ПЫТАННЕ: Што такое базавы рахунак для выплаты пенсій і дапамог?
АДКАЗ: Згодна з Указам Прэзідэнта Рэспублікі Беларусь ад 23.09.2021 № 363 "Аб бягучым (разліковым) банкаўскім рахунку фізічнай асобы з базавымі ўмовамі абслугоўвання" (далей - Указ) базавы рахунак - гэта банкаўскі рахунак у беларускіх рублях, з уладальніка якога не спаганяецца ўзнагароджанне ( плата) за ажыццяўленне на тэрыторыі Рэспублікі Беларусь і ў нацыянальным сегменце глабальнай камп'ютарнай сеткі Інтэрнэт аперацыі, якія ўключаюцца ў базавыя ўмовы абслугоўвання.
Указ устанаўлівае права грамадзян на адкрыццё аднаго базавага рахунку ў банкаўскай сістэме. Пры гэтым абраць пэўны банк (з ліку банкаў, якія адкрываюць базавыя рахункі) можна самому. Для пенсіянераў такі выбар можа рабіцца толькі з ліку банкаў, якія заключылі дагавор аб выплаце пенсій, дапамог і іншых сацыяльных выплат.
У сувязі з уступленнем у сілу падпунктаў 1.6 і 1.7 пункта 1 Указа з 1 ліпеня 2022 г. грамадзянам, якія выказалі жаданне (пасля названай даты) атрымаць пенсію праз банк яе выплата можа ажыццяўляцца толькі на базавы рахунак.
Гэта правіла дзейнічае пры назначэнні ўсіх новых пенсій, пачынаючы з 1 ліпеня 2022 г., а таксама пры аднаўленні выплаты пенсій з гэтай даты (калі пенсіянерам не выбраны спосаб атрымання пенсій праз арганізацыю паштовай).
У перыяд з 1 ліпеня 2022 г. да 1 ліпеня 2025 г. выплата пенсій, якая ажыццяўляецца на бягучыя (разліковыя) банкаўскія рахункі, адкрытыя да 1 ліпеня 2022 г. (не базавыя), будзе прадоўжана да заканчэння тэрміну дзеяння адпаведнай заявы (3 гады) , але не больш, чым да 1 ліпеня 2025г.
Для далейшага атрымання пенсіі праз банк пенсіянеру неабходна адкрыць базавы рахунак (або перааформіць бягучы рахунак у базавы).
З 1 ліпеня 2025 г. пры адсутнасці волевыяўлення пенсіянера аб атрыманні пенсіі на базавы рахунак выплата пенсіі будзе ажыццяўляцца праз арганізацыю паштовай сувязі.
Наяўнасць у пенсіянера базавага рахунку і яго рэквізіты на бягучым этапе пацвярджаюцца даведкай, выдадзенай банкам, у якім адкрыты базавы рахунак (выдаецца без спагнання платы не пазней за банкаўскі дзень, які ідзе за днём звароту за ёй).
