ПереводчикАрхіў навін
Савет Міністраў Беларусі зацвердзіў графік пераносу рабочых дзён у 2020 годзе. Адпаведнае рашэнне замацавана пастановай Саўміна ад 9 кастрычніка 2019 года № 688, паведамілі ў прэс-службе ўрада.
Згодна з дакументам, працоўныя дні ў 2020 годзе пераносяцца з чацвярга 2 студзеня на суботу 4 студзеня (гэта значыць на Новы год выхаднымі будуць 1 і 2 студзеня), з панядзелка 6 студзеня на суботу 11 студзеня (што дасць тры дні адпачынку запар – 5, 6 і 7 студзеня).
У Беларусі распрацоўваюцца новыя стандарты безбар’ернага асяроддзя, паведаміў дырэктар Беларускага дзяржаўнага інстытута стандартызацыі і сертыфікацыі (БелДІСС) Аляксандр Скуратаў.
«Такая праца праводзіцца з 2006 года. Ужо распрацавана каля 40 дзяржаўных стандартаў у гэтай сферы, сёлета вядзецца распрацоўка яшчэ шасці», – адзначыў Аляксандр Скуратаў.
Конкурс прафесійнага майстэрства «Магілёўскі майстар» сярод кіроўцаў смеццявозаў пройдзе ў Магілёве 11 кастрычніка. Ён збярэ работнікаў прадпрыемстваў жыллёва-камунальнай гаспадаркі з усяго рэгіёна. Спаборніцтвы адбудуцца трэцім разам і будуць прымеркаваны да Года малой радзімы, адзначылі арганізатары конкурсу – Магілёўскі абласны камітэт прафсаюза работнікаў мясцовай прамысловасці і камунальна-бытавых прадпрыемстваў.
Навучальны семінар па імунізацыі пройдзе 10 кастрычніка на базе Магілёўскага дзяржаўнага медыцынскага каледжа. Пра гэта паведамілі ва ўстанове адукацыі.
Мэта мерапрыемства, у якім прымуць удзел каля 200 выкладчыкаў і навучэнцаў усіх школ Магілёва, – павышэнне інфармаванасці аб вакцынацыі сярод моладзі.
Праграмай семінара запланаваны трэнінгі, лекцыі, навучанне валанцёраў.
Як заўважылі суразмоўцы, у Магілёве ўжо два гады выкарыстоўваецца практыка інфармавання па метадзе «роўны навучае роўнага» і запрашэнне на імунізацыю супраць грыпу асоб з «груп рызыкі».
Для школ і дзіцячых садкоў Магілёўскай вобласці закупілі больш за 100 параканвектаматаў. Практычна ўсе яны ўжо ўстаноўлены, паведаміла вядучы спецыяліст галоўнага ўпраўлення адукацыі Магілёўскага аблвыканкама Людміла Гайдэнка. Грошы на закупку абсталявання былі вылучаны з абласнога бюджэту.
Нясвоечасоваму рэагаванню на звароты магіляўчан па пытаннях падключэння ацяпляльнай сістэмы было прысвечана пазапланавае пасяджэнне Магілёўскага аблвыканкама.
На падключэнне жылога сектара ў Магілёве адводзілася дзесяць дзён – з 28 верасня. Але іх не хапіла, каб зняць усе праблемы. Напрыклад, толькі за 8 кастрычніка на нумар 115 адзінай дыспетчарскай службы паступіла 1238 зваротаў, з іх 584 тычыліся ацяплення.
Прамыя лініі 11 кастрычніка правядуць спецыялісты Магілёўскага абласнога цэнтра гігіены, эпідэміялогіі і грамадскага здароўя.
З 10.00 да 13.00 па нумары 8 (0222) 74-06-48 жыхары Прыдняпроўскага краю змогуць звярнуцца да галоўнага дзяржаўнага санітарнага ўрача Магілёўскай вобласці Святланы Уладзіміраўны Нячай па пытаннях арганізацыі якаснага і бяспечнага харчавання, адукацыйнага працэсу ва ўстановах адукацыі.
Канферэнцыя прысвечана перспектыўным тэхналогіям машынабудавання, механізацыі і аўтаматызацыі вытворчых працэсаў, металаапрацоўчаму абсталяванню і інструментальнаму забеспячэнню.
У Быхаўскім раёне ў бягучым годзе рэалізавалі два інвестыцыйныя праекты і далі старт трэцяму. Пра гэта расказаў старшыня Быхаўскага райвыканкама Дзмітрый Марціновіч.
Адзін з інвестпраектаў – стварэнне турыстычнага комплексу на беразе Чыгірынскага вадасховішча: альтанкі, шэзлонгі, камфортны адпачынак ля вады ў маляўнічым месцы, домікі ў арэнду. Тут з’явілася два дзясяткі новых працоўных месцаў.
Адзіны дзень кірмашоў вакансій для моладзі прайшоў 8 кастрычніка ў нашым рэгіёне. У праекце ўдзельнічалі Магілёў, Бабруйск, Бялыніцкі, Касцюковіцкі і Чэрыкаўскі раёны. Пра гэта паведамілі ў камітэце па працы, занятасці і сацыяльнай абароне аблвыканкама.
Тэрмін аплаты працаздольнымі грамадзянамі, не занятымі ў эканоміцы, асобных камунальных паслуг па цэнах (тарыфах), што забяспечваюць поўнае кампенсаванне эканамічна абгрунтаваных затрат на іх аказанне пераносіцца на 1 мая 2020 года. Гэта прадугледжана пастановай урада нумар 682 ад 7 кастрычніка 2019 года, паведаміў журналістам першы намеснік міністра працы і сацыяльнай абароны Беларусі Андрэй Лабовіч.
Рэгістрацыя кандыдатаў у члены Савета Рэспублікі Нацыянальнага сходу сёмага склікання пройдзе ў Беларусі 9-13 кастрычніка.
Да гэтага часу ва ўсіх абласцях і Мінску адбылося вылучэнне прэтэндэнтаў на месцы ў верхняй палаце парламента. Такім правам валодаюць прэзідыумы мясцовых Саветаў дэпутатаў базавага ўзроўню і адпаведныя выканкамы, а ў сталіцы - прэзідыум Мінгарсавета і Мінгарвыканкам.
Вызначаны пераможцы творчага конкурсу Беларускага рэспубліканскага саюза моладзі «Слова, першае ў жыцці...», прысвечанага Дню маці, паведамілі ў АК ГА «БРСМ».
Конкурс на самую лепшую эмблему, фатаграфію, малюнак, верш і эсэ стартаваў 10 верасня як частка аднайменнай арт-эстафеты і аб’яднаў усе рэгіёны Беларусі. Усяго паступіла больш за 1 тыс. работ, у тым ліку 100 – ад Магілёўскай вобласці.
Галоўная задача – даць людзям магчымасць зарабіць, гэта адзначыў падчас выязнога прыёму ў Бялынічах памочнік Прэзідэнта – інспектар па Магілёўскай вобласці Міхаіл Русы.
IV Нацыянальны форум «Музеі Беларусі» прайшоў у Брэсце 4-6 кастрычніка і аб’яднаў больш за 120 удзельнікаў – музеяў рознага профілю, галерэяў, турыстычных і дызайнерскіх фірм, вытворцаў музейнага, выставачнага і электроннага абсталявання. З 25 музеяў Магілёўскай вобласці ў мерапрыемстве прымала ўдзел 18 музейных устаноў, паведамілі ва ўпраўленні культуры аблвыканкама.
Жыхароў Магілёўскай вобласці запрашаюць прыняць удзел у акцыі «Чысты лес». Мерапрыемства пройдзе 19 кастрычніка па ўсёй краіне, паведамілі ў Магілёўскім дзяржаўным вытворчым лесагаспадарчым аб’яднанні.
Дні духоўнай культуры Расіі і Беларусі пройдуць у Магілёве 12-13 кастрычніка. Пра гэта паведамілі ў абласным метадычным цэнтры народнай творчасці і культурна-асветнай працы.
У Чэрыкаўскім раённым цэнтры сацыяльнага абслугоўвання насельніцтва адкрыўся інфармацыйны цэнтр для моладзі. Яго праца, да якой прыцягнуць валанцёраў, будзе накіравана на пашырэнне доступу сацыяльна не абароненай моладзі да рынку працы, адукацыі і прадпрымальніцтва, паведамілі ў камітэце па працы, занятасці і сацыяльнай абароне аблвыканкама.
У Магілёўскай вобласці конкурс сярод патэнцыйных кандыдатаў у дэпутаты складае 6,3 чалавека на месца
У Магілёўскай вобласці конкурс сярод патэнцыйных кандыдатаў у дэпутаты Палаты прадстаўнікоў Нацыянальнага сходу Рэспублікі Беларусь сёмага склікання складае 6,3 чалавекі на месца. Пра гэта паведаміў старшыня абласной выбарчай камісіі Валерый Берастаў.
Зрабіць адукацыю ў рэгіёнах даступнай і якаснай – мэта рэспубліканскага праекта па яго мадэрнізацыі. У межах праекта на перааснашчэнне школ у раёнах Магілёўскай вобласці Міжнародны банк развіцця вылучыў $ 50 млн.
У праграму трапілі два дзясяткі навучальных устаноў. Напрыклад, гімназія ў Глуску. Пасля рэканструкцыі яна стала сапраўдным адукацыйным цэнтрам для ўсяго раёна.
Урачы з Магілёўскай вобласці і Італіі змогуць абменьвацца вопытам і павышаць сваю кваліфікацыю. Дамоўленасці дасягнуты ў межах праекта доўгатэрміновай гуманітарнай дапамогі італьянскага дабрачыннага фонду ў Слаўгарадскім раёне.
Італьянскія валанцёры супрацоўнічаюць з нашым рэгіёнам не першы год. І гэта той выпадак, калі веды спецыялістаў дзвюх краін – на карысць і на здароўе людзей.
За 9 месяцаў 2019 года пры садзейнічанні службы занятасці больш за 16 тыс. жыхароў Магілёўскай вобласці здолела знайсці працу. Пра гэта паведаміла намеснік старшыні камітэта па працы, занятасці і сацыяльнай абароне Магілёўскага аблвыканкама Вольга Хадускіна.
Для арганізацыі прадпрымальніцкай дзейнасці субсідыі атрымала 246 беспрацоўных. Часцей за ўсё гэта былі бізнес-праекты ў сферы рознічнага гандлю, грузаперавозак і будаўнічых работ. На зноў створаныя працоўныя месцы ў першым паўгоддзі працаўладкавана 2 тыс. 284 чалавекі.
Акруговыя выбарчыя камісіі 8-17 кастрычніка правядуць рэгістрацыю кандыдатаў у дэпутаты Палаты прадстаўнікоў Нацыянальнага сходу сёмага склікання.
Перадвыбарная агітацыя на парламенцкіх выбарах у Беларусі стартуе ў сярэдзіне кастрычніка пасля рэгістрацыі кандыдатаў у дэпутаты. На наступны дзень пасля яе заканчэння акруговыя выбаркамы правядуць паміж кандыдатамі жараб'ёўку для таго, каб вызначыць дату і час іх выступлення на дзяржаўным радыё і ТБ.
У «Магілёўскім Мэбелаін марафоне» прыняло ўдзел больш за 5 тыс. чалавек. Пра гэта паведамілі ў аддзеле спорту і турызму гарвыканкама.
У Магілёўскай вобласці, як і па ўсёй рэспубліцы, напярэдадні штогод адзначаемага ў нашай краіне 14 кастрычніка Дня маці стартуе Тыдзень маці. Пра гэта паведамілі ў камітэце па працы, занятасці і сацыяльнай абароне аблвыканкама.
Мэта мерапрыемства – прыцягнуць увагу да самай галоўнай у жыцці кожнага жанчыны, акружыць яе клопатам і цяплом, аказаць заслужаныя ўшанаванні, дапамагчы вырашыць праблемы, абмеркаваць пытанні аховы мацярынства і дзяцінства, здаровага ладу жыцця, павышэння прэстыжу моцнай сям’і.
Падчас VIII пасяджэння Беларуска-Украінскага Кансультатыўнага савета і Украіны ў Жытоміры, прадпрыемствы і арганізацыі Магілёўскай вобласці заключылі кантракты на агульную суму $ 3,9 млн. Пра гэта паведамілі ў камітэце эканомікі аблвыканкама.
У Магілёўскім мікрараёне Казіміраўка восенню плануецца высадзіць больш за 1 тыс. дрэў. Праект абмяркоўваўся на пасяджэнні гарвыканкама.
Пасадка дрэў будзе праводзіцца падчас суботнікаў з удзелам жыхароў раёна. Такая дамоўленасць дасягнута падчас сустрэчы старшынёй гарвыканкама Уладзіміра Цумарава з насельніцтвам, якая адбылася ў СШ № 46.
Пасадачны матэрыял падрыхтуе для работ «Магілёўзеленбуд».
Па матэрыяле mogilevnews.by
Тактыка-спецыяльнае вучэнне з вайсковай часцю 89417 пройдзе з 7 па 11 кастрычніка ў Магілёўскай вобласці, інфармуе сайт Міністэрства абароны.
У ходзе манеўраў будуць адпрацаваны пытанні дастаўкі падраздзяленняў брыгады ў месцы выканання вучэбна-баявых задач рознымі спосабамі: паветраным (парашутным і беспарашутным), чыгуначным, дэсантаванне асабовага складу з самалёта ваенна-транспартнай авіяцыі Іл-76 і верталётаў Мі-8 у розных умовах надвор’я і ў розны час сутак.
Прамую тэлефонную лінію правядзе 12 кастрычніка намеснік старшыні Магілёўскага аблвыканкама Руслан Віктаравіч Пархамовіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Магіляўчане Ганна Іванова і Міхаіл Жыгалаў перамаглі ў еўрапейскай праграме на адкрытым чэмпіянаце Польшчы па танцах на інвалідных калясках. Спаборніцтвы праходзілі ў горадзе Ламянкі.