Загадчыца аўтаклуба цэнтралізаванай клубнай сістэмы Слаўгарадскага раёна Галіна Максімава прадставіць Магілёўшчыну на VI Усебеларускім народным сходзе
Не заставацца абыякавым Указ Прэзідэнта аб развіцці паўднёва-ўсходніх рэгіёнаў Магілёўскай вобласці надаў новы імпульс жыццю Слаўгарадскага раёна. Адной са знакавых падзей для яго жыхароў і ўсёй краіны стала адкрыццё ў мінулым годзе моста праз Сож, які злучыў асноўную частку раёна з левабярэжжам. Як загадчыца аўтаклуба, які разам з інфармацыйна-сацыяльным цягніком «Клопат» рэгулярна наведвае вёскі ўсяго раёна, Галіна Максімава высока ацаніла перамены ў лагістыцы: вёскі Засожжа зараз сталі нашмат бліжэйшыя да райцэнтра.
Узорны канцэртны хор гімназіі-каледжа мастацтваў імя Яўгена Глебава стаў лаўрэатам 1 ступені на рэспубліканскім аглядзе-конкурсе
Узорны канцэртны хор Магілёўскай дзяржаўнай гімназіі-каледжа мастацтваў імя Яўгена Глебава пад кіраўніцтвам Вікторыі Віктараўны Галузы чарговы раз даказаў свой высокі прафесіяналізм і харавое майстэрства, стаўшы лаўрэатам 1 ступені на рэспубліканскім аглядзе-конкурсе харавых калектываў «Спяваем разам». Калектыў паўтарыў свой паспяховы вынік 2018 года, паведаміла намеснік дырэктара па вучэбнай рабоце спецыяльнага цыкла Наталля Алісеева.
Медыкі не рэкамендуюць акунацца ў палонку пасля перанесенага COVID-19
Медыкі не рэкамендуюць акунацца ў палонку пасля перанесенага COVID-19, паведамляецца ў прэс-службе Міністэрства аховы здароўя. «Існуе паняцце «посткаранавірусны сіндром». Гаворка ідзе пра тое, што нават калі працэс запалення скончыўся, могуць яшчэ заставацца ўскладненні з боку дыхальнай, сардэчна-сасудзістай сістэм – лішні раз нагружаць арганізм стрэсам не варта», – адзначылі ў Міністэрстве аховы здароўя.
Дзмітрый Варанюк правядзе 20 студзеня ў Магілёве прыём грамадзян
Член Савета Рэспублікі Нацыянальнага сходу Рэспублікі Беларусь Дзмітрый Сяргеевіч Варанюк правядзе 20 студзеня з 14.00 да 16.00 прыём грамадзян у будынку Магілёўскага гарвыканкама (вул. Першамайская, д. 28а, каб. 107). Запісацца на прыём можна па тэлефоне + 375 (29) 2-46-51-36
Магіляўчан запрашаюць 30 студзеня на «Гарачы фэст»
У суботу, 30 студзеня з 13:00 да 18:00 на этнахутары «Зялёны гай» адбудзецца «Гарачы фэст». Пра гэта паведамілі ў Цэнтры гарадскіх ініцыятыў. Арганізатары падрыхтавалі займальныя гульні і конкурсы, сагравальныя танцы, снежныя і спартыўныя забавы, карысныя майстар-класы, беларускія народныя абрады і варажбу, а таксама тэматычныя фотазоны. Рамеснікі прадставяць свае аўтарскія вырабы і сувеніры. Фэст пройдзе пад гукі народнай і сучаснай музыкі ў спалучэнні з традыцыйнымі гарачымі напоямі і пачастункамі.
Прамую тэлефонную лінію 23 студзеня правядзе намеснік старшыні Магілёўскага аблвыканкама Сяргей Маслаў
Прамую тэлефонную лінію 23 студзеня правядзе намеснік старшыні Магілёўскага аблвыканкама Сяргей Мікалаевіч Маслаў. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Дэлегат VI Усебеларускага народнага сходу Вольга Каранькова: «Я лічу, што трэба ўзмацніць дзяржпадтрымку маладых сем’яў»
Начальніка Цэнтра банкаўскіх паслуг № 615 у г.п. Глуску рэгіянальнай дырэкцыі па Магілёўскай вобласці ААТ «Белаграпрамбанк» Вольгу Каранькову ў гарадскім пасёлку ведаюць многія. Амаль усё яе працоўнае жыццё звязана менавіта з Глускам: адзінаццаць гадоў яна працавала ў раённым спажывецкім таварыстве, займалася там кадравай, рэвізорскай, бухгалтарскай працай, а месяц таму, у снежні, споўнілася роўна 20 гадоў, як яна працуе ў банкаўскай сферы, з іх 18 – менавіта ў Белаграпрамбанку.
Папяровая фабрыка «Спартак» мадэрнізавала перапрацоўку макулатуры
Мадэрнізаваная вытворчасць па перапрацоўцы макулатуры адкрылася ў ААТ «Папяровая фабрыка «Спартак» у Шклове. Інвестпраект рэалізаваны пры падтрымцы аператара другасных матэрыяльных рэсурсаў, які вылучыў больш за Br16 млн, яшчэ Br0,7 млн прафінансавала папяровая фабрыка.
Прышчэпкі ад каранавіруса будуць рабіць і на Магілёўшчыне
На днях у Магілёўскую вобласць прыедзе вакцына ад каранавіруса расійскай вытворчасці. Прывіваць у першую чаргу плануюць урачоў. Потым і іншых з групы рызыкі. Вакцынацыя ад каранавіруса будзе добраахвотная і бясплатная. Прэпарат закупляюць з рэспубліканскага бюджэту. Гаворка пакуль не ідзе аб масавай вакцынацыі.
Br18,4 млн. дадаткова ўнеслі ў бюджэт плацельшчыкі Магілёўскай вобласці па выніках камеральнага кантролю за 2020 год
Br18,4 млн. дадаткова ўнеслі ў бюджэт плацельшчыкі Магілёўскай вобласці па выніках камеральнага кантролю за 2020 год. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці.
Лясгасы Магілёўскай вобласці за мінулы год пасадзілі дрэвы на плошчы амаль 6,5 тыс. га
Лясгасы Магілёўскай вобласці за мінулы год пасадзілі дрэвы на плошчы амаль 6,5 тыс. га. Пра гэта карэспандэнту расказаў намеснік кіраўніка па ідэалагічнай працы Магілёўскага ДВЛГА Сяргей Шах. «Па выніках працы за мінулы год лясгасы рэгіёна высадзілі лясныя культуры на плошчы амаль 6,5 тыс. га, – сказаў Сяргей Шах. – Селекцыйным пасяўным і пасадачным матэрыялам створаны лясныя культуры на амаль 3 тыс. га. Акрамя таго, нарыхтавана амаль 870 тыс. куб. м ліквіднай драўніны пры планавым паказчыку 800 тыс. куб. м».
Федэрацыя прафсаюзаў ўнесла прапановы па ўдасканаленні пенсійнай сістэмы
Для абмеркавання магчымых змяненняў, акумулявання прапаноў нацыянальны прафцэнтр і Міністэрства працы і сацыяльнай абароны стварылі дыялогавую пляцоўку. Яе ўдзельнікі 15 студзеня разгледзелі ўнесеныя прафсаюзамі ініцыятывы.
Дэлегат Анатоль Піскуноў: вяскоўцы ў прыгожыя пустыя абяцанні не вераць
Глава крестьянского фермерского хозяйства Анатолий Пискунов начал заниматься фермерством, можно сказать, одним из первых в стране — со второй половины 1992 года. Но сначала в том же году получил диплом агронома в Белорусской государственной сельскохозяйственной академии. По целевому направлению стал работать по специальности в известном тогда колхозе-миллионере «17-й партсъезд» Горецкого района Могилевской области.
ДАІ Магілёўшчыны просіць аўтааматараў праяўляць павышаную ўвагу і асцярожнасць падчас моцных маразоў
У сувязі са значным паніжэннем тэмпературы Дзяржаўтаінспекцыя рэгіёна звяртаецца да ўсіх удзельнікаў дарожнага руху і заклікае праяўляць павышаную ўвагу і асцярожнасць. Пра гэта паведамілі ў аддзяленні па агітацыі і прапагандзе ДАІ УУС Магілёўскага аблвыканкама.
У Магілёўскай абласной дзіцячай бальніцы адбылося прысвячэнне маладых спецыялістаў у прафесію
У Магілёўскую абласную дзіцячую бальніцу па размеркаванні прыйшоў 21 малады спецыяліст. Сярод іх 2 педыятры, урач анестэзіёлаг-рэаніматолаг, правізар-фармацэўт і 17 медыцынскіх сясцёр. Гасцінна прымаць моладзь у свой калектыў – ужо традыцыя для ўстановы. Да прысвячэння ў прафесію аматарскі тэатр медыцынскага калектыву падрыхтаваў спектакль па матывах любімага фільма «Карнавальная ноч». Разам з пастаяннымі ўдзельнікамі ў пастаноўцы дэбютавала і моладзь.
Ініцыятыва ФПБ дазволіць павысіць зарплату шэрагу работнікаў рэальнага сектара
Урад падтрымаў прапанову ФПБ аб прыпыненні дзеяння пастановы Савета Міністраў Рэспублікі Беларусь ад 31 ліпеня 2014 года № 744 «Аб аплаце працы работнікаў». Адпаведны праект дакумента ўжо падрыхтаваны.
У Магілёўскай вобласці падведзены вынікі трэцяга этапу рэспубліканскай алімпіяды па вучэбных прадметах
У Магілёўскай вобласці падведзены вынікі трэцяга этапу рэспубліканскай алімпіяды па вучэбных прадметах. Пра гэта паведамілі ў галоўным упраўленні па адукацыі Магаблвыканкама. Як расказалі ва ўпраўленні, трэці (абласны) этап рэспубліканскай алімпіяды па вучэбных прадметах прайшоў у перыяд з 11 па 14 студзеня 2021 г. Усяго ў алімпіядах прынялі ўдзел 953 навучэнцы з усіх рэгіёнаў Магілёўскай вобласці. Па выніках абласных алімпіяд пераможцамі стала 420 удзельнікаў. З іх 77 чалавек узнагароджаны дыпломамі I ступені, 119 – II ступені і 224 – III ступені.
Больш за 15 тыс. пасажыраў за першы месяц перавезлі новыя цягнікі Мінск–Магілёў і Мінск–Пінск
Больш за 15 тысяч пасажыраў за першы месяц перавезлі новыя цягнікі ў зносінах Мінск–Магілёў і Мінск–Пінск. Пра гэта паведамляецца на афіцыйным сайце Беларускай чыгункі. З 13 снежня 2020 года ў зносінах Мінск–Магілёў штодня курсіруюць тры пары цягнікоў ДП6 міжрэгіянальных ліній бізнес-класа. Час у дарозе – менш за 3 гадзіны (ад 2 ч 44 мін да 2 ч 52 мін). На маршруце паміж Мінскам і Магілёвам прадугледжаны прыпынкі па станцыях Асіповічы, Ялізава і Нясета.
Аптэкі могуць прадаваць некаторыя інфузійныя растворы без рэцэпту – Міністэрства аховы здароўя
Да ўнясення змяненняў у пастанову Міністэрства аховы здароўя па пераліку лекавых сродкаў, якія адпускаюцца без рэцэпту, аптэкі маюць права прадаваць асобныя лекавыя прэпараты для інфузій без рэцэпту. Пра гэта паведамілі ў прэс-службе ведамства.
Вытворчасць палетных сталоў для аэрапортаў асвоена на магілёўскім заводзе «Строммашына»
Магілёўскі завод «Строммашына» асвоіў вытворчасць палетных сталоў, прызначаных для перамяшчэння гружаных палет (спецыяльная тара плоскай прамавугольнай канструкцыі для спрашчэння і рацыяналізацыі пагрузачна-разгрузачных работ з дапамогай спецтэхнікі) у транспартных сістэмах аэрапортаў. Разліковы тэрмін службы палетнага стала – 10 гадоў, але яго можна і падаўжаць з выкананнем неабходнага капітальнага рамонту. Першая партыя сталоў у колькасці 50 штук выраблена і адгружана заказчыку, як паведамілі на прадпрыемстве.
Пераможцаў конкурсу «Навагодні дызайн у стылі МНС» вызначылі ў Магілёўскай вобласці
У Магілёўскай вобласці вызначылі пераможцаў конкурсу «Навагодні дызайн у стылі МНС». Пра гэта паведаміла начальнік сектара ЦБЖіВА Магілёўскага абласнога ўпраўлення МНС Аляксандра Пруднікава. Як расказала суразмоўца, конкурс «Навагодні дызайн у стылі МНС» быў арганізаваны ў снежні 2020 года ў межах рэспубліканскай акцыі «Бяспечны Новы год!» па ініцыятыве Магілёўскага абласнога ўпраўлення МНС і галоўнага ўпраўлення ідэалагічнай работы і па справах моладзі Магілёўскага аблвыканкама.
У Магілёўскай мытні расказалі аб парадку часовага ўвозу аўтамабіляў для асабістага карыстання
Савет Еўразійскай эканамічнай камісіі прыняў рашэнне № 79 аб працягу да 31марта 2021года тэрміну часовага ўвозу транспартных сродкаў для асабістага карыстання, увезеных у перыяд з 1марта 2019 да 31марта 2020 года без мытнага дэкларавання. Пра гэта паведамілі ў прэс-цэнтры Магілёўскай мытні.
Новы дзіцячы дом сямейнага тыпу адкрылі ў Горках
Новы дзіцячы дом сямейнага тыпу адкрылі сёння ў Горках. Сюды пераехала шматдзетная сям’я Вольгі Драздовай. Зараз на выхаванні жанчыны знаходзяцца чацвёра дзяцей – два хлопчыкі і дзве дзяўчынкі.
Грант Прэзідэнта Рэспублікі Беларусь у галіне навукі прадастаўлены выкладчыку МДУ імя А. А. Куляшова
Грант Прэзідэнта Рэспублікі Беларусь на 2021 год у галіне навукі прадастаўлены выкладчыку Магілёўскага дзяржаўнага ўніверсітэта імя А.А. Куляшова. Пра гэта паведамляецца на сайце навучальнай установы.
Тры дні без бальнічнага, самаізаляцыя для работнікаў – Мінпрацы патлумачыла новаўвядзенні ва ўказе № 143
Праца прадпрыемстваў ва ўмовах распаўсюджвання каронавіруснай інфекцыі пазначыла неабходнасць зрабіць заканадаўства аб працы больш гнуткім, каб аператыўна прымаць меры для захавання здароўя работнікаў і дастатковага штату для вытворчага працэсу.
Моладзь Магілёўшчыны запускае чэлендж «Прыбярэм снег разам»
Магілёўская моладзь прымае выклік «Прыбярэм снег разам» у моладзі з Гродзенскай вобласці. Пра гэта паведамілі ў прэс-цэнтры Магілёўскага абласнога камітэта ГА «БРСМ». «Чэлендж будзе доўжыцца да заканчэння зімовага перыяду. Валанцёры БРСМ і прадстаўнікі МААП дапамогуць у расчыстцы тэрыторыі ад снегу ветэранам Вялікай Айчыннай вайны, адзінокім пажылым людзям, інвалідам і іншым катэгорыям грамадзян», – падзяліліся суразмоўцы. Заяўку на аказанне дапамогі можна пакінуць па тэлефонах моладзевых гарачых ліній, якія арганізаваны на базе ўсіх тэрытарыяльных камітэтаў БРСМ.
Абласныя прадметныя алімпіяды праходзяць на Магілёўшчыне
Амаль тысяча навучэнцаў з усёй вобласці змагаецца за права паехаць на рэспубліканскую алімпіяду па вучэбных прадметах. Інтэлектуальныя выпрабаванні праходзяць па 18 дысцыплінах. Удзельнікі – дзеці з усяго рэгіёна з 8 па 11 класы. Хоць у гэтым годзе ёсць выключэнне з правілаў. У алімпіядзе па інфарматыцы ўдзельнічае 6-класнік з гімназіі г. Асіповічы Сцяпан Быхаўцоў. І, як прызнаўся сам школьнік, для яго алімпіяда – проста праверка сваіх ведаў. Дарэчы, праграма той жа алімпіяды па інфарматыцы – адзіная для ўсіх класаў, г. зн. не дзеліцца на паралелі.
У Магілёве да выхадных будзе працаваць амаль паўсотні каткоў
Заліваюць хакейныя каробкі на школьных і дваровых тэрыторыях, а таксама рыхтуюць лёд для масавага катання на стадыёнах Магілёва. Працэдура заліцця каткоў доўгая, расказваюць спецыялісты. Спачатку ўтрамбоўваюць снежную падушку, потым некалькі разоў праліваюць яе вадой і толькі пасля папластова нарошчваюць лёд. Так што на стварэнне катка ідзе некалькі дзён. Калі школьныя хакейныя скрынкі будуць адкрыты сёння-заўтра, то стадыён толькі да выхадных. Як адзначылі на стадыёне «Спартак» у Магілёве, для масавага катання ў пракаце 150 пар канькоў.
У абласным цэнтры творчасці Магілёва пройдуць адборачныя этапы адукацыйнай змены Нацыянальнага дзіцячага тэхнапарка
У панядзелак, 18 студзеня, у абласным цэнтры творчасці адбудуцца 2-і і 3-і адборачныя этапы адукацыйнай змены Нацыянальнага дзіцячага тэхнапарка. Пра гэта паведаміў намеснік дырэктара па тэхнічным кірунку Сяргей Дарасевіч. Як растлумачыў суразмоўца, адукацыйная змена Нацыянальнага дзіцячага тэхнапарка праводзіцца па трох напрамках – зялёная хімія, робататэхніка, інфармацыйныя і камп’ютарныя тэхналогіі. Да ўдзелу ў ёй запрашаліся юнакі і дзяўчаты з 9 па 11 клас.
Міні-кірмаш вакансій адбудзецца ва ўпраўленні па працы, занятасці і сацыяльнай абароне Магілёўскага гарвыканкама
У чацвер, 14 студзеня, ва ўпраўленні па працы, занятасці і сацыяльнай абароне Магілёўскага гарвыканкама адбудзецца міні-кірмаш вакансій па падборы грамадзян для працаўладкавання на сезонную працу або працу вахтавым метадам. Пра гэта паведамілі ў Магілёўскім гарадскім выканаўчым камітэце. Як адзначылі суразмоўцы, праца будзе прапанавана ў якасці зборшчыкаў грыбоў ці іншай сельскагаспадарчай прадукцыі ў Віцебскай вобласці (Талачынскі раён). Магчыма працаўладкаванне грамадзян пенсійнага ўзросту, студэнтаў.