Абласны злёт студэнцкіх атрадаў «Маладосць у байцоўцы» адбудзецца 9 снежня ў Магілёве
Абласны злёт студэнцкіх атрадаў «Маладосць у байцоўцы» адбудзецца 9 снежня ў Магілёве. Пра гэта паведамілі ў АК ГА «БРСМ». Хлопцы і дзяўчаты прымуць удзел у майстар-класе «Моладзевае лідарства: сучасны погляд», самапрэзентацыі «Я ў атрадзе!». Таксама запланавана ўрачыстая цырымонія ўзнагароджання, падчас якой узнагароды атрымаюць найлепшыя камандзіры, камісары, байцы студэнцкіх атрадаў, штабы працоўных спраў устаноў адукацыі і наймальнікі Магілёўскай вобласці.
Аляксандр Лукашэнка прапанаваў зрабіць Усебеларускі народны сход канстытуцыйным органам. Што гэта значыць?
Прэзідэнт Беларусі Аляксандр Лукашэнка прапанаваў зрабіць Усебеларускі народны сход канстытуцыйным органам. Пра гэта кіраўнік дзяржавы заявіў сёння на сустрэчы з калектывам Стаўбцоўскай цэнтральнай раённай бальніцы. «Я так думаю (не ведаю, падтрымаеце вы ці не): Усебеларускі народны сход трэба зрабіць канстытуцыйным органам. Каб быў такі орган, які б кантраляваў галоўныя напрамкі нашага развіцця», – сказаў Аляксандр Лукашэнка.
Як упрыгожвалі елку савецкія дзеці – на навагоднюю выставу елачных цацак запрашае музей этнаграфіі Магілёва
У Музеі этнаграфіі Магілёва сёння ў 14.00 афіцыйна адкрыецца выстава антыкварнай ёлачнай цацкі часоў СССР «Яшчэ той Новы год» з прыватнай калекцыі Віцебскага калекцыянера Наталлі Кавалёвай.
Рэспубліканская акцыя «Бяспечны Новы год!» стартавала ў Магілёўскай вобласці
Рэспубліканская акцыя «Бяспечны Новы год!» пройдзе ў Магілёўскай вобласці 7–31 снежня. Галоўнай мэтай мерапрыемства стане папярэджанне надзвычайных сітуацый у пераднавагодні перыяд, як паведаміла старшы інспектар абласнога ўпраўлення МНС Вольга Нехарошыых. Акцыя будзе цікавая і пазнавальная як для падрастаючага пакалення, так і для дарослых людзей. Калі дазволіць эпідэміялагічная сітуацыя, мерапрыемства пройдзе ў 4 этапы.
Юныя спартсмены Магілёўскай вобласці заваявалі ўзнагароды на міжнародным турніры па лёгкай атлетыцы
У лёгкаатлетычным манежы Брэста прайшлі першыя буйныя спаборніцтвы зімовага сезона па лёгкай атлетыцы – міжнародны турнір памяці Героя Савецкага Саюза Дзмітрыя Карбышава. У ім прынялі ўдзел наймацнейшыя спартсмены дзвюх узроставых катэгорый: юнакі і дзяўчаты 2004–2005, а таксама 2006–2007 гадоў нараджэння з усіх рэгіёнаў Беларусі.
Як працуюць кантактныя групы па COVID-19 у Быхаўскім раёне
Адзін з напрамкаў кантактных груп па COVID-19 – сачыць за станам здароўя людзей, якія праходзяць амбулаторнае лячэнне дома. Аляксандра Сцяпанава збіраецца на выезд. Яна ўрач кантактнай групы пры Быхаўскай раённай бальніцы. Яе задача – аб’ехаць каранавірусных пацыентаў. Іх у спісе нямала. На момант здымкі ў раёне зарэгістравана 80 выпадкаў пнеўманій. Ды і пацыенты з падазронымі сімптомамі звяртаюцца пастаянна. Медыкі ўпэўнены, што захаванне элементарных правілаў прафілактыкі сапраўды здольна станоўча паўплываць на сітуацыю.
Сувеніры, пачастункі, святочны настрой – у Магілёве праходзяць калядныя кірмашы
Навагоднія кірмашы праходзяць у Магілёве. «Калядная крама» – адзін з самых буйных кірмашоў у горадзе – размясцілася на пляцоўцы ля ГЦ «Атрыум».
Дзінара Алімбекава аформіла адзін з найлепшых стартаў сезона для беларускага біятлона і гатовая да большага
Гонкі ў Кантыялахці паднялі Дзінару Алімбекаву на рэкордную пазіцыю ў заліку Кубка свету. З такім аптымізмам беларускія біятланісты сезон не пачыналі ўжо даўно.
Прамую лінію 12 снежня правядзе першы намеснік старшыні Магілёўскага аблвыканкама Анатоль Уласевіч
Прамую тэлефонную лінію 12 снежня правядзе першы намеснік старшыні Магілёўскага аблвыканкама Анатоль Васільевіч Уласевіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Моладзь Магілёва прадставіць на гарадскім этапе рэспубліканскага конкурсу «100 ідэй для Беларусі» 13 праектаў
Моладзь Магілёва прадставіць на гарадскім этапе рэспубліканскага конкурсу «100 ідэй для Беларусі» 13 праектаў. Прэзентацыя адбудзецца 8 снежня ў 11.00 на базе Магілёўскага дзяржаўнага ўніверсітэта харчавання. Пра гэта паведамілі ў ГК ГА «БРСМ».
Галоўны офіс Дзеда Мароза пачне працаваць у Магілёве 21 снежня
Галоўны офіс Дзеда Мароза пачне працаваць у Магілёве 21 снежня. Пра гэта паведамілі ў Палацы культуры вобласці. У маленькіх гасцей офіса будзе магчымасць пагутарыць з Дзедам Марозам, атрымаць навагодні падарунак. Акрамя гэтага, для дзяцей падрыхтуюць забаўляльную праграму, конкурсы і разнастайныя заданні. Тут жа будзе ўсталявана спецыяльная паштовая скрыня, куды дзеці змогуць апусціць ліст са сваімі навагоднімі жаданнямі або перадаць яго асабіста ў рукі Дзеду Марозу.
Дабрачынная акцыя «Цуды на Каляды» стартуе ў Магілёўскай вобласці сёння
Дабрачынная акцыя «Цуды на Каляды» стартуе ў Магілёўскай вобласці сёння. Пра гэта карэспандэнту сайта паведамілі ў абласным камітэце ГА «Беларускі рэспубліканскі саюз моладзі».
Гарадскі фестываль маладзёжнай творчасці праходзіць у Магілёве анлайн
Штогадовы гарадскі фестываль маладзёжнай творчасці «Усе таленты табе, мой Магілёў!» праходзіць у абласным цэнтры анлайн. Такое рашэнне арганізатары прынялі ў сувязі з эпідэміялагічнай сітуацыяй. Пра гэта паведамілі ў аддзеле ідэалагічнай работы і па справах моладзі Магілёўскага гарвыканкама.
Конкурс «Свята Каляд» праходзіць у Бабруйску
Гарадскі конкурс «Свята Каляд» праходзіць у Бабруйску. Пра гэта паведамілі ва ўстанове культуры «Цэнтр вольнага часу і творчасці г. Бабруйска».
Дзінара Алімбекава заняла чацвёртае месца на этапе КМ у Кантыялахці
Беларуская біятланістка Дзінара Алімбекава заняла чацвёртае месца ў гонцы пераследу на этапе Кубка свету ў Кантыялахці (Фінляндыя). Спартсменка дапусціла два промахі, пераадолеўшы 10 км з чатырма агнявымі рубяжамі з адставаннем ад пераможцы на 55 сек. Гэта найлепшы вынік беларускі ў асабістых гонках за ўсю кар’еру.
У Магілёўскай вобласці з 5 снежня падаражае праезд у грамадскім транспарце
У Магілёўскай вобласці з 5 снежня падаражае праезд у грамадскім транспарце. Адпаведнае рашэнне Магілёўскага аблвыканкама ад 30 лістапада 2020 года № 7-28 афіцыйна апублікавана на Нацыянальным прававым інтэрнэт-партале. Кошт праезду ў гарадскім транспарце – аўтобусах і тралейбусах – вырасце на 10 капеек да 70 капеек. Тарыф на гарадскія аўтобусныя перавозкі на экспрэсных маршрутах складзе 80 капеек за адну паездку. У прыгарадным транспарце тарыф стане вышэйшы на 1 капейку за 1 км праезду.
Магіляўчан запрашаюць прыняць удзел у акцыі «#ЗарадкадляДедаМароза»
Магілёўцаў запрашаюць прыняць удзел у акцыі «#ЗарадкадляДзедаМароза». Пра гэта паведамілі ў аддзеле спорту і турызму Магілёўскага гарвыканкама. Як расказалі суразмоўцы, для гэтага неабходна з 5 па 27 снежня зафіксаваць з дапамогай відэа ці фота сваё любімае фізічнае практыкаванне (прысяданні, аджыманні, бег, набіванне мяча і інш.) і размясціць відэаролік ці серыю фатаграфій на сваёй старонцы ў сацыяльных сетках (Instagram, VK) з хэштэгам #ЗарадкадляДзедаМароза.
Асабістыя прыёмы кіраўніцтвам Магілёўскага аблвыканкама і яго структурных падраздзяленняў часова ажыццяўляюцца па тэлефоннай сувязі
У адпаведнасці з рэкамендацыямі Міністэрства аховы здароўя Рэспублікі Беларусь і з мэтай абмежавання масавага збору людзей асабістыя прыёмы грамадзян, іх прадстаўнікоў, прадстаўнікоў юрыдычных асоб кіраўніцтвам Магілёўскага абласнога выканаўчага камітэта і яго структурных падраздзяленняў часова ажыццяўляюцца з дапамогай тэлефоннай сувязі.
З пачатку эпідэміі ў Мсціслаўскім раёне выздаравелі 548 пацыентаў з каранавірусам
Алгарытм выратавання Другая хваля пандэміі Мсціслаўскі раён зачапіла куды мацней за першую. Сёння ў цэнтральнай раённай бальніцы пацыентаў з дыягназам COVID-19 прымае інфекцыйнае аддзяленне і перапрафіляванае тэрапеўтычнае. У дзень нашага прыезду з пацверджаным дыягназам тут было 27 чалавек. Плюс – двое цяжкіх у рэанімацыі. 174 жыхары раёна – кантакты першага ўзроўню, а таксама тыя, у каго хвароба працякае ў лёгкай форме, – знаходзіліся дома пад амбулаторным наглядам.
Магіляўчан запрашаюць паўдзельнічаць у акцыі «Калядная пасылка»
У Магілёве стартавала акцыя Беларускага дзіцячага фонду «Калядная пасылка». Кожны можа купіць падарункі і пакласці іх у скрынкі, устаноўленыя ў крамах горада. Напаўняцца яны будуць да 31 снежня. У першыя дні новага года прадстаўнікі Фонду сфарміруюць калядныя падарункі для дзяцей дамоў сямейнага тыпу, якіх на Магілёўшчыне налічваецца каля паўсотні.
Леанід Заяц: у спакойнай і кіруемай краіне не можа быць праблем, якія мы не маглі б вырашыць
Прызначаючы ў красавіку 2019 года Леаніда Зайца губернатарам Магілёўскай вобласці, Прэзідэнт даручыў навесці ў рэгіёне належны парадак, надаўшы асаблівую ўвагу буйным прамысловым прадпрыемствам і забяспечыць выкананне тэхналогій у сельскай гаспадарцы.
Дырэктар «Тэхналіта» Аляксандр Бадзяка і трэнер-выкладчык па лёгкай атлетыцы Круглянскай ДЮСШ Анатоль Баландзін удастоеныя дзяржузнагарод
Прадстаўнікі розных сфер дзейнасці ўдастоены дзяржаўных узнагарод. Адпаведны ўказ падпісаў Прэзідэнт Беларусі Аляксандр Лукашэнка. Так, медалём «За працоўныя заслугі» адзначаны трэнер-выкладчык па лёгкай атлетыцы Круглянскай дзіцяча-юнацкай спартыўнай школы Анатоль Баландзін. Званне заслужанага работніка прамысловасці Беларусі прысуджана дырэктару прадпрыемства «Тэхналіт» Аляксандру Бадзяку.
Падзяка Прэзідэнта аб’яўлена прадстаўнікам розных сфер дзейнасці Магілёўскай вобласці
Кіраўнік дзяржавы Аляксандр Лукашэнка падпісаў распараджэнне аб аб’яўленні падзякі Прэзідэнта Рэспублікі Беларусь.
Навагодні паказ і прэм’еру казкі рыхтуе Магілёўскі абласны драмтэатр
Музычную казку ў 2-х дзеях па матывах рускай народнай чарадзейнай казкі «Царэўна-жаба» рыхтуе Магілёўскі абласны драмтэатр. Пра гэта паведамілі ва ўстанове культуры. Як адзначылі суразмоўцы, навагодняе прадстаўленне і прэм’ера казкі стануць выдатным падарункам для ўсёй сям’і. Спектакль будзе яркім, незвычайным, музычным і поўным ператварэнняў. Маляўнічыя дэкарацыі і касцюмы, запальныя танцы, прыгожая музыка, чароўнае святло, фантастычная відэапраекцыя і іншыя тэатральныя цуды пагрузяць гледача ў дзівосны свет казкі.
Магілёў і Уладзівасток пашыраюць супрацоўніцтва
Шэраг пагадненняў аб супрацоўніцтве быў падпісаны прадстаўнікамі Прыморскага краю і Магілёўскай вобласці ва Уладзівастоку на мінулым тыдні. Беларускую дэлегацыю ўзначаліў старшыня аблвыканкама Леанід Заяц. У яе склад таксама ўвайшлі прадстаўнікі буйных беларускіх машынабудаўнічых, будаўнічых і аграпрамысловых прадпрыемстваў. Па ключавых кірунках супрацоўніцтва прайшлі перамовы, якія завяршыліся падпісаннем двухбаковых пагадненняў.
Магілёўская мытня павялічыла пералічэнні ў рэспубліканскі бюджэт на 75%
За 11 месяцаў 2020 года Магілёўская мытня пералічыла ў рэспубліканскі бюджэт Br328 млн. Павелічэнне гэтага паказчыка на 75% у параўнанні з аналагічным перыядам мінулага года звязана з удзелам у праекце па здзяйсненні мытных аперацый у цэнтры электроннага дэкларавання на рэспубліканскім узроўні.
Пытанні гандлёва-эканамічнага супрацоўніцтва і адукацыі абмеркавалі падчас анлайн-сустрэчы прадстаўнікі Магілёўскай вобласці і правінцыі Шэньсі
Пытанні гандлёва-эканамічнага супрацоўніцтва і адукацыі абмеркавалі сёння падчас анлайн-сустрэчы прадстаўнікі Магілёўскай вобласці і кітайскай правінцыі Шэньсі. Дыялог адбыўся на пляцоўцы Магілёўскага агенцтва рэгіянальнага развіцця.
У Крычаве гучыць беларускі фольк-рок
Узорны ансамбль народнай песні «Вашчылкі» з Крычава выконвае беларускі фольк-рок. У складзе калектыву – дарослыя музыкі і юныя салісты. Толькі ў гэтым няпростым годзе ансамбль дзевяць разоў станавіўся лаўрэатам розных конкурсаў. Адметнай асаблівасцю з’яўляецца яго музычны стыль – фольк-рок, заснаваны на аўтэнтычных беларускіх песнях. У планах на будучыню – канцэрты па Беларусі і запіс паўнавартаснага альбома.
Работы па кансервацыі езуіцкага касцёла ў Мсціславе завершаць да канца гэтага года
Работы па кансервацыі езуіцкага касцёла ў Мсціславе завершаць да канца гэтага года. Выратаванне помніка барока 18 стагоддзя пачалося два гады таму.
Эдгард Запашны ўзрушаны магілёўскімі скульптурамі львоў
У Магілёве пабываў расійскі дрэсіроўшчык Эдгард Запашны. Ён упершыню ўбачыў бронзавых львоў на мосце імя Яшына праз Днепр і быў узрушаны. Нагадаем, што львоў некалькі гадоў таму стварыў магілёўскі скульптар Андрэй Вараб’ёў, а мадэллю для іх быў белы леў Джон, які працуе ў цырку братоў Запашных.