75 магіляўчан выйшлі ў фінал рэспубліканскай прадметнай алімпіяды (відэа)
Фіналісты Рэспубліканскай алімпіяды па вучэбных прадметах ад горада Магілёва атрымалі пажаданне на далейшыя перамогі. Разумніцы і разумнікі сустрэліся з прадстаўнікамі ўлады абласнога цэнтра.
Фестываль інтэлектуальных гульняў сярод школьнікаў «Кубак Дружбы – 2022» пройдзе ў Магілёве 12 і 13 сакавіка
Адкрыты абласны фестываль інтэлектуальных гульняў сярод школьнікаў «Кубак Дружбы – 2022» пройдзе ў Магілёўскім абласным цэнтры творчасці 12 і 13 сакавіка. Пра гэта паведамілі ва ўстанове дадатковай адукацыі. Плануецца, што ў мерапрыемстве прыме ўдзел 40 каманд устаноў агульнай сярэдняй, дадатковай адукацыі з Магілёўскай, Мінскай, Віцебскай, Гомельскай, Брэсцкай абласцей і Мінска. «У праграме мерапрыемства 4 гульні, – падзяліліся суразмоўцы. – Гэта аўтарская гульня «Беларуская мазаіка»; медыя «Свая гульня»; гульня «Брэйн-рынг» і «Што? Дзе? Калі?».
«Гонар i мужнасць»: МДУ імя А. А. Куляшова правядзе конкурс для сапраўдных мужчын
Конкурс «Гонар i мужнасць» пройдзе сёння ў Магілёўскім дзяржаўным універсітэце імя А. А. Куляшова. Творчыя спаборніцтвы будуць праходзіць сярод хлопцаў – навучэнцаў ВНУ. Пра гэта паведаміла начальнік аддзела па выхаваўчай рабоце з моладдзю МДУ імя А. А. Куляшова Кацярына Сапетава.
ХIV фестываль творчасці замежных студэнтаў «Дружба народаў» праходзіць у Магілёве
У беларуска-расійскім універсітэце стартаваў ХIV фестываль творчасці замежных студэнтаў «Дружба народаў». Пра гэта паведамляецца на афіцыйным сайце навучальнай установы.
Маладзёжны рэспубліканскі праект «Выбіраем студатрад» стартуе ў Магілёўскай вобласці 1 сакавіка
У Магілёўскай вобласці стартуе 1 сакавіка маладзёжны рэспубліканскі праект «Выбіраем студатрад». Пра гэта паведамілі ў Магілёўскім абласным камітэце грамадскага аб’яднання «Беларускі рэспубліканскі саюз моладзі». «Праект традыцыйна стартуе ў пачатку вясны і працягнецца да канца ліпеня ў кожным раёне Магілёўскай вобласці, – растлумачылі суразмоўцы. – Патэнцыйныя ўдзельнікі студатрадаўскага руху могуць загадзя забраніраваць працоўнае месца, адзначыць у сваёй заяўцы, чым бы яны хацелі займацца ў атрадзе, на якую заработную плату разлічваюць».
Амаль дзвесце заявак на ўборку снегу паступіла ад жыхароў вобласці на гарачыя лініі БРСМ
Як расказалі ў абласным камітэце ГА «БРСМ», са снежня мінулага года ва ўсіх тэрытарыяльных камітэтах саюза моладзі працуюць моладзевыя гарачыя лініі па ўборцы снегу. Ветэраны Вялікай Айчыннай вайны, адзінока пражываючыя пажылыя людзі, інваліды і іншыя грамадзяне, якія маюць патрэбу, могуць пакінуць заяўку на расчыстку снегу, а валанцёры руху «Добрае сэрца», удзельнікі МААП, актыў БРСМ акажуць ім дапамогу ў вырашэнні гэтага пытання.
Абласны семінар-практыкум «Лёд без прыгод» пройдзе ў Магілёве 25 студзеня
У Магілёве 25 студзеня пройдзе абласны семінар-практыкум для ўдзельнікаў моладзевых атрадаў аховы правапарадку. Пра гэта паведамілі ў Магілёўскім абласным камітэце грамадскага аб’яднання «Беларускі рэспубліканскі саюз моладзі». Як расказалі суразмоўцы, у мерапрыемстве прыме ўдзел каля 30 чалавек з усяго рэгіёна.
Абласныя этапы інтэлектуальнай гульні «Піянерскі квіз» стартуюць 22 студзеня
Абласныя этапы інтэлектуальна-забаўляльнай гульні «Піянерскі квіз» стартуюць 22 студзеня, паведаміла старшыня Цэнтральнага савета БРПА Аляксандра Ганчарова.
У Магілёўскім раёне школьнікаў навучаюць асновам прадпрымальніцтва
Сёння, 18 студзеня, у Магілёўскім раёне на базе Буйніцкай сярэдняй школы і ТАА «Протас» праходзіць адкрыты дыялог «Моладзь і бізнес у сельскай мясцовасці: праблемы і перспектывы развіцця».
Адкрыты дыялог «Сіла Асноўнага Закона» з удзелам моладзі пройдзе ў Магілёве 13 студзеня
Моладзь Магілёўшчыны збярэцца 13 студзеня ў абласным цэнтры на адкрыты дыялог «Сіла Асноўнага Закона». Пра гэта паведамілі ў Магілёўскім абласным камітэце грамадскага аб’яднання «Беларускі рэспубліканскі саюз моладзі». Як растлумачылі суразмоўцы, падчас сустрэчы маладыя людзі з экспертамі абмяркуюць змены і дапаўненні ў Канстытуцыю Рэспублікі Беларусь.
Актывісты БРСМ Магілёўскай вобласці прынялі ўдзел у абмеркаванні праекта Канстытуцыі ў межах адкрытага дыялогу «Сіла закона»
Удзельнікамі адкрытага дыялогу «Сіла закона», які прайшоў сёння ў рэжыме анлайн у зале Канстытуцыйнага суда, сталі і актывісты БРСМ Магілёўскай вобласці. Магілёўская моладзь сабралася на адкрыты дыялог у Беларускага-расійскім універсітэце.
Абласны форум маладых парламентарыяў прайшоў у Чавусах
Для членаў прэзідыума Маладзёжнага парламента пры Магілёўскім абласным Савеце дэпутатаў і старшыняў маладзёжных парламентаў пры гарадскіх і раённых саветах дэпутатаў прайшла экскурсія па ДУСУ «Спецыялізаваная дзіцяча-юнацкая школа алімпійскага рэзерву Чавускага раёна» і заводзе будаўнічых сумесяў.
Горацкія гімназісткі перамаглі ў рэспубліканскіх спаборніцтвах па зборы спілс-карт
Беларускі рэспубліканскі саюз моладзі ў Мінску падвёў вынікі рэспубліканскага патрыятычнага праекта «Ведаю Беларусь», прысвечанага Году народнага адзінства.
Навагодні кадэцкі баль пройдзе ў Магілёве 20 снежня
Навагодні кадэцкі баль пройдзе 20 снежня ў Магілёве. Мерапрыемства стане часткай праграмы рэспубліканскай дабрачыннай акцыі «Нашы дзеці», аб чым паведаміла намеснік дырэктара па выхаваўчай рабоце Магілёўскага абласнога кадэцкага вучылішча Марыя Уласенка.
Працу моладзевых гарачых ліній БРСМ актывізуюць на Магілёўшчыне
Магілёўская абласная арганізацыя БРСМ актывізуе працу моладзевых гарачых ліній. Пра гэта паведамілі ў грамадскім аб’яднанні. «Валанцёры руху БРСМ «Добрае Сэрца», удзельнікі руху моладзевых атрадаў аховы правапарадку, актыў БРСМ дапамогуць у расчыстцы тэрыторыі ад снегу ветэранам Вялікай Айчыннай вайны, адзінокім пажылым людзям, інвалідам і іншым малазабяспечаным катэгорыям грамадзян», – падзяліліся суразмоўцы. Заяўку на аказанне дапамогі можна пакінуць па тэлефонах моладзевых гарачых ліній, якія арганізаваны на базе ўсіх тэрытарыяльных камітэтаў БРСМ.
Развіццё інстытута рэферэндуму абмеркавалі на пасяджэнні Маладзёжнага парламента пры Магілёўскім абласным Савеце дэпутатаў
Гісторыя станаўлення і развіцця інстытута рэферэндуму сталі ключавымі тэмамі трэцяга пасяджэння Маладзёжнага парламента пры Магілёўскім абласным Савеце дэпутатаў.
Пераможцай абласнога турніру па праграмаванні стала каманда сацыяльна-гуманітарнага каледжа
Пераможцай абласнога турніру па праграмаванні «Камандны хакатон CodingFest-6» стаў праект «MedClub» каманды сацыяльна-гуманітарнага каледжа УА «МДУ імя А. А. Куляшова» у складзе Данііла Кандрацкага, Рамана Сакалінскага, Арсенія Сугакі, Вольгі Драбышэўскай. Пра гэта паведаміла кіраўнік праекта Святлана Януковіч.
Абласны этап рэспубліканскага марафону студэнцкіх атрадаў адбудзецца 30 лістапада ў Магілёве
Абласны этап рэспубліканскага марафону студэнцкіх атрадаў «Маладосць. Праца. Адзінства» адбудзецца 30 лістапада ў Магілёве. Пра гэта паведамілі ў Магілёўскім абласным камітэце ГА «БРСМ», які выступае арганізатарам мерапрыемства. Асноўнай пляцоўкай марафону стане тэрыторыя каля кінатэатра «Радзіма». А 11.00 адбудзецца адкрыццё памятнага знака «Зорка БРСМ» пасля рэстаўрацыі. Работы па аднаўленні праводзілі байцы студатрадаўскага руху Магілёўшчыны.
Першы этап абласнога тура рэспубліканскага праекта «100 ідэй для Беларусі» пройдзе ў фармаце elevator-speech
Першы этап абласнога тура рэспубліканскага моладзевага праекта «100 ідэй для Беларусі» пройдзе 26 лістапада ў інстытуце развіцця адукацыі. Пра гэта паведамілі ў абласным камітэце грамадскага аб’яднання «Беларускі рэспубліканскі саюз моладзі». У першай палове дня маладыя наватары Магілёўшчыны пачнуць абарону сваіх праектаў у фармаце elevator-speech. Удзельнікі прэзентуюць уласныя ідэі перад экспертным саветам, а пасля атрымаюць магчымасць пачуць кампетэнтнае меркаванне аб далейшым развіцці праекта і яго прасоўванні.
У Магілёве 23–24 лістапада адбудзецца беларуска-расійскі моладзевы форум «PROдвижение»
У Магілёве 23–24 лістапада адбудзецца беларуска-расійскі моладзевы форум «PROдвижение». Пра гэта паведамілі ў АК ГА «БРСМ». Так, у аўторак у БРУ пройдзе два навучальныя семінары: для ўдзельнікаў абласнога тура рэспубліканскага маладзёжнага інавацыйнага праекта «100 ідэй для Беларусі» і валанцёраў руху БРСМ «Добрае сэрца». Дзеці прымуць удзел у тэматычных майстар-класах, трэнінгах, абмяркуюць праблемныя пытанні. Пачатак – у 11.00.
Абласны моладзевы конкурс «Разам дзеля жыцця» праходзіць у Магілёўскай вобласці
Рэгіянальны моладзевы конкурс «Разам дзеля жыцця» праходзіць на Магілёўшчыне з 15 лістапада. Пра гэта паведамілі ў грамадскім аб’яднанні «Беларускага рэспубліканскага саюза моладзі» Магілёўскага абласнога камітэта. Як расказалі суразмоўцы, конкурс прысвечаны Сусветнаму дню барацьбы са СНІДам. Прыняць удзел у ім можа моладзь ва ўзросце ад 14 да 31 года. Маладыя людзі могуць паспаборнічаць у трох намінацыях:
«Ураджай» Гран-пры сабралі навучэнцы Магілёўскай гімназіі-каледжа мастацтваў гэтай восенню
Восень 2021 года стала па-сапраўднаму залатой для навучэнцаў Магілёўскай дзяржаўнай гімназіі-каледжа мастацтваў імя Яўгена Глебава. Адзін за адным яе выхаванцы атрымалі высокія ўзнагароды на прэстыжных рэспубліканскіх і міжнародных творчых конкурсах.
Фестываль «Палітра творчасці» ў Магілёве
Фестываль «Палітра творчасці» пройдзе 24–26 лістапада ў Магілёве. У гэтым годзе конкурс будзе прысвечаны 60-годдзю Беларуска-Расійскага ўніверсітэта.
Гарадскі этап рэспубліканскага конкурсу «100 ідэй для Беларусі» адбудзецца 3 лістапада ў Магілёве
Гарадскі этап рэспубліканскага конкурсу «100 ідэй для Беларусі» адбудзецца 3 лістапада ў Магілёве. Мерапрыемства стартуе а 11.00 на пляцоўцы абласнога інстытута развіцця адукацыі (зав. Бярозаўскі, 1а). Пра гэта паведаміў першы сакратар Магілёўскага гарадскога камітэта ГА «Беларускі рэспубліканскі саюз моладзі» Сяргей Чычоў.
Абласная арганізацыя БРСМ адкрыла «гарачую лінію» па пытаннях прафілактыкі Covid-19
У Магілёўскім абласным камітэце БРСМ працуе «гарачая лінія» па пытаннях прафілактыкі COVID-19 і дапамогі пажылым людзям, інвалідам і іншым катэгорыям грамадзян, якія жывуць у нястачы. Пра гэта паведамілі ў прэс-службе АК ГА «БРСМ». Валанцёры гатовыя аказаць дапамогу ў дастаўцы прадуктаў харчавання, медыкаментаў на дом, добраўпарадкаванні прыдамавых участкаў ветэранам Вялікай Айчыннай вайны, адзінокім пажылым людзям і іншым катэгорыям грамадзян, якім неабходна дапамога. Заяўку можна пакінуць па нумарах тэлефонаў: 80222 767049, 80222 766714.
"Залатая восень": у Магілёве правядуць дыстанцыйны творчы конкурс для дзяцей і моладзі
У Магілёве пройдзе міжнародны дыстанцыйны творчы конкурс "Залатая восень". Аб гэтым расказалі ў абласным метадычным цэнтры народнай творчасці і культурна-асветнай работы.
Абласны этап чэмпіянату «Ведаю Беларусь» па хуткаснай зборцы спілс-карт Беларусі ў Магілёве. Відэа
У Год народнага адзінства Беларускі рэспубліканскі саюз моладзі запусціў праект «Ведаю Беларусь», адзін з этапаў якога – спаборніцтвы па хуткаснай зборцы спілс-карт краіны. У кожным рэгіёне выбіраюць каманду, якая хутчэй за ўсіх складае пазл са 118 элементаў. Свайго пераможцу вызначалі сёння ў Магілёве. Аўтар відэа Вольга Емельянава
Абласны этап чэмпіянату па хуткаснай зборцы спілс-карт Беларусі збярэ ў Магілёве 40 каманд
Абласны этап чэмпіянату «Ведаю Беларусь» па хуткаснай зборцы спілс-карт Беларусі пройдзе 7 кастрычніка ў Магілёве. Пра гэта паведамілі ў абласным камітэце грамадскага аб’яднання «Беларускі рэспубліканскі саюз моладзі». Мерапрыемства стартуе ў 12.00 на плошчы Адзінства (плошча каля ГЦ «Атрыум», вул. Першамаёская, 57). Як расказалі суразмоўцы, спаборніцтвы збяруць каля 40 каманд з усяго рэгіёна.
Актыў БРСМ і валанцёры Магілёва паўдзельнічалі ў добраўпарадкаванні тэрыторыі царквы іконы Божай Маці «Усецарыца». Відэа
Фінал абласнога этапу рэспубліканскай дабрачыннай акцыі «Аднаўленне святынь Беларусі. Нас аб’ядноўвае гісторыя і вера» адбыўся сёння ў Магілёве. Каля 30 хлопцаў і дзяўчат –актыў БРСМ, валанцёры –добраўпарадкоўвалі тэрыторыю царквы іконы Божай Маці «Усецарыца» ў мікрараёне Казіміраўка: прыбіралі лістоту, высаджвалі дэкаратыўныя кусты, падрыхтоўвалі пляцоўку для будаўніцтва царкоўнай школы. Нагадаем, мерапрыемствы праекта прайшлі ў кожным раёне Магілёўскай вобласці з 1 красавіка па 15 верасня. Было добраўпарадкавана каля 50 святынь.
У Магілёўскай вобласці валанцёры БРСМ акажуць адрасную дапамогу пажылым і ветэранам
У Магілёўскай вобласці валанцёры руху БРСМ «Добрае сэрца» актывізуюць працу да Дня пажылога чалавека. Пра гэта паведамілі ў абласным камітэце грамадскай арганізацыі. «У Магілёўскай вобласці пражывае 580 ветэранаў Вялікай Айчыннай вайны, дапамогу якім аказваюць 3913 валанцёраў з 296 атрадаў, – расказалі ў абкаме БРСМ. – Напярэдадні, 1 кастрычніка, а таксама ў само свята ў кожным раёне рэгіёна пройдуць мерапрыемствы, накіраваныя на дапамогу пажылым людзям, якія пражываюць адзінока,і ветэранам. Гэту працу аб’яднае дабрачынная акцыя «Мы выбіраем дапамогу пажылым людзям».