навiна дня

Ва ўсіх рэгіёнах Магілёўскай вобласці пачалася выплата аднаразовай матэрыяльнай дапамогі для падрыхтоўкі школьнікаў да новага 2021/2022 навучальнага года. Пра гэта паведаміла намеснік старшыні камітэта па працы, занятасці і сацыяльнай абароне аблвыканкама Вераніка Дзямідава.

Прамую тэлефонную лінію 31 ліпеня правядзе намеснік старшыні Магілёўскага аблвыканкама Валерый Анатольевіч Малашка. Па нумары (8 0222) 50-18-69 ён адкажа на пытанні жыхароў Прыдняпроўскага краю.

Курыруюцца напрамкі: сацыяльна-культурная сфера, ідэалагічная праца, адукацыя, ахова здароўя, спорт і турызм, друк, аздараўленне і санаторна-курортнае лячэнне насельніцтва, уключаючы аздараўленне дзяцей за мяжой, гуманітарная дзейнасць, праца і сацыяльная абарона, ахова працы, дзяржаўная моладзевая палітыка.

Хутка Магілёў будзе мець кальцавы рух вакол горада. Паўднёва-заходні абход злучыць Бабруйскую і Гомельскую трасы.

Новы шлях прадугледжвае тры пуцеправоды. Самы буйны злучыць два берагі Дняпра. Інвестпраект разлічаны на 3 гады і прадугледжаны дзяржпраграмай «Дарогі Беларусі». Таксама ў планах на будучыню закальцаваць Бабруйск.

Першы экіпаж-тысячнік ўшаноўвалі сёння ў Кіраўскім раёне Магілёўскай вобласці. Пра гэта паведаміла старшыня Кіраўскага райвыканкама Галіна Слабоднікава.

У Магілёўскай вобласці з’явіўся першы кіроўца-тысячнік на адвозцы збожжа ад камбайнаў. Пра гэта паведамілі ў Магілёўскай абласной арганізацыі Беларускага прафсаюза работнікаў АПК.

На раніцу ўчарашняга дня магілёўскія аграрыі намалацілі каля 12 тысяч тон збожжа пры сярэдняй ураджайнасці 36,3 цэнтнера з гектара. У кожным з раёнаў прыбрана 1–2 працэнта плошчаў, у лідарах Кіраўскі – 6 працэнтаў.

Прамую тэлефонную лінію 24 ліпеня правядзе кіраўнік спраў Магілёўскага аблвыканкама Мікалай Леанідавіч Дзядкоў. Па нумары (8 0222) 50-18-69 ён адкажа на пытанні жыхароў Прыдняпроўскага краю.

Курыруюцца напрамкі: кантроль за выкананнем дакументаў, праца са зваротамі грамадзян і юрыдычных асоб.

Фестываль «Вытокі. Крок да Алімпу» аб’ядноўвае людзей у спорце і творчасці. Такое меркаванне выказаў старшыня Магілёўскага аблвыканкама Леанід Заяц на адкрыцці маштабнага культурна-спартыўнага свята ў Бабруйску.

Старшыня Пастаяннай камісіі Савета Рэспублікі па рэгіянальнай палітыцы і мясцовым самакіраванні Міхаіл Русы і старшыня Магілёўскага аблвыканкама Леанід Заяц сёння сустрэліся з працоўным калектывам ААТ «Будаўнічы трэст № 12». Палілог адбыўся ў межах адзінага дня інфармавання.

Магілёўская вобласць за 5 месяцаў 2021 года павялічыла экспарт у краіны ЕС у 1,7 раза: ён склаў $221 млн. Пра гэта паведаміў сёння намеснік старшыні Магілёўскага аблвыканкама Руслан Страхар падчас пашыранага пасяджэння, дзе падводзіліся вынікі сацыяльна-эканамічнага развіцця рэгіёна за I паўгоддзе.

Рыцарскі фестываль пройдзе ў Мсціславе на Замкавай гары 7‑8 жніўня. Пра гэта паведаміла начальнік аддзела ідэалагічнай работы, культуры і па справах моладзі Мсціслаўскага райвыканкама Наталля Біскуп.

Больш чым у палове раёнаў вобласці пачалася ўборка азімага рапсу на збожжа. Як паведамілі ў аддзеле інтэнсіфікацыі раслінаводства аблсельгасхарча, на ўчарашні дзень гэта культура была прыбраная на плошчы 840 гектараў, намалочана 1063 тоны масланасення пры сярэдняй ураджайнасці па вобласці 12,7 цэнтнера з гектара. А вось у Магілёўскім раёне гэта лічба дасягнула 20,4, у Касцюковіцкім–18 цэнтнераў з гектара.

З 15 па 17 ліпеня культурна-спартыўны фестываль «Вытокі. Крок ды Алімпу» адбудзецца ў Бабруйску. Яркае і папулярнае свята ўжо прымалі ў Лідзе, Оршы, Кобрыне, Мазыры. Маштабны фестываль пакінуў шмат станоўчых эмоцый у жыхароў гэтых рэгіёнаў.

Фестываль у Бабруйску адкрыецца 15 ліпеня экскурсіяй і праграмай гісторыка-культурнай спадчыны. У гэты дзень у адным з самых атмасферных месцаў горада, «Яўрэйскім дворыку», адбудзецца круглы стол «Бабруйск. Традыцыі і сучаснасць» (13.00).

Прамую тэлефонную лінію 17 ліпеня правядзе намеснік старшыні Магілёўскага аблвыканкама Сяргей Мікалаевіч Маслаў. Па нумары (8 0222) 50-18-69 ён адкажа на пытанні жыхароў Прыдняпроўскага краю.

У Александрыі створаны ўсе ўмовы для незабыўнага і якаснага адпачынку гасцей рэспубліканскага свята. Такім меркаваннем з журналістамі падзяліўся намеснік старшыні Магілёўскага аблвыканкама Валерый Малашка падчас наведвання тэматычных і творчых пляцовак рэспубліканскага свята «Купалле» («Александрыя збірае сяброў»).

Штогод рэспубліканскае свята «Купалле» («Александрыя збірае сяброў») рыхтуе для гледачоў яркую і насычаную праграму. Гэта традыцыйныя тэматычныя пляцоўкі, кірмашы, свята цырка і, вядома ж, запамінальныя канцэртныя выступленні. Кожны год арганізатары і ўдзельнікі імкнуцца прыўнесці ў свята нешта новае. Адной з навінак гэтага года стане прэм’ера мюзікла «Вянок на вадзе» ад Магілёўскай абласной філармоніі.

Старшыня Магілёўскай абласной федэрацыі барацьбы, намеснік старшыні аблвыканкама Валерый Малашка сёння правёў сустрэчу са спартсменкамі, якія паедуць на летнюю Алімпіяду ў Токіа. Мерапрыемства адбылося ў музеі Алімпійскай славы рэгіёна.

Сёлета «Купалле» традыцыйна збярэ гасцей на беразе Дняпра. З улікам эпідсітуацыі фестываль будзе доўжыцца адзін дзень – 10 ліпеня. Сімвалам рэспубліканскага свята абраны ручнік – тое, што суправаджае славянскага чалавека ад нараджэння да смерці, што сустракаецца ва ўсіх нашых культурных мерапрыемствах, святах. Такі сімвал дазволіць у поўнай меры раскрыць самабытную культуру беларускага народа, паказаць адзінства славянскай культуры і індывідуальныя асаблівасці кожнага з рэгіёнаў краіны.

Прамую тэлефонную лінію 10 ліпеня правядзе першы намеснік старшыні Магілёўскага аблвыканкама Анатоль Васільевіч Уласевіч. Па нумары (8 0222) 50-18-69 ён адкажа на пытанні жыхароў Прыдняпроўскага краю.

Курыруюцца напрамкі: аграпрамысловы комплекс, вытворчасць і перапрацоўка сельскагаспадарчай прадукцыі, харчовыя рэсурсы, лясная гаспадарка, зямельныя адносіны, геадэзія, ахова навакольнага асяроддзя, гідраметэаралогія.

Дзень Незалежнасці –сімвал адзінства нашага грамадства, пераемнасці пакаленняў і павагі традыцый. Пра гэта заявіў старшыня Магілёўскага абласнога выканаўчага камітэта Леанід Заяц падчас урачыстага мерапрыемства «Абаронцам – слава!», прысвечанага Дню Незалежнасці і 80-годдзю абароны Магілёва ад нямецка-фашысцкіх захопнікаў. Мерапрыемства прайшло сёння на мемарыяльным комплексе «Буйніцкае поле».