Складаны па ўмовах надвор'я сельгассезон кампенсуецца ўраджаямі — у Магілёўскай вобласці намалочана больш як 1,1 мільёна тон збожжа і рапсу, сярэдняя ўраджайнасць збожжавых складае 33,1 цэнтнера з гектара. У рэгіёне, які не абышлі бокам дажджы, аператыўнае становішча выглядае так: застаецца ўбраць каля 40 тысяч гектараў. Магілёўскі і Шклоўскі раёны ўжо намалацілі па 100 тысяч тон збожжа, да гэтай лічбы набліжаецца і Гарэцкі. Ёсць усе шанцы, што ў яго таксама будзе запаветная «сотка».
