Гандаль, паслугі і антыманапольнае рэгуляванне

Паводле даных Гандлёвага рэестра Рэспублікі Беларусь па стану на 01.10.2024 г. гандлёвае абслугоўванне жыхароў Магілёўскай вобласці ажыццяўляецца праз 13766 рознічных гандлёвых аб'ектаў з гандлёвай плошчай 764,2 тыс. кв. метраў, з якіх 6221 крама, 3046 павільёнаў, 796 кіёскаў і інш. Акрамя гэтага, на тэрыторыі вобласці функцыянуе 240 аўтамагазінаў, 1338 інтэрнэт-магазінаў, а таксама 96 гандлёвых цэнтраў, 55 рынкаў.

Прадастаўленне паслуг грамадскага харчавання ажыццяўляецца праз 1635 аб'ектаў грамадскага харчавання на 79,6 тыс. месц.

Фактычная забяспечанасць насельніцтва Магілёўскай вобласці гандлёвымі плошчамі па стане на 01.10.2024 склала 843,0 кв. метраў на 1 тыс. чалавек пры нарматыве 610 кв. метраў на 1 тыс. чалавек, забяспечанасць насельніцтва месцамі ў агульнадаступных аб'ектах грамадскага харчавання склала ў цэлым па вобласці 39,4 месца на 1 тыс. чалавек.

Бытавое абслугоўванне насельніцтва, якое пражывае на тэрыторыі Магілёўскай вобласці, па стане на 01.10.2024 ажыццяўляюць 4411 суб'ектаў гаспадарання, з іх 3219 індывідуальных прадпрымальнікаў і 1192 юрыдычныя асобы, праз 3332 аб'екты, у тым ліку 68 сельскіх комплексных прыёмных пунктаў.

За студзень-верасень 2024 года аб'ём рознічнага тавараабароту гандлю праз усе каналы рэалізацыі па вобласці склаў 5 474,6 млн. рублёў, аб'ём тавараабароту грамадскага харчавання - 278,8 млн. рублёў, аб'ём аптовага тавараабароту - 3 073,9 млн. рублёў.

У мэтах стымулявання пакупальніцкай актыўнасці арганізацыямі гандлю вобласці на пастаяннай аснове праводзяцца кірмашовыя і іншыя маркетынгавыя мерапрыемствы. За студзень-верасень 2024 года на тэрыторыі вобласці арганізавана 318 кірмашовых мерапрыемстваў, а таксама праведзена 8678 акцыйных мерапрыемстваў.

Удзельная вага тавараў айчыннай вытворчасці ў аб'ёмах рознічных продажаў за студзень-верасень 2024 года склала 65,8 працэнта, у т.л. па харчовых таварах - 77,9%, па нехарчовых таварах - 48,1%.

Згодна з данымі Нацыянальнага статыстычнага камітэта Рэспублікі Беларусь індэкс спажывецкіх цэн на тавары і паслугі за студзень-верасень 2024 года (да снежня 2023 года) у Магілёўскай вобласці склаўся на ўзроўні 104,0 працэнта, у тым ліку па харчовых таварах - 104,4 працэнта, па нехарчовым таварам - 103,1%.