Пытанне: Маме, якая знаходзіцца ў адпачынку па доглядзе дзіцяці да дасягнення ім узросту трох гадоў, дадзены адпачынак па цяжарнасці і родах. Ці можна на перыяд знаходжання мамы ў адпачынку па цяжарнасці і родах даць іншаму члену сям’і адпачынак па доглядзе старэйшага дзіцяці да дасягнення ім узросту трох гадоў?
Адказ: часткай пятай артыкула 185 Працоўнага кодэкса Рэспублікі Беларусь (далей – ПК) вызначана, што адпачынак па доглядзе дзіцяці да дасягнення ім узросту трох гадоў перарываецца ў выпадку прадастаўлення маці дзіцяці адпачынку па цяжарнасці і родах і працягваецца пасля яго заканчэння.
Са згаданай нормы вынікае, што калі б іншай член сям’і знаходзіўся ў адпачынку па доглядзе дзіцяці да дасягнення ім узросту трох гадоў замест маці дзіцяці, то ў выпадку прадастаўлення ёй адпачынку па цяжарнасці і родах ён бы страціў гэта права да заканчэння адпачынку па цяжарнасці і родах і быў бы вымушаны на гэты перыяд прыступіць да працы.
Такім чынам, на перыяд прадастаўлення маці адпачынку па цяжарнасці і родах адпачынак па доглядзе старэйшага дзіцяці да дасягнення ім узросту трох гадоў іншаму члену сям’і не можа быць прадастаўлены.
У далейшым, зыходзячы з нормаў часткі 7 артыкула 185 ТК, пасля заканчэння адпачынку па цяжарнасці і родах, пры наяўнасці ў сям’і дваіх і больш дзяцей ва ўзросце да трох гадоў адпачынак па доглядзе дзіцяці да дасягнення ім узросту трох гадоў прадастаўляецца адной асобе.
Неабходна адзначыць, што ў адпаведнасці з нормамі пункта 52 інструкцыі аб парадку выдачы i афармлення лісткоў непрацаздольнасці і даведак аб часовай непрацаздольнасці, зацверджанай пастановай Міністэрства аховы здароўя Рэспублікі Беларусь і Міністэрства працы і сацыяльнай абароны Рэспублікі Беларусь ад 09.07.2002 № 52/97, у выпадку немагчымасці маці ў сувязі з родамі ажыццяўляць догляд дзіцяці ва ўзросце да 3 гадоў у перыяд адпачынку па цяжарнасці і родах лісток непрацаздольнасці (даведка) па доглядзе дадзенага дзіцяці выдаецца па ўказанні маці ўрачом, якіяе лечыць, іншай асобе, якая непасрэдна ажыццяўляе догляд дадзенага дзіцяці, на перыяд немагчымасці маці ажыццяўлення догляду.
