ПереводчикАрхіў навін
Камітэт дзяржкантролю Магілёўскай вобласці падчас праверкі Горацкай цэнтральнай раённай бальніцы выявіў шэраг парушэнняў і недахопаў пры ажыццяўленні фінансава-гаспадарчай дзейнасці. Пра гэта паведаміў першы намеснік старшыні кантралюючага ведамства Юрый Фралоў.
У Магілёве сёння стартавалі сустрэчы тэматычных груп па дэталёвым аналізе напрамкаў, якія маюць высокую значнасць для ўстойлівага развіцця вобласці. Першым блокам, над якім працавалі эксперты, сталі эканоміка, малы і сярэдні бізнес.
Асабісты прыём грамадзян і прадстаўнікоў юрыдычных асоб у аграгарадку Гарадзішча Шклоўскага раёна правёў памочнік Прэзідэнта – інспектар па Магілёўскай вобласці Міхаіл Русы. Ён выслухаў амаль 20 пытанняў не толькі ад жыхароў Шклоўскай зямлі – прыехалі людзі з Магілёва і Дрыбінскага раёна.
Магілёў з аднадзённым візітам наведвае Надзвычайны і Паўнамоцны Пасол Украіны ў Беларусі Ігар Кізім. Сёння ў аблвыканкаме адбылася сустрэча дыпламата з кіраўніком нашага рэгіёна Леанідам Зайцам.
Аграрыі Магілёўскай вобласці завяршылі сяўбу ранніх яравых збожжавых і зернебабовых культур. Пра гэта паведаміла начальнік аддзела інтэнсіфікацыі раслінаводства камітэта па сельскай гаспадарцы і харчаванні Магілёўскага аблвыканкама Лілія Гулінская.
«Кірмаш вакансій» адбудзецца ў Магілёве 25 красавіка. Мерапрыемства пройдзе з 10.00 да 12.00 у Лядовым палацы (вул. Гагарына,1), паведамілі ва ўпраўленні па працы, занятасці і сацыяльнай абароне гарвыканкама.
Спаборніцтва на званне найлепшай артылерыйскай батарэі ракетных войскаў і артылерыі Узброеных Сіл праходзіць 15-19 красавіка на палігоне 51-й гвардзейскай артылерыйскай брыгады Асіповіцкі, паведамілі ў Мінабароны.
У Камітэце дзяржаўнага кантролю Магілёўскай вобласці на пастаянным кантролі знаходзіцца пытанне эфектыўнага выкарыстання дзяржаўных сродкаў пры ўзвядзенні сацыяльна значных аб’ектаў. Пра гэта паведаміў старшыня ведамства Алег Садоўскі.
Як паказалі праведзеныя ў 2018-м і студзені-сакавіку 2019 года кантрольныя мерапрыемствы, завышэнні кошту будаўніцтва аб’ектаў рознага прызначэння ў вобласці пакуль не выкараненыя. Кантралюючыя органы па-ранейшаму працягваюць выяўляць неадзінкавыя парушэнні ў гэтай сферы.
Персанальная выстава Уладзіміра Напрэенкі, прысвечаная 75-годдзю мастака, адкрыецца 19 красавіка ў 15.00 у Магілёўскім абласным мастацкім музеі імя П. В. Масленікава. Пра гэта карэспандэнту сайта паведамілі ва ўстанове культуры.
Выстава «Час жыцця / Час смерці» адкрыецца 17 красавіка ў 17.00 у магілёўскім музеі В. К. Бялыніцкага-Бірулі. Пра гэта паведамілі ў адміністрацыі ўстановы культуры.
У склад экспазіцыі ўвойдуць работы, створаныя падчас Х Міжнародных майстар-класаў іканапісу, якія праходзілі ў верасні 2018 года ў Навіцы. У двухтыднёвым пленэры ўзялі ўдзел 40 мастакоў з Польшчы, Украіны, Літвы і Сербіі. Тэма форума – сюжэты ўсёй біблейскай гісторыі: ад старазапаветных часоў да эпохі Новага Запавету, ад смерці на крыжы да Ушэсця.
Аб’яўлены конкурс на стварэнне талісмана «Горкі – здаровы горад». Удзельнікамі творчага спаборніцтва могуць быць як фізічныя, так і юрыдычныя асобы, аўтарскія калектывы Горак і Горацкага раёна.
Конкурс пройдзе ў тры этапы. З 15 па 30 красавіка ажыццяўляецца прыём, апрацоўка і адбор работ. Народнае галасаванне на сайце gorkiv.by адбудзецца 2-5 мая. Вызначаць пераможцаў і лаўрэатаў журы будзе 6-10 мая. Падвесці вынікі плануецца 14 мая.
Единый день информирования, который пройдет 18 апреля в городах и районах Могилевской области, будет посвящен внешней политике Республики Беларусь, реализации национальных интересов и укреплению позитивного имиджа белорусского государства на международной арене.
Чарговы адборачны тур спаборніцтваў па кіберспорце «Бітва гарадоў» па Dota 2 адбудзецца ў Магілёве 28 красавіка, паведамілі ў прэс-службе Беларускай федэрацыі кіберспорту.
Мясцовая ўлада павінна ўлічваць нават дробныя праблемы людзей. Такое меркаванне выказаў першы намеснік кіраўніка Адміністрацыі Прэзідэнта Максім Рыжанкоўсёння на выязным прыёме грамадзян у Глуску.
Цэнтралізаванае тэсціраванне ў гэтым годзе будзе праводзіцца з 11 чэрвеня па 1 ліпеня, назначаны рэзервовыя дні. Аб гэтым паведаміла першы намеснік міністра адукацыі Ірына Старавойтава ў прэс-цэнтры БЕЛТА.
У ВНУ Беларусі сёлета на бюджэт плануецца прыняць больш за 26 тыс. чалавек, паведаміла першая намесніца міністра адукацыі Ірына Старавойтава на прэс-канферэнцыі ў прэс-цэнтры БелТА.
Вялікім канцэртам у Магілёве завершыцца абласны этап XII фестывалю мастацкай творчасці «Вясёлкавы карагод». Пра гэта паведамілі ва ўстанове дадатковай адукацыі «Абласны цэнтр творчасці».
Хрэсны ход з Магілёва ў Бялынічы – у гонар Святога Вялікадня і свята іконы Божай Маці Бялыніцкай зробяць 30 красавіка паломнікі. Пра гэта паведамілі ў Магілёўскай епархіі Беларускай Праваслаўнай Царквы.
Горецкий районный историко-этнографический музей готовит выставку «Мы этой памяти верны». Каждый из жителей районного центра может принять участие в формировании экспозиции, сообщила координатор проекта, старший научный сотрудник музея Татьяна Караевская.
Мерапрыемствы міжведамаснага абласнога прафілактычнага праекта «Час выбіраць здароўе!»пройдуць 18 красавіка ў Клімавічах. Пра гэта паведамілі ў Магілёўскім абласным цэнтры гігіены, эпідэміялогіі і грамадскага здароўя.
Пераможцы XII абласнога конкурсу прафмайстэрства сярод рабочай моладзі названы ў Магілёве. Большасць прызавых месцаў па выніках працоўных спаборніцтваў дасталася бабруйчанам, на другім месцы па колькасці ўзнагарод – магілёўцы, на трэцім – прадстаўнікі Крычава.
Магілёўскі гімнаст Ягор Шарамкоў заваяваў ліцэнзію на II Еўрапейскія гульні падчас кантынентальнага форуму па спартыўнай гімнастыцы ў польскім Шчэцыне. Пра гэта карэспандэнту сайта паведамілі ў гарадской СДЮШАР «Багима», дзе трэніруецца спартсмен.
Усе аб'екты для правядзення ІІ Еўрапейскіх гульняў будуць поўнасцю падрыхтаваны да 15 мая бягучага года. Аб гэтым заявіў сёння на пасяджэнні Выканкама Нацыянальнага алімпійскага камітэта прэм'ер-міністр Сяргей Румас, які ўзначальвае аргкамітэт па падрыхтоўцы і правядзенні ІІ Еўрапейскіх гульняў у Беларусі.
Пошукавыя работы пачнуцца сёння ў Магілёўскім раёне. Каля вёскі ДАІ, у раёне помніка батальёну міліцыі пад камандаваннем капітана Уладзімірава, байцы 52-га асобнага спецыялізаванага пошукавага батальёна Мінабароны сумесна з супрацоўнікамі абласнога гісторыка-патрыятычнага пошукавага клуба «Віккру» і курсантамі Магілёўскага інстытута МУС адправяцца на пошукі невядомых пахаванняў салдат часоў Вялікай Айчыннай вайны, над якімі ні крыжоў, ні абеліскаў.
V рэспубліканскі турнір па вольнай барацьбе сярод юнакоў і дзяўчат памяці братоў Івановых пройдзе 18-20 красавіка ў Крычаве.
У манежы для гульнявых відаў спорту мясцовага ФАКа за месцы на п’едэстале будзе змагацца каля 600 удзельнікаў у складзе 30 каманд з Беларусі, Расіі і Украіны. Спартсмены разыграюць медалі ў 27 вагавых катэгорыях. Пераможцам і прызёрам спаборніцтва ўручаць медалі і дыпломы адпаведных ступеняў.
Прамую тэлефонную лінію правядзе 20 красавіка кіраўнік справамі Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Адміністрацыя Прэзідэнта Беларусі працягвае на планавай аснове праводзіць выязныя прыёмы грамадзян у рэгіёнах. Чарговыя сустрэчы запланаваны на 16-18 красавіка. Прадстаўнікі Адміністрацыі Прэзідэнта правераць, як мясцовыя ўлады разглядаюць і вырашаюць пытанні, якія жыхары раёнаў накіравалі ў Беларускае тэлеграфнае агенцтва падчас акцыі «пытанне Прэзідэнту» пры падрыхтоўцы і правядзенні «Вялікай размовы з Прэзідэнтам».
Дендропарк имени писателя Николая Янченко заложили сегодня в деревне Новоселки Могилевского района по инициативе местных жителей и Вендорожского сельсовета.
У Магілёве з 17 па 25 красавіка пройдзе шэраг рабочых сустрэч тэматычных груп па дэталёвым аналізе напрамкаў, якія маюць высокую значнасць для ўстойлівага развіцця вобласці. Абмеркаванні адбудуцца ў канферэнц-зале Магілёўскага абласнога ўпраўлення ФСАН (зав. Круты 2-і, д. 1).
Калектыву ААТ «Папяровая фабрыка «Спартак»» прысуджана прэмія Федэрацыі прафсаюзаў Беларусі 2019 года ў галіне працы. Пра гэта паведамляецца на сайце Беларускага прафесійнага саюза работнікаў лесу і прыродакарыстання.
Нараўне з прысуджэннем прэміі ў намінацыі «Прамысловасць і будаўніцтва» за дасягненне высокіх паказчыкаў у сацыяльна-эканамічным развіцці арганізацыі, калектыву таксама прысвоена званне лаўрэата з уручэннем Ганаровага знака ФПБ, дыплома і грашовага ўзнагароджання.