Рус Бел Eng 中文

Спорт

Спартсменамі Магілёўскай вобласці на чэмпіянатах, Кубках і першынствах свету і Еўропы за 4 гады алімпійскага цыкла 2017–2020 гадоў заваявана 409 медалёў.

У вобласці функцыянуе 54 спецыялізаваныя вучэбна-спартыўныя ўстановы і 2 вучылішчы алімпійскага рэзерву, у якіх атрымала развіццё 45 відаў спорту, у тым ліку 36 алімпійскіх.

У 2013–2020 гадах вялася актыўная праца па ўдасканаленні матэрыяльнай базы фізкультурна-спартыўнай галіны Магілёўшчыны. У межах акцыі «Родная старана – дзецям» пры падтрымцы Беларускай федэрацыі футбола пабудаваны міні-футбольныя палі ў Магілёве, Бабруйску, Быхаве, Касцюковічах і Круглым. У 2014 годзе праведзены капітальны рамонт лыжаролернай трасы, завершана будаўніцтва агароджы і пад’язной дарогі да гэтай трасы ў в. Палыкавічы Магілёўскага раёна, скончана рэканструкцыя спартыўнай залы дзяржаўнай вучэбна-спартыўнай установы «Дзіцяча-юнацкая спартыўная школа Слаўгарадскага раёна».

У 2015 годзе праведзена рэканструкцыя залы барацьбы СДЮШАР № 3 і залы цяжкай атлетыкі СДЮШАР «Спартак-2005» у Магілёве, залы барацьбы ДЮСШ № 3 і стадыёна імя Аляксандра Пракапенкі ў Бабруйску, спальнага корпуса спартыўна-аздараўленчага цэнтра «Рудзея» Магілёўскага вучылішча алімпійскага рэзерву ў в. Гарбавічы Чавускага раёна. У 2016 годзе завершана рэканструкцыя басейна і спартыўнай залы ў спартыўным комплексе ў Быхаве, адкрыта лядовая арэна ў Шклове. У 2017 годзе ўведзены ў эксплуатацыю фізкультурна-спартыўныя комплексы ў Краснаполлі і Касцюковічах. Пабудаваныя міні-футбольная пляцоўка і хакейная каробка з вулічнымі трэнажорамі ў Клічаве, комплексная спартыўная пляцоўка ў аг. Малыя Славені Шклоўскага раёна, спартыўная пляцоўка з вулічнымі трэнажорамі ў Чэрыкаве, варкаўт-пляцоўка ў Магілёўскім раёне. Завершана рэканструкцыя басейна ў Глуску.

У 2018 годзе завершана будаўніцтва фізкультурна-аздараўленчага комплексу «Жамчужына» ў г. Асіповічы. У сярэдняй школе г. Бабруйска ўведзены ў эксплуатацыю басейн, 2 трэнажорныя і 2 спартыўныя залы. Пабудаваныя пляцоўкі з вулічнымі трэнажорамі ў рабочым пасёлку Татарка Асіповіцкага раёна, у Чавусах, Касцюковічах, Магілёве, Шклове і Шклоўскім раёне; 17 плоскасных збудаванняў (хакейныя каробкі, пляцоўкі для баскетбола, валейбола, міні-футбола, тэнісны корт) у Бабруйску і Магілёве, Бабруйскім, Магілёўскім, Касцюковіцкім раёнах.

У 2019 годзе завершана будаўніцтва футбольнага манежа і праведзена рэканструкцыя «Космас-корта» ў Магілёве. У сярэдняй школе № 46 Магілёва ўведзены ў эксплуатацыю спартыўная, трэнажорная і гімнастычныя залы, плоскасныя збудаванні. Пры садзеянні Асацыяцыі «Беларуская федэрацыя футбола» пабудаваныя міні-футбольныя пляцоўкі са штучным пакрыццём у Бялынічах, Краснаполлі, Асіповічах. Пабудавана футбольнае поле ў спартыўна-аздараўленчым цэнтры «Рудзея» Магілёўскага дзяржаўнага вучылішча алімпійскага рэзерву.

Здадзены ў эксплуатацыю плоскасныя збудаванні (пляцоўкі з вулічнымі трэнажорамі, варкаўт-пляцоўкі, плоскасныя збудаванні) у Бабруйску, Магілёве, Бабруйскім, Касцюковіцкім, Магілёўскім, Асіповіцкім, Хоцімскім, Чавускім, Шклоўскім раёнах.

У 2020 годзе завершана будаўніцтва комплексу ў Чавускім раёне, басейна ў СШ 46 г. Магілёва. Праведзена рэканструкцыя стадыёнаў у Бялынічах, Асіповічах, Слаўгарадзе. Праведзены капітальны рамонт басейна ў в. Аўсянка Горацкага раёна.
Цікавасць да здаровага ладу жыцця ў насельніцтва сёння высокая. Да рэгулярных заняткаў фізічнай культурай і спортам па месцы вучобы, працы і жыхарства прываблена звыш 255 тысяч чалавек – 24,22% насельніцтва вобласці.

Ва ўсіх раёнах вобласці створаны і функцыянуюць цэнтры па месцы жыхарства, а таксама галіновыя клубы, фізкультурна-спартыўныя – на прадпрыемствах. У гарадах і раёнах вобласці пастаянна праводзяцца спартыўныя мерапрыемствы, спартакіяды, святы, фестывалі, дні здароўя, спаборніцтвы. Колькасць удзельнікаў такіх турніраў пастаянна расце.

Захаваны традыцыі спаборніцтваў сярод дзяцей і падлеткаў: «Скураны мяч», «Залатая шайба», «Белыя маланкі», «Лыжня кліча», «Снежны снайпер».

Праводзіцца вялікая колькасць спартыўных мерапрыемстваў, у тым ліку рэспубліканскі турнір па грэка-рымскай барацьбе памяці генерал-маёра танкавых войскаў Б. С. Бахарава; рэспубліканскія спаборніцтвы па дзюдо памяці Героя Савецкага Саюза А. Мельнікава; мемарыял Героя Савецкага Саюза, Героя Сацыялістычнай Працы К. П. Арлоўскага па веласпорце; адкрыты рэспубліканскі турнір па барацьбе вольнай памяці Героя Савецкага Саюза М. Ф. Каралёва; міжнародны турнір па настольным тэнісе «Мемарыял Т. Карпінскай»; рэспубліканскі турнір па спартыўнай акрабатыцы «Кінг-сюрпрыз»; міжнародны турнір па боксе памяці заслужанага трэнера Рэспублікі Беларусь Г. Рыўкіна; міждзяржаўны турнір па футболе сярод юнакоў на прызы алімпійскага чэмпіёна Сяргея Гарлуковіча; хакейны турнір «Кубак Перамогі Магілёў»; міждзяржаўны турнір па баскетболе «Інтэрбаскет» і цэлы шэраг іншых. У другім Магілёўскім Мебелаін марафоне прыняло ўдзел звыш 5 тысяч спартсменаў з усіх рэгіёнаў Беларусі, а таксама спартсмены з Літвы, Латвіі, Расіі, Украіны (першы марафон сабраў каля 3 тысяч удзельнікаў).

Статьи: