
Як расказалі арганізатары, мэтай мерапрыемства з’яўляецца аб’яднанне ў рамках Года і Дня народнага адзінства жыхароў сраны, прадстаўнікоў мясцовых органаў улады, грамадзянскай супольнасці.
Старт мерапрыемства будзе дадзены ў Брэсце 3 верасня ад мемарыяльнага комплексу «Брэсцкая крэпасць-герой».
Новую школу на 520 месцаў, пабудаваную беларускімі спецыялістамі, адкрылі сёння ў пасёлку Стрэліца Сямілуцкага раёна Варонежскай вобласці.
З 1 верасня ў Беларусі пачнуць выдаваць біяметрычныя дакументы. Пра гэта ў сваім Telegram-канале праінфармавала прэс-сакратар МУС Вольга Чамаданава.
Першы ўрок, які пройдзе 1 верасня ва ўстановах агульнай сярэдняй адукацыі, будзе на тэму «У адзінстве беларускага народа – аснова незалежнай краіны», прысвечаны Году народнага адзінства, паведамляецца ў прэс-цэнтры Міністэрства адукацыі.
Ідэйнай асновай урока з’яўляюцца маральныя каштоўнасці беларусаў, любоў да Айчыны, датычнасць да гісторыі сваёй краіны, адзінства беларускага народа на аснове ідэй суверэнітэту і незалежнасці, сувязь пакаленняў, захаванне і папулярызацыя традыцый, спадчыны і гістарычнай памяці беларускага народа.
Юбілейны 45-ы сезон у Магілёўскім лялечным тэатры адкрые тэатральныя сустрэчы «Лялькін куФЭр». Пра гэта паведамілі ва ўстанове культуры.
Мерапрыемства будзе праходзіць з 6 па 12 верасня і збярэ на сваёй сцэне тэатральныя калектывы з Брэста, Віцебска, Гомеля, Маладзечна, Мінска і Магілёва.
Як расказалі суразмоўцы, у рэпертуар фэста ўвайшлі пастаноўкі як для дзіцячай, так і для дарослай аўдыторыі.
У панядзелак, 6 верасня, будзе арганізавана «прамая лінія» па ўсіх напрамках дзейнасці камітэта па працы, занятасці і сацыяльнай абароне Магілёўскага аблвыканкама.
На пытанні, якія адносяцца да кампетэнцыі камітэта, адкажуць:
Тарасенка Святлана Пятроўна – старшыня камітэта, з 15.00 да 16.00 па тэлефоне (8 0 222) 75 23 29;
«Ты павінен мець сілу духу, упэўненасць у сабе і веру ў сваё прадпрыемства» – генеральны дырэктар ААТ «Кіруючая кампанія холдынгу «Бабруйскаграмаш» Надзея Лазарэвіч расказала пра сакрэты поспеху свайго прадпрыемства.
Плывец Ігар Бокій стаў пяціразовым пераможцам Паралімпіяды ў Токіа.
Беларускі спартсмен перамог на дыстанцыі 200 м комплексным плаваннем (клас SM13). Выніковы час бабруйчаніна – 2 хв 02,70 сек. Гэта новы сусветны рэкорд у гэтым відзе праграмы.
Раней на Паралімпіядзе ў сталіцы Японіі Ігар Бокій перамагаў, абнаўляючы сусветныя дасягненні на дыстанцыі 100 м батэрфляем і на аналагічнай дыстанцыі ў плаванні на спіне, а таксама на 50 м і 400 м вольным стылем.
Прамую тэлефонную лінію 4 верасня правядзе намеснік старшыні Магілёўскага аблвыканкама Руслан Барысавіч Страхар. Па нумары (8 0222) 50-18-69 ён адкажа на пытанні жыхароў Прыдняпроўскага краю.
Лёсы родных, загінулых у гады Вялікай Айчыннай вайны, для многіх сем’яў былога СССР дзесяцігоддзямі заставаліся таямніцай. Таямніцай было і месца пахавання дзеда расіяніна Алега Кошалева – жыхара горада Пераслаўль-Залескі Яраслаўскай вобласці, кіраўніка Яраслаўскага абласнога аддзялення Усерасійскай арганізацыі «Баявое Братэрства». Родны яму чалавек загінуў у 1944 годзе, пра гэта паведамлялася ў пахаванцы, якую паштальён даставіў яго бабулі. Але дзе пахаваны радавы пехацінец Канстанцін Іванавіч Кошалеў, было невядома. У пасляваенныя гады родныя шукалі яго магілу.
У пачатку восені павышаюцца працоўныя пенсіі па ўзросце, за выслугу гадоў, па інваліднасці, з нагоды страты карміцеля. Пераразлік будзе зроблены больш чым для 2,4 мільёна чалавек. Сярэдні памер пенсій па ўзросце для непрацоўных грамадзян у верасні складзе амаль 545 рублёў. У параўнанні са жніўнем гэта на 6,3 % больш.
Сёння ў Магілёўскім абласным выканаўчым камітэце ў межах Адзінага дня інфармавання адбылася сустрэча старшыні праўлення ЗАТ «Другі нацыянальны тэлеканал» Марата Маркава з кіраўнікамі і прадстаўнікамі структурных падраздзяленняў аблвыканкама, абласных службаў, намеснікамі кіраўнікоў па ідэалагічнай працы прадпрыемстваў Магілёва.
Марат Маркаў з першых хвілін пазначыў фармат зносін як адкрыты дыялог з адказамі на пытанні.
Фінальным акордам дабрачыннай акцыі «Цяпер я – у першым класе», якая праводзілася Магілёўскім абласным аддзяленнем РГА «Беларускі дзіцячы фонд», стала ўручэнне падарункаў першакласнікам з дзіцячых дамоў сямейнага тыпу да Дня ведаў.
Мерапрыемства адбылося ў тэатры лялек, куды былі запрошаны выхаванцы адзінаццаці сямейных дзіцячых дамоў з усяго рэгіёна, у якіх пражывае 13 першакласнікаў.