Старт абласной дабрачыннай акцыі «Цуды на Каляды» дадзены 6 снежня ў Магілёве. У абласным універмагу «Цэнтральны» пад навагодняй ёлкай, якую валанцёры БРСМ па традыцыі называюць «Ёлкай жаданняў», устанавілі скрынку «Добрых сэрцаў». Акцыя дапаможа выканаць навагоднія жаданні больш за 50 маленькіх жыхароў рэгіёна. Мары ў дзяцей сціплыя: канструктар, музычны планшэт, пазлы, музычны тэлефон, фарбы і інш.
