Адкрыты прыём заявак на ўдзел у стартап-форуме «Mogilev Invest Day 2021»
Адкрыты прыём заявак на ўдзел у стартап-форуме «Mogilev Invest Day 2021». Пра гэта паведамілі ва УКП «Магілёўскі гарадскі цэнтр развіцця малога прадпрымальніцтва». «Наш форум – гэта магчымасць акунуцца ў свет бізнесу, дзе можна заявіць пра сябе, пра сваю перспектыўную ідэю на адной з бізнес-пляцовак, атрымаць бясцэнны вопыт зносін з экспертамі, якія гатовыя дзяліцца сваімі ведамі і багатым вопытам, даваць каштоўныя парады па развіцці і прасоўванні праектаў, рэалізацыі ідэй», – адзначылі суразмоўцы.
Беларускі цэментны завод істотна скараціў узровень выкідаў у атмасферу
Прадпрыемства холдынгу «Беларуская цэментная кампанія» ААТ «Беларускі цэментны завод» істотна скараціла ўзровень выкідаў у атмасферу. Гэтага ўдалося дасягнуць дзякуючы рэалізацыі важных праектаў па мадэрнізацыі прадпрыемства, паведамляецца на сайце БЦК.
Конкурс інвестыцыйных праектаў суб’ектаў малога прадпрымальніцтва аб’яўлены ў Магілёўскай вобласці
Конкурс інвестыцыйных праектаў суб’ектаў малога прадпрымальніцтва Магілёўскай вобласці абвешчаны ў рэгіёне. Пра гэта паведамілі ў камітэце эканомікі аблвыканкама.
Магілёўская вобласць у 2021 годзе павялічыла экспарт прадукцыі ў Прыморскі край на 84%
Магілёўская вобласць у 2021 годзе павялічыла экспарт прадукцыі ў Прыморскі край на 84%. Пра гэта паведаміў намеснік старшыні Магілёўскага аблвыканкама Руслан Страхар, падводзячы вынікі дзён Рэспублікі Беларусь у Прыморскім краі, якія праходзілі з 5 па 11 кастрычніка ва Уладзівастоку.
Паведаміць аб зарплаце «ў канверце» можна па тэлефоне кантакт-цэнтра падатковых органаў
Інспекцыя Міністэрства па падатках і зборах Рэспублікі Беларусь па Магілёўскай вобласці нагадвае, што ў мэтах атрымання аператыўнай інфармацыі і тлумачэнняў па пытаннях прымянення нормаў падатковага заканадаўства кожны грамадзянін можа звярнуцца па нумары тэлефоннай даведачнай сістэмы падатковых органаў (кантакт-цэнтра) 189 (стацыянарная сетка) або (017) 29 79 79.
На поўначы Мсціслаўскага раёна прыбіраюць сланечнік (відэа)
Кветкі сонца, як яшчэ называюць сланечнікі, цалкам камфортна сябе адчуваюць у не самых цёплых краях. У Мсціслаўскім раёне свой бізнес вядзе расійская кампанія, якая палічыла алейную культуру выдатным прыбыткам. На 400 гектарах апрацоўваюць сланечнік гатунку «Піянер». З аднаго гектара атрымліваюць 2,5 тыс. т семак. Неўзабаве гэтыя чорныя горы ператворацца ў літры расліннага алею. Прама з зернятока яны адправяцца на айчынны завод. Усяго за пару гадоў працы прадпрыемства асвоіла 5 тыс. га зямлі.
У Магілёўскай вобласці плануюць нарыхтаваць каля 400 тыс. т цукровых буракоў
У Магілёўскай вобласці плануюць нарыхтаваць каля 400 тыс. т цукровых буракоў. Пра гэта расказалі ў камітэце па сельскай гаспадарцы і харчаванні Магілёўскага аблвыканкама. «Салодкі караняплод у рэгіёне ўбралі на плошчы амаль 2,3 тыс. га, што складае 23% ад усіх пасеваў, – адзначылі ў камітэце па сельскай гаспадарцы. – З палёў вывезена амаль 76 тыс. т цукровых буракоў. Сярэдняя ўраджайнасць агародніннай культуры склала 332 ц/га, цукрыстасць – каля 16,4».
Сяўбу азімых у Магілёўскай вобласці плануецца завяршыць да 8 кастрычніка
Сяўба азімых культур была пастаўлена на паўзу зацяжнымі дажджамі верасня. Як толькі ўсталявалася надвор’е, тэхніка зноў выйшла ў поле. Дзесьці сяўба ідзе са світання да заходу. А ў іншых гаспадарках перайшлі зусім на кругласутачны рэжым. І гэта ў восеньскі дзень, які «год корміць», самая верная тактыка. На ўчарашні дзень на Магілёўшчыне насенне азімых легла ў зямлю на 81% запланаваных плошчаў. Засталося пасеяць 44,2 тысячы гектараў. Калі ўмовы надвор’я будуць спрыяць, то трох дзён аграрыям вобласці хопіць для завяршэння страды.
У Магілёўскай вобласці прыступілі да фарміравання стабфонду плодаагародніннай прадукцыі
У Магілёўскай вобласці прыступілі да фарміравання стабфонду плодаагародніннай прадукцыі. Пра гэта паведамілі ў камітэце па сельскай гаспадарцы і харчаванні Магілёўскага аблвыканкама. «Мы плануем закласці фонд сельскагаспадарчай прадукцыі для забеспячэння жыхароў рэгіёна ў міжсезонны перыяд на ўзроўні мінулага года, – адзначылі ў камітэце. – Так, будзе назапашана 3,7 тыс. т бульбы, больш за 1,8 тыс. т капусты, 860 т рэпчатай цыбулі, 800 т морквы, 700 т буракоў і 500 т яблыкаў. Стабфонд будзе сфарміраваны ў лістападзе гэтага года».
Восеньская сяўба: якасна і хутка (відэа)
Больш за палову плошчаў засеялі азімымі збожжавымі ў Магілёўскай вобласці. Сеюць хлебаробы ад світання да заходу, каб укласціся ў тэрміны. Як паказала практыка, азімыя даюць вялікі ўраджай.
Плацельшчыкі Магілёва забяспечылі 42,7% паступленняў у бюджэт вобласці
Плацельшчыкі Магілёва за студзень-жнівень 2021 года заплацілі ў бюджэт вобласці Br453,4 млн., або 42,7% ад агульных паступленняў. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці. Найбуйнейшымі плацельшчыкамі сталі: РУП «Магілёўэнерга», Магілёўскі філіял РУП «Белтэлекам», РУ «Магілёўаблгаз», філіял ТА «Еўрагандаль» у г. Магілёве, ЗАТ «Завод палімерных труб». Доля іх паступленняў у бюджэт горада склала 23,3%, або Br105,8 млн.
У Клімавічах пачата будаўніцтва свінагадоўчага рэпрадуктара
Будаўніцтва свінагадоўчага рэпрадуктара на 3,6 тыс. галоў свінаматак пачата на Клімавіцкім камбінаце хлебапрадуктаў. Пра гэта паведамляецца на сайце раённай газеты.
Клімавіцкі лікёра-гарэлачны завод асвойвае новыя рынкі збыту прадукцыі
Клімавіцкі лікёра-гарэлачны завод асвойвае новыя рынкі збыту сваёй прадукцыі. Заключаны кантракт на пастаўку бальзамаў ў Кітайскую Народную Рэспубліку. У ліпені бягучага года ў Паднябесную была адгружана першая партыя прадукцыі аб’ёмам 1,4 тыс. дал на суму $24 тыс. Год ад году вытворцы павялічваюць экспартныя пастаўкі бутыляванай прадукцыі, якую ўжо ведаюць у Арменіі, Азербайджане, Грузіі, Казахстане, Літве і Латвіі, Туркменістане, Украіне. Больш за семдзесят працэнтаў экспарту прыпадае на рэгіёны Расійскай Федэрацыі.
Прамую тэлефонную лінію 5 кастрычніка правядзе намеснік старшыні камітэта эканомікі Магілёўскага аблвыканкама Павел Марыненка
Прамую тэлефонную лінію 5 кастрычніка правядзе намеснік старшыні камітэта эканомікі Магілёўскага аблвыканкама Павел Леанідавіч Марыненка. З 10.00 да 12.00 па нумары (8 0222) 32 26 63 ён адкажа на актуальныя пытанні развіцця і падтрымкі прадпрымальніцтва. Таксама свае пытанні вы зможаце задаць анлайн: спасылка для падключэння –https://peregovorka.by/telephone-line-business-05.10.2021.
Шклоўскі масларобны завод стаў выпускаць малако ў ПЭТ-бутэльках новага аб’ёму –1,4 літра
Сучаснае абсталяванне, сістэмы якасці, натуральная прадукцыя выключных смакавых якасцей–усё гэта дазволіла ААТ «Шклоўскі масларобны завод» замацавацца не толькі на беларускім, але і на рынку Расійскай Федэрацыі. Прадпрыемства не стаіць на месцы і працягвае ўмацоўваць свае пазіцыі, асвойваючы выпуск ужо ўпадабанай прадукцыі ў новай упакоўцы. Так, Шклоўскі масларобны завод стаў выпускаць малако ў ПЭТ-бутэльках новага аб’ёму –1,4 літра.
У Магілёўскай вобласці ў поўным разгары сяўба азімых збожжавых
Падобна на тое, што восень вырашыла праверыць паляводаў на ўменне супрацьпаставіць капрызнаму надвор’ю прафесійнае майстэрства і аператыўнасць, сталасць і ўменне, каб забяспечыць правядзенне ўсяго шлейфу восеньскіх работ у комплексе. Надвор’е надвор’ем, а спадзявацца трэба толькі на сябе. Што аграрыі ў большасці сваёй і робяць.
У студзені–жніўні 2021 года ў Магілёўскай вобласці пабудавана больш за 1,6 тыс. новых кватэр
У студзені–жніўні 2021 года ў Магілёўскай вобласці арганізацыямі ўсіх формаў уласнасці пабудавана 1640 новых кватэр. Уведзена ў эксплуатацыю 150,2 тыс. кв.м агульнай плошчы жылля. Пра гэта паведамілі ў галоўным статыстычным упраўленні рэгіёна. Для грамадзян, якія стаяць на ўліку маючых патрэбу ў паляпшэнні жыллёвых умоў, пабудавана 59,1 тыс. кв. м, ці 39,3% ад агульнага аб’ёму ўведзенага жылля. У тым ліку з выкарыстаннем дзяржаўнай падтрымкі – 52,7 тыс. кв. м.
Расія ў поўным аб’ёме аднавіла авіязносіны з Беларуссю
З сённяшняга дня Расія здымае ўсе абмежаванні на авіязносіны з Беларуссю і аднаўляе іх з Іспаніяй, Іракам, Кеніяй і Славакіяй. Такое рашэнне раней прыняў аператыўны штаб па барацьбе з каранавірусам, перадае ТАСС. Такім чынам, паветраныя зносіны паміж Расіяй і Беларуссю, часова абмежаваныя ў сувязі з распаўсюджваннем каранавіруса, будуць адноўленыя ў поўным аб’ёме.
«Магілёўліфтмаш» напярэдадні свайго юбілею выпусціў 375 тысячны ліфт
ААТ «Магілёўліфтмаш» напярэдадні святкавання свайго 55-гадовага юбілею выпусціла 375-тысячны ліфт, які будзе зманціраваны ў Пярмі ўжо ў кастрычніку гэтага года. Пра гэта расказаў намеснік генеральнага дырэктара па камерцыйных пытаннях акцыянернага таварыства Антон Бельскі.
Штогадовая рэспубліканская навукова-практычная канферэнцыя «Ахова працы – клопат агульны» пройдзе 16–17 верасня ў Магілёве
Штогадовая рэспубліканская навукова-практычная канферэнцыя «Ахова працы–клопат агульны» пройдзе ў Магілёве 16‑17 верасня. Пытанні стварэння здаровых і бяспечных умоў працы, прафілактыкі вытворчага траўматызму на адной пляцоўцы абмяркуюць прадстаўнікі Міністэрства працы і сацыяльнай абароны, органаў дзяржаўнага нагляду, кіраўнікі і спецыялісты па ахове працы арганізацый рэспублікі.
У Магілёўскай вобласці забаронены гандаль слабаалкагольнымі напоямі на прыпынках
У Магілёўскай вобласці ўведзена забарона на гандаль слабаалкагольнымі напоямі і півам на прыпыначных пунктах і ў радыусе 25 м ад іх. Пра гэта паведаміла начальнік аддзела арганізацыі гандлю і паслуг галоўнага ўпраўлення гандлю і паслуг Магілёўскага аблвыканкама Алена Куканькова.
Урады Беларусі і Расіі ўхвалілі 28 саюзных праграм
Саюзныя праграмы адобраны на пасяджэнні Савета Міністраў Саюзнай дзяржавы.
У Магілёўскай вобласці палову даўгабудаў мэтазгодна дабудоўваць
У краіне сёння крыху больш за 4 тысячы аб’ектаў звышнарматыўнага незавершанага будаўніцтва (АЗНБ). Малочна-таварныя фермы, кацельні, артэзіянскія свідравіны, стадыёны, масты і нават добраўпарадкаванне цэлых вуліц лічацца даўгабудамі. У іх укладзена 9,7 мільёна рублёў, палова з якіх – дзяржаўная падтрымка і банкаўскія крэдыты. Замарожаныя сродкі і непрацоўныя аб’екты. Так быць не павінна. Кіраўнік дзяржавы даручыў Камітэту дзяржкантролю ўзяць на ўлік такія аб’екты і разабрацца з імі. Асноўная задача – навесці парадак у пытанні звышнарматыўнага будаўніцтва.
Дзмітрый Мудрагелаў: цеснае ўзаемадзеянне навукі і прамысловасці дазваляе заставацца канкурэнтаздольнымі
Цеснае ўзаемадзеянне навукі і прамысловасці дазваляе заставацца канкурэнтаздольнымі на міжнародных рынках – такім меркаваннем падзяліўся старшыня камітэта эканомікі Магілёўскага аблвыканкама Дзмітрый Мудрагелаў падчас семінара-нарады аб перспектывах навукова-тэхнічнага супрацоўніцтва прамысловых прадпрыемстваў Магілёўскай вобласці і навуковых устаноў, які праходзіў сёння ў Беларуска-Расійскім універсітэце.
На Адзіны дзень прыёму запрашае прадпрымальнікаў пракуратура Магілёўскай вобласці
Органы пракуратуры Магілёўскай вобласці 15 верасня запрашаюць прадпрымальнікаў (прадстаўнікоў бізнесу) прыняць удзел у Адзіным дні прыёму на тэму: «Праблемныя аспекты прымянення заканадаўства пры вядзенні бізнесу». «Дадзенае мерапрыемства арганізоўваецца ў мэтах фарміравання адкрытага дыялогу аб існуючых праблемах пры вядзенні бізнесу ў суб’ектаў гаспадарання, прадстаўнікоў бізнесу)», – растлумачылі ў пракуратуры.
Сезон сельгаскірмашоў выхаднога дня ў Магілёве стартуе 18 верасня
Сезон сельгаскірмашоў выхаднога дня ў Магілёве стартуе 18 верасня. Пра гэта паведамілі ў кіраванні гандлю і паслуг Магілёўскага гарвыканкама. Стартуюць кірмашовыя мерапрыемствы 17 верасня. У гэты дзень купіць сельгаспрадукцыю можна будзе на пляцоўцы, прылеглай да гандлёвага цэнтру «Форум» (вуліца Крупскай, 119). Працаваць кірмаш тут будзе па 26 верасня. 18–19 верасня рэалізацыю сельгаспрадукцыі арганізуюць на тэрыторыі, прылеглай да будынка сярэдняй школы №13 Магілёва (вуліца Алтайская, 26).
Дзяржрэгуляванне цэн на шэраг сацыяльна значных тавараў у Беларусі падоўжанае да канца года
Пастановай МАРГ ад 1 верасня 2021 года №59 падоўжана дзяржаўнае рэгуляванне цэнаў на сацыяльна значныя тавары па 31 снежня 2021 года ўключна. Такая інфармацыя апублікавана на сайце МАРГ. У прыватнасці, рэгулююцца цэны на свежую рыбу, мясныя субпрадукты, кансервы мясныя, паўкапчоную каўбасу і варана-вэнджаную, маргарын, крупы пярловыя, свежыя часнок і перац, соль, чай, каву.
У Магілёве хочуць пабудаваць новы мікрараён з рабочай назвай «Саломінка-2». Відэа
У Магілёве хочуць пабудаваць новы мікрараён з рабочай назвай «Саломінка-2». У ім могуць пасяліцца каля 30 тыс.чалавек.
Ацяпляльны сезон: калі ён пачнецца і хто да яго гатовы? Відэа
На вуліцы халадае і спажыўцы цеплавой энергіі рыхтуюцца да новага ацяпляльнага сезона. Калі батарэі пацяплеюць і колькі гэта будзе каштаваць?
У кансалідаваны бюджэт Магілёўскай вобласці за сем месяцаў паступіла Br989,5 млн.
За студзень-ліпень 2021 года ў бюджэт рэгіёна паступіла Br989,5 млн. Пра гэта паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці. Найбольшыя сумы ў даходах бюджэту складаюць паступленні падаходнага падатку – Br335,4 млн. (33,9%), падатку на дабаўленую вартасць – Br146,7 млн. (14,8%), падатку на прыбытак – Br93,8 млн. (9,5%), падатку пры ССП – Br49,1 млн. (5,0%), акцызаў – Br44,9 млн. рублёў (4,5%).