Спаборніцтвы па лёгкай атлетыцы памяці Васіля Яроміна пройдуць 19-21 сакавіка ў Магілёве
Адкрытыя рэспубліканскія спаборніцтвы па лёгкай атлетыцы памяці заслужанага трэнера БССР Васіля Яроміна прыме 19-21 сакавіка Магілёўскі спарткомплекс «Алімпіец». Пра гэта карэспандэнту сайта паведамілі ў гарадской спецыялізаванай дзіцяча-юнацкай школе алімпійскага рэзерву №2.
Нацыянальны рэкорд на спаборніцтвах па пажарна-выратавальным спорце ўстанавіў прадстаўнік каманды Магілёўскага абласнога ўпраўлення МНС Мікіта Уколаў
Нацыянальны рэкорд устанавіў прадстаўнік каманды Магілёўскага абласнога ўпраўлення МНС Мікіта Уколаў на спаборніцтвах па пажарна-выратавальным спорце. Спаборніцтвы праходзяць у Мінску, паведамілі ў Міністэрстве па надзвычайных сітуацыях.
Пераможцы і лаўрэаты тэматычнага фотаконкурсу сярод студэнтаў і школьнікаў атрымаюць бясплатныя білеты на II Еўрапейскія гульні
З мэтай папулярызацыі гульняў сярод беларускай моладзі фонд «Дырэкцыя II Еўрапейскіх гульняў 2019 года» аб’яўляе пра старт новага конкурсу для навучэнцаў устаноў адукацыі Рэспублікі Беларусь. Гэтым разам арганізатары мультыспартыўнага форуму чакаюць ад удзельнікаў фотаработы, якія могуць прадэманстраваць яркія перамогі маладых людзей у спартыўнай або каляспартыўнай сферах. Конкурс «Час яркіх перамог» будзе праходзіць у некалькі этапаў. Першы этап ужо ў самым разгары, а яго вынікі будуць падведзены 21 лютага.
Больш за 200 спартсменаў з шасці краін прыме ўдзел у турніры па спартыўнай акрабатыцы «Кіндар-сюрпрыз» у Магілёве
Адкрыты традыцыйны рэспубліканскі турнір па спартыўнай акрабатыцы «Кіндар-сюрпрыз» пройдзе 12-15 сакавіка ў Палацы гімнастыкі Магілёва. Пра гэта карэспандэнту сайта паведамілі ў гарадской СДЮШАР «Багіма» імя В. Г. Мішчанкі. Паводле слоў суразмоўцаў, у спаборніцтвах прыме ўдзел каля 20 каманд з Беларусі, Расіі, Малдовы, Прыднястроўя, Украіны, Германіі. Усяго на турніры выступяць больш за 200 спартсменаў ва ўзросце ад 6 да 16 гадоў. Пераможцаў і прызёраў турніру ўзнагародзяць медалямі, граматамі, каштоўнымі падарункамі і сувенірамі.
Каманда выхаванцаў Вясноўскага дома-інтэрната заняла першае месца на рэспубліканскіх спаборніцтвах па водных відах спорту
Выхаванцы Вясноўскага дома-інтэрната для дзяцей-інвалідаў з асаблівасцямі псіхафізічнага развіцця прынялі ўдзел у рэспубліканскіх спаборніцтвах па водных відах спорту. Спаборніцтвы сярод навучэнцаў дапаможных школ і школ-інтэрнатаў праходзілі ў Мінску, паведамілі карэспандэнту сайта ў камітэце па працы, занятасці і сацыяльнай абароне Магілёўскага аблвыканкама.
Каманда ДТСААФ Магілёўскай вобласці заняла трэцяе месца на Кубку Беларусі па хуткаснай радыётэлеграфіі
Кубак Беларусі па хуткаснай радыётэлеграфіі сярод юніёраў прайшоў у Магілёве на вучэбна-матэрыяльнай базе аб’яднанай арганізацыйнай структуры ДТСААФ.
Надзея Скардзіна і Сяргей Новікаў перамаглі на «Гонцы легенд» у змешанай эстафеце
Алімпійская чэмпіёнка Надзея Скардзіна і сярэбраны прызёр Алімпійскіх гульняў 2010 года ў Ванкуверы Сяргей Новікаў перамаглі на «Гонцы легенд» у змешанай эстафеце, якая прайшла «Раўбічах». Цяпер знакаміты біятланіст ўзначальвае ўпраўленне спорту і турызму Магілёўскага аблвыканкама.
Каманда МДУ імя А. А. Куляшова заваявала бронзу ў лыжнай эстафеце на «Усебеларускай студэнцкай лыжні-2019»
Каманда МДУ імя А. А. Куляшова заваявала бронзу ў лыжнай эстафеце на фізкультурна-аздараўленчым свяце «Усебеларуская студэнцкая лыжня-2019». Спаборніцтвы прайшлі на лыжаролернай трасе ў Мінску, паведамілі ва ўстанове адукацыі. Наша зборная ў складзе Юліі Бандарэнка, Дар’і Языковай, Сяргея Будагоўскага і Ільі Коршунава паказала трэці вынік, саступіўшы першую пазіцыю спартсменам Беларускага дзяржаўнага ўніверсітэта фізічнай культуры. Другое месца заняла каманда Беларускага дзяржаўнага педагагічнага ўніверсітэта імя Максіма Танка.
Адкрыты турнір па бодзібілдынгу і фітнесу «Кубак жалезнага льва» адбудзецца 13 красавіка ў Магілёве
Адкрыты асабіста-камандны турнір «Кубак жалезнага льва» пяты раз збярэ аматараў бодзібілдынгу і фітнесу ў Магілёве. Спаборніцтва адбудзецца 13 красавіка ў Палацы культуры вобласці, паведамілі ва ўстанове культуры. Акрамя беларускіх атлетаў, у турніры возьмуць удзел госці з расійскіх гарадоў – Масквы, Санкт-Пецярбурга, Бранска і Смаленска. Спартсмены будуць змагацца за медалі ў васьмі намінацыях: бодзібілдынг, класічны бодзібілдынг, пляжны бодзібілдынг, фітнес-бікіні, бодзіфітнес, Muscular Mens Physique, Fit-Model і Wellness Fitness.
Выхаванцы абласнога цэнтра творчасці заваявалі медалі першага моладзевага Кубка Усходняй Еўропы па vovinam
Юныя магілёўцы, навучэнцы аб’яднання па інтарэсах «Усходнія адзінаборствы» Абласнога цэнтра творчасці, вярнуліся з медалямі з Кішынёва (Малдова), дзе завяршыўся першы моладзевы Кубак Усходняй Еўропы па vovinam. Пра гэта паведаміў педагог аддзела фізічнага выхавання ўстановы дадатковай адукацыі Сяргей Пухальскі. Марыя Юрчанка заняла першае месца ў тэхнічных відах, Трафім Кісялёў узяў золата ў паядынках і бронзу ў тэхнічных відах, а Уладзіслаў Пярэдня паказаў трэці вынік у паядынках.
Каманда Магілёўскай вобласці прыняла ўдзел у спартыўным свяце «Мінская лыжня-2019»
Каманда Магілёўскай вобласці прыняла ўдзел у спартыўным свяце «Мінская лыжня-2019», якое прайшло на лыжаролернай трасе ў сталічным мікрараёне Вяснянка.
Спартсмены Магілёўскай вобласці заваявалі два залатыя медалі ў фінале рэспубліканскіх спаборніцтваў па біятлоне «Снежны снайпер»
Спартсмены Магілёўскай вобласці заваявалі два залатыя медалі ў фінале рэспубліканскіх спаборніцтваў па біятлоне «Снежны снайпер». Турнір праходзіў у цэнтры алімпійскай падрыхтоўкі «Раўбічы» 8 і 10 лютага. Так, у старэйшай узроставай групе ў юнакоў не было роўных на дыстанцыі 3 км з двума агнявымі рубяжамі Глебу Блізнякову з Магілёўскай вобласці. Біятланіст пераадолеў дыстанцыю за 7 хв 53.1 сек. і пры гэтым не дапусціў ніводнага промаху на агнявых рубяжах.
Гандбалісты Магілёўскага клуба «Машэка» саступілі ў матчы 1/8 фіналу Кубка выкліку
Гандбалісты Магілёўскага клуба «Машэка» прайгралі ў першым матчы 1/8 фіналу еўрапейскага Кубка выкліку. Сустрэча адбылася ў спарткомплексе «Алімпіец».
Магілёўскі СК «Алімпіец» 10 лютага прыме матч 1/8 еўрапейскага Кубка выкліку
У Магілёве 10 лютага адбудзецца гульня 1/8 фіналу мужчынскага розыгрышу еўрапейскага Кубка выкліку. Пра гэта карэспандэнту сайта паведамілі ва ўпраўленні спорту і турызму аблвыканкама. На паркеце СК «Алімпіец» у 17.00 пачнецца сустрэча паміж Магілёўскім клубам «Машэка» і бельгійскім «Візе». Квіткі на матч можна набыць у касе спарткомплексу. Кошт – Br2. Гульня ў адказ адбудзецца 17 лютага ў Бельгіі.
Чэмпіянат Беларусі па дзюдо збярэ ў Магілёве больш за 160 наймацнейшых спартсменаў краіны
Чэмпіянат Беларусі па дзюдо пройдзе 7-9 лютага ў Магілёўскім СК «Алімпіец». Пра гэта карэспандэнту сайта паведамілі ў Беларускай федэрацыі дзюдо. У спаборніцтвах прыме ўдзел больш за 160 спартсменаў з усіх абласцей і горада Мінска. На татамі выйдуць самыя моцныя дзюдаісты краіны. Яны ўжо паспелі неаднаразова даказаць майстэрства на турнірах розных узроўняў. У іх ліку Ягор Варапаеў (да 90 кг), Дзмітрый Мінькоў (да 66 кг), Мікіта Свірыд (звыш 100 кг), Даніэл Мукетэ (да 100 кг), Вадзім Шока (да 81 кг), Анфіса Капаева (да 48 кг), Дар’я Скрыпнік (да 57 кг) і іншыя.
У чэмпіянаце Магілёўскай вобласці па міні-футболе возьмуць удзел 10 каманд
У чэмпіянаце Магілёўскай вобласці па міні-футболе возьмуць удзел 10 каманд. Першыя матчы пройдуць 2 лютага ў Краснаполлі і Бабруйску. Сапернікі падзелены на дзве групы. У першай згуляюць клубы з Хоцімска, Крычава, Краснаполля і Касцюковічаў, а таксама Магілёўскі «Фортэ». У другой групе аказаліся бабруйскія «Аграмаш» і «Саюз-Энерга», магілёўскі «Вторчермет», Быхаў і Бялынічы. У наступны раўнд турніру выйдуць па дзве наймацнейшыя каманды з кожнай групы. Таксама пропуск у вырашальны этап спаборніцтваў атрымае адзін з клубаў, які заняў трэцяе месца.
Магіляўчанка Вольга Бадзелька прызнаная найлепшай шахматысткай краіны 2018 года
Беларуская федэрацыя шахмат назвала найлепшых спартсменаў краіны па выніках 2018 года. Цырымонія ўзнагароджання адбылася на ўрачыстым закрыцці XVII міжнароднага шахматнага фестывалю ў Оршы, паведамляе сайт ГА «БФШ». Пераможцаў вызначылі ў 25 намінацыях. Так, найлепшай спартсменкай 2018 года стала Вольга Бадзелька. Яна ж прызнаная найлепшай спартсменкай да 18 гадоў.
Студэнты Магілёўскага ўніверсітэта харчавання распрацавалі меню для ўдзельнікаў II Еўрапейскіх гульняў
Магілёўскі дзяржаўны ўніверсітэт харчавання працуе над арганізацыяй харчавання атлетаў і гасцей II Еўрапейскіх гульняў, якія адбудуцца летам у Мінску. З 1 лютага выкладчыкі ВНУ адправяцца на інструктаж повараў, якія будуць гатаваць для спартсменаў, а студэнты навучальнай установы ўжо распрацавалі спецыяльнае меню: іх дыпломныя работы прысвечаны харчаванню атлетаў, якія прадстаўляюць розныя віды спорту.
Студэнты МДУ імя А. А. Куляшова занялі другое месца на Рэспубліканскай універсіядзе па лёгкай атлетыцы
Студэнты Магілёўскага дзяржаўнага ўніверсітэта імя А. А. Куляшова занялі другое месца на Рэспубліканскай універсіядзе па лёгкай атлетыцы. У спаборніцтвах, якія праходзілі ў спартыўным комплексе «Алімпіец», узялі ўдзел каманды з 26 беларускіх вышэйшых навучальных устаноў. Прадстаўнікі нашай ВНУ саступілі ў камандным заліку толькі спартсменам з Беларускага дзяржаўнага ўніверсітэта фізічнай культуры. Бронза дасталася Гродзенскаму дзяржаўнаму ўніверсітэту імя Янкі Купалы.
Спартсмены Магілёўскай вобласці заваявалі дзесяць медалёў на турніры па дзюдо памяці Андрэя Мельнікава
Спартсмены Магілёўскай вобласці заваявалі дзесяць медалёў на адкрытым XXVI традыцыйным турніры па дзюдо памяці воіна-інтэрнацыяналіста, Героя Савецкага Саюза Андрэя Мельнікава.
Каманда Магілёўскага «Гарводаканала» стала пераможцам зімовай абласной спартакіяды работнікаў ЖКГ
Каманда Магілёўскага ДКУП «Гарводаканал» стала пераможцам XIII зімовай абласной спартакіяды работнікаў ЖКГ. Пра гэта паведаміў намеснік старшыні абласной арганізацыі Беларускага прафсаюза работнікаў мясцовай прамысловасці і камунальна-бытавых прадпрыемстваў Павел Жуйкоў.
Хоцімскі раён стаў абсалютным пераможцам абласных спаборніцтваў сярод дзяцей і падлеткаў па біятлоне «Снежны снайпер»
Хоцімскі раён стаў абсалютным пераможцам у камандным заліку абласных спаборніцтваў сярод дзяцей і падлеткаў па біятлоне «Снежны снайпер» на прызы Прэзідэнцкага спартыўнага клуба. Пра гэта карэспандэнту сайта паведаміла галоўны сакратар спаборніцтваў Ірына Папкова. За ўзнагароды на лыжнай трасе ў Пячэрскім лесапарку ў спрынце і эстафеце змагалася каля 280 дзяцей з 23 каманд. Гэта навучэнцы ўстаноў агульнай сярэдняй адукацыі ад 11 да 16 гадоў – найлепшыя са школьнікаў, якія прынялі ўдзел у раённых і мясцовых этапах.
Магілёўскі СК «Алімпіец» збярэ наймацнейшых лёгкаатлетаў краіны на чэмпіянаце Беларусі ў памяшканні
У Магілёве 28-30 студзеня пройдзе адкрыты чэмпіянат Беларусі па лёгкай атлетыцы ў памяшканні на прызы газеты «Спортивная панорама», прысвечаны 100-годдзю ўтварэння БССР. Пра гэта паведамілі ў Беларускай федэрацыі лёгкай атлетыкі. Месца правядзення зімовых чэмпіянатаў краіны даўно замацавалася за Магілёўскім СК «Алімпіец». Тут традыцыйна збіраюцца топавыя Беларускія лёгкаатлеты, якія дэманструюць годныя вынікі, волю да перамогі і сапраўдную барацьбу за званне чэмпіёна.
Фіналістаў рэгіянальнага этапу спаборніцтваў «Залатая шайба»ў дзвюх узроставых групах дывізіёна «Б» вызначаць 24-25 студзеня ў Магілёўскай вобласці
Каманды-ўдзельніцы абласнога этапу рэспубліканскіх спаборніцтваў сярод дзяцей і падлеткаў па хакеі «Залатая шайба» на прызы Прэзідэнта Рэспублікі Беларусь у дзвюх узроставых групах дывізіёна «Б» вызначаць 24-25 студзеня. Пра гэта карэспандэнту сайта паведаміла метадыст Магілёўскага абласнога вучэбна-метадычнага цэнтра фізічнага выхавання насельніцтва Людміла Манёнак.
Абласная зімовая спартакіяда работнікаў АПК пройдзе ў Бабруйску
XIII абласная зімовая спартакіяда сярод сельскагаспадарчых раёнаў, арганізацый, аб’яднанняў, прадпрыемстваў і кіраўнікоў аграпрамысловага комплексу Магілёўскай вобласці пройдзе ў Бабруйску 25-26 студзеня. Пра гэта паведамілі ў рэгіянальным аб’яднанні прафсаюзаў. У спаборніцтве возьмуць удзел 28 каманд, якія аб’яднаюць у сваіх радах больш за 760 чалавек. Сярод асноўных спартыўных дысцыплін, прадстаўленых на спаборніцтвах, – стральба з пнеўматычнай вінтоўкі, валейбол, шашкі, плаванне, перацягванне канату, дартс, лыжныя гонкі і эстафета.
Фінальныя спаборніцтвы абласной спартакіяды работнікаў ЖКГ стартуюць 25 студзеня ў Магілёве
Фінальныя спаборніцтвы ХІІІ зімовай абласной спартакіяды работнікаў ЖКГ стартуюць у Магілёве 25 студзеня. Мерапрыемства збярэ без малога 30 каманд камунальных прадпрыемстваў рэгіёна, адзначыў намеснік старшыні абласной арганізацыі Беларускага прафсаюза работнікаў мясцовай прамысловасці і камунальна-бытавых прадпрыемстваў Павел Жуйкоў.
Студэнты разыграюць у Магілёве ўзнагароды Рэспубліканскай універсіяды па лёгкай атлетыцы ў памяшканні
Рэспубліканская ўніверсіяда-2019 па лёгкай атлетыцы ў памяшканні пройдзе 24-26 студзеня ў Магілёўскім спарткомплексе «Алімпіец». Пра гэта карэспандэнту сайта паведаміла галоўны сакратар спаборніцтваў Кацярына Суслянкова.
Гарадское зімовае спартыўнае свята «Бабруйская лыжня-2019» адбудзецца 19 студзеня
Гарадское зімовае свята «Бабруйская лыжня-2019» адбудзецца 19 студзеня. Спартыўныя спаборніцтвы стартуюць у 10.00 каля «Бабруйск-Арэны». За права стаць пераможцам пазмагаюцца дзяржслужачыя, фізкультурнікі, прадстаўнікі ўстаноў адукацыі, падлеткавых клубаў і інш. У лыжных забегах на дыстанцыях 1 200 і 800 м. Акрамя таго, праграма свята ўключае спаборніцтвы па перацягванні каната, падняцці гіры і армрэслінгу.
Магілёў упершыню прыме фінал кубка Беларусі па міні-футболе
Вырашальны матч фіналу кубка Беларусі па міні-футболе ўпершыню пройдзе ў Магілёўскай вобласці. Сустрэча адбудзецца 3 сакавіка ў спарткомплексе «Алімпіец». Зараз каманды вядуць барацьбу на стадыі 1/4 фіналу. Сярод саіскальнікаў трафея – лідскі «Лідсельмаш», мінскія «Сталіца», «Ахова-Дынама» і «Тэрыторыя», мікашэвіцкі «Граніт», а таксама гомельскія клубы «БЧ» і «ВРЗ».
Адкрыты рэспубліканскі турнір па міні-футболе сярод ветэранаў памяці Святланы Рыжовай адбудзецца 12 студзеня ў Магілёве
Адкрыты рэспубліканскі турнір па міні-футболе сярод ветэранаў памяці Святланы Рыжовай адбудзецца ў Магілёўскім спарткомплексе «Алімпіец» 12 студзеня. Пра гэта карэспандэнту сайта паведамілі ў прэс-службе ФК «Днепр». У штогадовым мемарыяле, які ў гэтым годзе пройдзе ў шосты раз, прымуць удзел каманды магілёўскай «Надзеі», мінскіх «Космаса» і асацыяцыі «Беларуская федэрацыя футбола», а таксама зборная абласцей «Рэгіён».