У Беларусі ствараецца сістэма адсочвання тавараў, якія вырабляюцца, экспартуюцца і імпартуюцца
Прэзідэнт Беларусі Аляксандр Лукашэнка 29 снежня падпісаў указ №496 «Аб прасочвальнасці тавараў». Дакумент накіраваны на рэалізацыю Пагаднення аб механізме нагляду за таварамі, увезенымі на мытную тэрыторыю Еўразійскага эканамічнага саюза, паведамілі ў прэс-службе кіраўніка дзяржавы.
У месенджары Telegram функцыянуе афіцыйны канал Дзяржстандарту «Бяспека і якасць»
З сярэдзіны лістапада 2020 г. функцыянуе афіцыйны публічны тэлеграм-канал Дзяржаўнага камітэта па стандартызацыі Рэспублікі Беларусь «Бяспека і якасць» (@gosstandartby). Аснову напаўнення тэлеграм-канала складае інфармацыя з улікам пастаяннай актуалізацыі з «Рэестра небяспечнай прадукцыі, забароненай да ўвозу і абароту на тэрыторыі Рэспублікі Беларусь». Адзначаная інфармацыя распаўсюджваецца з мэтай выключэння пападання ў гандаль і да пакупнікоў небяспечнай і забароненай прадукцыі.
Да запуску новага абсталявання для перапрацоўкі макулатуры рыхтуюцца на шклоўскай папяровай фабрыцы «Спартак»
Папяровая фабрыка «Спартак» (г. Шклоў) рыхтуецца да запуску новага абсталявання, якое дазволіць павялічыць аб’ёмы перапрацоўкі макулатуры, як паведамілі ў канцэрне «Беллеспаперапрам».
Магілёўскі аблвыканкам, прамыслоўцы і прафсаюзы падпісалі дапаўненні да траістага пагаднення
Падпісана дадатковае пагадненне да Пагаднення паміж Магілёўскім аблвыканкамам, абласным аб’яднаннем прафсаюзаў і Асацыяцыяй прамыслоўцаў і прадпрымальнікаў на 2019–2021 гады. Дакумент дапоўнены ў сувязі з зменамі ў заканадаўстве, якія ў найбліжэйшы час будуць адлюстраваны ў пагадненнях усіх узроўняў і калектыўных дагаворах.
Арганізацыі Бабруйска і Смаленскай вобласці правялі анлайн-сустрэчу па гандлёва-эканамічным супрацоўніцтве
Арганізацыі Бабруйска і Смаленскай вобласці сёння правялі анлайн-сустрэчу па гандлёва-эканамічным супрацоўніцтве. Пра гэта паведамілі ў Магілёўскім агенцтве рэгіянальнага развіцця, якое сумесна з Цэнтрам падтрымкі экспарту Смаленскай вобласці выступіла арганізатарам мерапрыемства.
Завод у Шклове асвойвае вытворчасць паперы-асновы для дэкаратыўных абліцавальных матэрыялаў
РУП «Завод газетнай паперы» (Шклоў) асвойвае вытворчасць новага віду запатрабаванай на рынку прадукцыі – паперы-асновы для дэкаратыўных абліцавальных матэрыялаў, – паведамілі ў прэс-службе канцэрна «Беллеспаперапрам». «На заводзе ўжо атрымалі першую партыю паперы-асновы. Яна прайшла лабараторныя даследаванні. Шклоўская папера-аснова паступіла на беларускія плітныя заводы ААТ «Івацэвічдрэў», ААТ «Мастоўдрэў» і ААТ «Рэчыцадрэў» для пацверджання яе тэхнічных параметраў. Папера будзе выкарыстана ў вытворчасці ламінаваных драўняных пліт», – растлумачылі ў прэс-службе.
Стартаваў другі конкурс кластарных і сацыяльна значных ініцыятыў па праекце ПРААН
Праект «Падтрымка эканамічнага развіцця на мясцовым узроўні ў Рэспубліцы Беларусь» аб’яўляе другі конкурс ініцыятыў па развіцці прадпрымальніцтва ў 12 пілотных раёнах Беларусі. Пра гэта паведаміла спецыяліст па сувязях з грамадскасцю праекта Надзея Сінельнік.
КДК правёў праверку Асіповіцкага прафесійна-тэхнічнага каледжа
Шэраг праблем і парушэнняў выяўлены Камітэтам дзяржкантролю Магілёўскай вобласці пры праверцы УА «Асіповіцкі дзяржаўны прафесійна-тэхнічны каледж». Пра гэта паведаміў выканальнік абавязкаў намесніка старшыні ведамства Дзмітрый Захараў.
У Магілёўскім раёне адбылася анлайн-канферэнцыя па абмене вопытам у галіне падтрымкі прадпрымальніцкай дзейнасці
У в. Салтанаўка (РГК «Грын-Хіл») адбылася анлайн-канферэнцыя па абмене вопытам паміж цэнтрам інавацый і падтрымкі прадпрымальніцтва нямецкага горада Айзенаха і прадстаўнікамі бізнес-колаў Магілёўскага, Крычаўскага і Касцюковіцкага раёнаў. Пра гэта паведамілі ў Магілёўскім агенцтве рэгіянальнага развіцця, які выступаў арганізатарам мерапрыемства.
Рассельгаснагляд зняў абмежаванні на пастаўкі тэрмаапрацаванай гатовай прадукцыі са свініны Магілёўскага мясакамбіната
Федэральная служба па ветэрынарным і фітасанітарным наглядзе РФ здымае абмежаванні на пастаўкі прадукцыі з трох беларускіх мясакамбінатаў. Такое рашэнне прынята па выніках перагавораў кіраўніка Рассельгаснагляду Сяргея Данкверта і намесніка прэм’ер-міністра Беларусі Аляксандра Субоціна, як паведамляецца на сайце расійскага ведамства.
Сувеніры, пачастункі, святочны настрой – у Магілёве праходзяць калядныя кірмашы
Навагоднія кірмашы праходзяць у Магілёве. «Калядная крама» – адзін з самых буйных кірмашоў у горадзе – размясцілася на пляцоўцы ля ГЦ «Атрыум».
Магілёў і Уладзівасток пашыраюць супрацоўніцтва
Шэраг пагадненняў аб супрацоўніцтве быў падпісаны прадстаўнікамі Прыморскага краю і Магілёўскай вобласці ва Уладзівастоку на мінулым тыдні. Беларускую дэлегацыю ўзначаліў старшыня аблвыканкама Леанід Заяц. У яе склад таксама ўвайшлі прадстаўнікі буйных беларускіх машынабудаўнічых, будаўнічых і аграпрамысловых прадпрыемстваў. Па ключавых кірунках супрацоўніцтва прайшлі перамовы, якія завяршыліся падпісаннем двухбаковых пагадненняў.
Магілёўская мытня павялічыла пералічэнні ў рэспубліканскі бюджэт на 75%
За 11 месяцаў 2020 года Магілёўская мытня пералічыла ў рэспубліканскі бюджэт Br328 млн. Павелічэнне гэтага паказчыка на 75% у параўнанні з аналагічным перыядам мінулага года звязана з удзелам у праекце па здзяйсненні мытных аперацый у цэнтры электроннага дэкларавання на рэспубліканскім узроўні.
Працоўныя пенсіі павышаюцца ў Беларусі з 1 снежня
Усе віды працоўных пенсій павышаюцца з 1 снежня ў адпаведнасці з указам № 409 ад 5 лістапада 2020 года, як паведамілі ў прэс-службе Міністэрства працы і сацыяльнай абароны.
Санацыю Клімавіцкага лікёра-гарэлачнага завода падоўжаць да 2025 года
Санацыю Клімавіцкага лікёра-гарэлачнага завода падоўжаць да 2025 года. Гэта прадугледжана пастановай Савета Міністраў ад 28 лістапада 2020 года № 678, якая афіцыйна апублікавана сёння на Нацыянальным прававым інтэрнэт-партале. Саўмін узгадніў хадайніцтва канцэрна «Белдзяржхарчпрам» аб падаўжэнні тэрміну санацыі завода да 15 лістапада 2025 года. Санацыя прадпрыемства вядзецца з 2018 года. БЕЛТА
Прамую тэлефонную лінію правядзе 1 снежня намеснік старшыні камітэта эканомікі Магілёўскага аблвыканкама Павел Марыненка
Прамую тэлефонную лінію правядзе 1 снежня намеснік старшыні камітэта эканомікі Магілёўскага аблвыканкама Павел Леанідавіч Марыненка. З 10.00 да 12.00 па нумары (8 0222) 32 26 63 ён адкажа на актуальныя пытанні развіцця і падтрымкі прадпрымальніцтва. Рэд.
КДК Магілёўскай вобласці правёў праверку ЗАТ «Бабруйскі бровар»
Камітэтам дзяржаўнага кантролю Магілёўскай вобласці падчас праверкі аднаго з найбуйнейшых у Рэспубліцы вытворцаў піва – ЗАТ «Бабруйскі бровар» – выяўлены шэраг парушэнняў і недахопаў пры ажыццяўленні фінансава-гаспадарчай дзейнасці. У іх ліку парушэнні заканадаўства аб цэнаўтварэнні, якія пацягнулі неабгрунтаванае завышэнне коштаў на шэраг тавараў на больш чым Br100 тыс., бухгалтарскага ўліку, заканадаўства аб адходах, невыкананне тэрмінаў завяршэння знешнегандлёвых аперацый і іншыя.
Гарады-пабрацімы Ішым і Бабруйск правялі бізнес-сустрэчу ў рэжыме анлайн
Гарады-пабрацімы Ішым і Бабруйск сёння правялі бізнес-сустрэчу ў рэжыме анлайн. Дыялог быў арганізаваны ААТ «Магілёўскае агенцтва рэгіянальнага развіцця» і Бабруйскім гарадскім выканаўчым камітэтам пры падтрымцы дэпартамента інвестыцыйнай палітыкі і дзяржаўнай падтрымкі прадпрымальніцтва Цюменскай вобласці і адміністрацыя горада Ішым. Мэтай сустрэчы стала ўмацаванне ўзаемаадносін, павышэнне інвестыцыйнай актыўнасці і гандлёва-эканамічнае супрацоўніцтва.
Даходы бюджэту Магілёўскай вобласці за студзень–кастрычнік 2020 года перавысілі Br1,2 млрд.
У бюджэт Магілёўскай вобласці за студзень–кастрычнік гэтага года паступіла Br 1 234,7 млн. Пра гэта паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці. Па словах суразмоўцаў, даходы бюджэту ў параўнанні з аналагічным перыядам мінулага года павялічыліся на Br122,2 млн., або 11% у фактычным вылічэнні.
СЭЗ «Магілёў» распрацавала віртуальныя 3D туры па ўчастках
СЭЗ «Магілёў» распрацавала 3D туры, якія дазваляюць віртуальна наведваць участкі. Пра гэта паведамляецца на сайце свабоднай эканамічнай зоны. Тэхналогія панарамных здымкаў стварае 100% віртуальную копію рэальнай прасторы з «эфектам прысутнасці». Наведвальнік можа інтэрактыўна перамяшчацца ў прасторы, што дазваляе атрымаць максімальна дакладную інфармацыю аб цікавых участках і свабодных прамысловых плошчах у межах СЭЗ «Магілёў».
Крымінальныя справы распачаты ў дачыненні да антыкрызіснага кіраўніка аднаго з акцыянерных таварыстваў Магілёўскай вобласці
Упраўленнем Дэпартамента фінансавых расследаванняў Камітэта дзяржкантролю па Магілёўскай вобласці праведзена праверка акцыянернага таварыства рэгіёна, якое спецыялізуецца на перапрацоўцы і кансерваванні садавіны і агародніны і знаходзіцца ў стадыі санацыі з 2015 года. У выніку ўстаноўлены шэраг парушэнняў, дапушчаных антыкрызісным кіраўніком, якія яшчэ больш пагоршылі фінансавае становішча прадпрыемства, як паведаміла намеснік начальніка ўпраўлення Святлана Калодзістая.
Дэпутаты рэгіёна адобрылі стратэгію ўстойлівага развіцця Магілёўскай вобласці да 2035 года
На пашыраным пасяджэнні Прэзідыума Магілёўскага абласнога Савета дэпутатаў была адобрана стратэгія ўстойлівага развіцця Магілёўскай вобласці да 2035 года. Удзельнікі палілогу абмеркавалі асноўныя палажэнні дакумента і прынялі рашэнне зацвердзіць яго з некаторымі элементамі дапрацоўкі, перадае карэспандэнт сайта.
Увазе асоб, якія набываюць транспартныя сродкі, у дачыненні да якіх пры ўвозе ў Беларусь не быў выплачаны ўтылізацыйны збор
З 1 студзеня 2021 года ўступае ў сілу Пастанова Савета Міністраў Рэспублікі Беларусь ад 16 лістапада 2020 года № 647 «Аб змяненні пастановы Савета Міністраў Рэспублікі Беларусь ад 01 ліпеня 2019 года № 437» аб утылізацыі транспартных сродкаў). Дадатак 2 да ўказанай пастановы выкладаецца ў новай рэдакцыі. Хочацца адзначыць, што галоўным чынам змены закранулі стаўкі ўтылізацыйнага збору ў дачыненні да тых транспартных сродкаў, з даты выпуску якіх прайшло больш за 7 гадоў. У такім выпадку стаўкі ўтылізацыйнага збору павялічыліся ў паўтара раза.
У Беларуска-Расійскім універсітэце рэалізаваны праект СД па развіцці лічбавага асяроддзя
Праекты Саюзнай дзяржавы ў сферы адукацыі разгледжаны сёння на пасяджэнні Камісіі Парламенцкага сходу Саюза Беларусі і Расіі па сацыяльнай і маладзёжнай палітыцы, навуцы, культуры і гуманітарных пытаннях. Мерапрыемства прайшло ў фармаце відэаканферэнцыі, як паведамілі ў прэс-службе сходу.
Два высокарэнтабельныя прадпрыемствы Магілёўскай вобласці пералічаць частку прыбытку ў бюджэтны фонд нацыянальнага развіцця
Пастановай Савета Міністраў Беларусі ад 16 лістапада вызначаны пералік высокарэнтабельных арганізацый, якія пералічаць у рэспубліканскі бюджэт у дзяржаўны мэтавы бюджэтны фонд нацыянальнага развіцця частку прыбытку (даходу) па выніках працы за першае паўгоддзе 2020 года звыш часткі прыбытку, вылічанага і пералічанага ў бюджэт. У спіс увайшлі 47 прадпрыемстваў і арганізацый. З прадпрыемстваў Магілёўскай вобласці ў пераліку – ААТ «Бабруйскі завод біятэхналогій», які пералічыць у бюджэт Br50 тыс., і РДУП «Праектны інстытут Магілёўгіпразем» – Br53 тыс.
Базавая стаўка ў Беларусі з 1 студзеня 2021 года вырасце да Br195
Базавая стаўка ў Беларусі з 1 студзеня 2021 года вырасце да Br195. Адпаведнае рашэнне замацавана пастановай Савета Міністраў ад 18 лістапада 2020 года нумар 659, паведамілі ў прэс-службе ўрада. Цяпер базавая стаўка складае Br185. Базавая стаўка прымяняецца пры аплаце працы работнікаў бюджэтных арганізацый і іншых арганізацый, якія атрымліваюць субсідыі, работнікі якіх прыраўнаваныя па аплаце працы да работнікаў бюджэтных арганізацый.
Магілёўская вобласць – у спісе горадабудаўнічых праектаў на распрацоўку ў 2021 годзе
Савет Міністраў зацвердзіў пералік горадабудаўнічых праектаў, заказ на распрацоўку якіх падлягае размяшчэнню ў 2021 годзе. Адпаведную пастанову ад 16 лістапада 2020 года №649 афіцыйна апублікавалі сёння на Нацыянальным прававым інтэрнэт-партале. У пералік увайшлі 24 горадабудаўнічыя праекты. Для Магілёўскай вобласці –тры. У прыватнасці, будзе распрацаваны генеральны план для Магілёва. Акрамя таго, генеральныя планы распрацуюць і для зоны адпачынку рэспубліканскага значэння «Чыгірынка».
Чатыры прадпрыемствы Магілёўскай вобласці сталі лаўрэатамі конкурсу «Найлепшы экспарцёр»
У Магілёве сёння прайшла цырымонія ўзнагароджання прадпрыемстваў вобласці – лаўрэатаў конкурсу «Найлепшы экспарцёр» 2019 года, які праводзіла Беларуская гандлёва-прамысловая палата сумесна з рознымі міністэрствамі, канцэрнамі, аблвыканкамамі, Нацыянальнай акадэміяй навук, Паркам высокіх тэхналогій, беларускай таварнай біржай і іншымі структурамі, як перадае карэспандэнт сайта.
ААТ «Магатэкс» уключана ў рэестр гаспадарання Рэспублікі Беларусь
ААТ «Магатэкс» уключана ў рэестр гаспадарання Рэспублікі Беларусь, афіцыйная інфармацыя пра якія сведчыць аб іх добрасумленнасці як партнёраў для прадпрымальніцкай дзейнасці на ўнутраным рынку і за мяжой.
«БелЭмса» пашырае вытворчасць аднаразовых медыцынскіх масак
Дадатковае абсталяванне для выпуску аднаразовых трохслаёвых медыцынскіх масак закупляе ТАА «БелЭмса» ў Магілёўскім раёне. Пра гэта паведаміў намеснік дырэктара прадпрыемства Асман Учар.