На 100% асвоены аб’ём фінансавання рэспубліканскага бюджэту на рэалізацыю мерапрыемстваў Дзяржаўнай праграмы «Энергазберажэнне» ў Магілёўскай вобласці ў 2017 годзе.

Усяго за кошт усіх крыніц фінансавання на рэалізацыю мерапрыемстваў праграмы было накіравана 1565,3 тыс. рублёў. На замену неэфектыўных катлоў на больш эфектыўныя выкарыстана 19,9% выдзеленых сродкаў, на ўкараненне частотнарэгулюемых прывадаў і замену помпавага абсталявання – 22,7%, на замену цеплаабменнікаў на больш эфектыўныя, мадэрнізацыю цеплапунктаў – 21,6%, на цеплавую мадэрнізацыю будынкаў і збудаванняў, укараненне энергаэфектыўных асвятляльных прылад аб’ектаў сацыяльнай сферы – 31,9%, іншыя мерапрыемствы па павышэнні эфектыўнасці выкарыстання ПЭР – 3,9%.

Эканамічны эфект ад энергаэфектыўных мерапрыемстваў, што рэалізуюцца арганізацыямі вобласці, склаў каля 107 тыс. тон умоўнага паліва.

Фарміраванне на абласным узроўні пераліку выканаўцаў мерапрыемстваў Дзяржаўнай праграмы «Энергазберажэнне» на 2018 год ажыццяўляецца ў аб’ёме 1350 тыс. рублёў.