Пытанне: Ці мае права на атрыманне крэсла-каляскі з электрапрывадам інвалід II групы з прычыны агульнага захворвання?
Адказ: Падпунктам 9.4 пункта 9 Палажэння аб парадку забеспячэння грамадзян тэхнічнымі сродкамі сацыяльнай рэабілітацыі органамі па працы, занятасці і сацыяльнай абароне, зацверджанага пастановай Савета Міністраў Рэспублікі Беларусь ад 11 снежня 2007 г. № 1722 «Аб дзяржаўным рэестры (пераліку) тэхнічных сродкаў сацыяльнай рэабілітацыі і парадку забеспячэння імі асобных катэгорый грамадзян» (далей – Палажэнне), прадугледжана забеспячэнне інваліднай каляскай з электрапрывадам інвалідаў I групы.
У адпаведнасці з Палажэннем пастаноўка на ўлік, размеркаванне і забеспячэнне інвалідаў крэсламі-каляскамі, у тым ліку і з электрапрывадам, ажыццяўляецца на падставе індывідуальнай праграмы рэабілітацыі інваліда або медыцынскага заключэння ўрачэбна-кансультацыйнай камісіі дзяржаўнай арганізацыі аховы здароўя камітэтамі па працы, занятасці і сацыяльнай абароне аблвыканкамаў і Мінскага гарвыканкама.
Крэсламі-каляскамі інваліды забяспечваюцца ў парадку чарговасці, якая вызначаецца ў залежнасці ад даты падачы заявы.
Улічваючы адзначанае, інваліды II групы права на бясплатнае забеспячэнне крэслам-каляскай з электрапрывадам у адпаведнасці з названым пастановай не маюць.
