Рус Бел Eng 中文

Прамысловасць

За апошнія пяць гадоў у вобласці павялічылася вытворчасць (у натуральным выражэнні) пліт драўняна-стружкавых (у 3,8 раза), сокаў для дзіцячага харчавання (у 2,5 раза), вагонаў грузавых несамаходных (амаль у 2 разы), валокнаў хімічных (у 1,8 раза), машын для ўнясення мінеральных угнаенняў (у 1,7 раза), суцэльнамалочнай прадукцыі (у 1,5 раза), сыроў (у 1,4 раза), ліфтаў (больш чым у 1,3 раза).

З мэтай прыняцця мер аператыўнага рэгулявання па збалансаваным развіцці эканомікі рэгіёна штогод фарміруецца План мерапрыемстваў па імпартазамяшчэнні Магілёўскай вобласці (без уліку рэспубліканскіх арганізацый).

Усяго за апошнія пяць гадоў (2015–2019 гг.) вобласцю выраблена імпартазамяшчальнай прадукцыі на суму 2,6 млрд. долараў, пры гэтым вытворчасць імпартазамяшчальнай прадукцыі павялічылася з 411 млн. долараў у 2015 годзе да 630 млн. долараў у 2019 годзе.

Удзельная вага імпартазамяшчальнай прадукцыі ў аб’ёме прамысловай вытворчасці вобласці павялічылася з 21,7% у 2015 годзе да 40,1% у 2019 годзе (або на 18,4 працэнтных пункта). Доля паставак імпартазамяшчальнай прадукцыі на экспарт павялічылася з 27,6% у 2015 годзе да 52,7% у 2019 годзе (або на 25,1 працэнтных пункта).

На працягу некалькіх гадоў назіраецца станоўчая тэндэнцыя ўключэння малога і сярэдняга бізнесу ў засваенне, пашырэнне і нарошчванне вытворчых магутнасцяў па вытворчасці імпартазамяшчальнай прадукцыі. Так, калі ў 2015 годзе ў рэалізацыі рэгіянальнага плана мерапрыемстваў па імпартазамяшчэнні ўдзельнічала 24 арганізацыі малога і сярэдняга бізнесу (58,5% агульнай колькасці уключаных у план арганізацый), у 2018 годзе – 44 (65,7% адпаведна), то ўжо на 2020 год уключана 68 арганізацый (73,1%).

У разрэзе прадпрыемстваў вобласці ў напрамку выпуску імпартазамяшчальнай прадукцыі паспяхова працуюць: ААТ «Бабушкина крынка» – кіруючая кампанія холдынгу «Магілёўская малочная кампанія “Бабушкина крынка”», ЗАТ «Сервалюкс Агра», СТАА «Аазіс Груп», ЗТАА «Кронаспан ОСБ», ТАА «Кронахем», ЗПВУП «Касметычна-парфумерная фабрыка “Сонца”», ЗТАА «Дахавы завод “Тэхнаніколь”», ЗАТ «Альтымед» і іншыя.

Па выніках працы за студзень-верасень 2020 г. прадукцыі імпартазамяшчальнага характару выраблена на суму 520 млн. долараў пры гадавым заданні 664 млн. долараў, што склала 78,3% выканання гадавога задання. Арганізацыямі малога і сярэдняга бізнесу ў межах плана мерапрыемстваў за студзень–верасень 2020 г. выраблена імпартазамяшчальнай прадукцыі на суму 285,5 млн. долараў (54,9% у агульным аб’ёме вытворчасці Плана мерапрыемстваў).

Статьи: