Рус Бел Eng 中文

Краснапольскі раён

 

Утвораны 17 ліпеня 1924 года

Першапачаткова знаходзіўся ў складзе Калінінскай акругі. З 1938 года – у Магілёўскай вобласці.

 

Краснапольскі раён займае паўднёвую частку Аршанска-Магілёўскай раўніны. На ўсходзе і паўднёвым захадзе мяжуе са Слаўгарадскім, Чэрыкаўскім, Клімавіцкім і Касцюковіцкім раёнамі Магілёўскай вобласці, на поўдні – з Краснагорскім раёнам Бранскай вобласці Расійскай Федэрацыі, на паўднёвым захадзе – з Кармянскім і Чачэрскім раёнамі Гомельскай вобласці.

 

Насельніцтва: 9 тыс. 520 чалавек (на пачатак 2017 года).

 

Плошча: 122 456 га

 

На тэрыторыі раёна працякаюць рэкі: Тур’я, Ельня, Галуба, Якушоўка, Жавуніца, Покаць – прытокі ракі Сож; Палуж, Каўпіта – прытокі ракі Бесядзь. Найбольш буйным штучным вадаёмам з’яўляецца Палужскае вадасховішча (136 га).

 

Транспарт: праз раён праходзяць аўтамабільныя дарогі на Касцюковічы, Магілёў, Чэрыкаў, Чачэрск.

 

Славутасці Краснапольскага раёна

 

Адміністрацыйны цэнтр – гарадскі пасёлак Краснаполле.

 

Сайт Краснапольскага райвыканкама: http://krasnopolie.gov.by/

 

Герб гарадскога пасёлка Краснаполле і Краснапольскага раёна ўяўляе з сябе іспанскі шчыт, які перасечаны «ў пояс» у суадносінах ніжняй і верхняй часткі 1:5. Верхняя частка шчыта скошана полымепадобным дзяленнем: левая – зялёнага колеру з выявай залатога збана, правая – залатога колеру. Ніжняя частка шчыта – чырвонага колеру.

 

 

 

Сцяг гарадскога пасёлка Краснаполле і Краснапольскага раёна ўяўляе з сябе палотнішча прамавугольнай формы з суадносінамі бакоў 1:2. Верхняя частка складае 2/3 шырыні і скошана полымепадобным дзяленнем. У левай частцы верхняга поля зялёнага колеру змешчаны залаты збан, правая – залатога колеру. Ніжняя частка поля – чырвонага колеру.