Сістэму адукацыі вобласці ўзначальвае галоўнае ўпраўленне па адукацыі Магілёўскага абласнога выканаўчага камітэта.

Арганізацыю працы і кіраванне на месцах забяспечваюць структурныя падраздзяленні Магілёўскага і Бабруйскага гарвыканкамаў, адміністрацыі раёнаў гарадоў Магілёва і Бабруйска, райвыканкамаў, якія ажыццяўляюць дзяржаўна-ўладныя паўнамоцтвы ў сферы адукацыі.

У Магілёўскай вобласці забяспечаны арганізаваны пачатак 2018/2019 навучальнага года. 1 верасня ўведзена ў эксплуатацыю сярэдняя школа на 1020 месцаў у мікрараёне «Заходні» г. Бабруйска.

Для арганізацыі падвозу навучэнцаў ва ўстановы адукацыі, якія знаходзяцца ў сельскіх населеных пунктах, ад месца жыхарства (месца знаходжання) да месца вучобы і назад у вобласці выкарыстоўваецца 237 школьных аўтобусаў.

Сетка ўстаноў адукацыі вобласці налічвае:

• 343 установы дашкольнай адукацыі (у тым ліку 1 прыватнай формы ўласнасці);
• 346 устаноў агульнай сярэдняй адукацыі (уключаючы дзве прыватныя ўстановы адукацыі, ліцэі, агульнаадукацыйныя школы-інтэрнаты, кадэцкае вучылішча, вучылішча алімпійскага рэзерву);
• 33 установы спецыяльнай адукацыі (уключаючы 10 спецыяльных і дапаможных школ, школ-інтэрнатаў, 23 цэнтры карэкцыйна-развіваючага навучання і рэабілітацыі);
• 39 устаноў дадатковай адукацыі дзяцей і моладзі (уключаючы абласны цэнтр творчасці);
• 16 устаноў прафесійна-тэхнічнай адукацыі;
• 20 устаноў сярэдняй спецыяльнай адукацыі;
• 7 устаноў вышэйшай адукацыі (у тым ліку 2 філіялы).

Акрамя таго, функцыянуе 1 дзіцячы дом, 26 сацыяльна-педагагічных цэнтраў, 53 дзіцячыя дамы сямейнага тыпу, 11 аздараўленчых устаноў, Дзяржаўная ўстанова «Магілёўскі абласны цэнтр фізічнага выхавання і спорту дзяцей і моладзі», установа адукацыі «Магілёўскі дзяржаўны абласны інстытут развіцця адукацыі».

Установы адукацыі ўкамплектаваны кадрамі ў поўным аб’ёме, да працы прыступіла 490 маладых спецыялістаў. Усяго 23 тыс. педагагічных работнікаў працуе ў сістэме адукацыі вобласці.

Гэта каманда прафесіяналаў, якія валодаюць сучаснымі інфармацыйна-камунікацыйнымі тэхналогіямі і здольныя прывіць падрастаючаму пакаленню любоў да ведаў. З пастаўленай задачай нашы педагогі спраўляюцца даволі паспяхова.

У 2018 годзе атэстаты асаблівага ўзору з узнагароджаннем залатым або сярэбраным медалём атрымала 335 выпускнікоў XI класаў, пасведчанні аб агульнай базавай адукацыі з адзнакай – 406 выпускнікоў IX класаў.

Працэнт паступлення выпускнікоў у ВНУ ў апошнія гады стабільны і складае 58-60%. Больш за тое, каб дапамагчы «заўтрашнім» выпускнікам вызначыцца з выбарам прафесіі, ва ўстановах адукацыі рэалізуецца профільнае навучанне.

На базе 53 школ адкрыты класы (групы) аграрнай накіраванасці з ахопам 261 навучэнца. Арганізавана праца па замацаванні за названымі ўстановамі адукацыі перадавых сельскагаспадарчых арганізацый. Працягнулі функцыянаваць 42 класы педагагічнай накіраванасці з кантынгентам 416 навучэнцаў.

Арганізаваны адукацыйны працэс па працоўным навучанні па праграме прафесійнай падрыхтоўкі рабочых (служачых) (2,2 тыс. навучэнцаў 10 класаў або 44%, з іх 70% – на базе ўстаноў прафесійнай адукацыі).

Развіццю творчасці і адоранасці навучэнцаў спрыяе іх удзел у алімпіядах, конкурсах, канферэнцыях. Штогод практычна кожны другі школьнік прымае ўдзел у розных этапах рэспубліканскай алімпіяды па вучэбных прадметах. Адзначаецца іх выніковы ўдзел. З 2013 па 2018 гг. прадстаўнікі вобласці заваявалі 17 медалёў рознай вартасці на міжнародных прадметных алімпіядах, у тым ліку 1 – у 2018 годзе.

Складана сабе ўявіць «педагагічную сістэму» вобласці без аднаго з яе элементаў – прафесійнай адукацыі. Сёння яна перажывае змены. Адбываецца ўзбуйненне ўстаноў сярэдняй спецыяльнай адукацыі за кошт далучэння да іх устаноў прафесійна-тэхнічнай адукацыі. Усяго ў вобласці ў 2017-2018 гадах прайшла рэарганізацыя 8 устаноў прафесійнай адукацыі.

У адпаведнасці з патрэбамі рынку ў 2018 годзе ў вобласці ўпершыню пачата падрыхтоўка па 5 рабочых прафесіях: рабочы па комплексным абслугоўванні і рамонце будынкаў і збудаванняў, дарожны рабочы, мантажнік тэхналагічнага абсталявання і звязаных з ім канструкцый, вытворца мясных паўфабрыкатаў, слесар па рамонце і абслугоўванні сістэм вентыляцыі і кандыцыянавання.

Пашыраны пералік падрыхтаваных спецыяльнасцяў і на ўзроўні сярэдняй спецыяльнай адукацыі: мантаж і эксплуатацыя электраабсталявання (вытворчая і педагагічная дзейнасць), санітарна-тэхнічнае абсталяванне будынкаў і збудаванняў (вытворчая дзейнасць).