Арганізацыі, якія жадаюць перайсці з 1 студзеня 2024 года на выплату адзінага падатку для вытворцаў сельскагаспадарчай прадукцыі, павінны не пазней за 1 лютага 2024 года прадставіць у падатковы орган па месцы пастаноўкі на ўлік апавяшчэнне аб пераходзе на адзіны падатак для вытворцаў сельскагаспадарчай прадукцыі па ўстаноўленай форме.
Арганізацыі - плацельшчыкі адзінага падатку для вытворцаў сельскагаспадарчай прадукцыі пры неадпаведнасці за 2023 год працэнтнай долі, вызначанай пунктам 1 артыкула 347 Падатковага кодэкса Рэспублікі Беларусь памеру, указанаму ў гэтым пункце (менш за 50 працэнтаў), абавязаны:
спыніць прымяненне адзінага падатку для вытворцаў сельскагаспадарчай прадукцыі з 1 студзеня 2024 года;
вылічыць і выплаціць адзіны падатак для вытворцаў сельскагаспадарчай прадукцыі за 2023 год па стаўцы тры (3) працэнты;
вылічыць і выплаціць зямельны падатак па ўсіх аб'ектах падаткаабкладання гэтым падаткам і арэндную плату за зямлю па ўсіх зямельных участках за 2023 год.
Вылічаныя за 2023 год адзіны падатак для вытворцаў сельскагаспадарчай прадукцыі па стаўцы тры (3) працэнты, зямельны падатак і арэндная плата за зямлю па ўсіх зямельных участках падлягаюць адлюстраванню ў адпаведных падатковых дэкларацыях (разліках), што прадстаўляюцца ў падатковыя органы не пазней за 22 студзеня 2024 года, іх выплата ажыццяўляецца таксама не пазней за 22 студзеня 2024 года.
Прэс-цэнтр інспекцыі МПЗ Рэспублікі Беларусь па Магілёўскай вобласці
