УКП «Магілёўскі гарадскі цэнтр развіцця малога прадпрымальніцтва» правядзе праект падтрымкі прадпрымальніцкай ініцыятывы моладзі «Бізнес-вакацыі».
Мерапрыемствы праекта прадстаўлены інтэрактыўнымі экскурсіямі па службах і падраздзяленнях арганізацый, гутаркамі з прафесіяналамі і майстар-класамі, тэматычнымі заняткамі па развіццю фінансавай пісьменнасці і кіраўніцкага мыслення.
Мэтавая аўдыторыя - старэйшыя школьнікі, якія жадаюць пазнаёміцца з жыццём горада знутры: працай значных вытворчасцей, дзейнасцю гарадской інфраструктуры, магчымасцямі і дасягненнямі беларускай навукі і культуры.
Партнёрамі выступаюць Магілёўскі абласны выканаўчы камітэт, ААБ Беларусбанк, Магілёўскі дзяржаўны ўніверсітэт імя А.А.Куляшова, Беларуская чыгунка, Магілёўзелянбуд, Магілёўскі дзяржаўны абласны інстытут развіцця адукацыі, Магілёўскі абласны тэатр лялек і іншыя арганізацыі.
Мерапрыемствы праекта адбудуцца ў перыяд з 3 па 6 лістапада 2025 г. (канікулярны перыяд), праграма прыкладаецца. Дадатковая інфармацыя і папярэдні запіс па тэлефонах 77-09-21, 77-08-63 і (44) 556-43-67.
