RU BY EN 中文
Twitter Instagram

Круглянскі раён

 

Утвораны 17 ліпеня 1924 года

Круглянскі раён у 1931 годзе быў скасаваны, а ў 1935 годзе адноўлены. У 1951 годзе зноў скасаваны. У цяперашніх межах адноўлены ў 1966 годзе.

 

Круглянскі раён размешчаны ў паўночна-заходняй частцы Магілёўскай вобласці. Мяжуе з Бялыніцкім і Шклоўскім раёнамі Магілёўскай вобласці, Талачынскім раёнам Віцебскай вобласці і Крупскім раёнам Мінскай вобласці.

 

Насельніцтва: 13,7 тыс. чалавек (на пачатак 2020 года).

 

Плошча: 882 кв. км.

 

Па тэрыторыі раёна цякуць рэкі: Друць з прытокамі Бярозаўка, Осліўка, Каменка, Гнілка, Вабіч. Ёсць возера Яложынскае, Хотомле (у народзе называюць Святым), на мяжы са Шклоўскім раёнам ляжыць возера Безназоўнае, або Палыкаўскае. На рацэ Друць створана Цяцерынскае вадасховішча. У раёне ёсць гідралагічныя заказнікі мясцовага значэння – Шчыток, Баравуха, Забароўскае у пойме ракі Друць.

 

У раёне залягаюць карысныя выкапні: торф, жвірова-пясчаныя матэрыялы, гліна і суглінкі.

 

Транспарт: праз раён праходзяць аўтамабільныя дарогі на Магілёў, Талачын, Шклоў, Бялынічы.

 

Славутасці Круглянскага раёна

 

Адміністрацыйны цэнтр – горад Круглае.

 

Сайт Круглянскага райвыканкама: http://www.krugloe.mogilev-region.by/

 

Герб раёна: у блакітным полі «варажскага» шчыта залатая падкова канцамі ўверх, паміж канцамі залаты кавалерыйскі крыж.

 

 

 

 

Сцяг раёна ўяўляе з сябе сцяжную трансфармацыю герба, г. зн. палотнішча з суадносінамі вышыні і шырыні, як 1:2, на блакітным фоне, у цэнтры якога размяшчаецца падкова канцамі ўверх, паміж канцамі залаты кавалерыйскі крыж.