Рус Бел Eng 中文

Турызм

На канец 2020 года ў Магілёўскай вобласці ажыццяўлялі турыстычную дзейнасць 93 арганізацыі, паслугамі якіх скарысталася 32,5 тыс. арганізаваных турыстаў і экскурсантаў, у тым ліку 14,8 тыс.турыстаў і 17,6 тыс. экскурсантаў.

У 2020 годзе колькасць арганізаваных турыстаў і экскурсантаў – грамадзян Рэспублікі Беларусь, якія выехалі за мяжу,–склала 11,3 тыс.чалавек. У краіны ЕС арганізавана выехала 2, 7%, у краіны СНД – 5,3%, іншыя краіны свету – 92,1%.

У мінулым годзе найбольш наведвальнымі замежнымі краінамі былі Расійская Федэрацыя, Турцыя, Егіпет, Украіна, Чарнагорыя. На долю гэтых пяці краін прыходзілася 90% ад агульнай колькасці арганізаваных турыстаў і экскурсантаў – грамадзян Рэспублікі Беларусь, якія выехалі за мяжу.

Колькасць арганізаваных замежных турыстаў і экскурсантаў, якія наведалі Рэспубліку Беларусь і былі абслужаны турыстычнымі арганізацыямі Магілёўскай вобласці ў 2020 годзе, склала 2,5 тыс. чалавек. Найбольшая колькасць прыезджых замежных турыстаў і экскурсантаў даводзілася на расійскіх грамадзян (80,5%).

Сярод астатніх краін свету лідарамі па колькасці наведванняў Рэспублікі Беларусь сталі Ізраіль, Германія, Латвія.

Сярэдняя працягласць знаходжання ў Рэспубліцы Беларусьзамежных турыстаў, абслужаных турыстычнымі арганізацыямі Магілёўскай вобласці, у 2020 годзе склала 2 дні.

У 2020 годзе 18,7 тыс. грамадзян Рэспублікі Беларусь было адпраўлена турыстычнымі арганізацыямі ў туры ў межах краіны, пры гэтым аднадзённымі турыстычнымі паездкамі (экскурсіямі) скарысталася 16,2 тыс. чалавек (86,7% ад агульнай колькасці абслужаных унутры краіны турыстаў і экскурсантаў – грамадзян Рэспублікі).

У 2020 годзе ў вобласці дзейнічала 69 гасцініц і аналагічных сродкаў размяшчэння, з іх – 50 гасцініц, гасцінічных і турысцка-гасцінічных комплексаў.

Паслугамі гасцініц і аналагічных сродкаў размяшчэння скарысталася 98,2 тыс. чалавек, з іх грамадзяне Рэспублікі – 86,7%, грамадзяне з іншых дзяржаў – 13,3% (з краін СНД –10,8%).

На тэрыторыі вобласці ў 2020 годзе функцыянавалі 52 санаторна-курортныя, аздараўленчыя арганізацыі і іншыя спецыялізаваныя сродкі размяшчэння, з іх –9 санаторыяў.

У санаторна-курортных, аздараўленчых арганізацыях і іншых спецыялізаваных сродках размяшчэння ў мінулым годзе было размешчана 36,5 тыс. чалавек, замежныя грамадзяне склалі 2,5 тыс. чалавек, або 7% ад агульнай колькасці размешчаных.

Паводле даных Міністэрства па падатках і зборах Рэспублікі Беларусь, у 2020 годзе ў Магілёўскай вобласці колькасць суб’ектаў аграэкатурызму склала 245 адзінак, паслугамі якіх скарысталіся 43,1 тыс.чалавек. Грамадзяне Рэспублікі Беларусь у агульнай колькасці аграэкатурыстаў склалі 98%.

Статьи:

19.02.2020 - 09:13

Tax Free ў Беларусі