У межах рэалізацыі Комплекснага плана па падтрымцы эканомікі да 31.12.2022 устаноўлены мараторый на прымяненне кантралюючымі органамі мер адказнасці за незабеспячэнне суб'ектамі гаспадарання выкарыстання электронных накладных пры абароце тавараў, якія падлягаюць маркіроўцы і падлягаюць прасочванню (далей – мараторый).
Меры адказнасці па артыкуле 13.12 «Парушэнне парадку набыцця, захоўвання, выкарыстання ў вытворчасці, транспарціроўкі, водпуску і рэалізацыі тавараў» Кодэкса Рэспублікі Беларусь аб адміністрацыйных правапарушэннях за непрымяненне электронных накладных пры абароце тавараў, маркіраваных неабароненымі сродкамі ідэнтыфікацыі, а таксама тавараў, якія падлягаюць прасочванню, да 31.12.2022 прымяняцца не будуць.
Даведачна. Інфармацыя аб устанаўленні мараторыя даведзена да ведама рэспубліканскіх органаў дзяржаўнага кіравання і іншых арганізацый пісьмом Міністэрства па падатках і зборах ад 24.06.2022 № 8-2-10/03791.
Устанаўленне мараторыя накіравана на стварэнне спрыяльных умоў для пераходу суб'ектаў гаспадарання на выкарыстанне таварна-транспартных і таварных накладных у выглядзе электроннага дакумента.
Да 31 снежня 2022 года суб'екты гаспадарання павінны прыняць неабходныя дзеянні, каб з 1 студзеня 2023 года забяспечыць выкарыстанне электронных накладных пры абароце тавараў, якія падлягаюць маркіроўцы і (або) прасочванню.
Звяртаем увагу, што ў дачыненні да здзяйснення аперацый, звязаных з абаротам тавараў, якія падлягаюць прасочванню, пасля падключэння контрагентаў да сістэмы электроннага дакументаабароту, але не пазней за 31 снежня 2022 года, аперацыі, звязаныя з абаротам тавараў, якія падлягаюць прасочванню, здзейсненыя з 1 снежня 2021 года (даты ўвядзення прасочвання ў дачыненні да шын і пакрышак пнеўматычных гумавых новых, а таксама халадзільнікаў і маразільнікаў бытавых), падлягаюць афармленню электроннымі накладнымі.
