Рус Бел Eng 中文

Свабодная эканамічная зона «Магілёў»

 

Свабодная эканамічная зона «Магілёў»

Перавагі СЭЗ «Магілёў» ацэнены такімі найбуйнейшымі сусветнымі кампаніямі, як кампанія з нямецкімі інвестыцыямі СТАА «Джакей Пластык Магілёў», расійская прамысловая група «Омск Карбон Груп» – ЗТАА «Омск Карбон Магілёў»; аўстрыйскі канцэрн «Kronospan» – ЗТАА «Кронаспан ОСБ»; літоўскі холдынг «VMG» – ЗТАА «ВМГ Індустры»; літоўскі канцэрн «SBA» – ЗТАА «Мебелаін».

 

Адміністрацыя СЭЗ «Магілёў»

112030, г. Магілёў ,вул. Ленінская, 63

Тэл.: +375 222 31 19 81

Факс: +375 222 31 15 81

E-mail: info@fezmogilev.by

Сайт: fezmogilev.by

 

Дзейнасць СЭЗ «Магілёў» і яе рэзідэнтаў уносіць значны ўклад у развіццё эканамічнага патэнцыялу Магілёўскага рэгіёна і Беларусі ў цэлым. Асноўнай задачай свабоднай эканамічнай зоны з’яўляецца прыцягненне інвестыцый у эканоміку Беларусі для стварэння сучасных высокатэхналагічных прадпрыемстваў.

Нягледзячы на тое, што ўсімі СЭЗ Рэспублікі Беларусь прапануюцца аднолькавыя эканамічныя прэферэнцыі, у СЭЗ «Магілёў» ёсць шэраг унікальных пераваг. Геаграфічнае становішча («вароты» ў Еўразійскі эканамічны саюз з насельніцтвам, якое перавышае 176 млн. чалавек, дзякуючы размяшчэнню на скрыжаванні асноўных пан’еўрапейскіх транспартных калідораў) і выдатная транспартная даступнасць, разам з шэрагам стратэгічных пераваг, абумоўленых гістарычна, і галіновымі напрамкамі прамысловасці (хімія, дрэваапрацоўка, металаапрацоўка, прыборабудаванне, машынабудаванне, вытворчасць будматэрыялаў), высокім узроўнем кваліфікацыі працоўных рэсурсаў і, што самае важнае, спрыяльным інвестыцыйным кліматам  – усё гэта дае сапраўды бязмежныя магчымасці для развіцця бізнесу.

З самага пачатку сваёй дзейнасці адміністрацыя СЭЗ «Магілёў» імкнулася да галоўнай мэты – стварэння максімальна камфортных умоў для рэалізацыі інвестыцыйных праектаў. Надаючы асаблівую ўвагу пытанням развіцця інжынерна-транспартнай інфраструктуры на сваіх участках, адміністрацыя СЭЗ «Магілёў» забяспечыла істотную эканомію часу і сродкаў інвестараў на шляху ад распрацоўкі бізнес-плана да будаўніцтва прадпрыемства і атрымання першага прыбытку.

На сённяшні дзень развітая інжынерна-транспартная інфраструра ўчасткаў СЭЗ «Магілёў» дазваляе інвестарам запускаць свае інвестыцыйныя праекты максімальна хутка і пры гэтым эканоміць да 30% выдаткаў на арганізацыю вытворчасці.

СЭЗ «Магілёў» складаецца з 12 участкаў агульнай плошчай 2 840,7 га. Плошча свабодных зямельных участкаў для новага будаўніцтва складае 513,9 га, таксама на тэрыторыі СЭЗ «Магілёў» маецца 230 тыс. кв. м. невыкарыстоўваемых вытворчых плошчаў, прыдатных для размяшчэння вытворчасцей, падрабязнае апісанне якіх прадстаўлена на старонках сайта адміністрацыі СЭЗ «Магілёў».

На сённяшні дзень участак №4 СЭЗ «Магілёў» уяўляе з сябе буйны прамысловы вузел, які развіваецца і адпавядае сучасным патрабаванням для ажыццяўлення інвестыцыйнай дзейнасці, забяспечаны інжынернай і транспартнай інфраструктурай, у якую ўваходзяць сеткі аўтадарог і чыгуначных шляхоў, усе неабходныя інжынерныя камунікацыі (сеткі тэхнічных і гаспадарча-пітных водаправодаў, сувязі, цеплазабеспячэння, электразабеспячэння, газаправода і інш.) для стварэння новых прадпрыемстваў.

Сёння СЭЗ «Магілёў» гатовая прапанаваць зямельныя ўчасткі ў Прамысловым вузле для новага будаўніцтва, якія цалкам адпавядаюць любым патрабаванням інвестара.

 

ПАТРАБАВАННІ ДА ПАТЭНЦЫЙНЫХ РЭЗІДЭНТАЎ СЭЗ «МАГІЛЁЎ»

– юрыдычныя асобы Рэспублікі Беларусь або індывідуальныя прадпрымальнікі Рэспублікі Беларусь;

– тэрытарыяльнае размяшчэнне – у межах СЭЗ;

– аб’ём інвестыцый – не менш за 1 млн. еўра на тэрмін рэалізацыі інвестыцыйнага праекта (альбо не менш за 500 тыс. еўра з тэрмінам ўкладання на працягу першых трох гадоў);

– стварэнне і развіццё экспартна арыентаваных і імпартазамяшчальных вытворчасцей, заснаваных на новых і высокіх тэхналогіях.

 

ЧАМУ СЭЗ «МАГІЛЁЎ»

– Падатковыя льготы;

– Мытныя прэферэнцыі;

– Кластары дрэваапрацоўчых, хімічных і машынабудаўнічых прадпрыемстваў, якія імкліва развіваюцца;

– Высокі ўзровень адукацыі і прафесійнай падрыхтоўкі кадраў;

– Выгаднае геаграфічнае становішча на скрыжаванні асноўных пан’еўрапейскіх транспартных калідораў;

– Вароты ў еўразійскі эканамічны саюз (ЕАЭС) з насельніцтвам, якое перавышае 176 млн. чалавек.

 

МЫТНЫЯ ПРЭФЕРЭНЦЫІ ДЛЯ РЭЗІДЭНТАЎ СЭЗ

Мытныя прэферэнцыі для рэзідэнтаў СЭЗ рэалізуюцца з дапамогай працэдуры свабоднай мытнай зоны (СМЗ). Не выплачваюцца мытныя пошліны і падаткі на тавары, змешчаныя пад працэдуру СМЗ: абсталяванне, сыравіну і камплектуючыя.

Мытныя льготы пры вывазе тавараў за межы тэрыторыі СЭЗ, на якой прымяняецца мытная працэдура СМЗ:

вызваленне ад выплаты падатку на дабаўлены кошт, які спаганяецца мытнымі органамі, пры змяшчэнні рэзідэнтамі СЭЗ пад мытную працэдуру выпуску для ўнутранага спажывання тавараў, вырабленых (атрыманых) з выкарыстаннем замежных тавараў, змешчаных пад мытную працэдуру СМЗ;

100% вызваленне ад выплаты ўвазных мытных пошлін, падаткаў (па сыравіне, змешчанай раней пад мытную працэдуру СМЗ) пры вывазе гатовай прадукцыі за межы мытнай тэрыторыі мытнага Саюза.

 

ІНШЫЯ ПРЭФЕРЭНЦЫІ ДЛЯ РЭЗІДЭНТАЎ СЭЗ

– Вызваленне ад платы за права заключэння дагавора арэнды зямельнага ўчастка, які прадастаўляецца для будаўніцтва і абслугоўвання аб’ектаў нерухомай маёмасці ў межах СЭЗ.

– Вызваленне ад абавязку ажыццяўлення кампенсацыйных пасадак і кампенсацыйных выплат кошту выдаленых, перасаджаных аб’ектаў расліннага свету пры будаўніцтве ў межах СЭЗ аб’ектаў, прадугледжаных у інвестыцыйным праекце, з правам выдалення, перасадкі аб’ектаў расліннага свету.

– Вызваленне ад выплаты дзяржаўнай пошліны за выдачу замежным грамадзянам і асобам без грамадзянства, якія прыцягваюцца рэзідэнтам СЭЗ для рэалізацыі інвестыцыйнага праекта на тэрыторыі СЭЗ, спецыяльных дазволаў на права займацца працоўнай дзейнасцю ў Рэспубліцы Беларусь.