Унітарнае камунальнае прадпрыемства «Магілёўскі інстытут рэгіянальных сацыяльна-палітычных даследаванняў» (МІРСПД) створана ў выніку пераўтварэння абласнога сацыялагічнага цэнтра пры Магілёўскім абласным выканаўчым камітэце ў 2001 годзе і функцыянуе як навуковы цэнтр на гасразліковай аснове.
Асноўнымі задачамі інстытута з’яўляюцца вывучэнне актуальных праблем сацыяльна-эканамічнага развіцця і грамадска-палітычнага жыцця, стан і функцыяванне грамадскай думкі, выпрацоўка на навуковай аснове рэкамендацый і прапаноў для выканаўчых і распарадчых органаў улады. За час існавання МІРСПД выканана больш за 100 навукова-даследчых праектаў для прамысловых і сельскагаспадарчых прадпрыемстваў, органаў мясцовай улады. Справаздачы па планавых тэмах даследаванняў праходзяць навуковую экспертызу і рэгіструюцца ў Беларускім рэспубліканскім інстытуце сістэмнага аналізу і інфармацыйнага забеспячэння (БелІСА).
Інстытутам праводзіцца значная навукова-метадычная работа. Па яго ініцыятыве з 1999 года ў Магілёўскім дзяржаўным універсітэце пачалася падрыхтоўка спецыялістаў у галіне сацыялогіі, для якіх МІРСПД з’яўляецца асноўнай базай праходжання практыкі.
УКП «Магілёўскі інстытут рэгіянальных сацыяльна-палітычных даследаванняў» размяшчаецца па адрасе: 212030, Рэспубліка Беларусь, г. Магілёў, вул. Першамайская, 71, к. 902, тэл.: 326904, 326868, E-mail: mirspi@mail.ru.
Структура УКП «Магілёўскі інстытут сацыяльна-палітычных даследаванняў»
Пасада |
ПІІБ |
---|---|
Дырэктар |
НОВІКАВА НАТАЛЛЯ ВІКТАРАЎНА |
Вядучы навуковы супрацоўнік |
ЛІХАЧОЎ МІКАЛАЙ ЯГОРАВІЧ |
Вядучы навуковы супрацоўнік |
ЛІХАЧОВА СВЯТЛАНА МІКАЛАЕЎНА |
Старшы навуковы супрацоўнік |
КАЛБАСАВА ІРЫНА АЛЕГАЎНА |
Навуковы супрацоўнік |
ЧУМАКОВА АНАСТАСІЯ СЯРГЕЕЎНА |