рэгіёны

Намеснік старшыні Магілёўскага аблвыканкама Валерый Малашка наведаў бабруйскую друкарню імя А. Т. Непагодзіна і медыяхолдынг «Бабруйскае жыццё», паразмаўляў з прадстаўнікамі працоўных калектываў і адказаў на іх пытанні.

Прэм’еру спектакля «Раганосец» па п’есе Юрыя Куліка «Аднакласнікі або Дзень Птэрадактыля» рыхтуе народны тэатр Краснапольскага раённага Цэнтра культуры. Над пастаноўкай працуе рэжысёр Аляксандр Паплыка, расказалі ва ўстанове культуры.

У Слаўгарадскай цэнтральнай раённай бальніцы мадэрнізуюць сістэму ацяплення і гарачага водазабеспячэння, ужыўшы альтэрнатыўную, энергазберагальную тэхналогію на аснове геліякалектараў. Пра гэта паведаміла намеснік начальніка ўпраўлення – начальнік вытворча-тэхнічнага аддзела Магілёўскага абласнога ўпраўлення па наглядзе за рацыянальным выкарыстаннем ТЭР Дэпартамента па энергаэфектыўнасці Святлана Заграбанец.

У панядзелак Круглае наведала прэс-сакратар Прэзідэнта Наталля Эйсмант. Тут яна правяла дзве сустрэчы: з калектывам будаўнікоў ПМК-266 непасрэдна на прадпрыемстве і з актывам раёна ў будынку РДК. Пасада прэс-сакратара Прэзідэнта наводзіла на думку, што гаворка пойдзе пра нейкую агітацыю. Смею заўважыць, што аб маючых адбыцца выбарах якраз гаварылася менш за ўсё. Бо кожны грамадзянін, зайшоўшы ў кабінку для выбаршчыка 9 жніўня, усё роўна застанецца сам-насам і мае права паступіць так, як яму здаецца правільным.

Агуркі, памідоры, а зусім хутка і перцы Гародніна, вырашчаная дзецьмі ў школьнай цяпліцы, – гэта не толькі вітамінавы дадатак, але і магчымасць гарадскім падлеткам паспрабаваць сябе ў ролі фермера.

Інавацыйны праект «Экапосуд Хоцімшчыны» прадставіць Хоцімскі раённы Дом рамёстваў на рэспубліканскім свяце«Купалле». Як расказала загадчык установы культуры Вольга Калтунова, майстры народнага промыслу і рамёстваў прадэманструюць экалагічны посуд з дрэва і керамікі.

Так, Ніна Рагоўская будзе здзіўляць гасцей і ўдзельнікаў фестывалю посудам з керамікі ангобнага роспісу: «Валачоныя збаны, распісныя. У нас толькі ў Хоцімску ёсць ангобны роспіс. Наша Ніна Сямёнаўна распрацавала яго сама».

Вызначаны пераможцы другога конкурсу на прадастаўленне грантаў Прэзідэнта Расійскай Федэрацыі на развіццё грамадзянскай супольнасці ў 2020 годзе. Гранты на агульную суму Br4,6 млрд. расійскіх рублёў атрымаюць 2402 арганізацыі. У іх ліку праект Асацыяцыі «Агенцтва інтэграцыйных ініцыятыў» (Смаленск) і гістарычнага музея Крычава «Дарогамі Пацёмкіна: па памятных месцах князя-стваральніка», паведамляецца на сайце Крычаўскага райвыканкама.

Афіцыйны гімн з’явіўся ў Круглянскага раёна. Як расказаў начальнік аддзела ідэалагічнай работы, культуры і па справах моладзі райвыканкама Сяргей Лазоўскі, у конкурсе на стварэнне галоўнага музычна-паэтычнага сімвала раёна прыняло ўдзел больш за 10 аўтараў і ўраджэнцаў Кругляншчыны. Перамог варыянт гімна, аўтарам тэксту якога з’яўляецца мясцовы паэт Віктар Бяляцкі, а музыкі – заслужаны артыст Беларусі і ганаровы грамадзянін Круглянскага раёна Уладзімір Варапаеў.

Мост– сімвал новых магчымасцяў Слаўгарадскага раёна. Левы і правы берагі ракі Сож цяпер злучыў маставы пераход даўжынёй у паўкіламетра.

Раней у цёплы сезон даводзілася карыстацца пантонным мостам. А з надыходам халадоў трапіць на левы бераг–там, дзе Блакітная крыніца, – і зусім можна было толькі ў аб’езд, даўжынёй больш за сотню кіламетраў. Цяпер жа–прыгажосць, зручнасць, а яшчэ і вялікія планы на сацыяльна-эканамічнае развіццё левабярэжжа.

Праект па абазначэнні славутасцяў Крычаўскага раёна QR-кодамі ўжо стартаваў. У парку Перамогі горада QR-кодамі абазначылі помнік воінам-інтэрнацыяналістам і памятны знак у гонар 100-годдзя ўтварэння пагранічных войскаў. Пра гэта паведаміў дырэктар ДУК «Гістарычны музей Крычава» Уладзімір Мішчанка.

22 чэрвеня 2020 года споўнілася б 100 гадоў ветэрану Вялікай Айчыннай вайны, удзельніку Парада Перамогі 1945 года ў Маскве, Ганароваму грамадзяніну Чавускага раёна, ветэрану працы Уладзіміру Васільевічу Марчанку. Ён усяго паўгода не дажыў да гэтай даты…

Кірмаш «Мясцовыя ініцыятывы для мікрарэгіёнаў развіцця» пройдзе 26 чэрвеня ў Магілёўскай вобласці анлайн, паведамілі ў Міжнародным фондзе развіцця сельскіх тэрыторый.

«Эпідэміялагічная сітуацыя закранула і праектную дзейнасць на тэрыторыі Магілёўскай вобласці. Сёлета падрыхтоўка і правядзенне кірмашу набудзе новы анлайн-фармат. Мерапрыемства пройдзе ў форме канферэнцыі на інфармацыйнай платформе Zoom», – адзначылі ў фондзе.

Дэпутат Палаты прадстаўнікоў Сяргей Сыранкоў і член Савета Рэспублікі Віктар Ананіч напярэдадні Дня медыцынскага работніка сустрэліся з калектывам Краснапольскай цэнтральнай раённай бальніцы. Парламентарыі павіншавалі медыкаў з прафесійным святам, уручылі ім падарункі, у тым ліку грашовы сертыфікат, паведамілі ў прэс-службе Палаты прадстаўнікоў.

Артысты Магілёўскага раёна падзякавалі медыкам. Творчыя калектывы выступілі на адкрытым паветры перад будынкамі магілёўскай паліклінікі № 11 і сельскіх амбулаторый у Дашкаўцы, Сухарах, Нядашаве, Княжыцах. Віншавальная акцыя ў падтрымку ўрачоў, медыцынскіх сясцёр прайшла напярэдадні Дня медыцынскага работніка. Пра гэта расказала намесніца дырэктара аб’яднанай клубнай сістэмы Магілёўскага раёна Наталля Гоманава.

Першы сельскагаспадарчы атрад школьнікаў выйшаў у поле Шклоўскага раёна. 10 вучняў Заходскай сярэдняй школы працуюць у гаспадарцы «Ніва».

Нягледзячы на юны ўзрост, сельскія школьнікі добра ведаюць усе аграрныя правілы. Хлопцы і дзяўчаты занятыя відавой праполкай і, па словах дарослых, адказна ставяцца да гэтай справы.

Школьнікі Магілёўшчыны гэтым летам актыўна працуюць у сельскагаспадарчых, а таксама экалагічных атрадах. Гэта дае ім магчымасць зарабіць дадатковыя грошы.

У Шклоўскім раёне ўведзена забарона на наведванне лясоў у сувязі з сухім і цёплым надвор’ем.

Нагадаем: рашэнні па ўвядзенні і зняцці забароны на наведванне лясоў прымаюць мясцовыя органы ўлады па хадайніцтве лесагаспадарчых устаноў або раённых аддзелаў па надзвычайных сітуацыях. Меры абмежавальнага характару ўводзяцца ў выпадку ўстанаўлення высокага класа пажарнай небяспекі. Галоўная мэта ўвядзення забароны на наведванне лясоў –арганізацыя бяспекі грамадзян, захаванасці іх маёмасці, а таксама ляснога фонду.

Тры новыя яркія арт-аб’екты з’явіліся на цэнтральных вуліцах Горак. Вершы вядомых паэтаў-землякоў аздобілі фасады будынкаў

Асабісты прыём грамадзян правядзе 19 чэрвеня з 10.00 да 12.00 у Дрыбінскім раённым выканаўчым камітэце (г.п. Дрыбін, вул. Леніна, 35) начальнік галоўнага кантрольна-аналітычнага ўпраўлення Магілёўскага аблвыканкама Алег Мікалаевіч Дземенкавец.