Парадак падрыхтоўкі суб’ектаў гаспадарання да працы на працягу АЗП вызначаны пастановай Савета Міністраў Рэспублікі Беларусь ад 14.05.2020 №286 «Аб зацвярджэнні правілаў падрыхтоўкі арганізацый да ацяпляльнага сезона, яго правядзення і завяршэння» і адносіцца да адной з найважнейшых задач іх дзейнасці. Для арганізацыі безаварыйнага праходжання АЗП распараджэннем старшыні Магілёўскага аблвыканкама створана абласная камісія па каардынацыі правядзення падрыхтоўчых і рамонтных работ, стварэння неабходных запасаў паліва на АЗП 2022/2023 года. У адпаведнасці з распрацаваным графікам рабочая група аблвыканкама ў ліпені-жніўні месяцы 2022 года правяла каля 20 маніторынгаў падрыхтоўкі суб’ектаў гаспадарання вобласці да працы ў АЗП.
Асноўны ўпор у падрыхтоўцы надаецца стварэнню запасаў паліва, гідраўлічным і тэмпературным выпрабаванням цеплавых сетак, паверцы прыбораў уліку цеплавой энергіі, прывядзенню да нарматыўных патрабаванняў стану цеплавой ізаляцыі цеплавых сетак, трубаправодаў цепланосьбіта і цеплавыкарыстоўваючага абсталявання цэнтральных і індывідуальных цеплавых пунктаў, а таксама цеплакрыніц для атрымання пашпартоў гатоўнасці да АЗП.
Так, 02.08.2022 рабочая група правяла маніторынг падрыхтоўкі да АЗП суб’ектаў гаспадарання, размешчаных у г. Бабруйску.
Усяго па горадзе па стане на дзень правядзення маніторынгу зарэгістравана ў філіяле ДУ «Дзяржаўны энергетычны і газавы нагляд» па Магілёўскай вобласці 465 пашпартоў гатоўнасці спажыўцоў з 732 шт. (63,5%) і 47 пашпартоў гатоўнасці цеплакрыніц з 65 шт. (72,3%).
У частцы падрыхтоўкі жыллёвага фонду горада Бабруйска да маючай адбыцца зімы рабочая група выбарачна наведала ІЦП жылых дамоў. Па выніках наведвання адзначана, што падрыхтоўка праводзіцца належным чынам, створаны аварыйны запас неабходных матэрыялаў і абсталявання.
Праведзена аптымізацыя схемы цеплазабеспячэння горада, у выніку якой ліквідаваны два паравадзяныя цэнтральныя цеплавыя пункты і доўгія неэфектыўныя пара- і кандэнсатаправоды да іх (па 690 м. п. у аднатрубным вылічэнні кожны) ад кацельні ААТ «Бабруйскі мясакамбінат». Жылыя дамы, раней падключаныя да ліквідуемых ЦЦП, падключаюцца да новай цеплакрыніцы, устаноўленай у цэнтры нагрузак, гадавы эканамічны эфект ад рэалізацыі мерапрыемства складзе 179,7 т. у. т. У новай кацельні праводзяцца пуска-наладачныя працы, увод у эксплуатацыю запланаваны да 31.08.2022.
