ПереводчикАрхіў навін
Хлопцы і дзяўчаты Магілёўскай вобласці традыцыйна прымуць удзел у Дні моладзі на «Славянскім базары ў Віцебску». Асноўныя мерапрыемствы фестывалю адбудуцца з 15 па 18 ліпеня.
Свята юнацтва і творчасці, натхнення і энергіі, запалу і дружбы гэтым разам пройдзе ў фармаце фэста «Запальвае моладзь» па трох напрамках: «Агні народнага адзінства», «Агні новых перамог», «Агні таленавітай моладзі». У праекце прыме ўдзел самая творчая і таленавітая моладзь з усіх рэгіёнаў краіны.
Магілёўская вобласць за 5 месяцаў 2021 года павялічыла экспарт у краіны ЕС у 1,7 раза: ён склаў $221 млн. Пра гэта паведаміў сёння намеснік старшыні Магілёўскага аблвыканкама Руслан Страхар падчас пашыранага пасяджэння, дзе падводзіліся вынікі сацыяльна-эканамічнага развіцця рэгіёна за I паўгоддзе.
Магілёўскі абласны выканаўчы камітэт і Магілёўскі абласны Савет дэпутатаў выказваюць глыбокія спачуванні родным і блізкім Мікалая Андрэевіча Папкова ў сувязі з яго заўчаснай смерцю.
15 ліпеня 2021 года наша краіна панесла цяжкую і незамяняльную страту. На 71-м годзе пайшоў з жыцця выдатны чалавек, прафесіянал сваёй справы, праўдзівы патрыёт Беларусі, вучоны з вялікай літары, заслужаны работнік сельскай гаспадаркі Рэспублікі Беларусь.
Пасланне з мінулага атрымалі ратавальнікі проста напярэдадні прафесійнага свята – Дня пажарнай службы. Пра гэта паведаміла старшы інспектар абласнога ўпраўлення МНС Вольга Нехарошых.
У ААТ «Дабаснянскае» Кіраўскага раёна прыступілі да ўборкі рапсу. Пакуль ўзяліся за падгарэлыя ўчасткі. Да гэтага ўбралі азімы ячмень. Гэту культуру ў галіне апрацоўваюць другі год: больш цёплыя зімы дазволілі атрымліваць ранняе збожжа для фуражу. Азімы ячмень ужо сабраны, сярэдняя ўраджайнасць каля 40 цэнтнераў з гектара. У сямі раёнах прыступілі да ўборкі збожжавых і зернебабовых (гаворка ідзе пра падгарэлыя ўчасткі), усяго намалацілі каля 2 тысяч тон.
Рыцарскі фестываль пройдзе ў Мсціславе на Замкавай гары 7‑8 жніўня. Пра гэта паведаміла начальнік аддзела ідэалагічнай работы, культуры і па справах моладзі Мсціслаўскага райвыканкама Наталля Біскуп.
На пасяджэнні калегіі Камітэта дзяржаўнага кантролю Магілёўскай вобласці разгледжаны вынікі кантролю выканання даручэнняў кіраўніка дзяржавы па забеспячэнні абароны ўнутранага рынку, нарошчванні долі айчынных тавараў у рознічнай гандлёвай сетцы. Пра гэта паведаміў першы намеснік старшыні ведамства Дзмітрый Захараў.
Больш чым у палове раёнаў вобласці пачалася ўборка азімага рапсу на збожжа. Як паведамілі ў аддзеле інтэнсіфікацыі раслінаводства аблсельгасхарча, на ўчарашні дзень гэта культура была прыбраная на плошчы 840 гектараў, намалочана 1063 тоны масланасення пры сярэдняй ураджайнасці па вобласці 12,7 цэнтнера з гектара. А вось у Магілёўскім раёне гэта лічба дасягнула 20,4, у Касцюковіцкім–18 цэнтнераў з гектара.
Фота з фермы ў вёсцы Мілейкава Мсціслаўскага раёна, якія з’явіліся на днях у телеграм-канале, шакіравалі карыстальнікаў інтэрнэту. Змардаваныя каровы «патанаюць» у гноі, некаторыя знясілелі настолькі, што ўстаць ужо не ў стане, а побач з напаўжывымі каровамі – трупы. Людзі слушна задаваліся пытаннем: хто зладзіў гэты канцлагер для жывёл і куды глядзяць мясцовыя ўлады? Журналісты «СБ» на наступны дзень пасля таго, як здымкі з’явіліся ў сетцы, пабывалі на ферме, каб ацаніць тое, што адбываецца там сваімі вачыма.
Электронны кірмаш вакансій пройдзе ў Магілёве 20 ліпеня. Пра гэта паведамілі ва ўпраўленні па працы, занятасці і сацыяльнай абароне Магілёўскага гарвыканкама.
Кірмаш будзе праходзіць на электроннай пляцоўцы e-vacancy.by. У саіскальнікаў і наймальнікаў будзе магчымасць правесці актыўны дыялог у анлайн-фармаце. Доступ да прадастаўленых вакансій захаваецца і пасля заканчэння электроннага кірмашу. Яны будуць аўтаматычна перанесены ў базу даных на партале службы занятасці.
Перагаворы прэзідэнтаў Беларусі і Расіі Аляксандра Лукашэнкі і Уладзіміра Пуціна ў Санкт-Пецярбургу працягваліся 5 гадзін 20 хвілін, паведамляе Telegram-канал «Пул Першага».
Сустрэча кіраўнікоў дзяржаў праходзіла ў Канстанцінаўскім палацы.
Па выніках працы за 1 паўгоддзе 2021 года падатковымі інспекцыямі Магілёўскай вобласці было накіравана 1659 апавяшчэнняў на добраахвотную выплату падаткаў, з іх: 1124 – на адрас арганізацый, 535 – індывідуальным прадпрымальнікам, паведамілі ў прэс-цэнтр інспекцыі МПЗ Рэспублікі Беларусь па Магілёўскай вобласці.
Па выніках выканання накіраваных апавяшчэнняў былі прадстаўлены падатковыя дэкларацыі (разлікі) на добраахвотную выплату падатковых плацяжоў у агульнай суме Br8,8 млн., у тым ліку: арганізацыямі – Br8,2 млн. і Br0,6 млн. – індывідуальнымі прадпрымальнікамі.
Чатыры пункты вакцынацыі замежных грамадзян ад COVID-19 адкрыецца 15 ліпеня на тэрыторыі Магілёўскай вобласці. Пра гэта расказала намеснік галоўнага ўрача абласнога цэнтра гігіены, эпідэміялогіі і грамадскага здароўя Ала Булай.
«Замежныя грамадзяне змогуць прышчапіцца ад каранавіруснай інфекцыі ў Магілёўскай цэнтральнай паліклініцы, Магілёўскай паліклініцы № 6, Бабруйскай гарадской паліклініцы № 3 і на базе Горацкай цэнтральнай раённай бальніцы», – удакладніла спецыяліст.
13 ліпеня сіноптыкі аб’яўляюць аранжавы ўзровень небяспекі па ўсёй Магілёўскай вобласці. А ў Магілёве — чырвоны.
Паводле прагнозу сіноптыкаў, у аўторак–сонечна, вецер слабы, днём тэмпературны фон +30, +34, месцамі да +36 градусаў.
Медыкі нагадваюць аб неабходнасці захавання мер засцярогі: без неабходнасці не знаходзіцца доўга на сонцы, піць больш вады і насіць галаўныя ўборы.
На пасяджэнні калегіі Камітэта дзяржаўнага кантролю Магілёўскай вобласці разгледжаны вынікі кантролю выканання даручэнняў кіраўніка дзяржавы па пытаннях забеспячэння цэнавай стабільнасці на спажывецкім рынку. Пра гэта паведаміў першы намеснік старшыні ведамства Дзмітрый Захараў.
Калегіяй адзначана,што меры, якія прымаюцца рэспубліканскімі і мясцовымі органамі кіравання гандлем па недапушчэнні неабгрунтаванага росту цэн недастатковыя.
З мая ў вадаёмах Магілёўскай вобласці патанула 12 чалавек, з іх трое дзяцей. Ратавальнікі папярэджваюць: купацца можна толькі ў прызначаных для гэтага месцах.
Прэзідэнт Беларусі Аляксандр Лукашэнка накіраваўся з рабочым візітам у Расійскую Федэрацыю.
У Санкт-Пецярбургу сёння адбудзецца сустрэча з Прэзідэнтам Расіі Уладзімірам Пуціным, падчас якой кіраўнікі дзяржаў абмяркуюць развіццё супрацоўніцтва ў розных сферах, міжнародную праблематыку.
Як адзначылі ў прэс-службе кіраўніка беларускай дзяржавы, гэты візіт працягвае існуючую практыку рэгулярных асабістых сустрэч лідараў для абмеркавання актуальных пытанняў.
З 15 па 17 ліпеня культурна-спартыўны фестываль «Вытокі. Крок ды Алімпу» адбудзецца ў Бабруйску. Яркае і папулярнае свята ўжо прымалі ў Лідзе, Оршы, Кобрыне, Мазыры. Маштабны фестываль пакінуў шмат станоўчых эмоцый у жыхароў гэтых рэгіёнаў.
Фестываль у Бабруйску адкрыецца 15 ліпеня экскурсіяй і праграмай гісторыка-культурнай спадчыны. У гэты дзень у адным з самых атмасферных месцаў горада, «Яўрэйскім дворыку», адбудзецца круглы стол «Бабруйск. Традыцыі і сучаснасць» (13.00).
У сталіцы Грузіі Тбілісі завяршыўся чэмпіянат Еўропы сярод юніёраў. У турніры ўдзельнічала каля 335 спартсменаў з 29 краін.
На рахунку беларускіх спартсменаў 3 бронзавыя ўзнагароды. Адну з іх заваяваў прадстаўнік Магілёўскай вобласці Вітас Гарцуеў (50 кг). На шляху да п’едэстала ён выйграў у венгерскага, грузінскага і армянскага баксёраў, але ў паўфінале саступіў саперніку з Украіны.
mogilevnews.by
Магілёўскі абласны драматычны тэатр 30 ліпеня закрые 133-ці сезон. У гэты дзень гледачоў чакае шмат сюрпрызаў, у тым ліку начная экскурсія па тэатры і прэм’ера рамантычнай трагікамедыі, расказала галоўны рэжысёр установы культуры Таццяна Пацай.
«Упершыню за ўсю гісторыю нашага тэатра мы вырашылі прыадчыніць заслону і пазнаёміць магілёўцаў і гасцей горада з нашым закуліссем–месцам, дзе творчы працэс не спыняецца ні на хвіліну, –адзначыла галоўны рэжысёр. – Таму да закрыцця чарговага тэатральнага сезона мы рыхтуем займальны і атмасферны праект «Ноч у тэатры».
У Магілёўскай вобласці робяць стаўку на кааперацыю навукі, прыватнага бізнесу і прамысловасці для падрыхтоўкі IT-спецыялістаў. Наглядныя вынікі гэтай працы – на прыкладзе вагонабудаўнічага завода.
ТРК «Магілёў»
Сёлета гасцямі свята ў Александрыі сталі больш за 66 тыс. чалавек. Пра гэта паведамілі ва УУС Магілёўскага аблвыканкама.
«Больш за 66 тыс. чалавек сёлета наведалі свята «Купалле» («Александрыя збірае сяброў») у Шклоўскім раёне. Адзіны інцыдэнт, які здарыўся на купальскім полі, – здарэнне з дзіцячымі батутамі. У цэлым жа свята прайшло спакойна», – падкрэслілі ва УУС.
Прамую тэлефонную лінію 17 ліпеня правядзе намеснік старшыні Магілёўскага аблвыканкама Сяргей Маслаў
Прамую тэлефонную лінію 17 ліпеня правядзе намеснік старшыні Магілёўскага аблвыканкама Сяргей Мікалаевіч Маслаў. Па нумары (8 0222) 50-18-69 ён адкажа на пытанні жыхароў Прыдняпроўскага краю.
У Чэрыкаўскім раёне каля крыніцы вёскі Норкі 13 ліпеня пройдзе свята «Бразгун». Пра гэта паведамілі ў Магілёўскім абласным метадычным цэнтры народнай творчасці і культурна-асветнай працы.
Абрад «Бразгун» і яго складовы элемент – ушанаванне іконы Святых апосталаў Пятра і Паўла – з’яўляецца традыцыйным і ўнесены ў дзяржаўны спіс аб’ектаў гісторыка-культурных каштоўнасцей Беларусі.
У Магілёўскай вобласці працягваецца кампанія імунізацыі супраць інфекцыі COVID-19. Пра гэта паведамляецца на афіцыйным сайце Магілёўскага абласнога цэнтра гігіены, эпідэміялогіі і грамадскага здароўя.
Па стане на 9 ліпеня першую дозу вакцыны атрымала амаль 112 тыс. чалавек, або 11,2% ад насельніцтва вобласці, поўны курс завяршыла больш за 68,5 тыс. чалавек (6,8%). У арганізацыях аховы здароўя вобласці маецца ў наяўнасці больш за 44 тысячы доз вакцыны «Гам-КОВІД-Вак» (Спутник V).
Сёння ў забаўляльным цэнтры «Галактыка» горада Сочы (Расія) стартавалі Кубак свету ФІДЭ 2021, а таксама Кубак свету сярод жанчын па шахматах.
У Кубку свету сярод жанчын удзельнічаюць 103 шахматысткі, якія будуць змагацца за прызавы фонд 676 250 долараў і тры запрашэнні ў Турнір прэтэндэнтак-2022. У Кубку ўдзельнічаюць наймацнейшыя шахматысткі свету. Беларусь у гэтым турніры прадстаўляе жаночы міжнародны гросмайстар з Магілёва Вольга Бадзелька.У 1/64 фіналу яна згуляе з жаночым майстрам ФІДЭ Джэмал Авездурдыевай з Туркменістана.
Без інвестыцый у эканоміку немагчымы рост бізнесу, не змогуць развівацца рэгіёны. Дзякуючы інвестарам ствараюцца новыя працоўныя месцы, за кошт падаткаў і збораў папаўняецца бюджэт. Усё гэта станоўча адбіваецца на сацыяльна-эканамічных паказчыках. У нашай краіне інвестыцыям надаецца сур’ёзная ўвага як на рэспубліканскім узроўні, так і на месцах. Напрыклад, у Магілёўскім раёне рэалізуецца некалькі буйных інвестпраектаў.
Забарона на наведванне лясоў уведзена ў 11 раёнах Магілёўскай вобласці. Такая інфармацыя размешчана на сайце абласнога ўпраўлення МНС.
У Екацярынбургу (Расія) прайшла міжнародная прамысловая выстава «ИННОПРОМ-2021». У ёй удзельнічала больш за 500 кампаній з 30 краін свету.
Беларуская нацыянальная экспазіцыя складалася са стэндаў 40 прамысловых і навуковых арганізацый, у тым ліку ААТ «Магілёўліфтмаш». У межах экспазіцыі беларускія прадпрыемствы прадэманстравалі інавацыйныя рашэнні для металаапрацоўкі і энергетыкі, індустрыяльнай аўтаматызацыі і машынабудавання, здабыўной і перапрацоўчай прамысловасці.
Асцярожна, канікулы! Пік траўматызму прыпадае якраз на тры цёплыямесяцы. Выпадкаў гібелі непаўналетніх і траўмаў ад знешніх фактараў у разы больш, чым год таму.
ТРК «Магілёў»