XII міжрэгіянальнае свята-конкурс «Зялёныя святкі» пройдзе 8 чэрвеня на крыніцах «Байкава» Чавускага раёна. Мэты і задачы конкурса: адраджэнне, захоўванне і папулярызацыя самабытнай фальклорнай культуры, традыцый рэгіянальнага напрамку; выяўленне і вяртанне ў практыку разнастайных формаў асноўных відаў жанраў аўтэнтычнага фальклору сваёй мясцовасці; абмен вопытам і прапаганда народных свят рэгіёнаў вобласці; развіццё ўзаемаадносін паміж рэгіёнамі вобласці ў сферы культуры; выхаванне і далучэнне дзяцей, моладзі і падлеткаў да традыцыйнай культуры і мастацкіх рамёстваў.
У рамках свята-конкурса будуць арганізаваны: выстава, выстава-продаж прыкладнога мастацтва народных майстроў і ўмельцаў, харчовай прадукцыі; спартыўныя і дзіцячыя пляцоўкі; конкурсы рэгіянальных карагодаў, аўтэнтычных спеваў, традыцыйных пачастункаў, траецкіх лялек.
На свята запрашаюцца ўмельцы і майстры народных мастацкіх рамёстваў рэгіёнаў вобласці са сваёй выставай дэкаратыўна-прыкладнога напрамку, аматарскія калектывы аўтэнтычнага (этнаграфічнага), фальклорнага напрамку рознай узроставай групы.
Удзельнікі конкурсу могуць праявіць сябе ў наступных намінацыях: «Лепшы карагод»; «Аўтэнтычныя спевы»; «Лепшы традыцыйны пачастунак»; «Лепшая траецкая лялька».
Пачатак у 11.00.
