Андрэй Артызаў: архівы Беларусі і Расіі захоўваюць дакладную нацыянальную памяць
Архівы Беларусі і Расіі захоўваюць дакладную нацыянальную памяць. Такім меркаваннем з журналістамі падзяліўся кіраўнік Федэральнага архіўнага агенцтва Расіі Андрэй Артызаў у час сумеснага пасяджэння калегій Дэпартамента па архівах і справаводстве Міністэрства юстыцыі Беларусі і Федэральнага архіўнага агенцтва РФ.
Шклоўскі масларобны завод стаў выпускаць малако ў ПЭТ-бутэльках новага аб’ёму –1,4 літра
Сучаснае абсталяванне, сістэмы якасці, натуральная прадукцыя выключных смакавых якасцей–усё гэта дазволіла ААТ «Шклоўскі масларобны завод» замацавацца не толькі на беларускім, але і на рынку Расійскай Федэрацыі. Прадпрыемства не стаіць на месцы і працягвае ўмацоўваць свае пазіцыі, асвойваючы выпуск ужо ўпадабанай прадукцыі ў новай упакоўцы. Так, Шклоўскі масларобны завод стаў выпускаць малако ў ПЭТ-бутэльках новага аб’ёму –1,4 літра.
Міністэрства аховы здароўя зацвердзіла парадак правядзення кіслароднай тэрапіі
Міністэрства аховы здароўя зацвердзіла інструкцыю аб парадку падачы кіслароду пацыенту з дапамогай назальных канюль або кіслароднай маскі. Гэта прадугледжана загадам №1141 ад 21 верасня 2021 года, размешчаным на сайце Міністэрства аховы здароўя. Як растлумачылі ў прэс-службе Міністэрства, дакумент вызначае парадак правядзення кіслароднай тэрапіі пацыентам клінічных аддзяленняў бальнічных арганізацый і хуткай медыцынскай дапамогі. Адзначаецца, што правядзенне кіслароднай тэрапіі пацыентам ажыццяўляюць медыцынскія работнікі з сярэдняй медадукацыяй, урачы-спецыялісты.
У Магілёўскай вобласці 24 верасня адбудзецца рэспубліканскі прэс-тур па аб’ектах настальгічнага турызму
У Магілёўскай вобласці 24 верасня адбудзецца рэспубліканскі прэс-тур па аб’ектах настальгічнага турызму. Арганізатарамі мерапрыемства выступаюць Міністэрства інфармацыі і Магілёўскі абласны выканаўчы камітэт. Прадстаўнікі рэспубліканскіх, рэгіянальных СМІ і журналісты са сталіцы наведаюць шэраг знакавых месцаў Прыдняпроўскага краю. У сядзібе «Глухарыны ток»(в. Осліўка Бялыніцкага раёна) пройдзе прэзентацыя турыстычных паслуг лясной гаспадаркі. Праграмай таксама запланавана азнаямленне з экспазіцыямі мастацкага музея імя В. К. Бялыніцкага-Бірулі ў Бялынічах.
У Магілёўскай вобласці ў поўным разгары сяўба азімых збожжавых
Падобна на тое, што восень вырашыла праверыць паляводаў на ўменне супрацьпаставіць капрызнаму надвор’ю прафесійнае майстэрства і аператыўнасць, сталасць і ўменне, каб забяспечыць правядзенне ўсяго шлейфу восеньскіх работ у комплексе. Надвор’е надвор’ем, а спадзявацца трэба толькі на сябе. Што аграрыі ў большасці сваёй і робяць.
Спартыўны турнір сярод воінаў-інтэрнацыяналістаў адбудзецца 25 верасня на базе Магілёўскага прафесійнага агралесатэхнічнага каледжа
Спартыўны турнір сярод воінаў-інтэрнацыяналістаў адбудзецца 25 верасня на базе Магілёўскага дзяржаўнага прафесійнага агралесатэхнічнага каледжа. Традыцыйнае мерапрыемства прысвечана памяці загінулых пры выкананні воінскага абавязку ў Афганістане і іншых лакальных канфліктах за межамі дзяржавы. Акрамя каманд ветэранаў, у турніры прымуць удзел каманды Магілёўскага абласнога кадэцкага вучылішча, СШ №12 і ваенна-праваслаўнага патрыятычнага клуба «Сокал».
У студзені–жніўні 2021 года ў Магілёўскай вобласці пабудавана больш за 1,6 тыс. новых кватэр
У студзені–жніўні 2021 года ў Магілёўскай вобласці арганізацыямі ўсіх формаў уласнасці пабудавана 1640 новых кватэр. Уведзена ў эксплуатацыю 150,2 тыс. кв.м агульнай плошчы жылля. Пра гэта паведамілі ў галоўным статыстычным упраўленні рэгіёна. Для грамадзян, якія стаяць на ўліку маючых патрэбу ў паляпшэнні жыллёвых умоў, пабудавана 59,1 тыс. кв. м, ці 39,3% ад агульнага аб’ёму ўведзенага жылля. У тым ліку з выкарыстаннем дзяржаўнай падтрымкі – 52,7 тыс. кв. м.
Ацяпленне ў жылфондзе Магілёва пачнуць уключаць з 22 верасня
Ацяпленне ў жылфондзе Магілёва пачнуць уключаць з 22 верасня. Пра гэта паведаміў начальнік аддзела жыллёва-камунальнай гаспадаркі Магілёўскага гарвыканкама Ігар Данькоў. «Ацяпленне ў жылыя дамы Магілёва пачнуць падаваць з 22 верасня. Цяпер службы ЖКГ ужо праводзяць падрыхтоўчыя працы, падключэнне дамоў будзе паэтапным», – адзначыў ён.
Калі чалавек не спяшаецца вакцынавацца, вакцына сама ідзе да яго
Менавіта такі прынцып узялі на ўзбраенне медыкі, калі вырашылі арганізаваць мабільныя прышчэпачныя пункты ад COVID-19 у гандлёвых цэнтрах Магілёва і Бабруйска. Сёння вакцына максімальна даступная і бясплатная, аднак да выпрацоўкі калектыўнага імунітэту яшчэ далёка: не кожны знаходзіць час і жаданне дабегчы да ўстановы аховы здароўя. Людзі прыдумваюць страшылкі аб прышчэпцы, шукаюць адгаворкі, каб яе не рабіць, і ў чарговы раз спадзяюцца на авось: раптам хвароба мяне не закране.
Падтрымка шматдзетных, пенсійная сістэма і будаўніцтва жылля. Аляксандр Лукашэнка сабраў нараду з кіраўніцтвам Саўміна
Прэзідэнт Беларусі Аляксандр Лукашэнка сабраў нараду з кіраўніцтвам Савета Міністраў, на якую вынесены шэраг пытанняў сацыяльнай накіраванасці. Кіраўніку дзяржавы прадаставяць некалькі праектаў указаў, якія датычацца падтрымкі шматдзетных сем’яў, пенсійнай сістэмы, будаўніцтва жылля, а таксама грамадзянскіх і моладзевых ініцыятыў.
Расія ў поўным аб’ёме аднавіла авіязносіны з Беларуссю
З сённяшняга дня Расія здымае ўсе абмежаванні на авіязносіны з Беларуссю і аднаўляе іх з Іспаніяй, Іракам, Кеніяй і Славакіяй. Такое рашэнне раней прыняў аператыўны штаб па барацьбе з каранавірусам, перадае ТАСС. Такім чынам, паветраныя зносіны паміж Расіяй і Беларуссю, часова абмежаваныя ў сувязі з распаўсюджваннем каранавіруса, будуць адноўленыя ў поўным аб’ёме.
Дзень адчыненых дзвярэй пройдзе ў Магілёўскім інстытуце МУС
У гэтую пятніцу ў Магілёўскім інстытуце МУС пройдзе Дзень адчыненых дзвярэй. Пра гэта паведамілі ва ўстанове адукацыі. Як расказалі суразмоўцы, супрацоўнікі і навучэнцы інстытута пазнаёмяць усіх жадаючых хлопцаў і дзяўчат з рэаліямі курсанцкага жыцця. Для гасцей у фае разгорнецца выстава спецыяльных сродкаў супрацоўнікаў міліцыі. А на кафедры крымінальнага працэсу і крыміналістыкі дзецям прадэманструюць розныя прылады і прыстасаванні тэхнікі ў гэтай галіне. Акрамя таго, курсанты факультэта міліцыі выступяць з канцэртнай праграмай на сцэне міліцэйскай ВНУ.
Прэзідэнт Беларусі даў згоду на прызначэнне Аляксандры Міхеенкана пасаду старшыні Касцюковіцкага райвыканкама
Прэзідэнт Беларусі Аляксандр Лукашэнка даў згоду на прызначэнне кіраўнікоў мясцовых выканаўчых і распарадчых органаў.
Жыхарам Магілёўскай вобласці 22 верасня прапануюць далучыцца да міжнароднай акцыі «Дзень без аўтамабіля»
Жыхарам Магілёўшчыны прапануюць далучыцца да міжнароднай акцыі «Дзень без аўтамабіля». У сераду, 22 верасня, абласны камітэт прыродных рэсурсаў і аховы навакольнага асяроддзя заклікае насельніцтва рэгіёна пакінуць аўтамабілі на стаянках і перасесці на грамадскі транспарт або веласіпед.
Ацяпленне пачалі падаваць у аб’екты сацсеткі Магілёва
З сённяшняга дня ацяпленне пачалі падаваць у аб’екты сацыяльнай сферы Магілёва. Такое распараджэнне падпісана ў гарвыканкаме і абапіраецца на ўмовы надвор’я і перспектыўны прагноз. «Уключыць сістэмы ацяплення ў будынках устаноў дашкольнай адукацыі, агульнай сярэдняй адукацыі, медыцынскіх, лячэбна-прафілактычных устаноў, музеяў, дзяржаўных архіваў, бібліятэк і арганізацый, якія аказваюць сацыяльныя паслугі на тэрыторыі горада Магілёва, з 20 верасня», – гаворыцца ў дакуменце.
Прамую тэлефонную лінію правядзе 25 верасня кіраўнік спраў Магілёўскага аблвыканкама Мікалай Дзядкоў
Прамую тэлефонную лінію 25 верасня правядзе кіраўнік спраў Магілёўскага аблвыканкама Мікалай Леанідавіч Дзядкоў. Па нумары (8 0222) 50-18-69 ён адкажа на пытанні жыхароў Прыдняпроўскага краю. Курыруюцца напрамкі: кантроль за выкананнем дакументаў, праца са зваротамі грамадзян і юрыдычных асоб. Адначасова ў суботу з 9.00 да 12.00 прамыя тэлефонныя лініі пройдуць ва ўсіх гаррайвыканкамах Магілёўскай вобласці. Пытанні можна будзе задаць па тэлефонах: Магілёўскі гарвыканкам – (0222) 42-21-02 (Цумараў Уладзімір Міхайлавіч – старшыня гарвыканкама);
Урачы заклікаюць насельніцтва вакцынавацца і тлумачаць, чаму гэта неабходна (відэа)
Урачы заклікаюць насельніцтва вакцынавацца. Гэта звязана з напружаным санітарна-эпідэмічным становішчам па covid-19. У Магілёўскай вобласці адзначаецца рост захворвання на сезонныя вострыя рэспіраторныя інфекцыі, у тым ліку – на каранавірусную інфекцыю. Медыкі звязваюць гэта з пачаткам восені і навучальнага года.
Прэм’ерны спектакль пра каханне падчас халакоста адкрые новы тэатральны сезон у Бабруйску
Прэм’ерны спектакль «Песя і Янко», які расказвае гісторыю кахання падчас халакоста, адкрые новы, 77-ы, тэатральны сезон у Магілёўскім абласным тэатры драмы і камедыі імя В. І. Дуніна-Марцінкевіча (Бабруйск). Пра гэта паведамілі ва ўстанове культуры.
У Бялыніцкім раёне школьнікі дапамагаюць ва ўборцы ўраджаю яблыкаў
У СВК «Калгас «Радзіма» Бялыніцкага раёна школьнікі дапамагаюць ва ўборцы ўраджаю яблыкаў. За змену дзеці прыбіраюць каля 12 т садавіны. Пра гэта расказаў намеснік старшыні СВК Міхаіл Скусаў. Як адзначыў Міхаіл Скусаў, дапамога школьнікаў ва ўборцы яблыкаў тут ужо стала традыцыяй. «Падчас збору ўраджаю з намі працуюць школьнікі з моманту стварэння саду –ужо больш за 10 гадоў, – адзначыў ён. – За сваю працу дзеці атрымліваюць заработную плату. Гэта таксама пэўны стымул. Акрамя таго, наша прадпрыемства на працягу года забяспечвае школьнікаў карыснай садавінай».
У Магілёве адкрыецца выстава віцебскага акварэліста Фелікса Гумена
У магілёўскім музеі В. К. Бялыніцкага-Бірулі 22 верасня адкрыецца выстава выдатнага віцебскага акварэліста Фелікса Гумена «Класіка і эксперыменты. Да 80-годдзя майстра акварэлі». Пра гэта паведамілі ва ўстанове культуры. На выставе будзе прадстаўлена больш за 70 жывапісных твораў майстра і яго вучняў. Палотны згрупаваны і разбіты на некалькі тэматычных раздзелаў: «Казачны Віцебск Гумена», «Кветкі, плады і іншае», «Дыялог з прыродай», «Прастора эксперыменту».
Студэнты ў Магілёве высадзілі яблыневы сад у гонар Дня народнага адзінства
Студэнты Беларускага дзяржаўнага ўніверсітэта харчовых і хімічных тэхналогій сёння высадзілі яблыневы сад у гонар Дня народнага адзінства. У сімвалічнай акцыі прыняло ўдзел каля 25 чалавек з розных факультэтаў і курсаў. Да іх далучыўся і рэктар ВНУ Максім Кіркор. «Яблыні былі абраны нездарма. Яны лёгка прыжываюцца ў нашым клімаце, для іх не патрабуецца спецыялізаванага догляду. Для нашай краіны гэта традыцыйнае дрэва. Яблыні, як і васількі, – сімвал Беларусі», – адзначыў рэктар.
У Магілёве святкуюць Дзень народнага адзінства: на плошчы Адзінства адкрылі памятны знак
У Магілёве працягваюць адзначаць Дзень народнага адзінства. Пасля ўводу першай чаргі дарогі-дублёра пляцоўцы каля Магілёўскага абласнога лячэбна-дыягнастычнага цэнтра прысвоілі імя – плошча Адзінства. Тут жа адкрылі памятны знак, прысвечаны святу. Ва ўрачыстым мерапрыемстве прынялі ўдзел кіраўнік Адміністрацыі Прэзідэнта Ігар Сяргеенка, намеснік прэм’ер-міністра Анатоль Сівак, старшыня Магілёўскага аблвыканкама Леанід Заяц, памочнік Прэзідэнта–інспектар па Магілёўскай вобласці Леанід Мартынюк, жыхары горада.
У Магілёве адкрылі дарогу-дублёр вуліцы Якубоўскага і Загараднай шашы: па ініцыятыве грамадзян ёй дадуць назву 17 верасня
У Магілёве адкрылі першую чаргу дарогі-дублёра вуліцы Якубоўскага і Загараднага шашы. Аб’ект стаў падарункам жыхарам горада да Дня народнага адзінства і адным з найбуйнейшых праектаў транспартнай інфраструктуры абласнога цэнтра.
Валерый Малашка: у святкаванні Дня народнага адзінства не толькі гістарычны, але і сакральны сэнс
Беларусь 17 верасня ўпершыню адзначыць Дзень народнага адзінства. Свята мае трывалы гістарычны падмурак і накіравана на згуртаванне беларускага народа. У яго аснове пераемнасць пакаленняў, а таксама курс на развіццё моцнай і незалежнай краіны. Пра тое, якія расстаўляе акцэнты ў жыцці сучаснага беларуса ідэя народнага адзінства і чым унікальнае гэта свята, расказаў намеснік старшыні Магілёўскага абласнога выканаўчага камітэта Валерый Малашка.
Дзень народнага адзінства падкрэслівае пераемнасць пакаленняў, непахіснасць беларускай нацыі і дзяржаўнасці –Леанід Заяц
Дзень народнага адзінства падкрэслівае пераемнасць пакаленняў, непахіснасць і самадастатковасць беларускай нацыі і дзяржаўнасці. Ён спалучае ў сабе ўрачыстасць гістарычнай справядлівасці і цвёрдую ўпэўненасць у светлай будучыні нашай краіны. На гэта звярнуў увагу старшыня Магілёўскага аблвыканкама Леанід Заяц, выступаючы сёння на ўрачыстым мерапрыемстве, прысвечаным 17 верасня.
Удзельнікаў Алімпійскіх і Паралімпійскіх гульняў ушаноўвалі ў Магілёве напярэдадні Дня народнага адзінства
Прызёраў і ўдзельнікаў Алімпійскіх і Паралімпійскіх гульняў у Токіа ўшаноўвалі ў Магілёве падчас абласнога ўрачыстага мерапрыемства, прымеркаванага да Дня народнага адзінства.
У Магілёве прайшло выязное пасяджэнне калегіі Міністэрства спорту і турызму
У Магілёве сёння прайшло выязное пасяджэнне калегіі Міністэрства спорту і турызму. У мерапрыемстве прынялі ўдзел члены калегіі; начальнікі галоўных упраўленняў спорту і турызму аблвыканкамаў і Мінгарвыканкама; кіраўнікі структурных падраздзяленняў Магілёўскай вобласці, якія адказваюць за развіццё спорту і турызму, кіраўнікі ЦФАР і ФСК рэгіёна, вучэбна-метадычных цэнтраў фізічнага выхавання насельніцтва.
Міністр спорту і турызму Сяргей Кавальчук: спорт – аб’яднаўчая сіла, здольная стаць кропкай апоры нацыі
Спорт – аб’яднаўчая сіла, здольная стаць кропкай апоры нацыі. Такое меркаванне выказаў міністр спорту і турызму Сяргей Кавальчук, выступаючы на пасяджэнні калегіі Міністэрства спорту і турызму, якое адбылося сёння ў Магілёўскім аблвыканкаме.
Нагадваць аб ахове працы ніколі не позна і не празмерна –намеснік міністра працы і сацыяльнай абароны Ігар Старавойтаў
Нагадваць аб ахове працы ніколі не позна і не празмерна. Такое меркаванне выказаў у гутарцы з журналістамі намеснік міністра працы і сацыяльнай абароны Ігар Старавойтаў. Сёння ён прымае ўдзел у рэспубліканскай навукова-практычнай канферэнцыі «Ахова працы –клопат агульны», якая праходзіць на пляцоўцы Беларуска-Расійскага ўніверсітэта.
У Магілёве прэзентавалі выставу пра гісторыю горада напярэдадні ўз’яднання Заходняй Беларусі і БССР
Праект пераносу сталіцы з Мінска ў Магілёў у 1930-я гады даў магутны імпульс развіццю рэгіёна. Такое меркаванне падчас рэспубліканскага тэлемоста, прымеркаванага да Дня народнага адзінства, выказаў дырэктар Магілёўскага абласнога краязнаўчага музея імя Е. Р. Раманава Віктар Анненкаў.