Як робіцца разлік арэнднай платы пры змене базавай арэнднай велічыні?
Згодна з пунктам 3 Палажэння аб парадку вызначэння памераў арэнднай платы пры здачы ў арэнду капітальных пабудоў (будынкаў, збудаванняў), ізаляваных памяшканняў, машына-месцаў, іх частак, зацверджанага Указам Прэзідэнта Рэспублікі Беларусь ад 29.03.2012 № 150 «Аб некаторых пытаннях арэнды і бязвыплатнага карыстання маёмасцю», арэндная плата ўносіцца ў беларускіх рублях зыходзячы з памеру базавай арэнднай велічыні, устаноўленай на дзень аплаты.
Падпунктам 2.1 пункта 2 Указа Прэзідэнта Рэспублікі Беларусь ад 29.03.2012 № 150 «Аб некаторых пытаннях арэнды і бязвыплатнага карыстання маёмасцю» прадугледжана, што памер базавай арэнднай велічыні штогод устанаўліваецца Саветам Міністраў Рэспублікі Беларусь з улікам змены індэкса спажывецкіх цэн за папярэдні год у адносінах да папярэдняга і прымяняецца з 1 красавіка года, у якім ён устаноўлены.
Такім чынам, па дагаворах арэнды капітальных пабудоў (будынкаў, збудаванняў), ізаляваных памяшканняў, машына-месцаў, іх частак, што знаходзяцца ў дзяржаўнай уласнасці, а таксама ва ўласнасці гаспадарчых таварыстваў, у статутных фондах якіх больш за 50 працэнтаў акцый (доляў) знаходзіцца ва ўласнасці Рэспублікі Беларусь і (або) яе адміністрацыйна-тэрытарыяльных адзінак:
арэндная плата за сакавік 2018 г., а таксама запазычанасць па арэнднай плаце, што выплачваецца па 31 сакавіка 2018 г., вызначаюцца зыходзячы з базавай арэнднай велічыні 15,20 рублёў;
арэндная плата, уключаючы арэндную плату за сакавік 2018 г., а таксама запазычанасць па арэнднай плаце, што выплачваецца з 1 красавіка 2018 г. і па 31 сакавіка 2019 г., вызначаюцца зыходзячы з базавай арэнднай велічыні 16,11 рублёў;
арэндная плата, выплачаная па 31 сакавіка 2018 г. па перадаплаце за перыяд з красавіка 2018 г. зыходзячы з базавай арэнднай велічыні 15,20 рублёў, з 1 красавіка 2018 г. падлягае даплаце, зыходзячы з базавай арэнднай велічыні 16,11 рублёў.
