Эксперты рэкамендуюць рабіць КТ толькі па паказаннях
Захворванне, выкліканае каранавіруснай інфекцыяй, у значнай частцы выпадкаў не суправаджаецца пнеўманіяй, таму рабіць камп’ютарную тамаграфію (КТ) для вызначэння наяўнасці каранавіруса ў кожным выпадку падазрэння на хваробу бессэнсоўна. Больш за тое, нават калі КТ выявіць паражэнне лёгкіх, гэта не азначае захворванне на COVID-19 – гэта можа быць грып ці іншае захворванне, як паведамілі апытаныя ТАСС урачы.
У Мсціслаўскім раёне да канца года плануюць пабудаваць самую высокую ў Беларусі ветраўстаноўку
Новая ветраэнергетычная ўстаноўка з’явіцца паблізу вёскі Асмолавічы Мсціслаўскага раёна. Пра гэта паведаміў намеснік начальніка інспекцыйна-энергетычнага аддзела Магілёўскага абласнога ўпраўлення па наглядзе за рацыянальным выкарыстаннем ПЭР Дэпартамента па энергаэфектыўнасці Дзмітрый Казакоў.
Школьнікаў Магілёўскай вобласці на канікулах сустрэлі 252 аздараўленчыя лагеры
У дзіцячых аздараўленчых лагерах Магілёўскай вобласці падчас восеньскіх канікул адпачывае больш за 6 тыс. дзяцей. Яны праводзяць час не толькі ў школах. Лагеры з дзённым знаходжаннем створаны ва ўсіх установах адукацыі. Так, у Бялынічах дзяцей сабраў аздараўленчы лагер «Тайфун» на базе шматпрофільнага цэнтра «Ветразь». У гэтым годзе ва ўстанове абралі актуальную тэматыку арганізацыі адпачынку – «Здорава здаровым быць!» – і кожную раніцу пачынаюць з хвілінкі здароўя.
Захаванне гігіены рук дазваляе знізіць рызыку інфікавання каранавірусам – эпідэміёлаг
Захаванне гігіены рук дазваляе істотна знізіць рызыку інфікавання рэспіраторнымі вірусамі, у тым ліку вірусам грыпу і каранавірусам, які выклікае COVID-19, як паведаміла загадчыца аддзялення нагляду за арганізацыямі аховы здароўя ДУ «Рэспубліканскі цэнтр гігіены, эпідэміялогіі і грамадскага здароўя» Святлана Грыгор’ева.
Міністэрства аховы здароўя пашырыла пералік краін, дзе рэгіструюцца выпадкі COVID-19
Актуалізаваны пералік краін, у якіх рэгіструюцца выпадкі інфекцыі COVID-19, як паведамілі ў прэс-службе Міністэрства аховы здароўя. У гэты пералік з 3 лістапада ўключаецца сем краін, раней выключаных з яго. Гэта Албанія, Германія, Італія, Кіпр, Сан-Марына, Манака, Латвія. Грамадзяне, якія прыехалі з гэтых краін, абавязаны знаходзіцца ў самаізаляцыі ў працягу 10 дзён з дня прыбыцця ў Беларусь. БЕЛТА
Завяршаецца праграма па замене акон у дзіцячых садках Магілёва
Усе старыя аконныя рамы ва ўсіх без выключэння дашкольных установах Магілёва павінны быць замененыя на новыя. Такую задачу паставіў год таму старшыня Магілёўскага аблвыканкама Леанід Заяц. На рэалізацыю праекта толькі ў 2020-м годзе накіравалі Br8 млн. Праект па замене састарэлых вокнаў падзялілі на 2 этапы. У межах першага абнаўленне правялі ў дзясятку ўстаноў. Асноўныя ж работы больш чым у 80 садках прыпалі на гэты год. З такой мадэрнізацыяй у большай частцы дашкольных устаноў значна скараціліся цепластраты.
Традыцыйная суботняя «прамая лінія» ў Магілёўскай вобласці 7 лістапада праводзіцца не будзе
У сувязі са святам, Днём Кастрычніцкай рэвалюцыі, прамая тэлефонная лінія ў гарвыканкамах, адміністрацыях раёнаў Магілёва і Бабруйска, а таксама ва ўсіх райвыканкамах Магілёўскай вобласці 7 лістапада праводзіцца не будзе.
У Магілёўскай вобласці за выходныя адбылося 7 пажараў, адзін скончыўся гібеллю мужчыны
У Магілёўскай вобласці за выхадныя адбылося 7 пажараў, адзін скончыўся гібеллю мужчыны. Пра гэта паведаміла старшы інспектар абласнога ўпраўлення МНС Вольга Нехарошых. Каля 23.00 30 кастрычніка ў службу МНС паступіла трывожнае паведамленне аб палаючым жылым доме ў пас. Туголіца Бабруйскага раёна. Гарэла жыллё, якое належыць 65-гадовай мясцовай жыхарцы. У верандзе на ложку без прыкмет жыцця быў знойдзены 43-гадовы сын гаспадыні. Загінулы пражываў адзін, не працаваў. Прычына пажару ўстанаўліваецца.
«БелЭмса» пашырае вытворчасць аднаразовых медыцынскіх масак
Дадатковае абсталяванне для выпуску аднаразовых трохслаёвых медыцынскіх масак закупляе ТАА «БелЭмса» ў Магілёўскім раёне. Пра гэта паведаміў намеснік дырэктара прадпрыемства Асман Учар.
Навукоўцы расказалі, колькі могуць захоўвацца антыцелы да каранавіруса
Антыцелы да каранавіруса новага тыпу могуць захоўвацца ў арганізме перахварэлага на інфекцыю да пяці месяцаў. Да такіх высноў прыйшлі спецыялісты з амерыканскага медыцынскага цэнтра Маўнт Сінай (штат Нью-Ёрк). Іх даследаванне апублікавана ў часопісе Science, як паведамляе ТАСС. Усяго ў даследаванні прыняло ўдзел больш за 30 тыс. чалавек. Удакладняецца, што антыцелы могуць захоўвацца ў арганізме на працягу пяці месяцаў, калі пацыент перанёс захворванне ў лёгкай або ўмеранай форме.
Дзіцячы кніжны фестываль стартуе ў бібліятэках Магілёва
Дзіцячы кніжны фестываль «Шостая цывілізацыя» стартуе сёння ў бібліятэках Магілёва. Пра гэта паведаміла загадчыца аддзела бібліятэчнага маркетынгу Цэнтральнай гарадской бібліятэкі імя К. Маркса Алена Шэпелева.
Каманда Магілёўскай вобласці першынствавала ў камандным заліку чэмпіянату Беларусі па кросе
Каманда Магілёўскай вобласці першынствавала ў камандным заліку чэмпіянату Беларусі па кросе, які завяршыўся ў Каробчыцах (Гродзенскі раён). Спартсмены з Прыдняпроўскага рэгіёна зарабілі 36 ачкоў, апярэдзіўшы дружыны Гродзенскай вобласці (33 ачкі) і Мінска (28). У спаборніцтвах на дыстанцыі 1,5 км у мужчын перамогу атрымаў Арцём Калачоў (Гродзенская вобласць – Мінск) – 4 хв. 11 сек. Другое месца заняў брастаўчанін Павел Небыт – 4 хв. 13 сек. Гамяльчанін Вадзім Старасценка з вынікам 4 хв. 14 сек. замкнуў тройку наймацнейшых.
Пайшла з жыцця вядучы майстар сцэны Магілёўскай абласной філармоніі Алена Мацярынка
Пайшла з жыцця вядучы майстар сцэны Магілёўскай абласной філармоніі Алена Мацярынка. Пра гэта паведамляецца на сайце ўстановы культуры.
У Магілёве на плошчы Леніна ўстанаўліваюць галоўную навагоднюю ёлку вобласці
У Магілёве на плошчы Леніна ўстанаўліваюць галоўную навагоднюю ёлку вобласці. Яе асновай традыцыйна стане металічная канструкцыя са зборных модуляў.
У Магілёўскай вобласці падвялі вынікі піянерскага фестывалю «БРПА – тэрыторыя дзяцінства»
В Могилевской области подвели итоги пионерского фестиваля «БРПО» – территория детства». Об этом корреспонденту сайта сообщила председатель Могилевского областного Совета общественного объединения «Белорусская республиканская пионерская организация» Елена Молдованова.
Магілёўскі абласны драматычны тэатр прадставіць у лістападзе вадэвіль «Бяда ад пяшчотнага сэрца»
На вялікай сцэне Магілёўскага абласнога драматычнага тэатра ў пачатку лістапада адбудзецца прэм’ера спектакля «Бяда ад пяшчотнага сэрца» – вадэвіля, акцёрскай імправізацыі на аснове п’ес Уладзіміра Салагуба і Паўла Фёдарава ў пастаноўцы рэжысёра Міхаіла Лашыцкага. Пра гэта карэспандэнту сайта паведамілі ва ўстанове культуры.
Дыстанцыйны конкурс «Бяспека-анлайн» праводзіць Магілёўскае абласное ўпраўленне МНС
Дыстанцыйны конкурс па АБЖ «Бяспека-online 2.0» запускае Магілёўскае абласное ўпраўленне МНС. Пра гэта карэспандэнту сайта паведамілі ў прэс-цэнтры ведамства. «Набліжаюцца канікулы, а значыць, вялікую частку часу школьнікі будуць праводзіць дома, прадастаўленыя самі сабе, – адзначылі арганізатары. – Для таго каб баўленне часу было карысным, інфарматыўным і бяспечным, Магілёўскае абласное ўпраўленне МНС прапануе навучэнцам праверыць свае веды па бяспецы ў дыстанцыйным конкурсе «Бяспека-online».
Творчы конкурс да 90-годдзя Уладзіміра Караткевіча праходзіць у Магілёве
Гарадскі конкурс дзіцячай і юнацкай творчасці «На пачатку дарог», прысвечаны 90-годдзю Уладзіміра Караткевіча, праходзіць у Магілёве. Пра гэта паведамілі ў аддзеле ідэалагічнай работы і па справах моладзі Магілёўскага гарвыканкама. Удзельнікамі конкурсу могуць быць дзеці і маладыя людзі ва ўзросце ад 6 гадоў да 31 года ўключна. Форма правядзення конкурсу – дыстанцыйная. Ён працягнецца да 28 лістапада, у гэты ж дзень запланавана ўзнагароджанне пераможцаў.
Аляксандр Лукашэнка падпісаў распараджэнне аб падрыхтоўцы шостага Усебеларускага народнага сходу
Прэзідэнт Беларусі Аляксандр Лукашэнка 29 кастрычніка падпісаў распараджэнне № 212рп «Аб падрыхтоўцы шостага Усебеларускага народнага сходу». Пра гэта паведамілі ў прэс-службе беларускага лідара. У адпаведнасці з дакументам створаны Рэспубліканскі арганізацыйны камітэт па падрыхтоўцы і правядзенні шостага Усебеларускага народнага сходу. Аргкамітэт узначаліць прэм’ер-міністр Раман Галоўчанка. У распараджэнні – даручэнні аблвыканкамам і Мінскаму гарвыканкаму ўтварыць тэрытарыяльныя арганізацыйныя камітэты па падрыхтоўцы і правядзенні шостага Усебеларускага народнага сходу.
Міністэрства аховы здароўя патлумачыла, хто павінен выконваць 10-дзённую самаізаляцыю пры ўездзе ў Беларусь
Міністэрства аховы здароўя ўказала, хто павінен выконваць самаізаляцыю на працягу 10 дзён пры ўездзе ў Беларусь. Адпаведнае тлумачэнне, якое тычыцца прымянення пастановы Савета Міністраў ад 13 кастрычніка 2020 года № 591, размешчана на сайце Міністэрства аховы здароўя. Правіла аб самаізаляцыі распаўсюджваецца на людзей, якія прыбылі з краін, уключаных у пералік краін, дзе рэгіструюцца выпадкі інфекцыі COVID-19 (краіны чырвонай зоны). Гэты пералік размешчаны на сайце Міністэрства аховы здароўя.
У Магілёўскай вобласці выбралі найлепшага прапагандыста
Штогод у кастрычніку ў Магілёўскай вобласці арганізуецца конкурс прафесійнага майстэрства «Найлепшы прапагандыст органаў і падраздзяленняў па надзвычайных сітуацыях Рэспублікі Беларусь». Эпідэміялагічная абстаноўка ўнесла свае карэктывы: у гэтым годзе мерапрыемства праводзілася дыстанцыйна. Як расказала карэспандэнту сайта старшы інспектар абласнога ўпраўлення МНС Вольга Нехарошых, у конкурсе прынялі ўдзел 29 работнікаў сектараў прапаганды і ўзаемадзеяння з грамадскасцю Магілёўскай вобласці.
Моладзь краіны трэніруе лідарскія якасці і арганізатарскія здольнасці ў Магілёве
Навыкі групаарыентаваных паводзінаў і міжасобасных зносін, дзелавыя і лідарскія якасці трэніруюць сакратары і намеснікі сакратароў першасных арганізацый БРСМ вышэйшых навучальных устаноў краіны ў Магілёве. На базе Беларуска-Расійскага ўніверсітэта сёння адкрыўся трохдзённы маладзёжны студэнцкі форум «За намі будучыня», перадае карэспандэнт сайта.
Жыхар Чэрыкаўскага раёна загінуў на пажары
Жыхар Чэрыкаўскага раёна загінуў на пажары. Пра гэта карэспандэнту сайта паведаміла старшы інспектар абласнога ўпраўлення МНС Вольга Нехарошых. «Позняе выяўленне пажару не пакінула шанцаў на выратаванне жыхара вёскі Баравая Чэрыкаўскага раёна, – падзялілася суразмоўніца. – Узгаранне выявілі раніцай 28 кастрычніка, калі дом ужо палаў. Пад абваленымі канструкцыямі на падлозе без прыкмет жыцця і знайшлі гаспадара. Загінулы пражываў адзін, не працаваў». Як адзначыла Вольга Нехарошых, усяго за суткі ў вобласці адбылося тры пажары.
Ігар Марзалюк: любая ўлада абавязаная навесці парадак на вуліцах і зрабіць жыццё спакойным
Любая ўлада абавязаная навесці парадак на вуліцах і зрабіць жыццё спакойным. Такое меркаванне выказаў газеце «СБ. Беларусь сегодня» старшыня Пастаяннай камісіі Палаты прадстаўнікоў па адукацыі, культуры і навуцы Ігар Марзалюк, каментуючы розную ацэнку на Захадзе пратэстных акцый у Польшчы і Беларусі і рэакцыю на іх з боку дзяржавы.
Магілёўская вершніца стала прызёрам этапу Кубка свету і міжнародных спаборніцтваў па выездцы
У польскім горадзе Загжаў прайшлі этап Кубка свету і міжнародныя спаборніцтвы па выездцы. У турніры разам са спартыўнымі парамі з Польшчы, Германіі, Расіі, Украіны, Чэхіі, Аўстрыі і Венгрыі прыняла ўдзел прадстаўніца Магілёўскага абласнога цэнтра алімпійскага рэзерву па конным спорце і сучасным пяцібор’і Вольга Сафронава на кані Сандра дэ Амур. Па выніках выступлення пара заняла 3 месца ў праграме «Вялікі прыз» і 8 месца ў праграме КЮР «Вялікага прыза». Генадзь Аляксандраў, mogilevnews.by
Магілёўскі завод «Зеніт» распрацаваў падсвятленне для мемарыяла ў Бабруйску
Магілёўскі завод «Зеніт» па заданні прадпрыемства «Гарсвятло г. Бабруйск» распрацаваў і зрабіў устаноўку падсвятлення мемарыяла ў гонар воінаў, якія загінулі пры вызваленні Бабруйска ад нямецка-фашысцкіх захопнікаў у чэрвені 1944 года, на вуліцы Мінская. Падсвечана фігура святога Георгія Пераможцы ў форме савецкага салдата. Падсвятленне зроблена святлодыёднымі фарамі ФРОС 24 01 G 2700 О1. Прататып такой фары быў распрацаваны для стварэння далёкага святла ў кар’ернай тэхніцы – яе оптыка аптымізавана для вышынь ўстаноўкі 1–4 метра, дальнасць святла – 150–170 метраў.
Кірмаш «Залатая восень» пройдзе ў Бабруйску 31 кастрычніка
Сельскагаспадарчы кірмаш «Залатая восень» пройдзе ў Бабруйску 31 кастрычніка. Пра гэта паведамілі ў Бабруйскім гарвыканкаме. Гандаль разгорнецца на вуліцы Максіма Горкага. Пакупнікам прапануюць шырокі асартымент сельскагаспадарчай прадукцыі, у тым ліку гародніну, мясныя вырабы, рыбу, мёд. Таксама ў продажы будуць прадстаўлены саджанцы пладовых дрэў і кустоў. Кірмаш будзе працаваць з 9.00 да 15.00. БЕЛТА
Паўфінал Магілёўскай лігі КВЗ пройдзе 1 лістапада
Паўфінал Магілёўскай лігі КВЗ пройдзе 1 лістапада ў Палацы культуры вобласці. Пра гэта паведаміў дырэктар абласнога савета РМГА «Беларуская ліга КВЗ» Віталь Кудасаў. У паўфінале возьмуць удзел 9 каманд з Магілёва, Віцебска, Гомеля і горак. Сваё майстэрства маладыя людзі прадэманструюць у двух выпрабаваннях: візітная картка і конкурс аднаго нумара. Сезон паспяхова стартаваў у пачатку года, але праз эпідэміялагічную сітуацыю турнір прыйшлося перавесці ў рэжым анлайн. Гульні 1/8 і 1/4 фіналу праходзілі ў дыстанцыйным фармаце.
Статус гісторыка-культурнай каштоўнасці Беларусі прысвоены знойдзенаму ў Бабруйску шлему
Статус гісторыка-культурнай каштоўнасці Рэспублікі Беларусь 2 катэгорыі (нацыянальнае значэнне) прысвоены шлему, знойдзенаму ў Бабруйску. Такое рашэнне прынята ў кастрычніку на пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры.
Цырымонія перапахавання на вайсковых могілках Бынава Чавускага раёна адбудзецца 29 кастрычніка
У чацвер, 29 кастрычніка, на вайсковых могілках у Бынава адбудзецца цырымонія перапахавання астанкаў савецкіх воінаў, паднятых з чавускай зямлі падчас пошукавых экспедыцый. Пра гэта карэспандэнту сайта паведаміла начальнік аддзела ідэалагічнай работы і па справах моладзі Чавускага райвыканкама Ірына Анікеенка.