Рэкорды Дзінары Алімбекавай на першым этапе Кубка свету па біятлоне
У фінскім Кантыялахці завяршыўся першы этап Кубка свету па біятлоне. Яго праграма была кароткай: спартсмены разыгралі медалі ў індывідуальных гонках і спрынтах. Дзінара Алімбекава паказаланай лепшы вынік у кар’еры – яна заняла 6-е месца. Алімпійская чэмпіёнка цяпер 4-я ў агульным заліку Кубка свету, як паведамляецца на сайце Беларускай федэрацыі біятлона. Як паведамляецца на афіцыйным сайце федэрацыі, у індывідуальнай гонцы Дзінара Алімбекава паказала найлепшы вынік сярод беларусак і найлепшы вынік у кар’еры на этапах Кубка свету.
Прадстаўнікі Магілёўскай вобласці ў складзе беларускай каманды сталі пераможцамі міжнароднага турніру па боксе
У мінскім Палацы спорту прайшоў Міжнародны турнір па боксе памяці Героя Савецкага Саюза Віктара Лівенцава. Ён праходзіў у фармаце матчавых сустрэч з удзелам каманд Беларусі, Іспаніі, Францыі і Украіны. Баі ішлі ў алімпійскіх вагавых катэгорыях – пяці ў жанчын і васьмі ў мужчын. Беларускія баксёры сталі пераможцамі турніру, набраўшы 60 ачкоў. На другім месцы каманда Украіны (46), трэцяе месца падзялілі каманды Іспаніі і Францыі.
Магілёўцы ў ліку пераможцаў конкурсу малюнка «Алімпійскі агонь запальвае сэрцы»
У штаб-кватэры Нацыянальнага алімпійскага камітэта Беларусі падвялі вынікі рэспубліканскага конкурсу «Алімпійскі агонь запальвае сэрцы». Пра гэта паведамляецца на сайце НАК. У фінальнай стадыі былі прадстаўлены работы, прысвечаныя II Еўрапейскім гульням у Мінску і маючым адбыцца гульням XXX Алімпіяды ў Токіа. Аўтары пастараліся адлюстраваць у сваіх малюнках віды спорту, найбольш папулярныя ў Беларусі: мастацкая гімнастыка, лёгкая атлетыка, баскетбол, веласпорт, каратэ, барацьба і іншыя віды.
Магілёўскі «Днепр» заняў першае месца сярод каманд другой лігі
У заключнай частцы сезона-2020 у другой лізе магілёўскі «Днепр» абыграў футбольны клуб «Маладзечна-2018» у выязным матчы з лікам 2:0. У клуба вызначыліся Кірыл Гусеў і Красімір Капаў. У наступным сезоне каманда Ігара Чумачэнкі згуляе ў першай лізе. А футбалісты «Асіповічаў» у выязным матчы абыгралі «Баранавічы» з лікам 5:3. Перамога дазволіла асіповіцкаму клубу заняць 5-е месца ў чэмпіянаце другой лігі. mogilevnews.by
Гулец кіраўскай каманды Вадзім Бокач прызнаны найлепшым футбалістам Беларусі па пляжным футболе
На пасяджэнні выканкама асацыяцыі «Федэрацыя пляжнага футбола» зацверджаны вынікі галасавання за найлепшага футбаліста Рэспублікі Беларусь па пляжным футболе ў сезоне 2020 года.
У Асіповічах на стадыёне «Лакаматыў» адкрылі новую спартпляцоўку
Жыхары горада ўжо паспелі прывыкнуць, што ў апошнія некалькі месяцаў Асіповічы пастаянна абнаўляюцца, рэгулярна з’яўляюцца новыя аб’екты, нешта змяняецца і пераўтвараецца. Не засталіся ў баку ад «добраўпарадкавальных» павеваў і мясцовыя спартсмены.
Каманда Магілёўскай вобласці выйграла Кубак Беларусі па жаночай барацьбе
Каманда Магілёўскай вобласці, набраўшы 225 ачкоў, выйграла Кубак Беларусі па жаночай барацьбе 2020 года, які завяршыўся ў сталічным Палацы спорту. Прадстаўніцы гэтай дружыны першынствавалі адразу ў шасці вагавых катэгорыях. Перамогі святкавалі Наталля Варакіна (50 кг), Заліна Сідакова (55 кг), Ірына Курачкіна (57 кг), Аліна Максімава (62 кг), Яўгенія Андрэйчыкава (65 кг) і Таццяна Лявоненкава (72 кг). Другое месца занялі спартсменкі з Гомельскай вобласці, на рахунку якіх 174 ачкі. Вікторыю ў іх радах святкавала віцэ-чэмпіёнка гульняў-2016 Марыя Мамашук.
Каманда Магілёўскай вобласці першынствавала ў камандным заліку чэмпіянату Беларусі па кросе
Каманда Магілёўскай вобласці першынствавала ў камандным заліку чэмпіянату Беларусі па кросе, які завяршыўся ў Каробчыцах (Гродзенскі раён). Спартсмены з Прыдняпроўскага рэгіёна зарабілі 36 ачкоў, апярэдзіўшы дружыны Гродзенскай вобласці (33 ачкі) і Мінска (28). У спаборніцтвах на дыстанцыі 1,5 км у мужчын перамогу атрымаў Арцём Калачоў (Гродзенская вобласць – Мінск) – 4 хв. 11 сек. Другое месца заняў брастаўчанін Павел Небыт – 4 хв. 13 сек. Гамяльчанін Вадзім Старасценка з вынікам 4 хв. 14 сек. замкнуў тройку наймацнейшых.
Магілёўская вершніца стала прызёрам этапу Кубка свету і міжнародных спаборніцтваў па выездцы
У польскім горадзе Загжаў прайшлі этап Кубка свету і міжнародныя спаборніцтвы па выездцы. У турніры разам са спартыўнымі парамі з Польшчы, Германіі, Расіі, Украіны, Чэхіі, Аўстрыі і Венгрыі прыняла ўдзел прадстаўніца Магілёўскага абласнога цэнтра алімпійскага рэзерву па конным спорце і сучасным пяцібор’і Вольга Сафронава на кані Сандра дэ Амур. Па выніках выступлення пара заняла 3 месца ў праграме «Вялікі прыз» і 8 месца ў праграме КЮР «Вялікага прыза». Генадзь Аляксандраў, mogilevnews.by
Каманда Магілёўскай вобласці заняла III месца на рэспубліканскіх спаборніцтвах па трасавым аўтамадэлізме
Каманда Магілёўскай вобласці заняла III месца на рэспубліканскіх спаборніцтвах па трасавым аўтамадэлізме. Спаборніцтвы праходзілі ў Гродне ў межах XVIII Рэспубліканскай спартакіяды навучэнцаў па тэхнічных відах спорту «Тэхнаспорт», як паведаміла карэспандэнту сайта загадчык аддзела тэхнічнай творчасці Цэнтра творчасці дзяцей і моладзі горада Бабруйска Таццяна Кізатава.
Турнір па бодзібілдынгу «Кубак жалезнага льва» адбыўся ў Магілёве
«Кубак жалезнага льва» сёмым разам адбыўся ў Магілёве. Фітнес-турнір праз пандэмію перанеслі з вясны на восень. Фітнес-бікіні – самая вялікая і папулярная намінацыя: 19 удзельніц. Большасць – са сталічнага рэгіёна. Дарэчы, менавіта мінчане заваявалі большасць узнагарод. У тым ліку і ў намінацыі фіт-мадэль.
Больш за 200 хлопцаў прынялі ўдзел у абласной «Шкаліядзе»
Больш за 200 хлопчыкаў і дзяўчынак з 13 раёнаў Магілёўскай вобласці прынялі ўдзел у рэгіянальнай «Шкаліядзе». Гэта спаборніцтвы сярод школьнікаў 5–6 класаў. Яны праходзяць пад эгідай Федэрацыі лёгкай атлетыкі.
Сталі вядомыя пераможцы Кубка Беларусі па кросе ў Магілёве
Сталі вядомыя пераможцы Кубка Беларусі па кросе, які прайшоў у Магілёве.
Фінал Усебеларускага кросу стартаваў у Магілёве
Сёння ў Магілёве – фінал Усебеларускага кросу на прызы выдавецкага дома «Беларусь сегодня». Турнір, які падводзіць вынікі цяперашняга няпростага сезона. Прысвячэнне
Стаў вядомы расклад матчаў футбольнага клуба «Днепр» у межах фінальнага раўнда Другой лігі
Стаў вядомы расклад матчаў футбольнага клуба «Днепр» у межах фінальнага раўнда Другой лігі. Пра гэта паведамляецца на сайце ФК.
Турнір на прызы Сяргея Гарлуковіча сабраў у Магілёве юных беларускіх футбалістаў
Турнір па футболе сярод юнакоў 2007 года нараджэння на прызы алімпійскага чэмпіёна Сяргея Гарлуковіча стартаваў у Магілёве, як паведамілі карэспандэнту сайта ва ўпраўленні спорту і турызму аблвыканкама. У спаборніцтвах прымае ўдзел 8 каманд: «Днепр-Магілёў», «Славія» (Мазыр), «Нёман» (Гродна), «Шахцёр» (Салігорск), «Днепр-Магілёў-2», «Віцебск», СДЮШАР № 8 (Гомель) і зборная г. Магілёва 2006 г. н. (па-за конкурсам). Баталіі праходзяць у футбольным манежы.
Спартсмены Магілёўшчыны ў ліку пераможцаў чэмпіянату Беларусі па боксе
Сталі вядомыя пераможцы чэмпіянату Беларусі па боксе, які завяршыўся ў Маладзечне. У турніры сярод мужчын перамогі ў сваіх вагавых катэгорыях атрымалі Антон Чарнамаз (57 кг, Магілёўская вобласць), Артур Туніеў (60 кг, Магілёўская вобласць), Аляксандр Радзівонаў (69 кг, Магілёўская вобласць).
Каманда Магілёўскай вобласці заняла трэцяе месца на Алімпійскіх днях моладзі Беларусі па настольным тэнісе
У Магілёве завяршыліся Алімпійскія дні моладзі Беларусі па настольным тэнісе сярод спартсменаў 2000 года нараджэння і маладзейшых.
Больш за 300 спартсменаў будзе змагацца за Кубак Беларусі па кросе ў Магілёве
У Магілёве 14 кастрычніка пройдзе Кубак Беларусі і рэспубліканскія спаборніцтвы па лёгкаатлетычным кросе ў праграме фіналу Усебеларускага лёгкаатлетычнага кросу «Перамога» на прызы газеты«СБ. Беларусь сегодня». Пра гэта карэспандэнту сайта паведамілі ва ўпраўленні спорту і турызму аблвыканкама.
Каманда Магілёўскай вобласці заняла другое месца на чэмпіянаце Беларусі па спартыўнай хадзе
У Гродне правялі чэмпіянат Беларусі па спартыўнай хадзе і рэспубліканскія спаборніцтвы «Нашы надзеі». У турніры прыняло ўдзел 147 спартсменаў з усіх рэгіёнаў краіны. У камандным заліку зборная Магілёўскай вобласці заняла другое месца.
Кінолаг Магілёўскага абласнога ўпраўлення Дэпартамента аховы і яго гадаванец занялі II месца на чэмпіянаце ўнутраных войскаў па службовым мнагабор’і
У Гомелі адбыўся ХХІ адкрыты чэмпіянат ўнутраных войскаў па службовым мнагабор’і сярод кінолагаў. У спаборніцтве ўдзельнічалі падраздзяленні з усіх рэгіёнаў Беларусі, прадстаўнікі 6 воінскіх часцей і кіналагічнага цэнтра ўнутраных войскаў, кіналагічнага цэнтра Узброеных Сіл, Дэпартамента аховы і Дэпартамента выканання пакаранняў МУС.
Дзінара Алімбекава заваявала «серабро» чэмпіянату Беларусі па летнім біятлоне
Вызначыліся пераможцы заключнага віду праграмы чэмпіянату Беларусі па летнім біятлоне, як паведамляе прэс-служба Беларускай федэрацыі біятлона. У гонцы праследавання ў жанчын перамогу атрымала Алена Кручынкіна. Дапусціўшы два промахі на чатырох агнявых рубяжах, яна паказала на фінішы час 32 хв. 45,8 сек.
Кубак Беларусі па матацыклетным кросе прымуць Асіповічы 26–27 верасня
Кубак Беларусі па матацыклетным кросе, прысвечаны Дню машынабудаўніка, прымуць Асіповічы 26–27 верасня. Спаборніцтвы будуць праводзіцца на мотакросавай трасе ў мікрараёне БАМ (за стадыёнам «Юнацтва»).
Эстафета пакаленняў сярод ветэранаў і моладзі пройдзе ў Магілёве
Гарадское масава-спартыўнае мерапрыемства «Камсамолу–100: эстафета пакаленняў» пройдзе сёння ў Магілёве. Яго ўдзельнікамі стануць ветэраны Ленінскага камуністычнага саюза моладзі Беларусі і саюзнай моладзі Магілёва. Пра гэта паведаміла другі сакратар Магілёўскага гарадскога камітэта БРСМ Наталля Шайдава.
Свята хакея ў гонар 20-годдзя ХК «Магілёў»: 22 верасня адбудзецца рэтра-матч
У гонар 20-годдзя ўтварэння першага прафесійнага хакейнага клуба ў Магілёўскай вобласці ўсіх аматараў гэтага віду спорту запрашаюць наведаць незвычайную гульню. ХК «Магілёў» правядзе рэтра-матч з удзелам вядомых беларускіх майстроў хакея з шайбай: Івана Сахарава, Яўгена Летава, Аляксандра Цыплакова, Аляксандра Баразенкі, Уладзіслава Клачкова, Аляксандра Радзінскага, Андрэя Башко, Паўла Волчака і інш. Арганізатары абяцаюць шмат сюрпрызаў і падарункаў. Гульня пройдзе 22 верасня ў 18.00 у магілёўскім Лядовым палацы. Уваход вольны.
Каманды цэментных заводаў Магілёўскай вобласці пазмагаюцца за перамогу ў рэспубліканскім турніры па тарфяным футболе
II рэспубліканскі турнір па тарфяным (балотным) футболе сярод арганізацый тарфяной прамысловасці ДВА «Белпалівагаз» і арганізацый цэментнай галіны Беларусі пройдзе 19 верасня на базе ААТ «Торфабрыкетны завод Усяж», паведамілі ў прэс-службе Міністэрства энергетыкі. Турнір прысвечаны 75-годдзю Перамогі ў Вялікай Айчыннай вайне. У ім прыме ўдзел 15 каманд, у тым ліку тры, якія прадстаўляюць цэментныя заводы – ААТ «Крычаўцэментнашыфер», ААТ «Краснасельскбудматэрыялы» і ААТ «Беларускі цэментны завод».
Бабруйчан запрашаюць да ўдзелу ў сямейным фестывалі «Тата, Мама, Я–футбольная сям’я!»
Бабруйчан запрашаюць да ўдзелу ў сямейным фестывалі «Тата, Мама, Я–футбольная сям’я!». Спартыўнае мерапрыемства плануюць правесці 19 верасня на стадыёне імя Аляксандра Пракапенкі, паведамляе карэспандэнт сайта.
Магілёўскі «Барысфен» згуляе першы паядынак 29-га баскетбольнага чэмпіянату Беларусі 3 кастрычніка ў СК «Алімпіец»
Беларуская федэрацыя баскетбола зацвердзіла каляндар 29-га чэмпіянату краіны. Мужчынскі чэмпіянат Беларусі стартуе 26 верасня. У першым туры дзеючы сярэбраны прызёр Магілёўскі «Барысфен» у стартавы дзень спаборніцтваў не гуляе, а свой першы паядынак новага першынства правядзе 3 кастрычніка ў СК «Алімпіец» супраць баскетбалістаў рэспубліканскага дзяржаўнага вучылішча алімпійскага рэзерву (РДВАР). Пачатак гульні ў 15.00.
Чэмпіянат Беларусі па спартыўнай гімнастыцы пройдзе ў Магілёве 15–17 верасня
Чэмпіянат Беларусі па спартыўнай гімнастыцы пройдзе ў Магілёве 15–17 верасня. Найлепшыя спартсмены краіны збяруцца пад зводамі Палаца гімнастыкі, як паведамілі ў прэс-цэнтры спартыўнай установы. Спаборніцтвы будуць праходзіць па раскладзе: 16 верасня 10.00–11.00–Размінка (мужчыны) 11.00–13.00–Спаборніцтвы (мужчыны) 13.00–13.15 –Парад адкрыцця спаборніцтваў 13.15–13.30 –Агульная размінка (жанчыны) 13.30–14.30 – Размінка на снарадах (жанчыны) 14.30–16.30 – Спаборніцтвы (жанчыны)
Матч 1/16 кубка Рэспублікі Беларусь па футболе паміж камандамі «Днепр–Магілёў»–«Іслач» пройдзе без гледачоў на трыбунах
Матч 1/16 кубка Рэспублікі Беларусь па футболе паміж камандамі «Днепр–Магілёў»–«Іслач» 28 жніўня пройдзе без гледачоў на трыбунах. Такое рашэнне прыняло Бюро выканаўчага камітэта АБФФ у сувязі з абстаноўкай, як паведамілі ў прэс-службе Асацыяцыі «Беларуская федэрацыя футбола».