У вёсцы Ухлясць Быхаўскага раёна асвяцілі новую капліцу ў гонар Уваскрэсення Хрыстова
У вёсцы Ухлясць Быхаўскага раёна асвяцілі новую капліцу ў гонар Уваскрэсення Хрыстова. Урачысты абрад здзейсніў епіскап Бабруйскі і Быхаўскі Серафім. Капліца ўзведзена па ініцыятыве ўраджэнца Ухлясці і ганаровага грамадзяніна Быхаўскага раёна Алега Шэпеля, які ўзначальвае Паралімпійскі камітэт Рэспублікі Беларусь і Беларускае таварыства інвалідаў па зроку. Грошы збіралі ўсім мірам, а мясцовыя жыхары высадзілі дрэвы. Раней у гэтай вёсцы наогул не было храма, таму для праваслаўных вернікаў Ухлясці і наваколля гэта значная падзея.
Рэспубліканскі праект «Уладар сяла» пачнецца 15 мая
Беларускі рэспубліканскі саюз моладзі дае старт рэспубліканскаму сямейнаму сельскагаспадарчаму праекту «Уладар сяла–2021» 15 мая, паведаміла сакратар Цэнтральнага камітэта БРСМ Юлія Зінкевіч.
Прамую тэлефонную лінію 15 мая правядзе намеснік старшыні Магілёўскага аблвыканкама Валерый Малашка
Прамую тэлефонную лінію 15 мая правядзе намеснік старшыні Магілёўскага аблвыканкама Валерый Анатольевіч Малашка. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Абласны этап рэспубліканскага творчага конкурсу юных чытальнікаў «Жывая класіка» пройдзе ў Магілёве 13 мая
Абласны этап рэспубліканскага творчага конкурсу юных чытальнікаў «Жывая класіка» пройдзе 13 мая на пляцоўцы Абласнога цэнтра творчасці (навучальны корпус, канферэнц-зала). Пра гэта паведаміла метадыст аддзела адукацыйнай дзейнасці ўстановы дадатковай адукацыі Таццяна Новікава. У спаборніцтве, прымеркаваным да Года народнага адзінства, праявяць сябе навучэнцы 1–4, 5–6, 7–8 і 9–10 класаў устаноў агульнай сярэдняй і дадатковай адукацыі дзяцей і моладзі. Пераможцы прадставяць нашу вобласць у паўфінале, які плануецца правесці ў Мінску ў чэрвені.
Аляксандр Лукашэнка 9 мая падпісаў дэкрэт аб абароне суверэнітэту і канстытуцыйнага ладу
Прэзідэнт Рэспублікі Беларусь Аляксандр Лукашэнка падпісаў дэкрэт ад 9 мая 2021 года № 2 «Аб абароне суверэнітэту і канстытуцыйнага ладу». Пра гэта паведамілі ў прэс-службе беларускага лідара. Дакументам прадугледжваецца, што ў выпадку гібелі кіраўніка дзяржавы з прычыны замаху, здзяйснення акта тэрарызму, знешняй агрэсіі, іншых гвалтоўных дзеянняў усе дзяржаўныя органы і іх службовыя асобы дзейнічаюць у адпаведнасці з рашэннямі Савета бяспекі, на пасяджэннях якога старшынюе прэм’ер-міністр.
Праект па вывучэнні імунітэту супраць COVID-19 стартаваў у Беларусі
Праект па вывучэнні імунітэту супраць COVID-19 стартаваў у Беларусі, паведамілі ў Міністэрстве аховы здароўя.
Леанід Заяц: гісторыя жыцця пакалення пераможцаў – сапраўдны прыклад мужнасці, доблесці і духоўнай велічы
Гісторыя жыцця пакалення пераможцаў – сапраўдны прыклад мужнасці, доблесці і духоўнай велічы. На гэта звярнуў увагу старшыня Магілёўскага аблвыканкама Леанід Заяц падчас урачыстага мерапрыемства«У сэрцах пакаленняў – Вялікая Перамога».
Каманда Магілёўскай вобласці пятым разам стала пераможцай каманднага заліку фіналу Усебеларускага кросу на прызы газеты «СБ. Беларусь сегодня»
Фінал Усебеларускага лёгкаатлетычнага кросу на прызы газеты «СБ. Беларусь сегодня» завяршыўся ў Магілёве. Пасля фінішу асабістых забегаў ва ўсіх узроставых катэгорыях вызначыўся і пераможца каманднага заліку –ім пяты раз запар стала каманда Магілёўскай вобласці. Спаборніцтвы на маляўнічай трасе каля ракі Дубравенка стартавалі забегамі на самай доўгай –пяцікіламетровай–дыстанцыі. Нагадаем, у іх перамогу атрымалі ВольгаНемагай і Вячаслаў Скудны. Прабегі спартсменаў малодшых узростаў аказаліся не менш цікавымі.
Супрацоўнікі Міністэрства ўнутраных спраў правялі мітынг-рэквіем ля помніка батальёна міліцыі капітана Уладзімірава
Супрацоўнікі Міністэрства ўнутраных спраў правялі мітынг-рэквіем ля помніка батальёна міліцыі капітана Уладзімірава. Ва ўрачыстым мерапрыемстве напярэдадні Дня Перамогі прынялі ўдзел міністр унутраных спраў генерал-маёр міліцыі Іван Кубракоў, яго намеснікі, кіраўніцтва Магілёўскага аблвыканкама, начальнікі абласных УУС і ГУУС Мінгарвыканкама, прадстаўнікі цэнтральнага апарата МУС, курсанты і выкладчыкі ведамасных навучальных устаноў, ветэраны органаў унутраных спраў і ўнутраных войскаў.
Фестываль «Шчасце ў дзецях» пройдзе 13–14 мая ў Бабруйску
Дзявяты па ліку фестываль у падтрымку сям’і, мацярынства і дзяцінства «Шчасце ў дзецях» пройдзе 13–14 мая ў Бабруйску.
Магілёўскія ратавальнікі душэўна павіншавалі з Днём Перамогі ветэрана Вялікай Айчыннай вайны і пажарнай службы Андрэя Сямёнавіча Маісеева
Гэтым летам магілёўцу Андрэю Сямёнавічу Маісееву споўніцца 97 гадоў. Да ўрачыстасці яшчэ некалькі месяцаў, а Дзень Перамогі – зусім хутка. Са святам сёння цёпла павіншавалі ветэрана Вялікай Айчыннай вайны і пажарнай службы магілёўскія ратавальнікі. Пад вокнамі кватэры заслужанага чалавека, які пражывае ў пяціпавярхоўцы на бульвары Юбілейны, духавы аркестр абласнога ўпраўлення МНС выканаў яго любімыя «Дзень Перамогі», «Тры танкісты», марш «Развітанне славянкі».
Старшыня Магілёўскага аблвыканкама Леанід Заяц напярэдадні Дня Перамогі наведаў шпіталь інвалідаў Айчыннай вайны
У сувязі з эпідэмічнай сітуацыяй было прынята рашэнне не праводзіць у шпіталі традыцыйны святочны канцэрт. Замест гэтага Леанід Заяц прайшоў па палатах і асабіста павіншаваў пацыентаў медустановы з надыходзячым святам, пажадаў моцнага здароўя, уручыў падарункі.
Маладзёжны пасол МУР Кацярына Чорная: праблема захавання марскіх экасістэм актуальная і для нас
Наша краіна знаходзіцца на водападзеле басейнаў Балтыйскага і Чорнага мораў. І хоць прамога выхаду да іх няма, маладзёжны пасол Мэт устойлівага развіцця Кацярына Чорная ўпэўненая: праблема забруджвання і закіслення воднага асяроддзя для нас таксама актуальная. Кацярына–студэнтка Беларускай дзяржаўнай ордэнаў Кастрычніцкай рэвалюцыі і Працоўнага Чырвонага Сцяга сельскагаспадарчай акадэміі. Сама родам з Бялыніч, цяпер жыве і вучыцца ў Горках:
У Чэрыкаўскім раёне перапахавалі астанкі байца Чырвонай Арміі
Астанкі чырвонаармейца Міхаіла Градусава, знойдзеныя ў Эстоніі, перапахавалі сёння ў вёсцы Зоры Чэрыкаўскага раёна. Як адзначылі сваякі салдата, асабліва важна, што іх продак вярнуўся на радзіму напярэдадні Дня Перамогі.
У Магілёўскай вобласці пражывае крыху больш за 280 ветэранаў
У Магілёўскай вобласці, паводле даных на 3 мая, пражывала 286 ветэранаў Вялікай Айчыннай вайны. Пра гэта паведамілі ў камітэце па працы, занятасці і сацыяльнай абароне Магілёўскага аблвыканкама.
Аўтаномны пажарны апавяшчальнік выратаваў 7 чалавек у Асіповічах
Анёлам-ахоўнікам шматдзетнай сям’і з Асіповічаў стаў аўтаномны пажарны апавяшчальнік. Пра гэта паведаміла старшы інспектар абласнога ўпраўлення МНС Вольга Нехарошых.
Магіляўчане далучацца да міжнароднай акцыі «Сад памяці» 7 мая
Магілёўцы далучацца да міжнароднай акцыі «Сад памяці», якая пройдзе 7 мая ў парку Падміколле. Пра гэта паведаміла намеснік начальніка аддзела ідэалагічнай работы і па справах моладзі Магілёўскага гарвыканкама Ірына Сталярова. «Удзельнікамі акцыі стануць прадстаўнікі Рассупрацоўніцтва, актыўная моладзь горада і прадстаўнікі ветэранскай арганізацыі Магілёва. Усе разам мы высадзім 30 саджанцаў бэзу–беларускай і расійскай селекцыі», – расказала Ірына Сталярова. Усяго ў акцыі плануе прыняць удзел каля 50 чалавек.
На Магілёўшчыне актывісты БРСМ дапамагаюць ветэранам навесці парадак у дамах і на прысядзібных участках
У межах акцыі «Ветэран жыве побач» актывісты БРСМ на Магілёўшчыне наведваюць ветэранаў, удзельнікаў Вялікай Айчыннай вайны, блакаднікаў Ленінграда, каб аказаць ім канкрэтную дапамогу. Учора моладзь, школьнікі і навучэнцы Жыліцкага сельскагаспадарчага каледжа працавалі ў вёсцы вілы Кіраўскага раёна, дзе пражывае Канстанцін Баранчук. У гады Вялікай Айчыннай Канстанцін Фёдаравіч дапамагаў партызанам, пасля вайны прымаў актыўны ўдзел у аднаўленні сельскай гаспадаркі.
Магілёў стаў чацвёртай пляцоўкай семінара на тэму лічбавізацыі дзяржорганаў
Семінар «Лічбавізацыя дзяржаўных органаў і арганізацый з прымяненнем дзеючага заканадаўства. Інфармацыйная бяспека: ад тэорыі да практыкі» сабраў кіраўнікоў дзяржаўнага сектара Магілёўскай вобласці. У ролі спікераў-экспертаў выступілі прадстаўнікі Аператыўна-аналітычнага цэнтра пры Прэзідэнце Рэспублікі Беларусь, спецыялісты кампаніі beCloud і Нацыянальнага цэнтра інфармацыйных паслуг, прадстаўнікі ўпраўлення следчага камітэта і пракуратуры Магілёўскай вобласці.
У Магілёўскай вобласці назвалі пераможцаў спаборніцтва сярод дзяржаўных СМІ па выніках працы за 2020 год
У Магілёўскай вобласці назвалі пераможцаў спаборніцтва сярод дзяржаўных СМІ па выніках працы за 2020 год. Так, сярод рэдакцый абласных і гарадскіх сродкаў масавай інфармацыі пераможцам вызначана УКІП «Рэдакцыя газеты «Зямля і людзі». Сярод рэдакцый раённых СМІ найлепшымі сталі: рэдакцыя Бабруйскай раённай газеты «Трыбуна працы» (I месца), рэдакцыя раённай газеты «Сцяг Саветаў» (II месца), рэдакцыя раённай газеты «Сельскае жыццё»(III месца);
У Магілёўскім гарвыканкаме сёння з 90-гадовым юбілеем павіншавалі блакадніцу Ленінграда
З 90-гадовым юбілеем сёння ў Магілёўскім гарвыканкаме цёпла павіншавалі Лізавету Пятроўну Хомчанку. Ураджэнка Ленінграда (у дзявоцтве Хадасевіч) у гады Вялікай Айчыннай яна страціла ў блакадным горадзе спачатку бацьку, затым маці і дзядулю. Бацькоў забілі падчас бамбёжкі, дзядуля памёр ад голаду. У выніку засталася 10-гадовая дзяўчынка з трохгадовым братам на руках.
У вырашэнні праблем грамадзян нельга разводзіць папяровую валакіту – Леанід Заяц
Старшыня Магілёўскага аблвыканкама Леанід Заяц правёў асабісты прыём грамадзян у Магілёве.
Магілёўцаў запрашаюць далучыцца да акцыі «Беларусь памятае»
Магілёўцаў запрашаюць далучыцца да акцыі «Беларусь памятае», якая адбудзецца 9 мая ў 10.00 на плошчы Славы. Пра гэта паведамілі ў Магілёўскім гарвыканкаме. «Беларусь памятае»– акцыя, закліканая захаваць памяць аб Вялікай Айчыннай вайне, аб кожным, хто, не шкадуючы свайго жыцця, змагаўся за вызваленне Радзімы, – падкрэслілі суразмоўцы. – Кожны жадаючы – прадпрыемствы, арганізацыі, гараджане – у памяць пра франтавікоў могуць вырабіць транспаранты з фотаздымкамі тых, хто абараняў родную зямлю, але не дажыў да гэтай даты, і прыняць удзел у акцыі».
Прадстаўнікі Магілёўскай вобласці ўдастоены дзяржаўных узнагарод і Падзякі Прэзідэнта
Дзяржаўных узнагарод удастоена 47 прадстаўнікоў розных сфер дзейнасці. Адпаведны ўказ падпісаў Прэзідэнт Беларусі Аляксандр Лукашэнка, паведамілі ў прэс-службе беларускага лідара.
Пераможцаў абласнога конкурсу «Думай! Дзейнічай! Стварай!» узнагародзяць 6 мая ў Магілёве
У канцэртнай зале абласнога цэнтра творчасці 6 мая адбудзецца ўрачыстая цырымонія ўзнагароджання пераможцаў абласнога конкурсу агітбрыгад «Думай! Дзейнічай! Стварай!», а таксама святочны канцэрт, прысвечаны Дню Перамогі. Пра гэта паведаміла загадчык аддзела па ўзаемадзеянні з дзіцячымі і моладзевымі грамадскімі арганізацыямі ўстановы дадатковай адукацыі Алена Кавалёва. Як патлумачыла суразмоўніца, конкурс праводзіўся з 15 сакавіка па 30 красавіка ў межах рэгіянальнага праекта «# Мая_Зямля_Прыдняпроўе». У спаборніцтве прынялі ўдзел 73 агітбрыгады.
Кубак Беларусі па лёгкаатлетычным кросе прыме 7 мая Магілёў
Кубак Беларусі і рэспубліканскія спаборніцтвы па лёгкаатлетычным кросе на прызы газеты «СБ. Беларусь сегодня», а таксама рэспубліканскія спаборніцтвы па эстафетным бегу памяці заслужанага трэнера Беларусі Аляксандра Кіцэнкі адбудуцца ў Магілёве 7 мая.У праграму кросавых спаборніцтваў увойдуць наступныя дыстанцыі: 1 км–юнакі і дзяўчаты 2006–2007 гг. н., 2 км–юнакі і дзяўчаты 2004–2005 гг. н., 3 км–юніёры і юніёркі 2002–2003 гг. н, 5 км–мужчыны і жанчыны 2001 г.н. і старэйшыя.
У магілёўскай арганізацыі Беларускага саюза журналістаў з’явіўся свой сімвал
У Магілёўскай абласной арганізацыі ГА «Беларускі саюз журналістаў» з’явіўся свой сімвал – статуэтка. З гэтага года ён стане ўзнагародай для журналістаў рэгіёна ў намінацыі «За вернасць прафесіі». Пра гэта паведаміла старшыня Магілёўскай абласной арганізацыі ГА «Беларускі саюз журналістаў» Святлана Шутава.
Ваенна-патрыятычнае свята «Пакаленне Перамогі» пройдзе ў Магілёўскім інстытуце МУС 5 мая
Ваенна-патрыятычнае свята «Пакаленне Перамогі» пройдзе ў Магілёўскім інстытуце МУС 5 мая. Пра гэта паведаміла афіцыйны прадстаўнік ВНУ Марына Грамыка. Удзельнікамі мерапрыемства стануць 8 каманд (у кожнай да 10 хлопцаў ва ўзросце 16–18 гадоў). З іх пяць будзе сфарміравана з курсантаў 1 курса факультэта міліцыі інстытута, тры прадставяць выхаванцы Магілёўскага праваслаўнага ваенна-патрыятычнага клуба «Пересвет», навучэнцы Магілёўскага абласнога кадэцкага вучылішча і патрыятычных класаў ДУА «КПК дзіцячы сад – сярэдняя школа № 12».
Астанкі байца з Чэрыкаўскага раёна, які загінуў у 1944-м у Эстоніі, перапахаваюць на яго радзіме
Свайго дзядзьку Мішу Уладзімір Градусаў з Чэрыкава бачыў толькі на фота. На пажоўклым ад часу здымку –прыгожы малады хлопец у марской форме. Пра яго Уладзіміру расказваў бацька, які таксама ваяваў і вярнуўся дадому. А на яго роднага брата ў 1944-м маці атрымала пахаванку: «Ваш сын Міхаіл гераічна загінуў у Эстоніі». Дзе менавіта быў апошні бой сына і дзе пахавалі чырвонаармейца, там не значылася.
Абласная гістарычная інтэрнэт-алімпіяда «Доўгія вёрсты вайны» стартуе ў Магілёве 5 мая
Абласная гістарычная інтэрнэт-алімпіяда «Доўгія вёрсты вайны» стартуе ў Магілёве 5 мая. У межах VII Магілёўскага фестывалю навукі, які пройдзе ў Беларуска-Расійскім універсітэце 5–7 мая, адбудзецца гістарычная інтэрнэт-алімпіяда «Доўгія вёрсты вайны», прысвечаная 80-годдзю абароны Магілёва. Да ўдзелу ў ёй запрашаюцца 9–11-класнікі з усёй вобласці.