Рознічны тавараабарот у рэгіёне за студзень-сакавік 2018 года склаў 867,3 млн. руб. або 109,9% у супастаўных цэнах да аналагічнага перыяду 2017 года.

Рознічны тавараабарот арганізацый гандлю, на які прыйшлося 89,9% рознічнага тавараабароту вобласці, склаў 779,9 млн. руб. або 111,9% у супастаўных цэнах.

У разліку на душу насельніцтва рознічны тавараабарот за студзень-сакавік 2018 года склаў 819 руб.

Па стане на 1 красавіка 2018 гандлёвае абслугоўванне насельніцтва Магілёўскай вобласці ажыццяўлялі 12475 рознічных гандлёвых аб’ектаў з гандлёвай плошчай 666,5 тыс. кв., з іх 5550 магазінаў і 2689 павільёнаў; 1547 аб’ектаў грамадскага харчавання на 85, 6 тыс. месцаў.

Акрамя гэтага, на тэрыторыі вобласці функцыянавала 566 перасоўных сродкаў развазнога і разноснага гандлю, з якіх 246 аўтамагазінаў, а таксама 565 інтэрнэт-магазінаў, 95 гандлёвых цэнтраў, 58 рынкаў.

За 1 квартал 2018 года ў вобласці адкрыта 57 аб’ектаў гандлю з гандлёвай плошчай 10,5 тыс. кв. метраў і 21 агульнадаступны аб’ект грамадскага харчавання на 0,4 тыс. месцаў.

Забяспечанасць насельніцтва гандлёвымі плошчамі ў цэлым па вобласці складае 688,9 кв. метраў на 1000 чалавек; забяспечанасць месцамі ў агульнадаступных прадпрыемствах грамадскага харчавання на 1 тыс. жыхароў складае 38,5 месцаў.

За студзень-сакавік 2018 года аб’ём рознічнага тавараабароту гандлю праз усе каналы рэалізацыі па вобласці склаў 867,3 млн. руб., тэмп росту – 109,9% у супастаўных цэнах да аналагічнага перыяду 2017 года. Па арганізацыях гандлю афіцыйна ўлічваемай сеткі тэмп росту склаў 111,9%.

Тэмп тавараабароту грамадскага харчавання за студзень-сакавік 2018 года склаў 107,7% у супастаўных цэнах да студзеня-сакавіка 2017 года.

Аб’ём аптовага тавараабароту за студзень-сакавік 2018 г. па вобласці склаў 418,8 млн. руб. або 101,1% у супастаўных цэнах да аналагічнага перыяду 2017 года.

За студзень-сакавік 2018 года ў вобласці арганізавана 317 кірмашоў, тавараабарот склаў 610,0 тыс. рублёў. Праведзена 3313 выстаў-продажаў і распродажаў, тавараабарот – 13,3 млн. рублёў.

За 1 квартал 2018 года ў вобласці праведзена тры Адзіныя дні зніжак (дзве абласныя акцыі і адна рэспубліканская). Гэта дазволіла атрымаць дадатковы тавараабарот у памеры 4677,5 тыс. рублёў.

Доля продажу тавараў айчыннай вытворчасці ў рознічным тавараабароце вобласці за студзень-сакавік 2018 г. склала 68,9%, у тым ліку па харчовых таварах – 81,9%, па нехарчовых таварах – 48,3%.

Па дадзеных Нацыянальнага статыстычнага камітэта Рэспублікі Беларусь за студзень-сакавік 2018 года індэкс спажывецкіх цэн па Магілёўскай вобласці склаў 102,6 працэнта (сакавік 2018 г. да снежня 2017 г.) пры прагнозным параметры 102,7 працэнта.

За студзень-люты 2018 года сума чыстага прыбытку па секцыі G «Аптовы і рознічны гандаль, рамонт аўтамабіляў і матацыклаў» склала 2 499 тыс. рублёў (за аналагічны перыяд 2017 года – 3 979 тыс. рублёў).

Па стане на 1 красавіка 2018 у сферу бытавога абслугоўвання насельніцтва Магілёўскай вобласці было прыцягнута 3983 суб’екты гаспадарання (функцыянаваў 3141 аб’ект). Пераважным з’яўляецца недзяржаўны сектар эканомікі – 2922 індывідуальных прадпрымальнікаў, юрыдычных асоб – 1061. У сельскай мясцовасці на Магілёўшчыне працавала 155 комплексных прыёмных пунктаў.

За 1 квартал 2018 года, па дадзеных Рэестра бытавых паслуг у цэлым па вобласці адкрыта 75 аб’ектаў бытавога абслугоўвання. Створана больш за 130 працоўных месцаў.

Аб’ём бытавых паслуг, аказаных юрыдычнымі асобамі дзяржаўнай уласнасці і з доляй дзяржаўнай уласнасці ў статутных фондах, за студзень-люты 2018 года склаў 104,7% да ўзроўню 2017 года ў супастаўных цэнах.

У мэтах стымулявання спажывецкага попыту запланавана павелічэнне колькасці кірмашовых мерапрыемстваў, выстаў і іншых актыўных формаў продажу тавараў.

Будзе працягнута сумесная праца з вытворцамі, накіраваная на зніжэнне рознічных цэн як за кошт зніжэння адпускных коштаў арганізацыямі-вытворцамі (пастаўшчыкамі), так і гандлёвых надбавак арганізацыямі гандлю.