Для назначэння працоўнай пенсіі па ўзросту на агульных падставах у 2022 годзе патрабуецца не менш як 18 гадоў 6 месяцаў стажу работы з выплатай абавязковых страхавых узносаў у бюджэт дзяржаўнага пазабюджэтнага фонду сацыяльнай абароны насельніцтва Рэспублікі Беларусь (г.зн. страхавога стажу). Штогод з 1 студзеня працягласць страхавога стажу павялічваецца на 6 месяцаў да дасягнення 20 гадоў да 2025 года.
Асобам, якія не маюць неабходнага страхавога стажу, можа быць назначана працоўная пенсія па ўзросту пры няпоўным страхавым стажы пры выкананні наступных умоў:
наяўнасць не менш за 10 гадоў страхавога стажу;
дасягненне ўзросту мужчынамі - 65 гадоў, жанчынамі - 60 гадоў.
Памер пенсіі складае 73 працэнты бюджэту пражытачнага мінімуму пенсіянера (далей - БПМ пенсіянера), пры гэтым за кожны поўны год страхавога стажу звыш 10 гадоў пенсія павялічваецца на 3 працэнты названай велічыні, але не больш як да 100 працэнтаў бюджэту пражытачнага мінімуму пенсіянера.
Даведачна: з 01.08.2022 БПМ пенсіянера складае 247,21 руб., памер пенсіі пры 10 гадах страхавога стажу - 180,46 руб. (73% БПМ пенсіянера), пры 15 гадах - 217,54 руб. (88% БПМ пенсіянера), пры 18 гадах - 239,79 руб. (97 працэнтаў БПМ пенсіянера).
Трэба адзначыць, што заробак, які атрымліваецца, пры назначэнні гэтага віду пенсіі не ўлічваецца.
Для вызначэння права на пенсію пры няпоўным страхавым стажы ў 10-гадовы перыяд можа быць залічаны стаж работы на тэрыторыях Расіі, Літвы, Латвіі, Эстоніі, Азербайджана, Малдовы, Чэхіі. Пры гэтым стаж павінен быць пацверджаны кампетэнтнымі органамі гэтых дзяржаў ва ўстаноўленым парадку. Памер пенсіі ў такім выпадку будзе вылічацца прапарцыйна страхавому стажу, набытаму на тэрыторыі Рэспублікі Беларусь.
Калі ёсць страхавы стаж менш за 10 гадоў, то можа быць назначана сацыяльная пенсія мужчынам у 65 гадоў, жанчынам - у 60 гадоў, памер якой складае 50 працэнтаў бюджэту пражытачнага мінімуму ў сярэднім на душу насельніцтва (з 01.08.2022 памер гэтай пенсіі - 164,25. руб.).
