рэгіёны

Конкурс сацыяльных праектаў па прафілактыцы правапарушэнняў і негатыўных тэндэнцый у маладзёжным асяроддзі прайшоў у горадзе Бабруйску.

Магілёўскі аблсавет дэпутатаў падвёў вынікі штогадовага спаборніцтва сярод органаў мясцовага самакіравання. Пераходны сцяг Магілёўскага аблсавета дэпутатаў другі год запар застаецца ў Кіраўскім раёне. У мінулым годзе яго атрымаў Дабаснянскі сельсавет, у гэтым – Скрыпліцкі.

Новую пелетную вытворчасць запусцілі ў Клічаўскім раёне з удзелам міністра лясной гаспадаркі Віталя Дрожы, як паведамілі ў прэс-службе Мінлясгаса.

Быхаў упрыгожылі новымі зялёнымі насаджэннямі. Сёлета ў райцэнтры вырашылі прымяніць свежае рашэнне для ландшафтнага дызайну. Для гэтага ў цэнтральнай частцы горада высадзілі туі розных геаметрычных формаў.

Каля 3 тысяч аб’ектаў расліннага свету высадзілі ў Быхаўскім раёне. Каб раённы цэнтр стаў больш прывабным, сёлета цэнтральныя клумбы горада вырашылі ўпрыгожыць туямі. На моднае азеляненне горада накіравалі сродкі, якія фарміруюцца з кампенсацыйных выплат за выдаленыя аб’екты расліннасці.

Дзе можна ўбачыць зуброў? На гэтае пытанне без запінкі адкажа любы суайчыннік – у Белавежскай пушчы. Невялікія папуляцыі ёсць і ў іншых рэгіёнах, а яшчэ – у Магілёўскім заасадзе. Але мала хто ў курсе, што самыя першыя ў нашай краіне зубры з’явіліся ў Горацкім раёне. З той пары тут і жывуць. Толькі не ў лесе або асобна ўзятай прасторнай вальеры, а на звычайных сельскіх падворках. Зубры – так клічуць сябе людзі з аднайменнай вёскі, заснаванай у далёкім 1622 годзе.

Жыхар Клічаўскага аграгарадка Колбча Андрэй Малашкевіч заняўся пчалярствам пасля траўмы спіны. Стаць рамеснікам яму дапамог Фонд сацыяльнай абароны насельніцтва: субсідыя на развіццё бізнесу амаль у Br3,5 тысячы дала магчымасць купіць станкі і абсталяванне.

У Магілёўскім раёне знайшлі спосаб больш эфектыўнага выкарыстання зямель. Аграрыі пачалі ўборку кулісных пасеваў – гэта азімае жыта і свірэпіца на корм жывёлам. Потым палі адразу ж засеяць кукурузай. Гэта дазволіць за адзін год сабраць ураджай кармавых.

Аграрыі таксама адзначылі, што выдаткі такіх пасеваў мінімальныя. Укосная плошча ў Магілёўскім раёне складае 14 з паловай тысяч гектараў. Убраць сянаж плануюць за 10 дзён.

Па двух гуртах у 350 галоў, якія знаходзяцца на кругласутачнай пашы, у ААТ «Фірма “Кадзіна”» Магілёўскага раёна сутачныя надоі плюсуюць па 1,7 кілаграма малака ад каровы. А да 1 чэрвеня, паводле слоў намесніка дырэктара Генадзя Разганава, чакаюць прыбаўку да 3 кілаграмаў. Вядома, расце прадукцыйнасць і на малочна-таварным комплексе «Кадзіна», дзе таксама ўключаны зялёны канвеер.

– У Клімавіцкім раённым краязнаўчым музеі праходзіць выстава «Лісты з фронту». У экспазіцыйнай зале прадстаўлены вестачкі з фронту сваім родным і блізкім, – паведамілі ва ўстанове культуры.

Турызм – адна з самых пацярпелых ад пандэміі кавід-19 галін. І ў Беларусі, і ва ўсім свеце. Але ўсё ж людзі задумваюцца аб тым, як пройдзе адпачынак у гэтым годзе, бо жыццё працягваецца.

Паводле апытванняў, 40% патэнцыйных турыстаў у найбліжэйшыя паўгода не збіраюцца нікуды ляцець, а таму, верагодна, нас чакае ўсплёск цікавасці да адпачынку ў родных краях.

Прадметы, сярод якіх аскепкі мін, гранат, снарадаў, асабістыя рэчы салдат, знойдзены падчас пошукавай працы. Цікава, што фарміраванне фонду музея рэчамі ваенных часоў пачалося дастаткова даўно, больш за 10 гадоў таму назад.

У краіне праходзіць акцыя памяці «Беларусь памятае. Памятаем кожнага», прысвечаная 75-годдзю Вялікай Перамогі. У гэтыя дні жыхары і госці Магілёўскай вобласці наведваюць месцы воінскай славы, каб ускласці кветкі да мемарыяльных комплексаў, абеліскаў, помнікаў, брацкіх магіл і магіл невядомых салдат ва ўсіх кутках краіны.

Даніна героям Вялікай Айчыннай вайны была аддадзена сёння падчас мітынгу памяці ў пасёлку Татарка Асіповіцкага раёна. Да помніка-скульптуры «Воін і партызанка», а таксама брацкай магілы савецкіх салдат ляглі кветкі і вянкі. Ушанаваць іх памяць прыйшлі прадстаўнікі ўлады, грамадскасць і ваеннаслужачыя 5-й асобнай брыгады спецыяльнага прызначэння з Мар’інай Горкі.

Падчас рабочай паездкі ў Бабруйск Прэзідэнт асаблівую ўвагу звярнуў на апрацоўку грэчкі, у тым ліку ў Магілёўскай вобласці, забеспячэнне сваімі крупамі беларускага рынку. Гэта звязана з павелічэннем попыту на яе і абмежаваннем паставак з суседняй Расіі. Як рэгіён мае намер рэалізаваць патрабаванне кіраўніка дзяржавы і якія для гэтага ёсць магчымасці?

У быхаўскай гаспадарцы «Абідавічы» работнікі спраўна ходзяць на працу. Надоі і прывагі – усё па плане. Вяскоўцы кажуць, што год абяцае быць сытным. Каб быць з малаком, Магілёўская вобласць павялічыла сяўбу кукурузы на збожжа ў тры разы. Грэчкі хопіць, каб пракарміць не толькі Магілёўшчыну, але і падзяліцца з суседзямі.

Работнікі Дрыбінскага УКП «Бытпаслугі» ўносяць свой уклад у работу па прафілактыцы каранавіруснай інфекцыі. Тут нядаўна асвоілі пашыў тканевых і марлевых масак.

Біягазавы комплекс магутнасцю каля 1000 кВт пабудуюць у Касцюковіцкім раёне. У якасці сыравіны будзе выкарыстоўвацца гной ад малочна-таварных ферм, якія належаць даччынай кампаніі Беларускага цэментнага завода, і пасляспіртавая барда Касцюковіцкага спіртзавода.

Сухая барда выкарыстоўваецца ў якасці харчовай дабаўкі з высокім утрыманнем лёгказасваяльнага бялку для кармлення жывёл. Барду мяркуецца экспартаваць у Бранскую вобласць для прадпрыемстваў, якія займаюцца адкормам бычкоў для вытворчасці мармуровай ялавічыны.

Жывёлаводы Прыдняпроўскага краю нарошчваюць пагалоўе жывёлы, а аб’ёмы малака сёлета плануюць павялічыць на 10 працэнтаў.

Вырошчванню маладняку ў ААТ «Кадзіна» Магілёўскага раёна надаюць асаблівую ўвагу. З гэтай мэтай тут пабудавалі два прафілакторыі, разлічаныя на 300 галоў. За два гады ў гаспадарцы не страцілі ніводнага цяляці. Захаванасць жывёлы складае 100 працэнтаў. У дапамогу жывёлаводам сёння і інавацыі, і вопыт мудрых настаўнікаў. Калі пашпарт жывёлы ў камп’ютары, яе жыццё як на далоні. 

Спосаб вырасціць бульбу для многіх у цэлым падобны: кошык з клубнямі і градка. Своечасова высадзіць, правільна даглядаць і да канца сезона атрымаць жаданы ўраджай. А вось як вырошчваюць бульбу ў прабірках у Беларускай дзяржаўнай сельскагаспадарчай акадэміі. Менавіта тут знаходзіцца лабараторыя біятэхналогій, у якой незвычайным спосабам вырошчваюць бульбу.

Харчовая бяспека абавязкова стане ключавым словам у найбліжэйшай будучыні. «Максімавічы-Агра»– гаспадарка ў Клічаўскім раёне. Тут імкнуцца працаваць стабільна і прыбыткова.

Мясцовай ферме–4 гады. Тут каля 3-х соцень кароў, і па выніках мінулага года надаілі 7 тысяч 700 кілаграм на ўмоўную галаву. У цэлым па гаспадарцы за мінулы год павысіліся надоі амаль на 10%. Як гэта атрымалася? У першую чаргу, з дапамогай тэхналагічнай дысцыпліны і неабыякавага стаўлення да працы.