Прадстаўніца Магілёўшчыны заваявала бронзавую ўзнагароду на маладзёжным чэмпіянаце свету па самба
У Ташкенце (Узбекістан) завяршылася першынство свету па самба сярод юнакоў і дзяўчат, юніёраў і юніёрак 1998-2001 гадоў нараджэння. Турнір сабраў 370 спартсменаў з 29 краін. У вагавой катэгорыі +75 кг у дзяўчат уладальніцай бронзавага медаля стала прадстаўніца Магілёўшчыны Анастасія Грышчанка. На шляху да п’едэстала яна атрымала некалькі перамог, але ў паўфінале саступіла Кацярыне Чоўгун з Украіны. У фінальным паядынку тытул пераможцы першынства свету заваявала расіянка Эліс Старцава.
Нацыянальны рэкорд у лёгкай атлетыцы ўстанавіла магіляўчанка Вольга Рагаўцова
Магіляўчанка Вольга Рагаўцова – сярэбраны прызёр чэмпіянату Еўропы па лёгкай атлетыцы сярод глухіх. Спаборніцтвы прайшлі ў нямецкім горадзе Эсэн. Наша спартсменка апынулася ў тройцы наймацнейшых у марафоне. Больш за 42 км Вольга Рагаўцова пераадолела за 3 гадзіны 3 хвіліны і 55 секунд, што стала нацыянальным рэкордам Беларусі ў падобных турнірах. Серабро на марафонскай дыстанцыі чэмпіянату Еўропы сярод глухіх – найлепшае дасягненне ў кар’еры магілёўскай спартсменкі.
У «Магілёўскім Мэбелаін марафоне» прыняло ўдзел больш за 5 тыс. чалавек
У «Магілёўскім Мэбелаін марафоне» прыняло ўдзел больш за 5 тыс. чалавек. Пра гэта паведамілі ў аддзеле спорту і турызму гарвыканкама.
Магіляўчане выйгралі чэмпіянат Польшчы па танцах на інвалідных калясках
Магіляўчане Ганна Іванова і Міхаіл Жыгалаў перамаглі ў еўрапейскай праграме на адкрытым чэмпіянаце Польшчы па танцах на інвалідных калясках. Спаборніцтвы праходзілі ў горадзе Ламянкі.
Таварыскім матчам адкрыецца новая пляцоўка для міні-футбола ў Асіповічах
Таварыскім матчам паміж дэпутатамі Палаты прадстаўнікоў Нацыянальнага сходу і мясцовымі органамі ўлады адкрыецца новая пляцоўка для міні-футбола ў Асіповічах.
Шклоўскі «Спартак» – пераможца чэмпіянату вобласці па футболе
Шклоўскі «Спартак» – пераможца чэмпіянату вобласці па футболе. Чэмпіён вызначыўся ў апошнім туры, у вочным матчы лідараў турніру «Спартака» і «Сервалюкс-Агра» з Магілёўскага раёна. Шклаўчане дома ўпэўнена перайгралі суперніка – 3:0 і праз 13 гадоў вярнулі сабе залатыя медалі. Нагадаю: гэту ўзнагароду «Спартак» дадаў да кубка вобласці, які заваяваў у пачатку жніўня.
У Магілёве і Оршы 2-8 кастрычніка адбудзецца адборачны раўнд чэмпіянату Еўропы па футболе сярод дзяўчат да 19 гадоў
У Магілёве і Оршы 2-8 кастрычніка адбудзецца адборачны раўнд чэмпіянату Еўропы па футболе сярод дзяўчат да 19 гадоў. Акрамя нашай каманды, у міні-турніры возьмуць удзел зборныя Англіі, Сербіі і Кіпра. Уваход на гульні свабодны. Пуцёўкі ў элітны раўнд атрымаюць дзве найлепшыя каманды квартэта, а таксама чатыры найлепшыя ўладальнікі трэціх месцаў па выніках матчаў супраць двух сапернікаў, якія фінішавалі вышэй.
Супрацоўнік Бабруйскага аддзела Дэпартамента аховы Дзяніс Ерашкевіч стаў пераможцам марафону «Суткі бягом»
Супрацоўнік Бабруйскага аддзела Дэпартамента аховы Дзяніс Ерашкевіч бег марафон 24 гадзіны без сну, перапынкаў на перакус і практычна без адпачынку. І вынік не прымусіў сябе чакаць – 181 кіламетр і перамога ў абсалютным заліку сярод мужчын. «Суткі бягом» – так называўся лёгкаатлетычны марафон, які прайшоў нядаўна ў Шчучыне Гродзенскай вобласці. Ён сабраў больш за 30 самых цягавітых бегуноў не толькі з Беларусі, але і з Украіны.
Магіляўчанка Вольга Бадзелька паказала найлепшы вынік сярод усіх удзельнікаў прадстаўнічага турніру ў Казахстане на 3-й дошцы
Юныя Беларускія шахматысты выйгралі прадстаўнічы міжнародны турнір «Кубак Уладзіміра Дварковіча», які праходзіць у казахстанскім Актабэ з 22 па 26 верасня, паведамілі ў прэс-службе Беларускай федэрацыі шахмат.
Удзельнікамі «Мебелаін марафону» ў Магілёве стануць спартсмены з пяці краін
Удзельнікамі традыцыйнага «Мебелаін марафону», які пройдзе ў Магілёве 6 кастрычніка, стануць спартсмены з пяці краін. Заяўкі ўжо падалі прадстаўнікі Беларусі, Літвы, Латвіі, Украіны і Расіі. Спартыўнае свята пройдзе ў самым цэнтры горада – на плошчы Славы. Яго ўдзельнікі прабягуць па найпрыгажэйшых мясцинах Магілёва. Свята ўнікальнае для нашай краіны спалучэннем спартыўнага і культурнага складнікаў праграмы – мерапрыемства не абмяжоўваецца толькі спартыўнымі забегамі, а ўключае яшчэ і шырокую забаўляльную частку.
Адкрыты турнір па бодзібілдынгу і фітнесу «Кубак жалезнага льва» адбудзецца 5 кастрычніка ў Магілёве
Адкрыты турнір «Кубак жалезнага льва» шосты раз збярэ аматараў бодзібілдынгу і фітнесу ў Магілёве. Спаборніцтва адбудзецца 5 кастрычніка ў 9.00 у Палацы культуры вобласці, паведамілі ва ўстанове культуры. Акрамя беларускіх атлетаў, у турніры возьмуць удзел госці з Казахстана і расійскіх гарадоў – Масквы, Санкт-Пецярбурга, Бранска і Смаленска. Спартсмены будуць змагацца за медалі ў дзевяці намінацыях: бодзібілдынг, класік фізік, класічны бодзібілдынг, пляжны бодзібілдынг, фітнес-бікіні, бодзіфітнес, Fit-Model, Wellness Fitness і дзіцячы фітнес.
Ірына Курачкіна выйграла бронзу на ЧС па барацьбе ў Нур-Султане і заваявала алімпійскую ліцэнзію
У трэці дзень чэмпіянату свету па жаночай барацьбе, які праходзіць у НурСултане, Ірына Курачкіна (57 кг) заваявала бронзавы медаль і алімпійскую ліцэнзію. У паядынку за трэцяе месца Ірына Курачкіна, якая перамагла ў суцяшальнай сутычцы расіянку Марыну Сіманян (19:8), не пакінула шанцаў польскай спартсменцы Ёвіце Вжэсень (4: 0). Гэта ўзнагарода пакуль адзіная для беларусаў на планетарным першынстве па барацьбе.
Залаты медаль зборнай Беларусі на чэмпіянаце свету па пажарна-выратавальным спорце прынёс магіляўчанін Мікіта Уколаў
Чэмпіёнам свету па пажарна-выратавальным спорце стаў магіляўчанін Мікіта Уколаў. Як паведамілі ў МНС, XV Чэмпіянат свету па пажарна-выратавальным спорце сярод мужчын пачаўся ў Саратаве 11 верасня. Адначасова з ім праходзяць Шосты чэмпіянат свету па пажарна-выратавальным спорце сярод жанчын, Дзявяты чэмпіянат свету сярод юнакоў і юніёраў і Пяты – сярод дзяўчат і юніёрак.
У Магілёве праваахоўнікі і спартсмены разам рыхтуюць падлеткаў да рэспубліканскага турніру па міні-футболе
У Магілёве праваахоўнікі і спартсмены разам рыхтуюць падлеткаў да рэспубліканскага турніру па міні-футболе. На працягу некалькіх тыдняў яны праводзяць вучэбна-метадычны збор для непаўналетніх хлопцаў, з якімі будуецца прафілактычная праца, расказала афіцыйны прадстаўнік Ленінскага РАУС г. Магілёва Алена Сіманава.
Больш за 600 удзельнікаў збярэ ў Магілёве абласная міжгаліновая спартакіяда прафсаюзаў
У спаборніцтвах прымуць удзел прадстаўнікі прадпрыемстваў і арганізацый галіновых прафсаюзаў у складзе 15 зборных каманд. На працягу двух дзён – 13 і 14 верасня – на базе спартыўнага комплексу «Лакаматыў» яны паспрачаюцца за званне самых моцных, спрытных і спартыўных. У праграму спартакіяды ўвайшло сем відаў спорту: валейбол, міні-футбол, лёгкаатлетычны крос, настольны тэніс, гіравы спорт, дартс і плаванне. У фінале будуць вызначаны агульнакамандныя, камандныя і асабістыя месцы. Пераможцаў узнагародзяць кубкамі, дыпломамі і каштоўнымі прызамі.
Тэнісны крыты корт адкрылі ў Магілёве
Крыты тэнісны корт адкрылі на тэрыторыі Магілёўскага гарадскога фізкультурна-спартыўнага клуба. На будаўніцтва новага аб’екта было выдзелена Br 4 млн 260 тыс.
Адкрыты Кубак Беларусі па мотакросе пройдзе ў Магілёве 14-15 верасня
Адкрыты Кубак Рэспублікі Беларусь па мотакросе, прысвечаны памяці К. М. Сіманава, пройдзе 14-15 верасня ў Магілёве. Пляцоўкай для спаборніцтваў стане экстрым-парк, размешчаны па вуліцы Фаціна, паведамілі ў Магілёўскай абласной арганізацыйнай структуры ДТСААФ. За лідарства будуць змагацца ўдзельнікі ад 6 да 50 гадоў і старэйшыя. Плануецца, што, акрамя беларускіх спартсменаў, на трасу выйдуць прадстаўнікі Прыбалтыкі, Расіі, Германіі і, магчыма, Польшчы (геаграфія ўдзельнікаў спаборніцтваў удакладняецца). Пачатак спаборніцтваў у 9.00.
Касцюковічы 7 верасня прымуць спартакіяду кіруючага складу органаў унутраных спраў Магілёўскай вобласці
Normal 0 false false false RU X-NONE X-NONE
У адкрытым чэмпіянаце Беларусі па спартыўнай гімнастыцы мужчынская зборная Магілёўскай вобласці заняла трэцяе агульнакаманднае месца
У адкрытым чэмпіянаце Беларусі па спартыўнай гімнастыцы мужчынская зборная рэгіёна ў складзе магілёўцаў Ягора Шарамкова і Аляксея Селязнёва, бабруйчан Алега Цясельскага і Арцёма Бокага з агульным балам 288 заняла трэцяе агульнакаманднаемесца. Пра гэта паведамілі ў ДСВСУ «Магілёўская гарадская СДЮШАР “Багіма”». Спаборніцтвы праходзілі на базе Палаца гімнастыкі Магілёва. За званне наймацнейшых змагаліся спартсмены 2004 года нараджэння і старэйшыя, якія прадстаўлялі ўсе рэгіёны нашай краіны і горад Мінск.
ХК «Магілёў» пачаў выступленне ў Экстралізе з перамогі
У першым туры чэмпіянату Беларусі па хакеі ў Экстралізе А ХК «Магілёў» прымаў ХК «Нёман». Старт Магілёўскага хакейнага клуба атрымаўся сенсацыйным. Дэбютант Экстралігі перайграў больш тытулаванага суперніка 3:1. У складзе магілёўцаў шайбы закінулі Ілья Казьянін (форвард адзначыўся дублем) і Віктар Андрушчанка.
Прызы пераможцам «Магілёўскага Мебелаін марафону» складуць да Br 2,5 тыс.
Традыцыйны «Магілёўскі Мэбелаін марафон» пройдзе ў Магілёве 6 кастрычніка. Пра гэта паведамілі арганізатары мерапрыемства. Старт будзе дадзены на плошчы Славы. Далей удзельнікі прабягуць па найпрыгажэйшых месцах Магілёва. Папярэдні марафон сабраў больш за 3 тысячы чалавек. У бягучым годзе арганізатары плануюць правесці яшчэ больш маштабнае свята. Сярод удзельнікаў марафону як прафесійныя спартсмены, так і аматары з усёй Беларусі і краін-суседзяў. Прызы пераможцам складуць да Br 2,5 тыс.
Прадстаўнікі Магілёўшчыны сталі бронзавымі прызёрамі на чэмпіянаце свету па веславанні на байдарках і каноэ
Беларуская каманда паспяхова выступіла на чэмпіянаце свету па веславанні на байдарках і каноэ ў венгерскім Сегедзе, заваяваўшы 6 залатых, а таксама па 4 сярэбраныя і бронзавыя медалі. Прызёрамі спаборніцтваў сталі прадстаўнікі Магілёўшчыны. Бабруйчанка Надзея Макарчанка разам з Вольгай Клімавай з Мінскай вобласці выйграла бронзу ў фінальным заездзе каноэ-двоек на 500 метраў. А Андрэй Багдановіч і Віталь Асецкі заваявалі такую ж узнагароду ў складзе экіпажа каноэ-чацвёркі (500 м). mogilevnews.by
Заключны этап адкрытага чэмпіянату Беларусі па спартыўным пейнтболе адбудзецца 24 жніўня ў Магілёве
Заключны 4-ы этап адкрытага чэмпіянату Беларусі па спартыўным пейнтболе адбудзецца 24 жніўня ў Магілёве. Спаборніцтвы пройдуць на спартыўна-трэніровачнай базе ПК «Рубікон» (вул. Сурганава, 7), паведаміў вядучы спецыяліст Магілёўскай абласной арганізацыйнай структуры ДТСААФ Віктар Шупранаў. Паводле папярэдніх заявак, у спаборніцтве прымуць удзел каманды з рэгіёнаў Беларусі, Расіі і Латвіі. На заключным этапе судзейская калегія вызначыць пераможцаў і прызёраў адкрытага чэмпіянату Рэспублікі Беларусь.
Наймацнейшыя велагоншчыкі Беларусі з’едуцца на мемарыял Арлоўскага ў Кіраўскім раёне
Наймацнейшыя велагоншчыкі Беларусі з’едуцца на 51-ы традыцыйны мемарыял Героя Савецкага Саюза, Героя Сацыялістычнай Працы К. П. Арлоўскага па веласіпедным спорце на шашы. Спаборніцтвы пройдуць 24-25 жніўня ў аграгарадку Мышкавічы Кіраўскага раёна, паведамілі ў райвыканкаме. Штогадовыя спаборніцтвы збяруць спартсменаў з усіх абласцей і горада Мінска.
У Магілёве вызначылі пераможцаў летняй абласной галіновай спартакіяды работнікаў ЖКГ
XVIII летняя спартакіяда Магілёўскай абласной арганізацыі Беларускага прафсаюза работнікаў мясцовай прамысловасці і камунальна-бытавых прадпрыемстваў адбылася ў Магілёве.
Старт рэспубліканскай акцыі «Спартсмены – за бяспеку дарожнага руху» будзе дадзены 17 жніўня ў Магілёве
Старт республиканской акции «Спортсмены – за безопасность дорожного движения», которая в этом году отмечает 17-летие, будет дан в 13.00 17 августа на паркинге ТЦ «Парк-Сити» (Минское шоссе, 31). Об этом корреспонденту сайта сообщили организаторы проекта.
Шахматыстка Вольга Бадзелька стала другой на юнацкім ЧЕ ў Славакіі
Беларуская шахматыстка Вольга Бадзелька стала другой на юнацкім чэмпіянаце Еўропы ў Браціславе (Славакія), паведамілі ў прэс-службе Міністэрства спорту і турызму Беларусі. Беларуска ва ўзроставай катэгорыі сярод дзяўчат да 18 гадоў набрала 7,5 ачка. Першае месца заваявала польская шахматыстка Алісія Слівічка, якая атрымала восем перамог і пацярпела толькі адно паражэнне ад Вольгі Бадзелька. У 9-м туры беларуска да апошняга змагалася за золата, але партыя завяршылася ўнічыю.
Школьнікі змогуць бясплатна наведваць дзяржаўныя спартыўныя збудаванні
Школьнікі і выхаванцы спартыўных школ змогуць на бязвыплатнай аснове наведваць дзяржаўныя фізкультурна-спартыўныя збудаванні. Адпаведны ўказ нумар 295 Прэзідэнт Беларусі Аляксандр Лукашэнка падпісаў 5 жніўня, паведамілі ў прэс-службе кіраўніка дзяржавы. Дакумент уносіць змяненні ва ўказ ад 29 сакавіка 2012 года нумар 150 «Аб некаторых пытаннях арэнды і бязвыплатнага карыстання маёмасцю» і накіраваны на павышэнне эфектыўнасці выкарыстання фізкультурна-спартыўных збудаванняў, што знаходзяцца ў дзяржаўнай уласнасці.
ХК «Магілёў» саступіў моладзевай зборнай Беларусі U20 у першым матчы Кубка Салея
ХК «Магілёў» саступіў моладзевай зборнай Беларусі U20 у першым матчы Кубка Салея. На дамашняй пляцоўцы «львы» прайгралі з лікам 2:4 (2:1, 0:1, 0:2), паведамілі ў прэс-службе нашай дружыны.
Каманда Магілёўскай вобласці заняла першае месца на Кубку Беларусі па лёгкай атлетыцы
У Брэсце завяршыўся Кубак Беларусі па лёгкай атлетыцы. Спартсмены змагаліся не толькі за ўзнагароды, але і за пуцёўкі на камандны чэмпіянат Еўропы, які ў жніўні прыме Нарвежскі Санес.