Мінімальны заробак у Беларусі з 1 студзеня 2022 года вырасце да Br457
З 1 студзеня 2022 года памер месячнай мінімальнай заработнай платы складзе Br457. Такое рашэнне замацавана пастановай Савета Міністраў ад 14 снежня 2021 года № 721, паведамляецца на Нацыянальным прававым інтэрнэт-партале. На бягучы год месячная мінімальная заработная плата ў Беларусі была ўстаноўлена ў памеры Br400 (зацверджана пастановай урада ад 21 снежня 2020 года № 740). З улікам індэксацыі памер МЗП вырас да Br418,14.
Лічбавыя рашэнні ў сферах прамысловасці, транспарту і будаўніцтва разглядаюць на форуме #GBCregions у Магілёве
Пяты рэгіянальны форум #GBCregions (Дзяржава. Бізнес. Грамадзяне – рэгіёны) праходзіць у Магілёве. Яго прыярытэтнымі напрамкамі сталі лічбавыя рашэнні ў сферах прамысловасці, транспарту і будаўніцтва. Таксама тут прадстаўлены буйныя лічбавыя праекты, звязаныя з выкарыстаннем тэхналогій 5G для забеспячэння рабатызаванага і дыстанцыйнага кіравання тэхнікай, лічбавыя двайнікі і іншыя. Прадугледжана абмеркаванне рэалізаваных і перспектыўных праектаў у транспартнай сферы, запатрабаваных сёння ў прамысловасці паслуг.
Юрый Сянько: у Магілёўскай вобласці вялікі патэнцыял у нарошчванні экспарту ў Кітай
Анлайн-сустрэча дзелавых колаў Магілёўскай вобласці і г. Цяньцзінь (КНР) адбылася сёння пры ўдзеле Надзвычайнага і Паўнамоцнага Пасла Рэспублікі Беларусь у Кітайскай Народнай Рэспубліцы Юрыя Сянько, прадстаўнікоў Упраўлення замежных спраў муніцыпальнага народнага ўрада г. Цяньцзінь і Магаблвыканкама.
Прадпрымальнік года працуе ў Краснаполлі (відэа)
Ірына Камедзіна з Краснаполля стала пераможцай Нацыянальнага конкурсу «Прадпрымальнік года». Яе прыватнае прадпрыемства адзначана ў намінацыі «Эфектыўны бізнес у сферы паслуг».
Развіццё бізнес-асяроддзя стала адным з прыярытэтаў стратэгіі ўстойлівага развіцця Магілёўскай вобласці
Магілёўская вобласць першай сярод рэгіёнаў распрацавала і ўжо амаль год рэалізуе ўласную стратэгію ўстойлівага развіцця. Пра гэта паведаміў сёння намеснік старшыні Магілёўскага аблвыканкама Руслан Страхар на 2-м рэгіянальным форуме прадпрымальніцтва «Уклад рэгіянальнага прадпрымальніцтва ў дасягненне мэт устойлівага развіцця», які праходзіў у фармаце відэаканферэнцыі. Руслан Страхар адзначыў, што рэгіён паслядоўна працуе над дасягненнем адаптаваных для рэгіёна і Беларусі мэтаў устойлівага развіцця.
Шэраг дамоўленасцей дасягнуты падчас візіту дэлегацыі Магілёўскай вобласці ў Сагдыйскую вобласць Рэспублікі Таджыкістан
У пачатку снежня намеснік старшыні Магілёўскага аблвыканкама Руслан Страхар узначаліў дэлегацыю Магілёўскай вобласці, якая наведала Сагдыйскую вобласць Рэспублікі Таджыкістан. У працы дэлегацыі таксама прыняў удзел Надзвычайны і Паўнамоцны Пасол Рэспублікі Беларусь у Рэспубліцы Таджыкістан Віктар Дзенісенка.
Шклоўскі фермер будуе самае вялікае сховішча бульбы ў Еўропе (відэа)
У Магілёўскай вобласці накапалі амаль 100 тысяч тон бульбы. Вялікая частка ўраджаю вырашчана на палях Шклоўскай фермерскай гаспадаркі «Дзіяна». У сховішчы «Дзіяны» закладзена 37 тысяч тон, і бульбу цяпер актыўна прадаюць па Беларусі і ў іншыя краіны. Каб рэалізацыя была хуткай і якаснай, у фермерскай гаспадарцы запрацавала новая рабатызаваная лінія, якая сартуе і пакуе 40 тон бульбы на гадзіну.
Новая вытворчасць адкрыецца ў Слаўгарадзе (відэа)
Новая вытворчая лінія рыхтуецца да адкрыцця ў Слаўгарадзе на філіяле прадпрыемства «Чырвоны харчавік». Гэта дазволіць стварыць новыя працоўныя месцы. Паводле інфармацыі Галоўнага ўпраўлення статыстыкі, аб’ём валавога рэгіянальнага прадукту Магілёўскай вобласці за студзень-кастрычнік 2021 года ў супастаўных цэнах склаў 100,9% да адпаведнага леташняга ўзроўню.
Магілёўская і Сагдыйская вобласці маюць намер умацоўваць дзелавое ўзаемадзеянне прадпрыемстваў
Надзвычайны і Паўнамоцны Пасол Рэспублікі Беларусь у Рэспубліцы Таджыкістан Віктар Дзенісенка 1-3 снежня наведвае Сагдыйскую вобласць Таджыкістана. Пра гэта паведамілі ў пасольстве нашай краіны ў Таджыкістане.
Арганізацыі «Магілёўэнерга» занялі прызавыя месцы ў галіновым спаборніцтве па выніках працы за 9 месяцаў
У ДВА «Белэнерга» падвялі вынікі галіновага вытворчага спаборніцтва працоўных калектываў арганізацый за 9 месяцаў 2021 года. Рашэнні, паведамілі ў «Белэнерга», прымаліся па трох конкурсных групах. Прызавыя месцы ў спаборніцтве занялі і арганізацыі Магілёўскай вобласці. Па групе «Электрастанцыі» трэцяе месца прысуджана Магілёўскай ЦЭЦ-2. А па групе «Энергазабеспячальныя арганізацыі па збытавай дзейнасці» другое месца ў РУП «Магілёўэнерга». mogilevnews.by
За 10 месяцаў бягучага года індывідуальныя прадпрымальнікі папоўнілі бюджэт Магілёўскай вобласці на Br62 млн
Br62 млн заплацілі ў бюджэт Магілёўскай вобласці індывідуальныя прадпрымальнікі за студзень-кастрычнік 2021 года. Удзельная вага паступленняў у бюджэт вобласці склала 4,5%, паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.
Пераднавагоднія кірмашы запрацуюць у Магілёве 1 снежня
Пераднавагоднія кірмашы запрацуюць у Магілёве з 1 снежня. Такая інфармацыя размешчана на сайце Магілёўскага гарвыканкама. З 1 па 31 снежня пераднавагоднія кірмашы будуць працаваць каля ГЦ «Арбат» і ў ГЦ «Перекресток-центр» па вул. Касманаўтаў. Час працы: з 9.00 да 19.00 штодня.
«Магілёўліфтмаш» распрацаваў двухузроўневую сямейную паркоўку на 2 аўтамабілі
Двухузроўневую паркоўку залежнага тыпу на 2 аўтамабілі распрацавалі ў ААТ «Магілёўліфтмаш». Пра гэта паведаміў начальнік бюро рэкламы прадпрыемства Вадзім Еўстратаў.
У слаўгарадскім філіяле «Бабушкиной крынки» завяршылася мадэрнізацыя
На філіяле «Слаўгарадскі» ААТ «Бабушкиной крынки» – кіруючая кампанія холдынгу «Магілёўская малочная кампанія “Бабушкиной крынки”» прайшла мадэрнізацыя лініі па вытворчасці сыроў. Новае абсталяванне дазволіць выпускаць сыры не толькі круглай, але і прамавугольнай формы. З працай абноўленага прадпрыемства азнаёміўся першы намеснік кіраўніка Адміністрацыі Прэзідэнта Максім Рыжанкоў.
У Магілёўскім раёне пабудуюць завод па вытворчасці ламініраваных пліт са слаістых пластыкаў
У Магілёўскім раёне закладзена капсула будаўніцтва завода па вытворчасці ламінаваных пліт са слаістых пластыкаў. Новая вытворчасць з’явіцца на тэрыторыі рэзідэнта свабоднай эканамічнай зоны «Магілёў» ЗТАА «Кранаспан ОСБ».
ВУ кансалідаваны бюджэт Магілёўскай вобласці за студзень-кастрычнік 2021 года паступіла Br1 366 млн.
У кансалідаваны бюджэт Магілёўскай вобласці за студзень-кастрычнік 2021 года паступіла Br1366 млн. Пра гэта паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці. Найбольшыя сумы ў даходах бюджэту складаюць паступленні падаходнага падатку – Br479.6 млн. (35,1%), падатку на дабаўленую вартасць – Br190,1 млн. (13,9%), падатку на прыбытак – Br136,6 млн. (10%), падатку пры ССП – Br69,4 млн. (5,1%), акцызаў – Br68,5 млн. (5%).
Агракамбінат «Зара» пашырае магутнасці і павялічвае асартымент прадукцыі
Павелічэнне асартыменту вырабленай прадукцыі, новыя цэхі па вытворчасці сыравяленых каўбас і паўфабрыкатаў – ЗАТ «Агракамбінат “Зара”» пашырае вытворчыя магутнасці. Пра гэта паведаміла намеснік генеральнага дырэктара па перапрацоўцы Таццяна Дзякава.
Анатоль Уласевіч: аграрыі Магілёўскай вобласці здзейснілі подзвіг. Відэа
Аб аграрным сезоне, людзях і тэхналогіях пагаварылі ў студыі ТРК «Магілёў». У гасцях – першы намеснік старшыні Магілёўскага аблвыканкама Анатоль Уласевіч.
Магілёўшчына сёлета вяла наймацнейшую бітву за ўраджай – Анатоль Уласевіч
Магілёўшчына сёлета вяла наймацнейшую бітву за ўраджай. На гэта звярнуў увагу першы намеснік старшыні Магілёўскага аблвыканкама Анатоль Уласевіч, адкрываючы сёння ўшанаванне работнікаў сельскай гаспадаркі і перапрацоўчай прамысловасці АПК рэгіёна ў малой зале Палаца культуры вобласці. Узнагароджанне стала часткай абласнога фестывалю-кірмашу працаўнікоў вёскі «Дажынкі-2021».
«Бабушкина крынка» заваявала каля 30 медалёў міжнародных конкурсаў
Па выніках XXVII Міжнароднай спецыялізаванай аптовай выставы-кірмашу «Прадэкспа-2021», якая адбылася ў Мінску, кампанія «Бабушкина крынка» ўдастоена адразу 4 Гран-пры. А ў конкурсе «Найлепшая прадукцыя года-2021» адразу 22 малочныя прадукты ўдастоеныя дыпломаў пераможцы. Судзейскай калегіі «Прадэкспа» асабліва прыйшліся даспадобы мяккі сыр «Буррата» 45%, смятана 25%, ёгурт двухслаёвы з фруктовым напаўняльнікам «Черника-чиа» 2%, сыр плаўлены з белымі грыбамі 50%. Залатым медалём быў адзначаны кефір 3,2%.
Фермеры Магілёўшчыны пашыраюць вытворчасць. Відэа
У Дрыбінскім раёне фермеры развіваюць малочную жывёлагадоўлю і будуюць новыя фермы. Усяго ж у Магілёўскай вобласці працуе больш за 500 фермерскіх гаспадарак.
1 100 000 тон збожжа-ураджай Магілёўскай вобласці. Відэа
Аграрыі Магілёўскай вобласці падвялі канчатковыя вынікі жніва 2021 года. У палях працавала больш за 1000 экіпажаў камбайнераў. Першы экіпаж-тысячнік быў у Кіраўскім раёне. Магілёўскі раён намалаціў 100 тысяч тон збожжа. А лідарам па сярэдняй ураджайнасці – у 37,8 цэнтнераў з гектара – сталі аграрыі Шклоўскай зямлі.
Магілёўскі мясакамбінат адкрыў новы магазін у Магілёве (відэа)
Новы магазін у абласным цэнтры адкрыў Магілёўскі мясакамбінат. Гэта яшчэ адзін крок у развіцці фірменнага гандлю айчынных прадпрыемстваў. Магілёўскі мясакамбінат – адно з найбуйнейшых прадпрыемстваў мясной прамысловасці Беларусі. Заснаваны ў 1905 годзе. У вобласці працуюць 33 фірменныя гандлёвыя кропкі. Адкрыццё новай крамы ў Магілёве – сапраўднае свята як для прадпрыемства, так і для пакупнікоў. На дэгустацыйных пляцоўках купаты, стэйкі і катлеты для бургераў.
Расейцы, немцы, кітайцы. Хто яшчэ купляе мсціслаўскія сыры на сусветным рынку
Геаграфія продажу прадукцыі ААТ «Бабушкина крынка» распаўсюджваецца далёка за межы Беларусі. Яе ведаюць у Расійскай Федэрацыі, Украіне, Казахстане, Германіі, Кітаі і іншых краінах. Кампанія пастаянна пашырае геаграфію паставак, асартымент тавараў, вытворчыя магутнасці.
У Магілёўскай вобласці падыходзіць да завяршэння ўборка кукурузы на збожжа
У Магілёўскай вобласці падыходзіць да завяршэння ўборка кукурузы на збожжа. Палова раёнаў ужо ўправілася з гэтай важнай працай, паведамілі ў аддзеле інтэнсіфікацыі раслінаводства аблсельгасхарча. У цэлым жа на 8 лістапада «каралева палёў» была ўбрана на 94% пасяўных плошчаў. Кожны гектар у сярэднім па вобласці дае па 53 цэнтнеры залацістай прадукцыі. Усяго ж намалочана 147 тысяч тон збожжа.
Сістэму дэзынфекцыі кабіны ліфта ўльтрафіялетам распрацавалі ў магілёўскім ААТ «Зеніт»
Інавацыйную сістэму дэзынфекцыі кабіны ліфта ад грыпу і COVID‑19 распрацавалі канструктары ААТ «Зеніт». Навінку плануюць укараніць у масавую вытворчасць ужо ў пачатку 2022 года, расказаў дырэктар прадпрыемства Аляксей Вайцяховіч.
«Прамая лінія» па пытаннях развіцця і падтрымкі прадпрымальніцтва адбудзецца 7 снежня ў Магілёўскім аблвыканкаме
«Прамая лінія» па пытаннях развіцця і падтрымкі прадпрымальніцтва адбудзецца 7 снежня ў Магілёўскім аблвыканкаме. З 10.00 да 12.00 на званкі жыхароў Прыдняпроўскага краю па нумары (8 0222) 32 26 63 адкажа намеснік старшыні камітэта эканомікі аблвыканкама Павел Леанідавіч Марыненка. Таксама пытанні можна задаць анлайн, спасылка для падключэння: https://peregovorka.by/telephone-line-business-07.12.2021 Рэд.
Заняцца вытворчасцю гафрыраванага кардону плануе ТАА «ВМГ Індустры»
Заняцца вытворчасцю гафрыраванага кардона плануе ТАА «ВМГ Індустры». Пра гэта на інвестфоруме «Млын поспеху», які прайшоў у Магілёве, паведаміў дырэктар ТАА «ВМГ Індустры груп» Аляксей Якаўлеў. Кампанія па безадходнай перапрацоўцы драўніны ТАА «ВМГ Індустры груп» падпісала на пляцоўцы форума пагадненне аб удасканаленні працэсу вытворчасці мэблі на тэрыторыі ў СЭЗ «Магілёў». Аляксей Якаўлеў у сваім выступленні нагадаў гісторыю стварэння прадпрыемства, якое зараз з’яўляецца прыкладам паспяховага развіцця бізнесу на тэрыторыі Магілёўскай вобласці.
Электронны кірмаш вакансій для моладзі ў Магілёве
Электронны кірмаш вакансій для моладзі адбудзецца 16 лістапада з 10.00 да 12.00 на сайце e-vacancy.by. Гэта пляцоўка прадаставіць магчымасць актыўнага дыялогу ў рэжыме анлайн з наймальнікамі Магілёва, паведамілі ва ўпраўленні па працы, занятасці і сацыяльнай абароне Магілёўскага гарвыканкама. У мерапрыемстве прымуць удзел арганізацыі абласнога цэнтра. Будзе прадстаўлена больш за 200 вакансій, доступ да якіх захаваецца і пасля заканчэння электроннага кірмашу. Яны будуць аўтаматычна перанесены ў базу даных на партале службы занятасці.
Пагадненні і пратаколы аб намерах на $ 250 млн. падпісаны на інвестфоруме «Млын поспеху» ў Магілёве
Пратаколы аб намерах і пагадненні на агульную суму $250 млн. падпісаны сёння на XII Міжнародным інвестыцыйным форуме «Млын поспеху» ў Магілёве. Іх рэалізацыя забяспечыць стварэнне звыш 600 новых працоўных месцаў, паведамляе карэспандэнт сайта.