Спецыяльнай прэміяй Магілёўскага аблвыканкама ў сацыяльнай сферы ўзнагароджана 50 маладых прадстаўнікоў устаноў адукацыі, культуры, спорту, турызму, сацыяльнай абароны, сродкаў масавай інфармацыі. Урачыстая цырымонія ўшанавання лаўрэатаў адбылася 27 чэрвеня ў канферэнц-зале Магілёўскага аблвыканкама. З дасягнутымі поспехамі маладых людзей павіншаваў старшыня Магілёўскага аблвыканкама Леанід Заяц. Таксама на мерапрыемстве былі ўручаны пасведчанні Спецыяльнага фонду Прэзідэнта Рэспублікі Беларусь па падтрымцы таленавітай моладзі.