ПереводчикАрхіў навін
Асабісты прыём грамадзян правёў сёння першы намеснік старшыні Магілёўскага аблвыканкама Сяргей Савіцкі. Тых, хто звярнуўся, цікавілі пытанні перадачы жылога дома на абслугоўванне ўпаўнаважанай арганізацыі, а таксама кампенсацыі затрат на выкананне работ па электразабеспячэнні кватэры для патрэб ацяплення, гарачага водазабеспячэння і прыгатавання ежы.
Занятасць насельніцтва – гэта не толькі эканамічная задача, але і пытанне сацыяльнай справядлівасці. Такую думку выказала старшыня Савета Рэспублікі Наталля Качанава ў час пасяджэння Савета па ўзаемадзеянні органаў мясцовага кіравання і самакіравання пры Савеце Рэспублікі, якое праходзіць сёння на базе ААТ «Белшына» ў Бабруйску. Яго асноўнай тэмай стала роля мясцовых Саветаў дэпутатаў у рэалізацыі ключавых механізмаў садзейнічання занятасці насельніцтва.
Дзень адчыненых дзвярэй адбыўся ў Магілёўскім дзяржаўным універсітэце імя Аркадзя Куляшова. У гэтым годзе набор абітурыентаў будзе ажыццяўляцца больш як па 20 спецыяльнасцях.
ТРК «Магілёў»
Дзесяць супрацоўнікаў органаў унутраных спраў удастоены дзяржаўных узнагарод за асабістыя заслугі ва ўмацаванні дзяржаўнай бяспекі, умелую арганізацыю работы і высокую рэзультатыўнасць дзейнасці па ахове грамадскага парадку і барацьбе са злачыннасцю, узорнае выкананне службовых абавязкаў. Адпаведны ўказ падпісаў Прэзідэнт Беларусі Аляксандр Лукашэнка, паведамілі у прэс–службе беларускага лідара.