Магілёўская мытня звяртае ўвагу замежных фізічных асоб на неабходнасць выканання парадку перадачы часова ўвезеных транспартных сродкаў для асабістага карыстання, зарэгістраваных у замежных дзяржавах.
Нагадваем, што з 1 студзеня 2018 года парадак перамяшчэння фізічнымі асобамі транспартных сродкаў для асабістага карыстання праз мытную мяжу Еўразійскага эканамічнага саюза рэгулюецца главой 37 Мытнага кодэкса Еўразійскага эканамічнага саюза. У прыватнасці, парадак перадачы часова ўвезеных аўтамабільных транспартных сродкаў для асабістага карыстання, зарэгістраваных у дзяржаве, якая не з’яўляецца членам Еўразійскага эканамічнага саюза, вызначаны артыкулам 264 Кодэкса.
ЗВЯРТАЕМ УВАГУ ЗАМЕЖНЫХ ФІЗІЧНЫХ АСОБ!
Замежная фізічная асоба мае права перадаваць часова ўвезены аўтамабільны транспартны сродак для асабістага карыстання без дазволу мытнага органа і без мытнага дэкларавання:
– іншай асобе ў мэтах тэхнічнага абслугоўвання, рамонту (за выключэннем капітальнага рамонту, мадэрнізацыі) і (або) для захоўвання;
З дазволу мытнага органа і без мытнага дэкларавання дапускаецца перадача замежнай асобай часова ўвезенага аўтамабільнага транспартнага сродку:
– іншым асобам для вывазу транспартнага сродку з мытнай тэрыторыі Еўразійскага эканамічнага саюза, калі такі вываз не можа быць ажыццёўлены дэкларантам па аб’ектыўнай прычыне;
– асобе дзяржавы-члена ЕАЭС пры ўмове забеспячэння выплаты мытных пошлін, падаткаў у памеры сумы мытных пошлін, падаткаў, якія падлягалі б выплаце пры выпуску такіх транспартных сродкаў у свабоднае абарачэнне па стаўках, устаноўленых дадаткам №2 да Пастановы Савета Еўразійскай эканамічнай камісіі ад 20.12.2017 г. № 107 «Аб асобных пытаннях, звязаных з таварамі для асабістага карыстання».
У іншых выпадках перадача замежнымі асобамі права карыстання часова ўвезеных транспартных сродкаў, зарэгістраваных у замежнай дзяржаве, утварае складнік адміністрацыйнага правапарушэння, адказнасць за якое прадугледжана часткай 2 артыкула 14.7 Кодэкса Рэспублікі Беларусь аб адміністрацыйных правапарушэннях (накладанне адміністрацыйнага штрафу на грамадзян у памеры ад пяці да пяцідзесяці базавых велічынь).
Па матэрыяле Магілёўскай мытні
