ПереводчикАрхіў навін
На базе ААТ «Рассвет імя К.П.Арлоўскага» пад кіраўніцтвам старшыні Магілёўскага аблвыканкама Леаніда Зайца адбыўся абласны семінар-вучоба, на якім было разгледжана пытанне вытворчасці прадукцыі жывёлагадоўлі ў пераходны перыяд на зімова-стойлавае ўтрыманне грамадскага статка. Удзел у ім прынялі старшыні райвыканкамаў, іх першыя намеснікі – начальнікі райсельгасхарчаў, іх намеснікі па жывёлагадоўлі, кіраўніцтва і спецыялісты райсельгасхарчу, спецыялісты племянной і ветэрынарнай службаў, кіраўнікі, галоўныя заатэхнікі і галоўныя ветэрынарныя ўрачы сельгасарганізацый Кіраўскага раёна.
Прамую тэлефонную лінію правядзе 19 верасня кіраўнік спраў Магілёўскага аблвыканкама Мікалай Дзядкоў
Прамую тэлефонную лінію правядзе 19 верасня кіраўнік спраў Магілёўскага аблвыканкама Мікалай Леанідавіч Дзядкоў. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Капітальны рамонт Мсціслаўскай раённай паліклінікі падыходзіць да завяршэння. На аб’екце працуе 7 будаўнічых арганізацый з розных рэгіёнаў вобласці.
Падчас рамонтных работ у будынку цалкам замянілі пліты перакрыцця, узмацнілі падмурак, знеслі цагляныя перагародкі. Зараз вядзецца аздабленне. Гатоўнасць аб’екта – 60%. Плануецца, што ў абноўленым выглядзе сваіх першых пацыентаў паліклініка сустрэне ў кастрычніку.
Больш за 20 дакументаў аб супрацоўніцтве падпісалі сёння ўдзельнікі II раённага інвестыцыйнага форуму «Магілёўскі раён – тэрыторыя магчымасцей». Мерапрыемства праходзіць сёння ў вёсцы Салтанаўка Магілёўскага раёна.
Своеасаблівыя саламяныя «Дажынкі бяспекі» адбыліся ў абласным упраўленні МНС. Тут падвялі вынікі рэгіянальнага конкурсу на самую лепшую кампазіцыю з саломы, –паведаміла старшы інспектар абласнога ўпраўлення МНС Вольга Нехарошых.
За тыдзень у кожным раёне Магілёўшчыны ўздоўж абочын дарог з ажыўленым рухам з’явіліся саламяныя творы, галоўны элемент якіх –бяспека. Іх размяшчэнне было выбрана не выпадкова: чым больш людзей, якія праходзяць або праязджаюць міма, убачаць іх, тым больш бяспечным стане жыццё. Не заўважыць кампазіцыі проста немагчыма:яркія крэатыўныя дэталі бачныя здалёк.
Кірмаш «Рэгіянальныя ініцыятывы для развіцця мікрарэгіёнаў» пройдзе 15 верасня ў раённым Цэнтры культуры і народнай творчасці Слаўгарада, як паведамілі арганізатары.
У Бабруйску 12 верасня на пляцоўцы гарадскога парку культуры і адпачынку пройдзе штогадовы конкурс «Залатая Цешча». Традыцыйныя і яго заданні, напрыклад, «Добры дзень, я ваша цешча!»– візітная картка, дзе, выкарыстоўваючы любы жанр мастацтва (вакал, вершы, проза, арыгінальны жанр), неабходна прадставіць гледачам сябе і сваіх родных.
У Чавускім і Слаўгарадскім раёнах 14–20 верасня адбудзецца пошукавая экспедыцыя моладзі на месцах баёў у гады Вялікай Айчыннай вайны. Яе арганізуюць абласны цэнтр творчасці, Магілёўскі пошукавы клуб «Віккру» і 52-гі пошукавы батальён Узброеных Сіл Рэспублікі Беларусь, як перадае карэспандэнт сайта.
У экспедыцыі прыме ў удзел каля 50 чалавек – навучэнцы школ, студэнты, працоўная моладзь Магілёва, Мінска, Быхава, Чавус, Слаўгарада. Палявыя пошукавыя работы пройдуць у раёне вёсак Галавенчыцы, Сутокі Чавускага і Чырвоная Слабада, Папоўка, Добры Дуб Слаўгарадскага раёнаў.
Бабруйчан запрашаюць да ўдзелу ў сямейным фестывалі «Тата, Мама, Я–футбольная сям’я!». Спартыўнае мерапрыемства плануюць правесці 19 верасня на стадыёне імя Аляксандра Пракапенкі, паведамляе карэспандэнт сайта.
У Асіповічах урачыста адкрылі дзіцячы дом сямейнага тыпу. Размясціўся ён на вуліцы Загараднай.
Магілёўскі абласны драматычны тэатр рыхтуе фантазію па матывах аповесці Аляксандра Пушкіна «Пікавая дама». Спектакль упершыню пакажуць гледачу на вялікай сцэне 21 і 22 кастрычніка, як паведамілі ва ўстанове культуры.
Пры разліку сродкаў, якія падлягаюць пералічэнню па-за чаргой на пагашэнне запазычанасці па заработнай плаце, наймальнікі павінны браніраваць у разліку на аднаго работніка Br429,27. Такі нарматыў прымяняецца ў Беларусі з 10 верасня, як паведамілі ў Міністэрстве працы і сацыяльнай абароны.
Другі рэспубліканскі форум лідараў БРПА «Піянерскія інавацыі» адбыўся 8–10 верасня ў Нацыянальным дзіцячым адукацыйна-аздараўленчым цэнтры«Зубронак». Форум быў прысвечаны 30-годдзю Беларускай піянерскай арганізацыі. Ён аб’яднаў 150 чалавек–лідараў і актывістаў БРПА з усіх рэгіёнаў краіны, як расказала старшыня Магілёўскай абласной піянерскай арганізацыі Алена Малдаванава.
Амаль Br103 тыс. з прафсаюзнага бюджэту выдаткавана за 5 месяцаў бягучага года на прафілактыку распаўсюджвання каранавіруснай інфекцыі ў членскіх арганізацыях Беларускага прафсаюза работнікаў аховы здароўя Магілёўскай вобласці.
Інвестыцыйны форум «Магілёўскі раён – тэрыторыя магчымасцей» пройдзе 11 верасня ў вёсцы Салтанаўка (рэстаранна-гасцінічны комплекс «Грын-Хіл»). Пра гэта карэспандэнту сайта паведамілі ў Магілёўскім агенцтве рэгіянальнага развіцця.
На заводзе па вытворчасці паліўных пелет Клічаўскага лясгаса за 2 квартал 2020 года вырабілі 1 тыс. т прадукцыі. Пра гэта паведаміла загадчык сектара вытворча-тэхнічнага аддзела Магілёўскага абласнога ўпраўлення па наглядзе за рацыянальным выкарыстаннем ПЭР Дэпартамента па энергаэфектыўнасці Маргарыта Міцюшава.
ААТ «ААБ Беларусбанк» прыпыніла прыём новых заявак на выдачу крэдытаў на будаўніцтва або рэканструкцыю жылых памяшканняў з выкарыстаннем субсідыі на яго пагашэнне па ўказе № 240. Такую інфармацыю пацвердзілі ў кантакт-цэнтры банка.
«Сапраўды, з сённяшняга дня гэты від крэдытавання прыпынены банкам. Калі крэдытаванне будзе адноўлена, невядома. Такое рашэнне было прынята праўленнем банка», – паведамілі ў кантакт-цэнтры.
У Асіповічах 11 верасня правядуць велапрабег «За Беларусь!». Мерапрыемства, прымеркаванае да 18-годдзя стварэння БРСМ, пройдзе пад дэвізам «За мірную, квітнеючую родную краіну!», як паведамілі ў райвыканкаме.
Стартуюць удзельнікі велапрабегу ад ФСК «Жамчужына» ў 16.00. Яны наведаюць помнікі вайсковай славы горада.
Міністэрства аховы здароўя Беларусі актуалізавала пералік краін, у якіх рэгіструюцца выпадкі інфекцыі COVID-19, як паведамілі ў прэс-службе ведамства.
Спіс актуалізаваны ў адпаведнасці з прынятымі крытэрыямі: з улікам эпідэміялагічных рызык, у тым ліку ўзроўню і дынамікі захворвання, а таксама мер у адказ у краіне.
З пераліку выключаны Узбекістан. Унесены пяць дзяржаў, якія раней былі выключаныя: Іспанія, Чарнагорыя, Ізраіль, Андора і Мальта. У іх на працягу апошніх трох тыдняў захворванне вышэйшаеза 50 выпадкаў на 100 тыс. насельніцтва.
Беларуская федэрацыя баскетбола зацвердзіла каляндар 29-га чэмпіянату краіны. Мужчынскі чэмпіянат Беларусі стартуе 26 верасня.
У першым туры дзеючы сярэбраны прызёр Магілёўскі «Барысфен» у стартавы дзень спаборніцтваў не гуляе, а свой першы паядынак новага першынства правядзе 3 кастрычніка ў СК «Алімпіец» супраць баскетбалістаў рэспубліканскага дзяржаўнага вучылішча алімпійскага рэзерву (РДВАР). Пачатак гульні ў 15.00.
У Магілёве падыходзіць да завяршэння бягучы рамонт дамоў па вуліцы Крупскай. Усяго памяняе сваё аблічча і палепшае камфартабельнасць 20 шматкватэрных будынкаў.
Будаўнікі тынкуюць, фарбуюць, абшываюць балконныя казыркі і рамантуюць падмуркі дамоў. Гараджане адзначаюць, што бягучы рамонт дазваляе пазбавіцца ад традыцыйных праблем старых дамоў, напрыклад, цвілі на сценах і вокнах.
Аднавіць і адрамантаваць сёлета ў Магілёве плануюць 43 дамы. На гэта выдзелена каля Br15 млн.
«Хронікі аднаго года» – пад такой назвай адкрылася ў Магілёве выстава членаў Саюза мастакоў Беларусі. Творчыя людзі вобласці традыцыйна паказалі публіцы, што яны стварылі за год.
Выставачная зала музея гісторыі Магілёва напоўненая вельмі рознымі творчымі работамі: ад абстрактных артаб’ектаў да вялікіх мастацкіх палотнаў. Ад прыгожых пейзажаў і кветкавых нацюрмортаў да карцін ваеннай тэматыкі мастака Барыса Пярвунінскіх. Ён прысвяціў іх 75-годдзю Перамогі.
Чэмпіянат Беларусі па спартыўнай гімнастыцы пройдзе ў Магілёве 15–17 верасня. Найлепшыя спартсмены краіны збяруцца пад зводамі Палаца гімнастыкі, як паведамілі ў прэс-цэнтры спартыўнай установы.
Спаборніцтвы будуць праходзіць па раскладзе:
16 верасня
10.00–11.00–Размінка (мужчыны)
11.00–13.00–Спаборніцтвы (мужчыны)
13.00–13.15 –Парад адкрыцця спаборніцтваў
13.15–13.30 –Агульная размінка (жанчыны)
13.30–14.30 – Размінка на снарадах (жанчыны)
14.30–16.30 – Спаборніцтвы (жанчыны)
Турыстычны комплекс Бабруйскага раёна зноў прызнаны найлепшай у Беларусі зонай адпачынку ля вадаёма. «Наша месца» стала пераможцам рэспубліканскага конкурсу на самае лепшае ўладкаванне і ўтрыманне месцаў карыстання павярхоўнымі воднымі абъектамі для рэкрэацыі, спорту і турызму.
За цяперашні сезон Глускае райст плануе замарозіць больш за дзве тысячы тон ягад і грыбоў. Іх у насельніцтва закупляюць 14 нарыхтоўчых пунктаў і ўсе крамы раённага спажывецкага таварыства. Некаторая частка прадукцыі паступае на перапрацоўку ў цэх замарозкі на давальніцкіх умовах. Калі гаварыць аб перапрацоўцы ягад, то работнікі цэха пачалі ў гэтым сезоне з замаразкі клубніц.
Беларускі рэспубліканскі саюз моладзі ў межах рэалізацыі рэспубліканскага маладзёжнага інавацыйнага праекта «Стартап-тур»арганізуе сёння анлайн-вебінар «Прасоўванне і ўпакоўка бізнесу»для маладых прадпрымальнікаў, як паведаміла каардынатар рэспубліканскага маладзёжнага праекта «100 ідэй для Беларусі» Наталля Карабец.
Прамую тэлефонную лінію правядзе 22 верасня намеснік старшыні камітэта эканомікі Магілёўскага аблвыканкама Павел Леанідавіч Марыненка.
З 10.00 да 12.00 па нумары (8 0222) 32 26 63 ён адкажа на актуальныя пытанні развіцця і падтрымкі прадпрымальніцтва.
Прафілактычная акцыя «Колаў менш – небяспекі больш!» па папярэджанні ДТЗ з удзелам матацыклістаў стартавала ў Магілёўскай вобласці. Мерапрыемствы працягнуцца да 14 верасня, як паведамілі карэспандэнту сайта ў аддзяленні па агітацыі і прапагандзе ДАІ УУС Магілёўскага аблвыканкама.
Магілёўшчына далучылася да Адзінага дня бяспекі. Прадстаўнікі розных службаў праводзяць заняткі па прафілактыцы надзвычайных здарэнняў.
Напрыклад, у вёсцы Семукачы Магілёўскага раёна вучням мясцовай школы ў гульнявой форме нагадалі правілы бяспечных паводзін. А таксама пазнаёмілі з асаблівасцю працы ратавальнікаў.
Дзіцячы сад-школу ў Семукачах наведваюць дзеці з пяці суседніх вёсак. Усім ім у чарговы раз нагадалі, як паводзіць сябе на дарозе і што рабіць у выпадку задымлення або пажару. Тэматычныя дні бяспекі ў межах рэспубліканскай акцыі праводзяцца на працягу тыдня.
Адборачны этап дзіцячай шоу-праграмы «Чароўны малы.Next –2020» пройдзе 15 верасня ў 18.00 у Палацы культуры вобласці. Для ўдзелу ў конкурсе запрашаюцца хлопчыкі і дзяўчынкі ва ўзросце ад 5 да 6 гадоў, як паведамляецца на афіцыйным сайце ўстановы культуры.
У адборачным туры дзеці будуць «спаборнічаць» у трох этапах: візітная картка, танцавальны і вакальны конкурсы.