У Бабруйскім раёне сфарміраваны стралковы батальён тэрытарыяльных войскаў
У Бабруйскім раёне падчас комплекснай праверкі органаў кіравання тэрытарыяльнай абароны Магілёўскай вобласці сфарміраваны стралковы батальён тэрытарыяльных войскаў, паведамілі ў Міністэрстве абароны. Як расказалі ў ведамстве, перад прызывам ваеннаабавязаных тут адпрацавалі пытанні забеспячэння. Аператыўна падрыхтавалі месца для асабістага складу, арганізавалі гарачае харчаванне, выдалі рэчавую маёмасць, узбраенне і боепрыпасы.
Навагодні баль для адораных дзяцей пройдзе ў Бабруйску 12 снежня
Навагодні гарадскі баль для дзяцей, якія дабіліся высокіх вынікаў у вучобе, творчасці і спорце, пройдзе ў Бабруйску 12 снежня. Пра гэта паведаміла начальнік упраўлення адукацыі Бабруйскага гарвыканкама Алена Лісіца. Удзельнікамі навагодняга балю стане каля 130 дзяцей. «Усе яны –пераможцы розных алімпіяд, творчых конкурсаў і спартыўных спаборніцтваў. Павіншаваць рабят прыйдуць прадстаўнікі гарвыканкама і дэпутаты. З надыходзячымі навагоднімі і каляднымі святамі ўсіх прысутных павіншуюць Дзед Мароз і Снягурка», – расказала Алена Лісіца.
Конкурс «Свята Каляд» праходзіць у Бабруйску
Гарадскі конкурс «Свята Каляд» праходзіць у Бабруйску. Пра гэта паведамілі ва ўстанове культуры «Цэнтр вольнага часу і творчасці г. Бабруйска».
Работы па кансервацыі езуіцкага касцёла ў Мсціславе завершаць да канца гэтага года
Работы па кансервацыі езуіцкага касцёла ў Мсціславе завершаць да канца гэтага года. Выратаванне помніка барока 18 стагоддзя пачалося два гады таму.
Трактарную справу ў Бялыніцкім раёне вывучаюць нават дзяўчынкі
Старшакласнікі з Бялыніцкага аграгарадка Галоўчын вывучаюць трактарную справу. Гэтай спецыяльнасцю на працоўным навучанні захапіліся і дзяўчынкі. Працоўнае навучанне ў Галоўчынскай сярэдняй школе сёлета прапануе падлеткам асвоіць трактар. Прычым нават дзяўчынкі вырашыліся – не займацца шыццём, а сесці за руль. Школьнікі зараз вывучаюць рычагі кіравання, і пракаціцца на трактары ім яшчэ не дазволена. Але кіраванне ўжо не за гарамі.
У Касцюковічах рэалізаваны праект па дэцэнтралізаваным энергазабеспячэнні гімназіі
Касцюковічы і Дзітцэнбах (Германія) – два гарады ў розных дзяржавах, паміж якімі ўстаноўлены даўнія партнёрскія адносіны. Гарады-пабрацімы супрацоўнічаюць у розных сферах: адукацыі, ахове здароўя, спорце, культуры, турызме, экалогіі. Развіваюцца і праекты, сумесна вывучаюцца эканамічныя пытанні.
У Крычаве вяртаюць людзей да актыўнага жыцця
Прайсці рэабілітацыю і знайсці пасільную працу: штодня Крычаўскі цэнтр сацыяльнага абслугоўвання насельніцтва наведвае каля 50 чалавек. Сюды прыходзяць пенсіянеры і людзі з абмежаванымі магчымасцямі. Юлія Клімава, маладая дзяўчына, упершыню перасягнула парог дзённага аддзялення ў маі 2018 года. Прайшла рэабілітацыю, знайшла новых сяброў і пачала пісаць вершы. Цяпер часта выступае ў інклюзіўных конкурсах і фестывалях і нават марыць выдаць свой зборнік вершаў.
Рэгіянальнае ўзаемадзеянне абмяркуюць на анлайн-форуме ў Магілёўскай вобласці
Устойлівае развіццё сельскіх тэрыторый абмяркуюць на II рэгіянальным форуме «Рэгіянальнае ўзаемадзеянне для ўстойлівага развіцця мясцовай эканомікі» анлайн 23–27 лістапада. Пра гэта паведаміла спецыяліст па PR і камунікацыі праекта «Сеткавае ўзаемадзеянне для паляпшэння магчымасцяў занятасці ў сельскіх раёнах Магілёўскай вобласці» Караліна Пішчанка.
Унікальны дзіцячы сад у Бабруйску рыхтуецца да адкрыцця
Яркія альтанкі, арэлі і горкі, пясочніцы, спартыўная пляцоўка са скаладромам і бяспечным пакрыццём –тэрыторыя новых ясляў-сада №84 ужо прыцягвае погляды бабруйчан, якія праходзяць міма. І ўнутры трохпавярховага будынка работы ўвайшлі ў завяршальную стадыю. Ужо зусім хутка радасны смех юных бабруйчан загучыць у яго сценах.
У Мсціславе адкрылі нанова пабудаваную гарадскую лазню
Новенькая –невялікая, але ўтульная і сучасная –гарадская лазня адкрылася ў Мсціславе. Будынак узвялі з нуля ў рэкордна кароткія тэрміны – за восень – сіламі Клімавіцкай ПМК № 256. Грошы на будаўніцтва выдзеліў абласны бюджэт. Аб’ект для горада значны. З пытаннем, калі ім вернуць грамадскую лазню, жыхары Мсціслава не раз звярталіся ў райвыканкам. Паводле слоў прэс-сакратара старшыні Магілёўскага аблвыканкама Юрыя Пракапенкі, уздымалі яны тэму аб неабходнасці адкрыцця ў райцэнтры грамадскай лазні і на ўзроўні вобласці.
Як жыхары вёскі Галкавічы Мсціслаўскага раёна ўвекавечылі памяць продкаў
У вёсцы Галкавічы Мсціслаўскага раёна былыя жыхары ўстанавілі капліцу. Ідэя такім чынам увекавечыць памяць аб населеным пункце ўзнікла ў мсціслаўца Леаніда Галкоўскага.
У Мсціслаўскім раёне да канца года плануюць пабудаваць самую высокую ў Беларусі ветраўстаноўку
Новая ветраэнергетычная ўстаноўка з’явіцца паблізу вёскі Асмолавічы Мсціслаўскага раёна. Пра гэта паведаміў намеснік начальніка інспекцыйна-энергетычнага аддзела Магілёўскага абласнога ўпраўлення па наглядзе за рацыянальным выкарыстаннем ПЭР Дэпартамента па энергаэфектыўнасці Дзмітрый Казакоў.
Жыхар Чэрыкаўскага раёна загінуў на пажары
Жыхар Чэрыкаўскага раёна загінуў на пажары. Пра гэта карэспандэнту сайта паведаміла старшы інспектар абласнога ўпраўлення МНС Вольга Нехарошых. «Позняе выяўленне пажару не пакінула шанцаў на выратаванне жыхара вёскі Баравая Чэрыкаўскага раёна, – падзялілася суразмоўніца. – Узгаранне выявілі раніцай 28 кастрычніка, калі дом ужо палаў. Пад абваленымі канструкцыямі на падлозе без прыкмет жыцця і знайшлі гаспадара. Загінулы пражываў адзін, не працаваў». Як адзначыла Вольга Нехарошых, усяго за суткі ў вобласці адбылося тры пажары.
Цырымонія перапахавання на вайсковых могілках Бынава Чавускага раёна адбудзецца 29 кастрычніка
У чацвер, 29 кастрычніка, на вайсковых могілках у Бынава адбудзецца цырымонія перапахавання астанкаў савецкіх воінаў, паднятых з чавускай зямлі падчас пошукавых экспедыцый. Пра гэта карэспандэнту сайта паведаміла начальнік аддзела ідэалагічнай работы і па справах моладзі Чавускага райвыканкама Ірына Анікеенка.
Бальніца сястрынскага догляду ў Крычаве пераехала ў новы будынак
Бальніца сястрынскага догляду ў Крычаве пераехала ў абноўлены будынак на тэрыторыі раённай бальніцы. Гэта яшчэ адзін крок стварэння ў райцэнтры адзінага медыцынскага комплексу. Папярэдне памяшканне адрамантавалі, каб арганізаваць належныя ўмовы для пражывання адзінокіх састарэлых людзей.
Прыроднае земляробства асвойваюць у Магілёўскім раёне
Здаровую ежу з дапамогай прыроднага земляробства вырошчваюць у Магілёўскім раёне. Цэнтрам ініцыятывы стаў аграгарадок Княжыцы. «Восеньскі агарод» – такая тэма заняткаў у гуртку прыроднага земляробства «Крок за крокам». Жанчыны вучацца накрываць клубніцы на зіму аксаміткамі – і цёпла, і фітанцыды ратуюць ад шкоднікаў і хвароб. Працуе гэты карысны для агародніц гурток у аграгарадку Княжыцы, у аддзяленні дзённага знаходжання для грамадзян састарэлага ўзросту і інвалідаў Магілёўскага раённага цэнтра сацыяльнага абслугоўвання насельніцтва.
У аграгарадку Іскра Бялыніцкага раёна прайшоў урачысты пуск прыроднага газу
У аграгарадку Іскра Бялыніцкага раёна прайшоў урачысты пуск прыроднага газу. Пра гэта паведамілі ў прэс-службе ДВА «Белпалівагаз». Работнікі газавай службы за тры месяцы пабудавалі амаль 14 км газаправода, блакітнае паліва прыйшло ў аграгарадкі Іскра і Ланькова.
У вёсцы Сумарокава Магілёўскага раёна адкрылі дзіцячую спартыўную пляцоўку
Бесплатными «тренажерками» под открытым небом активно прирастают не только городские микрорайоны, но и сельские окраины. Сегодня такую торжественно открыли в деревне Сумароково.
Галоўны ветэрынарны ўрач, начальнік Бабруйскай раённай ветэрынарнай станцыі Ірына Гутырчык удастоена ордэна Маці
Ірына Гутырчык разбурае міф, што жанчына павінна выбіраць паміж сям’ёй і кар’ерай
«Дзікая ферма» працуе ў Горацкім раёне
У Горацкім раёне паспяхова працуе «Дзікая ферма». Амаль круглы год каровы шатландскай абердзін-ангускай пароды знаходзяцца пад адкрытым небам. 24 гадзіны ў суткі і 9 месяцаў у годзе гэты чорны статак жыве на пойменных лугах. Гэта месца прапіскі кароў на тры сезоны. Зімой чорную жывёлу перавядуць у суседнюю ферму. А пакуль з раніцы і да вечара пры любым надвор’і жывёлы – на свежым паветры.
Мітрапаліт Мінскі і Заслаўскі Веніямін, Патрыяршы Экзарх усяе Беларусі, 11 кастрычніка наведае Краснапольскі раён
Мітрапаліт Мінскі і Заслаўскі Веніямін, Патрыяршы Экзарх усяе Беларусі, разам з кіраўніком Магілёўскай епархіі Сафроніем, архіепіскапам Магілёўскім і Мсціслаўскім, 11 кастрычніка наведае Краснапольскі раён. У царкве свяціцеля Дзімітрыя Растоўскага вёскі Выдранка ў 9.30 адбудзецца сустрэча і Боская літургія ў гонар 115-годдзя з дня заснавання храма. Гэта сапраўды гістарычная падзея: упершыню кіраўнік Беларускай Праваслаўнай Царквы наведае Краснапольшчыну. Запрашаем усіх жадаючых прыняць удзел у святочным набажэнстве.
У Краснаполлі ўстанавілі высокаэканамічную энергакрыніцу на мясцовых відах паліва
У Краснаполлі ўстанавілі высокаэканамічную энергакрыніцу на мясцовых відах паліва. Пра гэта паведамілі ў Магілёўскім абласным упраўленні па наглядзе за рацыянальным выкарыстаннем паліўна-энергетычных рэсурсаў. У канцы верасня, пасля завяршэння рэканструкцыі кацельні Краснапольскага УВКП «Жылкамунгас» на вул. Машэрава была ўведзена ў эксплуатацыю першая з трох кацельняў са заменай катла з нізкім каэфіцыентам карыснага дзеяння і цеплавой магутнасцю 450 кВт на больш эфектыўны –з ККД 86% і цеплавой магутнасцю 800 кВт.
Беларуская сельгасакадэмія падтрымлівае высокую планку ў падрыхтоўцы студэнтаў – Юрый Мажайскі
Беларуская дзяржаўная сельскагаспадарчая акадэмія падтрымлівае вельмі высокую планку ў падрыхтоўцы студэнтаў і карыстаецца вялікай павагай як у Беларусі, так і за мяжой. Пра гэта сказаў галоўны навуковы супрацоўнік Усерасійскага навукова-даследчага інстытута гідратэхнікі і меліярацыі, выкладчык экалагічных дысцыплін у Разанскім дзяржаўным агратэхналагічным універсітэце, доктар сельскагаспадарчых навук, прафесар Юрый Мажайскі.
Інклюзіўнае свята ўраджаю пройдзе ў Клічаве 10 кастрычніка
Рэгіянальнае інклюзіўнае свята ўраджаю «Багач» пройдзе ў Клічаве 10 кастрычніка. Пра гэта паведамілі ў аддзеле ідэалагічнай работы, культуры і па справах моладзі Клічаўскага райвыканкама.
Жыхароў Быхаўскага раёна запрашаюць паўдзельнічаць у распрацоўцы лагатыпа на тэму ЗЛЖ
Жыхароў Быхаўскага раёна запрашаюць паўдзельнічаць у распрацоўцы лагатыпа на тэму ЗЛЖ. Пра гэта карэспандэнту сайта паведамілі ў раённым выканаўчым камітэце.
Акцыя «Лясная – месца воінскай славы» пройдзе ў Слаўгарадскім раёне
Духоўна-культурная акцыя «Лясная – месца вайсковай славы» пройдзе ў аграгарадку Лясная Слаўгарадскага раёна 11 кастрычніка. Пра гэта паведамілі ў Магілёўскім аблвыканкаме. Адкрые шэраг мерапрыемстваў літургія, якая пройдзе ў Свята-Петрапаўлаўскім храме-помніку. У гэты ж час пачнецца лёгкаатлетычны крос сярод моладзі і прадстаўнікоў грамадскасці. Ён пачнецца ля ўязнога знака аграгарадка Лясная і пройдзе да цэнтра населенага пункта. Пазней удзельнікі кросу ўскладуць кветкі і вянкі да брацкай магілы рускіх воінаў.
Інклюзіўная майстэрня «Рамонак» пачала працаваць у Клічаве
У Клічаве пачала працаваць майстэрня «Рамонак». Праект для людзей з абмежаванымі магчымасцямі рэалізаваны ў мясцовым аддзяленні для дзённага знаходжання інвалідаў. Пакуль на трох працоўных месцах жанчыны шыюць пасцельную бялізну, абрусы і іншы кухонны тэкстыль. Усяго ў майстэрні будзе працаваць 25 чалавек. Для іх гэтамагчымасць занятасці і заробку.
Мсціслаў адсвяткаваў Дзень горада
У Мсціславе 26 верасня прайшлі святочныя мерапрыемствы, прысвечаныя 885-годдзю заснавання горада, 77-й гадавіне вызвалення Мсціслаўшчыны ад нямецка-фашысцкіх захопнікаў і раённаму святу «Дажынкі-2020».
У Мсціславе Дзень горада і «Дажынкі» пройдуць у адзін дзень
У Мсціславе 26 верасня адсвяткуюць Дзень горада і раённыя «Дажынкі»;.
884-годдзе горада і 77-ю гадавіну вызвалення ад нямецка-фашысцкіх захопнікаў адзначыць Крычаў 30 верасня
884-годдзе горада і 77-ю гадавіну вызвалення ад нямецка-фашысцкіх захопнікаў адзначыць Крычаў 30 верасня. У гэты дзень у райцэнтры пройдзе традыцыйная Вахта памяці па месцах баявой і вайсковай славы, як паведамілі карэспандэнту сайта ў Магілёўскім абласным метадычным цэнтры народнай творчасці і культурна-асветнай працы.