Лёгкаатлетычны марафон пройдзе 6 кастрычніка ў Магілёве
У Магілёве 6 кастрычніка пройдзе маштабнае спартыўнае свята «Мебелаин Марафон», паведамілі ў аргкамітэце мерапрыемства.
Біятланіст Уладзімір Чапелін завяршыў кар’еру
Біятланіст Уладзімір Чапелін завяршыў спартыўную кар'еру. Гэтую інфармацыю пацвердзілі ў Беларускай федэрацыі біятлона. Найбольш высокага выніку ў нацыянальнай камандзе спартсмен дамогся ў 2016 годзе, заняўшы трэцяе месца ў індывідуальнай гонцы на 20 км у шведскім Эстэрсундзе. Ён таксама прымаў удзел у зімовых Алімпійскіх гульнях у Сочы і Пхенчхане. Уладзімір Чапелін нарадзіўся 15 ліпеня 1988 года ў Магілёве. Займаўся біятлонам з 1998 года. Член зборнай каманды Беларусі па біятлону з 2010 года.
Футбольны манеж пабудуюць у Магілёве да канца гэтага года
У Магілёве да канца 2019 года з'явіцца футбольны манеж. Ён размесціцца на тэрыторыі гарадской СДЮШАР №7. Зялёны газон і апорныя канструкцыі прывезлі на васьмі грузавіках. Акрамя гульнявога поля памерам 105 на 68 м, што адпавядае сусветным стандартам, у манежы будуць трыбуны на 500 месцаў і адміністрацыйна-бытавы корпус. Кошт праекта – Br4,2 млн. Ужо ў чацвер тут запрацуюць будаўнічыя брыгады. Да сярэдзіны жніўня пачнуць слаць газон. Плануецца, што ў снежні ў манежы згуляюць першы матч.
Магілёўскі плывец Рыгор Пякарскі заваяваў бронзу на Сусветнай летняй універсіядзе ў Неапалі
Магілёўскі плывец Рыгор Пякарскі стаў уладальнікам бронзавага медаля на дыстанцыі 50 м батэрфляем на Сусветнай летняй універсіядзе ў Неапалі (Італія). Пра гэта паведамілі ў прэс-цэнтры Міністэрства адукацыі. Студэнт МДУ імя А.А. Куляшова пераадолеў адлегласць за 23,47 сек. У фінале Рыгор Пякарскі ўстанавіў асабісты рэкорд, саступіўшы толькі срэбнаму прызёру універсіяды Юю Танаку з Японіі – 23,35 сек. і залатому медалісту з Аўстрыі Янгу Вільму – 23,32 сек.
Рэха II Еўрапейскіх гульняў: рэкардсменам праекта «Алімпійскі шлях» стаў Магілёўскі абласны комплексны цэнтр алімпійскага рэзерву
Спартыўныя школы Беларусі, у тым ліку Магілёўскай вобласці, па выніках праекта «Алімпійскі шлях» атрымаюць Br222,5 тыс., паведамляецца на сайце Прэзідэнцкага спартыўнага клуба. У праекце маглі узяць удзел беларускія атлеты – пераможцы і прызёры II Еўрапейскіх гульняў.
Студэнты МДУ імя А.А. Куляшова ў складзе беларускай зборнай пазмагаюцца за ўзнагароды XXX Сусветнай летняй універсіяды
XXX Сусветная летняя ўніверсіяда пройдзе 3-14 ліпеня ў Неапалі (Італія). Прэстыжныя спаборніцтвы праводзяць кожныя два гады пад эгідай Міжнароднай федэрацыі студэнцкага спорту (FISU), паведамляе сайт Міністэрства адукацыі Беларусі.
Спартсменаў з трох краін збярэ ў Магілёве спартакіяда інваспорту «Залаты леў»
XVI адкрытая гарадская спартакіяда інваспорту «Залаты леў», прысвечаная Дню горада і Дню Незалежнасці Рэспублікі Беларусь, пройдзе 2-3 ліпеня ў абласным цэнтры. Пра гэта паведамілі ў аддзеле спорту і турызму гарвыканкама. Па словах суразмоўцаў, за прызы турніру пазмагаюцца амаль 80 спартсменаў з Беларусі, Расіі і Украіны. Гонар Магілёва будуць адстойваць дзве дружыны, у склад якіх увойдуць 20 чалавек.
Магілёўскі каратыст Арцём Краўцоў стаў бронзавым прызёрам II Еўрапейскіх гульняў
Магілеўчанін Арцём Краўцоў заваяваў бронзу II Еўрапейскіх гульняў у каратэ (раздзел кумітэ). На групавой стадыі ў вагавой катэгорыі да 67 кг ён выйграў паядынак з азербайджанскім спартсменам, звёў унічыю сутычкі з аўстрыйскім і венгерскім каратыстамі, але ў паўфінале саступіў Марыё Годзічу з Чарнагорыі (0: 4). mogilevnews.by
Чэмпіёнка II Еўрапейскіх гульняў у вольнай барацьбе Ірына Курачкіна падтрымала спартыўную школу Магілёва
Чэмпіёнка II Еўрапейскіх гульняў у вольнай барацьбе Ірына Курачкіна падтрымала спартыўную школу Магілёва ў праекце «Алімпійскі шлях», паведамілі ў прэс-службе Прэзідэнцкага спартыўнага клуба.
Весляры-прызёры II Еўрапейскіх гульняў падтрымалі спартшколы Бабруйска ў праекце «Алімпійскі шлях»
Выхаванцы Магілёўскай абласной СДЮШАР прафсаюзаў «Бярэзіна», якія сталі прызёрамі II Еўрапейскіх гульняў па веславанні на байдарках і каноэ, падтрымалі сваю спартшколу ў праекце «Алімпійскі шлях». Бабруйчанка Надзея Макарчанка і прадстаўніца Міншчыны Вольга Клімава ў каноэ-двойцы сталі другімі на дыстанцыі 500 м. Дуэт у якасці адрасата для фінансавай дапамогі ў Br10 тыс. абраў спартшколу, дзе займалася Надзея Макарчанка.
Бабруйчанка Надзея Макарчанка ў складзе экіпажа каноэ-двойкі заваявала серабро на II Еўрапейскіх гульнях
Бабруйчанка Надзея Макарчанка і прадстаўніца Міншчыны Вольга Клімава сталі сярэбранымі прызёрамі II Еўрапейскіх гульняў у веславанні на каноэ на дыстанцыі 500 м.
Удзельнікі II Еўрапейскіх гульняў сёння разыграюць 24 камплекты ўзнагарод
На II Еўрапейскіх гульнях у Мінску сёння будуць разыграны 24 камплекты ўзнагарод у шасці відах спорту. Больш за ўсё медалёў знойдуць сваіх уладальнікаў на вяслярным канале ў Заслаўі: весляры на байдарках і каноэ вызначаць мацнейшых у 11 намінацыях. Як заўсёды, падапечныя галоўнага трэнера зборнай Беларусі Уладзіміра Шантаровіча маюць намер парадаваць балельшчыкаў высокімі рэзультатамі. Першыя 4 камплекты ўзнагарод на веладроме «Мінск-Арэны» разыграюць удзельнікі спаборніцтваў па трэкавых велагонках. Старт будзе дадзены ў 15.00.
Беларусы 26 чэрвеня заваявалі 4 узнагароды на II Еўрапейскіх гульнях, адна з іх залатая
Чарговы дзень II Еўрапейскіх гульняў прынёс беларускім спартсменам 4 узнагароды, з якіх адна вышэйшай пробы.
На ІІ Еўрапейскіх гульнях у Мінску сёння будуць разыграны 16 камплектаў узнагарод
У шосты дзень ІІ Еўрапейскіх гульняў у Мінску будуць разыграны 16 камплектаў узнагарод у пяці відах спорту. Галоўныя медальныя надзеі беларускіх балельшчыкаў сёння звязаны з турнірам па веславанні на байдарках і каноэ. Беларусы з'яўляюцца аднымі з галоўных фаварытаў на ўсіх топ-спаборніцтвах у гэтым відзе спорту. Сёння на вяслярным канале ў Заслаўі будуць разыграны 5 медальных камплектаў. Старт фінальных заездаў у 10.00.
Удзельнікі ІІ Еўрапейскіх гульняў у Мінску сёння разыграюць 8 камплектаў узнагарод
Сёння ўдзельнікі ІІ Еўрапейскіх гульняў у Мінску разыграюць 8 камплектаў узнагарод у 6 відах спорту. Два камплекты медалёў знойдуць сваіх уладальнікаў у спаборніцтвах па шашэйных велагонках. У 10.00 на старт індывідуальнай гонкі на 28,6 км выйдуць жанчыны, а ў 13.00 пачнецца мужчынская гонка.
Беларускія лучніцы падтрымаюць Магілёўскі абласны комплексны ЦАР
Уладальнікі срэбра ў камандным першынстве па стральбе з класічнага лука II Еўрапейскіх гульняў у межах праекта «Алімпійскі шлях» вырашылі падтрымаць калег з рэгіёна. Пра гэта расказала галоўны трэнер нацыянальнай жаночай каманды па стральбе з лука Кацярына Цімафеева ў эфіры тэлеканала «Беларусь 1». «У нашай камандзе дзве прадстаўніцы Магілёўскага абласнога комплекснага цэнтра алімпійскага рэзерву – Карына Дзёмінская і Ганна Марусава, таму разам мы прынялі рашэнне перавесці сродкі ў памеры Br 10 тыс. на развіццё гэтай установы», – падкрэсліла галоўны трэнер.
Аляксандр Лукашэнка павіншаваў самбістку Анжэлу Жылінскую з заваяваннем золата II Еўрапейскіх гульняў
Прэзідэнт Беларусі Аляксандр Лукашэнка павіншаваў члена нацыянальнай каманды па самба Анжэлу Жылінскую з заваяваннем золата II Еўрапейскіх гульняў. Пра гэта паведамілі ў прэс-службе беларускага лідара. «На радасць нашых заўзятараў твая перамога ярка і магутна завяршыла гэты спаборніцкі дзень», – адзначыў кіраўнік дзяржавы. Прэзідэнт выказаў упэўненасць, што поспехі беларускіх самбістаў стануць добрым арыенцірам для ўсіх членаў нацыянальных каманд Рэспублікі Беларусь, якім трэба будзе змагацца на спартыўных арэнах Радзімы за званне пераможцаў Еўрапейскіх гульняў.
Пераможцаў другога этапа адкрытага чэмпіянату Беларусі па спартыўным пейнтболе вызначаць 29 чэрвеня ў Магілёве
Другі этап адкрытага чэмпіянату Рэспублікі Беларусь па спартыўным пейнтболе пройдзе 29 чэрвеня ў Магілёве. Пра гэта паведаміў вядучы спецыяліст абласной арганізацыйнай структуры ДТСААФ Віктар Шупранаў. Плануецца, што за перамогу ў спаборніцтвах, якія прыме спартыўна-трэніровачная база ПК «Рубікон» (вул. Сурганава, 77), пазмагаецца каля 10 каманд з Беларусі, Расіі і Латвіі. Па выніках выступленняў суддзі вызначаць пераможцаў і прызёраў спаборніцтваў.
Белтэлерадыёкампанія будзе весці прамую трансляцыю ўрачыстага адкрыцця ІІ Еўрапейскіх гульняў
Белтэлерадыёкампанія як асноўны вяшчальнік ІІ Еўрапейскіх гульняў 2019 года прадаставіць увазе тэлегледачоў прамую трансляцыю ўрачыстага адкрыцця кантынентальнага спартыўнага форуму, якая адбудзецца на Нацыянальным алімпійскім стадыёне «Дынама» ў Мінску. Пра гэта паведамілі ў прэс-службе медыяхолдынга. Прамую трансляцыю ўрачыстага адкрыцця спаборніцтваў у 21.50 пачнуць весці «Беларусь 1», «Беларусь 5», «Беларусь 5. Інтэрнэт», а таксама сайт медыяхолдынга tvr.by.
У Мінску адкрываюцца II Еўрапейскія гульні
У Мінску сёння адкрываюцца II Еўрапейскія гульні. У маштабным спартыўным форуме прымуць удзел 4 тыс. атлетаў з 50 краін кантынента. Сталіца Беларусі раней ніколі не прымала такой значнай спартыўнай падзеі. За перапетыямі барацьбы на спартыўных пляцоўках будуць сачыць не толькі ў Еўропе, але і ў многіх краінах Азіі, Афрыкі, Паўночнай і Паўднёвай Амерыкі. Спаборніцтвы па 15 відах спорту змогуць убачыць больш за 500 млн тэлегледачоў.
Фан-зоны II Еўрапейскіх гульняў будуць працаваць у Магілёве і Бабруйску (абноўлена)
Фан-зоны II Еўрапейскіх гульняў арганізуюць па ўсёй краіне. У Магілёве яна размесціцца на пляцоўцы каля Палаца культуры вобласці, у Бабруйску – на стадыёне імя Аляксандра Пракапенкі, паведамілі ў прэс-службе дырэкцыі маючага адбыцца спартыўнага форуму.
Больш за 160 тыс. білетаў прададзена на мерапрыемствы II Еўрапейскіх гульняў
На мерапрыемствы II Еўрапейскіх гульняў прададзена больш за 160 тыс. білетаў, паведаміў сёння журналістам начальнік упраўлення па камунікацыях, сувязях з грамадскасцю і СМІ фонду «Дырэкцыя II Еўрапейскіх гульняў 2019 года» Аляксей Багдановіч. «На ўчарашнюю раніцу было прададзена больш за 160 тыс. білетаў. Сёння лічба напэўна будзе павялічана, - сказаў Аляксей Багдановіч. - Першапачаткова планавалася прадаць 190 тыс., але з улікам пашырэння магчымасцей для гледачоў колькасць павялічылася да 250 тыс.».
Цырымонія адкрыцця II Еўрапейскіх гульняў адбудзецца 21 чэрвеня на Нацыянальным алімпійскім стадыёне «Дынама» ў Мінску
Цырымонія адкрыцця II Еўрапейскіх гульняў адбудзецца 21 чэрвеня ў Мінску. У гэты дзень Нацыянальны алімпійскі стадыён «Дынама» ў Мінску прыме больш за 22 тыс. гледачоў, паведамілі ў прэс-службе дырэкцыі будучага спартыўнага форума. «Цырымонія адкрыцця – гэта шоу, якое больш ніколі не паўторыцца, – адзначылі суразмоўцы. – Сцэнарый, дэкарацыі, складаныя харэаграфічныя пастаноўкі, музычныя нумары і многія іншыя арыгінальныя рашэнні – усё гэта ствараецца спецыяльна для мінскай цырымоніі. Убачыць гэта на свае вочы яшчэ раз проста немагчыма».
II Еўрапейскія гульні стануць мерапрыемствам, свабодным ад тытуню
II Еўрапейскія гульні стануць мерапрыемствам, свабодным ад тытуню. Асноўная мэта – забеспячэнне права ўсіх, хто не паліць (спартсменаў, валанцёраў, гасцей, дзяцей), дыхаць чыстым паветрам, папулярызацыя фізічнай культуры і спорту, прапаганда здаровага ладу жыцця сярод насельніцтва. На фан-зонах для курэння вызначаць спецыяльныя месцы. Таксама абмежаванні курэння будуць уведзены ў кафэ і рэстаранах на тэрыторыі спартыўных збудаванняў, у таксі, у гасцініцах, дзе будуць пражываць удзельнікі і госці, у Вёсцы спартсменаў.
Спартсмены Магілёўскай вобласці занялі другое агульнакаманднае месца на рэспубліканскай спартакіядзе школьнікаў па скачках на батуце
Рэспубліканскую спартакіяду школьнікаў па скачках на батуце прымаў Магілёў. Пра гэта паведамілі ў гарадской спецыялізаванай дзіцяча-юнацкай школе алімпійскага рэзерву «БАГІМА» імя А. Р. Мішчанкі. У спаборніцтвах прыняло ўдзел каля 70 спартсменаў 2003 года нараджэння і маладзейшыя. Па выніках выступленняў прадстаўнікі Магілёўшчыны занялі другое месца ў агульнакамандным заліку першынства. Найлепшымі сталі батутысты Віцебшчыны. Бронза дасталася атлетам Гомельскай вобласці.
Каманда Магілёўскай вобласці заняла другое месца на рэспубліканскай спартакіядзе школьнікаў па спартыўнай гімнастыцы
Рэспубліканская спартакіяда школьнікаў па спартыўнай гімнастыцы завяршылася сёння ў Магілёўскім Палацы гімнастыкі. Пра гэта паведамілі ў гарадской СДЮШАР «Багіма».
Каля 150 тыс. білетаў прададзена на ІІ Еўрапейскія гульні
На ІІ Еўрапейскія гульні балельшчыкам прададзена каля 150 тыс. білетаў, паведамілі ў прэс-службе фонду «Дырэкцыя ІІ Еўрапейскіх гульняў 2019 года». Найбольшай папулярнасцю карыстаюцца білеты на лёгкую атлетыку, самба, каратэ, мастацкую гімнастыку, бокс, стральбу з лука, пляжны футбол, веславанне, баскетбол і кулявую стральбу. З замежных грамадзян самымі актыўнымі пакупнікамі з'яўляюцца балельшчыкі з Расіі, Ірландыі, Латвіі, Германіі, Польшчы і Літвы.
Міжнародны вяшчальны цэнтр ІІ Еўрапейскіх гульняў пачне працаваць з 17 чэрвеня
Міжнародны вяшчальны цэнтр (МВЦ), які забяспечыць трансляцыю ІІ Еўрапейскіх гульняў, пачне працаваць у Мінску з 17 чэрвеня. З арганізацыяй важнага для спартыўнага форуму аб'екта ў Футбольным манежы азнаёміўся прэм'ер-міністр Беларусі Сяргей Румас.
Трэнер Уладзімір Сініцын узначаліў ХК «Бабруйск»
Новым галоўным трэнерам хакейнага клуба «Бабруйск» стаў Уладзімір Сініцын, паведамілі ў прэс-службе Федэрацыі хакея Беларусі. Спецыяліст змяніў на гэтай пасадзе Васіля Панкова, які ў новым сезоне будзе ўзначальваць «Баранавічы».
Каля 130 тыс. білетаў прададзена на II Еўрапейскія гульні
На II Еўрапейскія гульні прададзена каля 130 тыс. білетаў. З агульнай колькасці балельшчыкаў, якія маюць намер наведаць спаборніцтвы, госці з-за мяжы складаюць 10-15 працэнтаў, паведаміла вядучы спецыяліст па маркетынгу фонду «Дырэкцыя II Еўрапейскіх гульняў» Наталля Новік. Найбольш актыўныя пакупнікі - расіяне, але, як адзначылі ў дырэкцыі, чакаюцца госці з Блізкага Усходу, Азіі, Паўночнай Амерыкі, Афрыкі і Аўстраліі.