Майстры жывапісу з Беларусі, Расіі, Малдовы, Егіпта і Узбекістана прымаюць удзел у міжнародным пленэры «Вобраз Радзімы ў выяўленчым мастацтве», які праходзіць у Магілёве з 26 жніўня па 9 верасня і прымеркаваны да Года народнага адзінства. У творчым праекце ўдзельнічае 20 мастакоў. Па выніках мерапрыемства будуць вызначаны пераможцы, узнагароджанне якіх пройдзе 8 верасня ў Магілёўскім абласным мастацкім музеі імя П. В. Масленікава падчас урачыстага адкрыцця выставы ўдзельнікаў праекта. А ў лістападзе-снежні экспазіцыя будзе прадстаўлена ў Бабруйску і Мінску.